Friday, August 14, 2009

كيف تتلذذ في صلاتك

برنامج كيف تتلذذ في صلاتك

كان أخونا محمود ...آلام وآمال منزل فيديو عنه ع الفيس بوك ربنا يجازيه خير

بجد الحلقات وجدتها حلوة أوى وفيها قصص حقيقيه
مثلا وحش مفترس اتبني غزاله :)

قريه مشهورة بالفواحش اهلكت بصورة غريبه

كل حلقه كانت عباره عن جزئين .. أنا ضغطهم في ملف واحد ورفعته
هما 30 حلقه
أنا رفعت لكم جزء من الحلقات
وإن شاء الله هكمل رفع الباقي




الحلقه الأولى / الحلقه الثانيه / الحلقه الثالثه / الحلقه الرابعه

الحلقه الخامسه / الحلقات 6,7,8

التاسعه / العاشرة / الحاديه عشر

الثانيه عشر / الثالثه عشر / 14 و 15 / السادسه عشر

السابعه عشر / 18 / 19 /20 / 21
22 / 23
24 /25 / 26 / 27 / 28
29 / 30

45 comments:

رفقة عمر said...

جزاكى الله خيرا سلوى
ربنا يكرمك يارب
كل سنه وانت بالف خير
رمضان كريم
ربنا ييسر لك كل خير
اللهم اميين

Dr. Ibrahim said...

جزاكم الله كل خير

عين فى الجنة said...

اللهم اجعله فى سجل حسناتك

http://kasperb4.blogspot.com/ said...

ياه يا سلوى
ربنا يباركلك
وربنا يجازي خير كل اللي بيساهم ف نشر الفيديوهات دي

انا هرفعهم على فورشيرد عشان الناس اللي بتتخنق من رابيد زي حالاتي
وهبقا ابعتلك اللينكات
ومستني بقية الأجزاء

كل سنة وانتي طيبة
:)

سلوى said...

رفقة عمر

كل سنه وانت طيبه حبيبتي
رينا يجازيك كل الخير وييسر لك الخير


Dr Ibrahim

وجزيت كل الخير دكتور


راجى

تقبل الله منا جميعا استاذ راجي


آلام وآمال
ويبارك لك يا محمود
انت اللي دلتنا ع البرنامج ده

عموما من الحلقه السادسه انا رفعت ع الفورشيرد

تمام كده :)

حمل على طول بقى
وكل سنه وانت طيب
وابقي بص ع كدونه الكمبيوتر
العنكبوت ملاها :)

http://kasperb4.blogspot.com/ said...

ربنا يجازيكي خير يا سلوى
انا بحمل كل يوم اللي بقدر عليه ف الشوية اللي بقعد فيهم وربنا يسهل
بس خدي بالك انتي رافعاه بصيغة فلاش
FLV
وفيه ناس كتير معندهاش برنامج تشغيل الصيغة دي
ممكن ترفقي مع البوست ده برنامج تحويل الفيديوهات اللي ف عالم الكمبيوتر

كده تمام

--
مدونة عالم الكمبيوتر
منتي عارفة مواعيد الشغل رخمة
يعني لازم التسييح ده على الملأ كده؟
:D:D
وبعدين مش انا لوحدي المسؤول عن العنكبوت حضرتك
;)

مدونة الكومي said...

جزاكي الله ألف ألف خير وجعل هذا في موازين حسناتك

فعلا كما يقولون نشر العلم لا يحتاج إلى من يدلنا عليه

كل عام وأنتم بخير بمناسبة قرب شهر رمضان المبارك

Anonymous said...

عزيزتى سلوى
-----------

لاحظت مشاهد غريبة ذكرتيها من ضمنها قرية مشهورة بالفواحش اهلكت بطريقة غريبة

يقول المولى عز وجل
وان من قرية الا نحن مهلكوها قبل يوم القيامة او معذبوها عذابا شديدا كان ذلك في الكتاب مسطورا
الاسراء 58

وهذا يعنى كل القرى .. الصالح والطالح

من المهم ان نتحرى الدقة فيما نسرد ولا نلقى الاحكام مرسلة لنوحى بأن المخطئ يكون العذاب من نصيبه .. والا فبماذا تفسرين ان اكثر الامم تعذيبا وتنكيلا هى الاسلامية .. فى افغانستان والعراق وغزة؟

سلوى said...

