Sunday, September 28, 2008

قلم رصاص




أقلب في دفاتري القديمه فوجدت كشكول قديم
ووجدتني في إحدى صفحاته كاتبه خواطر مهداه لقلمي
نعم لقلمي :)
وقلمي يا ساده قلم رصاص عادي ..نصف ملي .. أزرق اللون
كان رفيقي دوما .. عند المذاكره .. ده لما كنت بذاكر يعني
كنت أخطط به أسفل ما أراه هام
وكانت الكتب لا تخلوا من الرسومات به على هوامشها
فهنا رسمت عين وفي الجانب الآخر رسمت عين
وفوق رسمت عين أيضا :) ..
كنت مولعه برسم العيون كنت أثق رغم صغري وقتها أن العين مرآه صاحبها
وأني أستطيع أن أعرف مكنون الإنسان من خلالها
كنت أنجح أحيانا وكثيرا ما كنت أخفق
ربما ليس لأنى أخطأت التقدير ولكن لأن هناك من يستطيع أن يتقن الخداع
المهم
نعود لقلمي :)
الذي كان ريشتي التي أرسم بها مع أخواته ذو النوعيه الشمعيه الخاصه
التي كنت أحب الرسم بها
وبالطبع كان أداتي في كتابه خواطري
الصورة فوق إحدى أعماله :)
**************

45 comments:

محمد الكومي said...

واضح انه قلم فنن فنان يعني

كل سنة و انتي طيبة بمناسبة العيد

سلوى said...

محمد الكومي

:)

إيه ده
يعني الرسم حلو؟
:)

كل سنه وانت طيب أخي وبخير وصحه أنت وكل الأسره

محمد الكومي said...

يا ستي الله يحفظك

فوجئت انك من الدقهلية ؟

منين يا سلوى؟

رفقة عمر said...

انا كمان كان عندى قلم رصاص اعتز به جدا تخيلى انا باحب الرصاص اكتر من اى نوع قلم تانى
الرسم رائع سلوى تسلم ايدك
كل سنه وانت بالف خير حبيتى
عيد سعيد عليكى وعلى الاسره اللهم امين

رئيس جمهوريه نفسى said...

كل سنة وانتى طيبة اولا
خطوط القلم واضحة ومتناسقة بجد بتنم عن موهبة لصاحبة القلم

Sherif said...

اذا فانت فنانة ؟
ترسمى بالقلم .. وبالكلمات أيضا؟

لهذا انت مرهفة الحس .. ولهذا تأسرين الجميع بمشاعرك

تحياتى لفنانة وكاتبة

آلام وآمال said...

ما شاء الله
والله خاطرة جميلة جداا
وتوجع أوي على فكرة

كل سنة وانت طيبة يا سلوى
:)

فرنسا هانم said...

كل سنه وانتى طيبه يا سلوى
انا لسه راجعه انهارده
قلت اسبقك

canary said...

خاطرة جميله وفى وقتها
يعنى كمان اتضح انك مرهفه الاحساس وكمان رسامه على ما قسم
يعنى فنانه بجد
وان كان يكفى مشاعرك الجميله

منى said...

اخيرا نزلتى حاجه من رسوماتك يا سلوى
تصدقى انى انا كمان كنت دايما برسم عيون بس دلوقتى مش اوى
بس طبعا انا مش فنانه زيك
انا اخرى بيت وبحر وشجره
بس لسه بعشق القلم الرصاص
فينا برضه شويه من يعض يا لولو
عايزه كل بوست لوحه جديده
كل سنه وانتى طيبه يا سلوى
تحياتى

مجداوية said...

السلام عليكم

كل عام وانت بألف خير وعيد سعيد أختى الحبيبة ولى عودة مرة أخرى لقراءة ما كتبتى

سلوى said...

محمد الكومي

ويحفظك أخي

وبعدين يافطه طويله وعريضه
دافعه فيها الشئ الفلاني
وبعدين لسه واخد بالك منها
من الدقهليه :)

**********************

رفقة عمر
كل سنه وانت طيبه يا رفقتي
أنا كمان بحب قلمي الرصاص
مميز جدا عندي
نورتيني :)

وفقك الله دوما

سلوى said...

رئيس جمهوريه نفسى
كل سنه وانت طيب أنت وكل الأسرة

شكرا ع الكلمات الجميله :)
أهي شخابيط :)

*********************

Sherif

لا أجد كلمات أرد بها
دوما تخجلني بتعليقك :)

سلوى said...

