Sunday, March 29, 2009

ستندمين




ستمرين يوما بودياني عطشى مرهقه


وستسألين أين شجيراتي لتحميك من الشمس الحارقه


وستبحثين عن قلب طالما كان مسكنك في الليالي البارده


وستبحثين عني

ولن تجدي غير ذكرى من الماضى صارت

وكم ستبكي عندما لا تجدي ودياني كما كانت


وسيزداد عطشك فلن تجدي يدي لترويكي كما اعتادت


ولن تجدي مكان تختبئين فيه إلا صحراء فيكي ضاعت


وسترتعدين بدون قلبي


سترتعدين


وستمكثين وحيده بين ألاف البشر


وتتمنى أن أمر أمامك


فقط أمر ولو كفكره من الفكر


و ستترجين أيامي أن تعود


وستشعلين الشموع وتقدمي النذر


وستذكرين قلبي الذي قتلتي


وكيف كان يحميكي من الخطر


كيف كان يخاف عليك


حتى وأنت تلعبي بين المطر

ستندمين


ستندمين في وقت لا ينفع فيه الندم


وستتمنى أن ترحلي وتكونى من العدم


وستحكمين على قلبك فدوما كنت الحكم


ستحكمين أن ينفي عله ينجو من الألم


وستذكرينى

وأبدا لن تنسيني


لأني كنت السكن وكنت الماء

وكنت حياه أنفاس قلبك فيها نغم

أما أنا

فالآن أبتسم راضيا

فكل جرح من جراحي منك قد إلتأم
0
إهداء إلى كل قلب حطم قلب سواء كان لرجل أو إمرأه
بس التخاريف المرة دي على لسان رجل
هي جت كده :)

Wednesday, March 18, 2009

البرواز



برواز

0
الحياه كبرواز وأنت فيه

0
وهناك من يقف أمامك ليلتقط لك صورة

0
يوجهك كيف يشاء

0
يطلب منك ابتسامه ... أو نظرة متجهمه .. أو .. أو

0
يعدل وجهتك .. فالتنظر هناك.. لا .. تراجع للخلف قليلا

0
وأنت تلبي بلا سؤال

0
مهلا ولتخرج من ذلك البرواز قليلا

0
ولتنظر كيف هو

0
هل ترى الخلفيه مناسبه؟

0
هل الألوان .. هي نفس الألوان التي تحبها؟

0
ولتنظر جيدا وفكر .. هل تثق في المصور ؟

0
هل هو أهل لثقتك تلك ؟

0
انظر جيدا فربما يطلب منك المصور ابتسامه وهناك من يتربص بك

0
انظر جيدا

0
فربما يطلب منك النظر هناك

0
ويأتي من الجهه الأخرى من يحمل سكينا ليطعنك به

0
أخرج من البرواز قليلا لترى الأمور كلها

0
ولتحاول أن تختار ما يجمل الصور

0
ربما لا تجد الألوان كلها التي تحب

0
لكن على الأقل حاول لتصنع صورتك بنفسك

0
لا تتركها ليصنعها المصور

:)

يالا إضحك بقى علشان الصورة تطلع حلوة :))

Friday, March 13, 2009

أنا عاشق


أنا عاشق إن بت اعلنها
0
أنا عاشق إن بت أخفيها
0
القلب قلبي فكيف يعيش بين أضلعها؟
0
ونبضه ينبض فيِِ فكيف يشقيها؟
0
تقول أني بالحب أعذبها
0
فكيف أعذب من لا أعرف أراضيها؟
0
وتشكوني في الهوى لأني هاجرها
0
فكيف أهجر من لم ألاقيها
0
ألأني قابلتها مره أصبحت عاشقها؟
0
ولأنى صامت تعلن أنى هائم فيها؟
0
فيا من لا أعرفها
0
أنا لي قصة في الحب لست أعلنها
0
ولي حبيبه في القلب أداريها
0
تهيم بي .. والقلب مسكنها
0
وتعيش في .. والروح تحويها
0
جميله
جميله أنت .. حقيقه لست أنكرها
0
وجمالك أغنيه .. الكل يغنيها
0
ولكن حبيبتي أسطورة أوجزها
0
بأنها مِنى .. وقلبي منى يحميها
0
فلا تدعوني سيدتي للبعد عنها
0
فهي موطنى .. وأنا كل أمانيها
***********************