آلام وآمال

بتشتغل يا محمود بريال بلير عادي

بس ماشي برضه إن شاء الله اشوف البرنامج بتاع التحويل
بس هو في عالم الكمبيوتر ؟ والله ما فاكرة

هشوفه
وإن شاء الله نشيل العنكبوت حاضر :)

سلوى said...

مدونة الكومي

وجزيت كل الخير
وكل سنه وانت طيب وبخير وصحه وسلام أنت وكل الأسرة

Anonymous said...

كل سنة وانتي طيبة يا ا/ سلوي

Anonymous said...

جهد مشكور يليق بأستاذتنا العزيزة
تستحق عليه اثابة من السماء
وتقدير من الأرض

Anonymous said...

اتمني انك تكوني بصحة جيدة دوما
ونطمئن عليكي دوما

سلوى said...

Sherif

نعم فالقريه اشتهرت بالزنا جهرا
حتى انفجر بركان قريب
واهلك كل من بالقريه
كل على حاله في لمح البصر
حضرتك ممكن تشاهدهم في الفيديو

اما عن الآيه الكريمه
قال تعالي
وان من قرية الا نحن مهلكوها قبل يوم القيامة او معذبوها عذابا شديدا كان ذلك في الكتاب مسطورا
الاسراء 58

ففي تفسير القرطبي
يقول مقاتل
أما الصالحة فبالموت , وأما الطالحة فبالعذاب . وقال ابن مسعود : إذا ظهر الزنا والربا في قرية أذن الله في هلاكهم . فقيل : المعنى وإن من قرية ظالمة ; يقوي ذلك قوله : " وما كنا مهلكي القرى إلا وأهلها ظالمون " [ القصص : 59 ] . أي فليتق المشركون , فإنه ما من قرية كافرة إلا سيحل بها العذاب
***********
وفي تفسير بن كثير
هذا إخبار من الله عز وجل بأنه قد حتم وقضى بما قد كتب عنده في اللوح المحفوظ أنه ما من قرية إلا سيهلكها بأن يبيد أهلها جميعهم أو يعذبهم " عذابا شديدا " إما بقتل أو ابتلاء بما يشاء وإنما يكون ذلك بسبب ذنوبهم وخطاياهم كما قال تعالى عن الأمم الماضين " وما ظلمناهم ولكن ظلموا أنفسهم " وقال تعالى " فذاقت وبال أمرها وكان عاقبة أمرها خسرا " وقال " وكأين من قرية عتت عن أمر ربها ورسله "

*****************
حضرتك قلت
من المهم ان نتحرى الدقة فيما نسرد ولا نلقى الاحكام مرسلة لنوحى بأن المخطئ يكون العذاب من نصيبه
نعم فالمخطئ سيحاسب حتما ويكون العذاب من نصيبه ولست انا من يقول هذا ولا أوحي به
إنما هو كلام الله
فمن يعمل مثقال ذرة خيرا يره ومن يعمل مثقال ذرة شرا يره

أما عن غزة والعراق
فالله أعلم بها وببساطه لو كنا مسلمين حقا ما عذبت
ولكن نحن تركناها تعذب

والعذاب والهلاك ليس فيهم فقط
فماذا عن دول أجنبيه يصيبها زلزال ويشردوا
أو بركان ويهلكوا
أو إعصار يدمرهم

في النهايه
نحن نعلم أن ان الله يمهل ولا يهمل
وليس بكثير ان يهلك الله قريه بعملها
كعاد وثمود

كل سنه وحضرتك طيب وبخير وصحه وسلام
انت وكل أسرتك الكريمه :)
دمت بكل الخير

سلوى said...

Anonymous
كل سنه وحضرتك طيب وبخير وصحه وسلام
أنت وكل من حولك

سلوى said...