آلام وآمال

كل سنه وانت طيب يا محمود أنت وكل الأسره

وشكرا لكلماتك الطيبه :)

مدونه الكمبيوتر عشش فيها العنكبوت :)
جهز نفسك علشان ننظفها قريب :)

**********************
فرنسا هانم
يااااااه

كل سنه وانت طيبه أنت وكل الأسرة
نورتي من جديد
وإنت دايما سباقه بالخير :)
حفظك الله ودمتى بكل الخير عزيزتي

سلوى said...

canary
ليست أجمل من خاطرتك الأخيره
فهي رائعه

كل سنه وانت طيبه أنت وكل الأسره

*******************

منى
كل سنه وانت طيبه أنت وكل الأسره

بترسمي عيون
فين بقى ليه مش شفتها؟؟
طيب هنستنى مع كل بوست رسمه لك إنت كمان
حفظك الله ودمتى بكل الخير

سلوى said...

مجداوية
كل سنه وانت طيبه أنت وكل الأسرة
نورتي المدونه
وفي انتظارك دوما

حفظك الله ودمتى بكل الخير

romansy said...

كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات
انتى فنانه بقى
احلى فنانه بجد

تــــــــــ(حـنة)ـــــــر said...

سلوى وحشانى
انتى اول بلوج ادخله بعد غياب
كل سنه وانتى طيبه وربنا يجعل كل ايامك اعياد

تــــــــــ(حـنة)ـــــــر said...

{}{}{}{}{سـيد الأخـلاق}{}{}{}{}
تتشرف اسرة هذه المدونه بدعوة سيادتكم لحضور افتتاح المدونه فى شكلها الجديد و لكم منا جزيل الشكر
www.4islamic.blogspot.com
وتقبل الله منا ومنكم صالح الأعمال

جنّي said...

السلام عليكم ورحمة الله وبركاته

عيدكم مبارك

تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر

كل عام وأنتي منصورة يا أمتي

أخوكم
سعيد

(احمد سكر ) said...

السلام عليكم ورحمة الله وبركاته

اولا كل عام وحضرتك بخير


عيد مبارك سعيد عليكم يارب


وبخصوص ما خطاه قلمك

فهو روعه يا سيدتى

بل ابداع والله

ونتمنى نشوف حجات تايه كتير


دمتى بكل الود

عيد سعيد ان شاء الله

رحــــيـل said...

انا كمان كنت بحب ارسم عيوووووون


كل سنه وانتى طيبه

وبخير

وسعاده

يارب دايما

ghoneem said...

اهلا بيكي

كل عام وانت بخير وعيد سعيد

تقبل الله منا ومنكم

مرور للتهنئة

تحياتي

بالتوفيق.........

حاول تفتكرنى said...

القلم مجرد أداة صامتة بين أناملك

تحية لقلمك اي كان

وتحية لأناملك

قلب أبيــض said...

بسم الله الرحمن

فيديو كليب ..
تهنئة لشرفااء الوطن
بمناسبة عيد الفطر

الان على

قلب ابيض

تابعونا

°¨¨™¤¦الراقص مع الذئاب¦¤™¨¨° said...

السلام عليكم

كل سنة وانتي طيبة
انتي وقلمك

فكرتيني بقلمي الرصاص اللي كان 0.7 ملي

اموت وأعرف مين اللي سرقه ايام الكلية
اصله كان روترينج ب 10 جنيه

مش مسامحه أبداً.....روترينج وبـ 10 جنيه

قلبتي عليا الزكريات والمواجع


المهم كل سنة وانتي طيبة وتقبل الله منا ومنك صالح الأعمال

أبلة نظيرة said...

أد إيه الرسم شئ جميل جدا
أنا شخصيا بحب الموسيقى
وعندى أورج كنت ولازلت بعزف عليه وبعتز بيه جدا لأنى بعتبره صديقى ورفيق دربى وكفاحى زى مابيقولوا
كل سنة وحضرتك طيبة ، وعيد سعيد
دمتى بكل خير..تحياتى

Jana said...

باعشق الرسم بالقلم الرصاص وخصوصا الوجوه
ايه ده يا بنتى
فكرتينى لما قلتى نتشابه فى كثير
فى اجابات التاج

عيدك سعيد يا سلوى
ربنا يتقبل منك ومنا
ويثبتنا

الرسم رائع .. والكلمات رائعة ..وانتى اروع من الاتنين
ربنا يباركلك ويسعد ايامك

سلوى said...

romansy
كل سنه وانت طيب
وتقبل الله منا ومنكم

فنانه على أد الحال كده :)

شرفت بزيارتك
دمت بكل الخير

***********************
تــــــــــ(حـنة)ـــــــر said
تمرايه
الغاليه جدااااااااااااا

كل سنه وانت طيبه وبخير وسعاده
أعذرني أنا قليل تواجدي هذه الأيام
بس على بالي والله
إنت غاليه عندي جدا
ربنا يحفظك

سلوى said...