قد يتأثر قلمي بمن حوله ومواقفهم

رجال كانوا ونساء

ويتقمص هو بها

ألم أقل إنها تخارف قلمي :)


Saturday, March 7, 2009

إلحق ..قدم وإملا إستماره





قابلتها في مقر عملي
نظرت لي وكأنها تعرفني وسألتني مباشرة؟؟
إتخطبتي ؟؟
أنا : ( بيني ويين نفسي) ..يا فتاح ياعليم يا رزاق يا كريم .. مش هنخلص من السؤال ده
لا .. لسه
هي : طيب ليه ماقدمتيش؟؟
أنا : ( فوجئت أو ما فهمتش مش عارفه ) .. يعني إيه أقدم؟
هي : تقدمي على موقع ع النت للزواج
أنا ( يا سلااااام .. هو ده كمان بالتقديم ونملا استمارة وكده .. .. ( بيني وبين نفسي طبعا)
لا والله ما قدمتش
هي : ليه ؟ في ناس كتير بتقدم .. دا أنا أعرف فلانه وفلانه وقريبتي فلانه إتجوزوا بالطريقه دي


..و أنا جاني 100 عريس
أنا : 100 عريس يا ماشاء الله .. واتخطبتي ولا إيه ؟
هي : لأ .. مفيش نصيب .. أغلبهم بيكدبوا
أنا : يا سبحان الله .. هو النصيب
هي .. إنت لازم تقدمي وإلا هقدم لك أنا
أنا : .. لا لا شكرا ربنا يخليكي..
هي : ليه ؟
أنا : علشان ده نصيب .. ونصيبك المكتوب لك هيجي لحد عندك
إنتهى الحوار معها
لكنه يبدأ معكم :)
هو أنا خياليه صحيح ؟ أو أفكاري عفا عليها الزمن ؟
لما أقول إن البنات ربنا كرمها والرسول عليه الصلاة والسلام سماهم القوارير
يبقى لازم تحافظ على ده
أبقى خياليه؟
لما يقيني إن اللي ربنا كاتبه للإنسان هيكون
وما أصابك ما كان ليخطأك
أبقى عايشه في زمن تاني؟
سألت إل جي
وسألت صفاء كناري
عن رأيهم في التقديم .. أهي فرصه بقى :))
قالولي بلا كلام فاضى :)
أصحابي بقى :)) والمرأ على دين خليله
بس قلت أسألكم برضه
إيه رأيكم في النوع ده من الزواااااااج؟؟؟
وتقبل تقدم ؟:)

تاج الطفوله




صنعت تاج .. وأهدته لي .. ووعدتها إنه عندما يعود الطوق
سيكون التاج
وها هو تاج الطفوله من رفقتي الطيبه
رفقه عمر

تاج الطفوله

تخيلوا يا جماعه أنا كنت طفله :))

كانت أيــــــام
كنت أجمع بين حاجتين شقاوة وخجل
إزاي مش عارفه :)
كنت بلعب كتير جدا .. كنت محترفه نط الحبل بلا منافس أو منازع

أحكيلكم بقى
كانت أيام حلوة
أكتر شئ بارز في ذاكرتي هو المولد
أيون كان في المنطقه شيخ بيعمل مولد لجده الكبير ذو الكرامات كل سنه

والناس تيجي من كل مكان .. وتنصب الخيام
كان كل شارع فيه خيمه والخيمه فيها أسرة
وأجمل شئ في المولد هو الليل
يبتدي الذكر والمدح وفي الخيمه اللي هناك في شيخ بيتكلم عن الصحابه
والبياعين هنا وهناك .. غوايش .. اكسسوارات ..
ترمس وحمص ولب وكل شئ
وأنا وصحباتي بنجري هنا وهناك نسمع لده
ونشتري من ده
والمغرب كل واحد على بيته ونكمل فرجه من الشباك أو البلكونات
وساعات كانوا ينصبوا سينما في الشارع يعرضوا فيها أفلام دينيه
وكان أخويا ياخدني ويفرجني
ماهو معندناش بنات تروح سينما لوحدها
:))
كان جو جميل جدا .. مش بنساه
وأفتكر إن الجو ده أثر فيا
نحكي إيه كمان .. أيوه .. الكرتون
فعلا يا جماعه التعليم في الصغر كالنقش على الحجر
اللي بنتعلمه في الصغر بيفضل محفور جوانا
أفلام الكارتون كان لها معنى كنت بحب النحله زينه جدا والسندباد

