Monday, September 15, 2008

صور


رحله بحريه
قبل بدايه رمضان بأيام قليله ذهبت في رحله عائليه أخويه تدوينيه :) إلى مصيف جمصه
من أسرة التدوين كانت موجود العزيزه منى أحاسيس
ذهبنا عصرا .. كان البحر وهمي فأنا أحب البحر جدااااااااااااااا
ولا أمل منه أو من النظر إليه
المهم كان في تفاصيل كتييييير بس أكتر شئ حبيت أكتب عنه هو الصخور
سمعت عن الصخور وتعجبت لأني لم أرها قبل ذلك
ولكن قلت يمكن الرمال طرحت صخور خاصه وأني لم أذهب منذ فترة لهذا المصيف
المهم قررنا أن نتمشى حتى نصل لتلك الصخور ونلتقط كام صورة بجوارها
( على أساس إننا في شرم وكده :) )
مشينا كتير فوق أمواج البحر .. وكنت بقول لمنى ياترى كام مدون ومدونه وسط كل الناس دي
أنا هقول يا جماعه دي منى أحاسيس شفيهم هيعملوا إيه
:)
المهم وصلنا للصخور...محاطه بأسلاك .. تمتد على الرمال حتى تلتقي بمياه البحر
صخور سوداء أحجامها كبيره وارتفاعها ليس كبير حوالي متر أو أكثر بقليل
يجلس فوقها شاب لا يخرج الصفاره من فمه ( لا ليس من فرق الإنقاذ :)
والسؤال الآن لماذا هذه الصخور ؟؟ ولماذا تقسم الشاطئ إلى جزئين ؟؟
الصخور تفصل منطقه خاصه بفندق القوات المسلحه عن باقي الشاطئ
والشاب وظيفته أن لا يسمح بأي تجاوز أو بأي تواجد للناس العاديه داخل تلك المنطقه
ممنوع المروووووووووور للمنطقه الأخرى
كان يحزنني أنا أرى الأطفال تلهو بين الأمواج ..والأمواج تحملها مرة يمينا ومرة يسار
ومرة خلف المنطقه المحظورة .. فيسارع الشاب بصفارته منبها .. لسان حاله يقول دخلتم منطقه محظورة
شويه شويه كان هيطلع الرشاش
كمان كان في أولاد تاهوا من أهلهم .. الأم تسير لا ترى أمامها تبكي وتسأل عن ابنها
ودون أن تدرك تكاد تخترق المنطقه المحظورة .. فيسارع الشاب بصفارته .. ممنوع
وما أثار دهشتي وفاجأني حقا هو عندما ألقيت بنظري خلف الصخور لأري عائلات العاملين بالقوات المسلحه
تخيلوا .. ناس عاديه .. لهم 2 إيد و2 رجل وتخيلوا لهم نفس الرأس وما بها من حواس
طيب ليه الفاصل ده ؟
حمايه مثلا ؟

طيب على كده بقى .. هذه العائلات تسيرفي الشارع تحت حراسه خاصه
مش عارفه بصراحه إيه السبب في أن يقسم الشاطئ هكذا
جلسنا جميعا فوق الصخور وشاهدنا الغروب وقمنا بالتقاط الصور
لتشهد على هذا الزمن
***************************
صورة مفرحه
ما يفعله المدونين من خير
زيارات للمستشفيات ودور المسنين ودور الأيتام وغيرها
بجد صورة مشرفه ومفرحه
ياريت تطبق في كل مكان .. لأن كل مكان فيه من يحتاج ليد العون
ليس شرط أن تسافر محافظه أخرى لتقوم بعمل الخير
ابحث في بلدك عن دور الأيتام والمسنين والمستشفيات
شفهم محتاجين إيه
إجتمع مع أصدقاءك وأهلك ومعارفك
كل واحد يقدم ما يستطيع
واذهبوا في زيارة لهم هتفرق كتير مهاك ومعاهم

بالنسبه للدقهلاويه بلدياتي :)
تابعوا هنا .. حاجات جميله فعلا
و
و
هنـــــــــا

كل سنه وأنتم بخير وصحه وسلام

28 comments:

Mo3Az said...

:)
والله مش عارف اقول ايه اعلق بيه على الوضع اللى احنا فيه دا
بس الشىء من مأتاه لا يستغرب

ربنا يجزيكم خير
ويجعله فى ميزان الحسنات
نسال الله العون

وعذرا عن الانقطاع فى زيارة المندونة مؤخرا
كل عام وانتم الى الله اقرب

الطائر الحزين said...