جنّي

كل سنه وانت طيب وبخير أنت وكل الأسرة

تقبل الله منا ومنكم

دمت بكل الخير أخي سعيد

*********************
احمد سكر )
كل سنه وحضرتك طيب أنت وكل الأسره

وشكرا ع التعليق الطيب
دمت بكل الخير

سلوى said...

رحــــيـل
كل سنه وانت طيبه يا ساره
أنت وكل الأسره
يارب دايما في سعاده وراحه بال

دمتى بكل الخير

******************

ghoneem
كل سنه وانت طيب أنت وكل الأسره

أسعدني مرورك وتهنئتك
دمت بكل الخير

سلوى said...

حاول تفتكرنى
حمد لله ع السلامه

كل سنه وانت طيب

وشكرا ع التعليق الطيب

دمت بكل الخير أخي

*************************

قلب أبيــض
مرحبا قلب أبيض
كل سنه وانت طيب

موناليزا said...

ايه المواهب دى وكمان فنانة
عايزة اشوف بقية اللوح

سلوى said...

الراقص مع الذئاب¦¤™¨¨°

كل سنه وانت طيب أنت وكل الأسره

قلمك اتسرق؟
أكيد كانت صعبه
لأن قيمة القلم بتكون كبيره
فيه خصوصيه
بتاعك بقى
:)
شرفت بزيارتك
دمت بكل الخير أخي

*************************
أبلة نظيرة
كل سنه وحضرتك طيبه أنت وكل الأسره

شرفت بزيارتك وأرجوا تكرارها

أنا كمان بحب الأورج والجيتار
بس مش بعرف أعزف :(

دمتى بكل الخي

سلوى said...

Jana
شفتي بقى إننا متشابهين

كل سنه وانت طيبه وبخير وسلام
أنت وكل الأسره

دمتى بكل الخير
ماتبقيش تغيبي

عصفور المدينة said...

كل عام وأنت بخير

kemet said...

السلام عليكم ورحمة الله وبركاته
شيء حلو اوي اني اكون وفية لقلمي حتي لو كان قلم رصاص عادي بس هو بيكون عادي في حد غيرك اما معاكي بجد رسم صوره حلوة واكيد كتنب كلام كتير حلو قريناه بس الكي بور اللي نقلته عنه

تحياتي لكِ ولقلمك
الي اللقاء

سلوى said...

عصفور المدينة
كل سنه وحضرتك طيب وبخير وسلام

دمت بكل الخير

سلوى said...

kemet
شرفت المدونه

وشكرا للتعليق الطيب :)

قلمي كان صديقي

دمتى بكل الخير

الطائر الحزين said...

التعليقات مغلقة على التدوينة الجديدة!!!!!!!!!!

لعله خير

===========

مع ان القلب محاط بالدماء الا انه مصدر الرحمة والحب

ولو خرج من مكانها لتحول الى دمية حتى ولو كانت من الذهب
=======

سلوى said...

الطائر الحزين

خير الحمد لله

شفت عداد الزوار بيذيد ومفيش حد بيعلق

وناس قالولي إنهم مش فاهمينه

فقلت أقفل التعليقات
وفتحتها بعد تعليقك
وقلت ما أهو في ناس عارفه وفاهمه أهو
أمال غيه بقى :)

شكرا أخي الكريم
شكرا بجد

عاشق الورد said...

سلام عليكم
اخت سلوى
انا فى مره شوفت فيلم اجنبى
بس كان وحش به ثلاث عيون
ممكن يكون انتى اللى عملتيه
:)
وبعدين العين الحاجه الوحيده اللى بتحددى ان صاحبها تعبان ولا لا
غير ده مش شرك انك تحكمى على حد من خلال عينه

سلوى said...

عاشق الورد

لا لا مش أنا اللي عملت الفيلم

مش هو وحش

يبقى مش أنا
:)

العين كانت بالمسبه لي شئ مهم جدا في الإنسان

سعيده بتواجدك
دمت بكل الخير

عاشق الورد said...

دامت عليكى العافيه يارب
بس تعرفى اكتر حاجه بتضايقنى من العين ايه
اما بيكون الواحد بيحب حد
بيظهر فى عنيه ساعه ما بيشوفه
يعنى بالمنى البلدى بتفضحه
:)

Anonymous said...
This comment has been removed by a blog administrator.