أقولكم تعالوا أحكي لكم حدوته شفتها كارتون زمان
بس لسه فاكراها :)
كان في 3 كتاكيت
كانت صاحبتهم حطاهم في عشه صغيره وكل يوم تجهز لهم الأكل وتنظف العشه
والكتاكيت كل اللي بتعمله إنها بتلعب وتتنطط وبس
ما عدا كتكوت منهم كان رافض الكسل ده
وفي يوم صاحبتهم ماجتش ولا جهزت أكلهم
الكتكوت قال .. هتفضلوا كده لإمتى
قالوا له أتفضل أنت إعمل اللي انت عايزة
ورينا هتعمل إيه

المهم الكتكوت صمم .. خرج
خرج للدنيا .. وفي رحلته شاف حيوانات وحشرات كتير
كان كل لما يشوف حاجه يخاف
لكن كل حشرة أو حيوان يقابله كان بيعرفه بنفسه
وكان بيعلمه شئ وينصحه بشئ في شكل أغنيه
مثلا الدوده .. أيون هو قابل دوده
كانت بتقوله
أنا دوده دوده .. خيوطي ممدوده .. وروحي مفروده وبفرز أز
أزه وأزه وشغلتي لذه وأهز الهزة الهوى يتقز
شفتوا لسه فاكراها :)
الكتكوت عرف وشاف كتير وكان كل ما يعرف حاجه يغني
يا حلولي يا حلولي حلولي حلولي حلولي ده ايه ده اللي بيحصل لي كل مابملا في عقلي بكبر
بكبر سنتي وملي

ولما خلص رحلته رجع
رجع الكتكوت الي العشة ووجد العنكبوت ملأها والكتاكيت في حالة مرضية شديده

وحدثهم عما وجده في رحلته
وأنهم يجب أن يتغيروا ويقوموا بعمل أشياء نافعه
من الكتاكيت من تغير بالفعل
ومنهم من بقى ومات على حاله

وتوته توته خلصت الحدوته

***************
أحكيلكم إيه تاني؟؟
كفايه حكايات .. أحسن أنا اتكلمت كتير :))

ندي التاج ده لمين .. يالا مش هو شغل عيال
هديه لكل اللي يحب يتكلم عن طفولته
وأهديه لناس عرفتهم من خلال التدوين وأحب أعرف طفولتهم
إل جي .. ساره(رحيل ) .. منى (أحاسيس) .. صفاء (عصفور في الأسر)
مروة .. موناليزا .. تمرحنه .. زمرده ..
ومن المدونين
أستاذ راجي .. أستاذ شريف .. الكومي .. جنى .. عمر الطحان

حاول تفتكرني .. الربان

Wednesday, March 4, 2009

مالك غير الله

عجبتني أوى قلت تسمعوها معايا :)






كلمات الانشودة .
لو سائت الأحوال .... وضاق عليك الحال
قصر العمر ... او طال ما لك غير الله
ضاعت عليك الايام
احلام ورا احلام
حلال ولا حرام ... ضيعت حق الله ..
يا صاحبي وش فيك
غرك فرح ماضيك
لا بد يوم ما يجيك ... يسألك عنه الله
مالك وحالك وين ... احسب حسابك زين
الحين مو بعدين فراقك .. وخاف الله
عمرك تراه محسوب
يكفى كفاك ذنوب
ردد بصوت مغلوب ... ارحمني يا الله
املئ زمانك ااااه
وعود لا تلقاه
ما يخيبك حشاه ... تفرج بعون الله
فعلا مالنا غير الله :)