انهم يقسمون رحمة ربك

جزاك الله خيرا

عاليا حليم said...

كل سنة و زنت طيب يا جميل و يعود عليك بالخير يا رب
يا بختكوا يا ستي ناس ليها بحر و ناس ليها حر
:)

Sherif said...

سلوى العزيزة

لاتضايقى نفسك كثيرا .. على فكرة هذا الشواطئ الخاصة ليست كماتظنين .. هذه العائلات فعلا تحتاج الى اهتمام ..لأن عائلها بعيد دائما .. لكنك لو دققتى ستجدين ان هذه الرعاية متواضعة جدا اكثرمما تتخيلى

هو احساس بالخصوصية .. لكنه ينقصه الكثير بشكل يصعب على اى واحد

الخير فى كل مكان .. لمن يريد وينوى

تحياتى لك .. وارجو ان تكتبى كثيرا .. فمدونتك وشخصيتك تذوب رقة وعذوبة

نهر الحب said...

والله هحاول اجى بس مش اكيد عشان ماما زعلانةلانى اتاخرت فى القاهرة
يس والله هحاول

رفقة عمر said...

عارفه سلوى من اجمل الاشياء وافضل علاج للاكتئاب عمل الخير انك تحسى انك بتتدخلى السرور على قلب محتاج
انك تشوفى ان فيه ناس بتعانى اكتر منك
وقتها ممكن كل الامك واحزانك بتخف وتقل
اللهم تقبل منا انك انت السميع العليم

القعقاع said...

أولاً " رحلة سعيدة
أنا كنت لسه هنا فى نفس المكان قبل رمضان بأسبوع
وتكرر معنا نفس المشهد
بس مفيش مشكله
هما إلى سجنين نفسهم
إحنا لينا البحر كله

بارك الله فيكم

منى said...

يادى التسيييح
كويس انك مقلتيش باقى التفاصيل
هههههههههه
ب والله كانوا كام ساعه يجننوا
بقى يا ست سلوى تنزلى لينكات 3 توبيكس وتنسى بتاعى رغم انه اول واحد؟؟؟
سماح عشان خاطر نوجا متشمتش فينا
سلام

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

مصري بالغربة said...

طيب واللي مش بلدياتك

يعني مش دقهلاوي

اسكندراني مثلا

يروح اي لينك

ولا يعمل ايه بالظبط

ههههههههههههههههههههه

مع تمنياتي بالتوفيق المستمرررررررررر

walaa gobashy said...

كل سنة وانت بكل خير وسعادة يا قمر
فعلا وضع محزن التفرقة وتقسيم حتى الشواطئ
ولاكنها خصوصيه قد تحتاجها بعض الاسر وتعتبر حماية لهم فعلا
رفم انني ارى ان الخصوصية والحماية لا تاتي في بحر فنحن نري الجميع عزل هناك وليست حماية ان الا يختلط ابناء هؤلاء بابناء الاخرين وفي مياة فقط

انما هي وجهات نظر وطرق حماية
وربنا يحمينا يارب بره البحر وجوا البحر وبدون فاصل واسلاك
كل سنة وكل اسرتك وكل قريب لقلبك بكل خير ودائم عمل الخير
تحياتي

L.G. said...

خيانة

طيب ماشي المهم جمصة ربنا يديكم الصحة ده المشي من الرملة لحد الميه 3 كيلو بس صراحة مش فاكرة فيها صخور أصلا وتصدقي حكاية تقسيم الشاطئ دي قلة أدب من الحكومة وهذا معهود فيها

ليس للخصوصية ولا الحماية للأفضلية المعمورة برضه عملوا كده وكل سنة ياخدوا حتة لفندق البراديس وطبعا الحتة الكويسة ومعدش فيه مساحة أصلا تتمشي

وسان استيفانو العند شيراتون المنتزة واضح انهم في اسكندرية حيفتحوا المجاري للغلابة يعوموا فيها

حسبنا الله ونعم الوكيل

حتى البحر خدوه من الناس وباعوه

canary said...

وأيه فى البلد دى لكل الناس
وايه مش متقسم
كل حاجه هنا ليها سور ومضروب حواليها جدار
من أول تجمعات الاثرياء ومدنهم الجديدة
لحد المنتجعات الفاخرة
ودلوقتى بحر ربنا
ولو حد منهم سمعك بتقولى انهم ناس زيك زيهم من بتوع 2 ايد و2 رجل دى هيزعلو اوىى . يعنى بعد كل العزل والفصل اللى عاملينه بينهم وبين امثالك دة تيجى انت تقولى عادى زيهم زينا؟ ... تقبلى كل شئ غريب دلوقتى
وابقى حطى تحته يافطه أكتبى عليها لا تتعجب انها أرادة الله

جنّي said...

السلام عليكم

كيف حالك اخت سلوى ورمضان كريم

لابد من التغيير كل فترة وفترة وخاصة باماكن جميلة تسعد النفس وتجم الفؤاد
وبلاها منطقة التفريق العنصري وابحثوا عن مكان اخر حتى لا يعكر صفو اجازتكم

الشريف / جمال طة said...

نصاب الشقق التمليك بالمعادى / محافظة القاهرة
الـــــى السيد المستشار / النائب العام
الى السيد اللواء / حبيب العادلى وزير الداخلية
الى السيد اللواء / أحمد جمال الدين
مساعد وزير الداخلية مدير ادارة تنفيذ ألأحكام
الى السيد اللواء / مدير مباحث أمن الدولة
الى السيد اللواء/ مدير مباحث ألأموال العامة

مطلـــــــــوب القبــــــض
علـــــى نصاب عائلـة الزينــــى

نصاب الشقق التمليك بزهراء المعادى / بالمعادى / بمحافظة القاهرة

المهندس / ايهاب فراج محمد ابراهيم الزينى

وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 11/4 /2007 م وهـذا النصاب صادرا ضدة اكثر من سبعون حكما قضائيا

وعنوان سكنه وعنوان الشركة

شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839و النصاب يتنقل بين
مدينة 6 أكتوبر بمحافظة الجيزه

و مدينة المنصورة بمحافظة الدقهلية

ومركز بشبيش بطنطا بمحاظة الغربية

واليكم على سبيل المثال لا الحصر بعضا من القضايا المحكوم فيها على هذا النصاببالسجن وهــــى :ــ
ـقضية رقم 5124 لسنة 2007 م ثلاث سنوات جلسة 6/12/2007م
قضية رقم 4075 لسنة 2007م جلسة 3/12/2007 م
قضيه رقم 4073 لسنة 2007م جلسة 3/12/2007م
قضية رقم 28965 لسنة 2006 م جلسة 5/11/2007م
قضية رقم 32112 لسنة 2004 م جلسة 29/7/2007م
قضية رقم 13421 لسنة 2003م سنه حضورى جلسة 12/3/2005و

قضية رقم 5977 لسنة 2008حصر رقم 3316 لسنة 8002 ( ستة أشهر حبس ) بتاريخ 25/6/2008
قضية رقم 6098 لسنة 2008 حصر رقم 2906لسنة 2008 شهرين حبس بتاريخ 4/6/ 2008
قضية رقم 5978 لسنة 2008 حصر رقم 3039 لسنة 2008 / حبس 6 أشهر سجن بتاريخ 11/6/2008

قضيه رقم 6099لسنة 2008م حصر 2947لسنة 2008 ستة أشهر سجن جلسة 5/6/ 2008

قضية رقم 10030 لسنة 2008 حصر برقم 5979 لسنة 2008 سنــــــــــــــــة سجن جلسة 3/7/2008

بالاضافة الــــــى أربعة عشر حكما صدرت ضده باحكام بالحبس شهرا لسرقته التيار الكهربائى بعمارات الرقابة ألأدارية بالبساتين رقم 13 و 23



وماخفــــــــى كان أعظم

أخـــ مسلمة ـــت said...

السلام عليكم ورحمة الله وبركاته
العزيزة سلوي
أحيكي علي مدونتك الرائعة
ربنا يتقبل منك
أما عن الصخور فهي صورة مصرية مصغرة لجدار الفصل العنصري
الذي اصبح موجودا في كل مكان

ربنا يتوب علينا
آمين
تحياتي

جنّي said...

السلام عليكم


تقبل الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر

سلوى said...

Mo3Az
حمد لله ع السلامه
وكل سنه وانت طيب أنت وكل الأسره

شرفت بتواجدك
نسأل الله العون لنا جميعا
دمت بكل الخير

******************

الطائر الحزين
وجزيت كل الخير
ودمت بكل الخير أيها الطائر السعيد

سلوى said...

عاليا حليم
كل سنه وأنت طيبه وبخير وسلام أنت وكل الأسره
وبعدين فينا من النظام ده
قر وكده يعني :)

يا ستي المرة الجايه تعالي معانا :)
نورتي عليا
دمتى بحفظ الله

**********************
Sherif
شكرا ع الكلمات الجميله المشجعه :)
هو اللي يغيظ إنهم أخدوا منطقه اللسان
ما علينا :)
دوما كلماتك تنير صفحتى
دمت بكل الخير

سلوى said...

نهر الحب
ما جيتيش
ولا أنا رحت :)

أهم شئ رضا الوالدين عزيزتي
دمتى بكل الخير

************************

رفقة عمر
رفقتي العزيزه
جميله كلماتك
وجميل ما قلته ع المسنجر :)
ربنا يوفقك ويكتب لك كل الخير
ودمتى بحفظه

سلوى said...

القعقاع
النظر لنصف الكوب المملوء :)

صح هما لهم جزء صغير
ونحن لنا الشاطئ

أول زيارة لحضرتك أرجو تكرارها
دمت بكل الخير أخي
وكل عام وأنت بخير أنت وكل الأسرة

********************

منى
تسييح إيه بس
هو أنا قلت حاجه يا ست منى

بخصوص التوبكس
وجه مكسوف
مأخدتش بالي والله
ماتزعليش يا لولو :)

سلوى said...

Anonymous said...
جزيت كل الخير

******************

مصري بالغربة

يعمل زي ما قلت وقلت لحضرتك في كلام البنات

فالخير في كل مكان مش لازم تسافر علشان تعمله
ابحث حولك ستجد من يحتاج إليك

سلوى said...

walaa gobashy
فعلا ربنا يحمينا بره وجوه

سعيده بمرورك ولاء
كل سنه وانت طيبه وبخير أنت وكل الأسره

دمتى بكل الخير

***********************

L.G.
خيانه ليه بقى
إنت عندك بحر إسكندريه كله :)
بس من غيرنا :)

إنتم كمان عملوا عندكم كده
حسبنا الله ونعم الوكيل
ربنا يحفظك وطمنيني عليكي

سلوى said...

canary
لهم 2 إيد و2 رجل
واللي يسمع يسمع
أنا يهمني :)

هقول كناري اللي قالت

منوراني والله
دمتى بكل الخير عزيزتي

*******************

جنّي
أنا بخير الحمد لله
كيفك إنت أخي سيد
أتمنى تكون بخير

فعلا كان يوم ظريف
كنت أتمنى يكون معايا كل الناس اللي بحبها
المهم
أعدك الله دوما ووفقك لاكل ما يحب ويرضى

سلوى said...

أخـــ مسلمة ـــت
وعليكم السلام ورحمة الله وبركاته

شرفت بزيارتك وأرجو أن تتكرر

جميل تلخيصك للموضوع أختاه
دمتى بكل الخير والسعاده
زيارات بقى :)

**************
جنى
وتقبل منك أخي وعفا ورضا عنك وأرضاك

عاشق الورد said...

سلام عليكم
اصلا يا اخت سلوى نتكلم عن سوالك للاخت منى عن عدد المدونين من الناس دى
انا ممكن اجوبك انا السؤال ده
اكيد طبعا اكثر من ثلاث اربعهم مش مدونين ولا يعرفوا حاجه عن الكلام دا
لان تقريبا ثلاث اربه المصيف من قريه المعصره
اكيد تسمعى عنها
:)
ثانيا بالنسبه للجماعه بتوع القوات المسلحه قولى للبنى ادم انى تبع اى رتبه
وهو كده كده سواء يعرفه ولا ما يعرفه حيدخلك
رابعا بالنسبه لجو العصر فى جمصه مش حلو اوى او على الاقل بالنسبه للاخت منى
انسب جو هو جو المغربيه يعنى ممكن اخر 30 دقيقه من العصر لغايه بعد اذان المغرب
او وقت الفجريه يعنى تصلى الفجر وتنزلى البحر او تجلسى على الشاطئ
:)
وبعدين انتى عايزه صخور جميله بارضه ومش بعيد ممكن فى بلطيم
فيها صخور اروع
وبعدين بالنسبه لاهالى القوات المسلحه دول اصلا بياخدوا المصيف ده على حساب الحكومه
وممكن تلاقيهم اغلب من الناس اللى باره
وتانى مره متروحيش هناك
:)
:p

سلوى said...

عاشق الورد

إيه الإرشادات دي كلها
:)

بس كله إلا
مانروحهاش تاني

لأني بحب جمصه جدا

ربنا يحفظك أخي ودمت بكل الخير

Anonymous said...
This comment has been removed by a blog administrator.