Anonymous
حضرتك الغير معروف اللي فوق ؟:)
ولا غير معروف تاني

عموما
لا مجهود ولا حاجه
انا بس مجرد ان رفعت الحلقات لاأكثر
ربنا يجازى من صنعوا تلك الحلقات كل الخير

**********************

Anonymous
انا بخير الحمد لله
شكرا لسؤالك
حفظك الله ودمت بكل الخير

Anonymous said...

هي القري اللي اهلكت بسبب ايه
في حاجة محددة يعني سببت دا
ربنا يستر علي الهرم

Anonymous said...

هو مش المفروض ان العذاب انقطع بوجود سيدنا محمد
مش دي ميزة لأمته بخلاف الأمم السابقة

سلوى said...

Anonymous

:)

كن واثق إن ربنا يمهل ولا يهمل

Anonymous said...

مش فيه ايه بتقول
وما كان معذبهم وانت فيهم وما كان الله معذبهم وهم يستغفرون

Anonymous said...

معني كده ان نسبة الحوادث الطبيعية لعذاب السماء تبقئ منطق دائم في التحليل
تسونامي
حتي الأعاصير اللي ضربت شرق الولايات المتحدة وسبب من ضمن ظواهراها ازمة الرهون العقارية
يرده عذاب سماء

سلوى said...

Anonymous

وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ

"وما كان الله ليعذبهم" بما سألوه "وأنت فيهم" لأن العذاب إذا نزل عم ولم تعذب أمة إلا بعد خروج نبيها والمؤمنين منها "وما كان الله معذبهم وهم يستغفرون" حيث يقولون في طوافهم : غفرانك غفرانك وقيل هم المؤمنون المستضعفون فيهم كما قال تعالى : "لو تزيلوا لعذبنا الذين كفروا منهم عذابا أليما"

Anonymous said...

تعرفي ان في كتابات الغرب والمسنشرقين قالوا ان نفس العام اللي كان فيه جادث الفيل المذكور في القرأن اتكلموا ان نفس السنة دي كان فيها مرض الجدري وهي نفس الأعراض اللي اصابت جيش ابرهة

سلوى said...

Anonymous
الحقيقه مش عارفه الحكايه دي
هل بها ينفون ما جاء بالقرآن ويولوا ان ابرهه وجنوده اصيبوا بالجدري ؟؟
الحقيقه أني ما اوقن به
ان ربنا ارسل عليهم طير ابابيل ترميهم بالحجاره

ابو صهيب ( الجمعاوي الاصيل)سابقاً said...

جزاكم الله خيراً على هذا البرنامج الرئع

وجعله الله في ميزانكم يوم القيامة

Anonymous said...

انتي عمالة تنزلي في حلقات ولسه مش خلصتي من موضوع العذاب
ولا خطأ نظريتك فيه

سلوى said...

ابو صهيب ( الجمعاوي الاصيل)سابقاً
وجزيت كل الخير اخي
وكل عام وانتم بخير

سلوى said...

Anonymous

حضرتك بتتكلم عن ايه؟
أي عذاب
وأي نظريه ؟

Anonymous said...

طيب علشان اختم تعليقاتي بخصوص القرية اللي اهلكت وكان السبب هو الفواحش
النبي نفسه نفي بشدة ان يكون في اي علاقة بين موت ابنه وكسوف الشمس لما طن الناس ان الشمس كسفت لموت ابنه وقال قول مشهور
الشمس والقمر ايتان من ايات الله لا ينكسفان ولا ينخسفان لموت احد اوحياته

مافيش نسبة بين العذاب ومرجعيتها لأي سبب
افتكر ان اكبر كتلة اسلامية (اندونسيا)
واقعة في حزام زلازل
دي راي
وهو مجرد وجهة نظر
اسف علي الأطالة
وشكرا لسعة الصدر
وكل عام وانتي والأسرة بخير

سلوى said...

Anonymous
نعم
الشمس والقمر ايتان من ايات الله لا ينكسفان ولا ينخسفان لموت احد اوحياته

لا أدري
هل هناك اعتراض ان الله اهلك قريه بظلمها وبارتكابها الفواحش ؟

لقد ذكر الأستاذ شريف آيه
وأتيت بتفسيرها وفقا لشيخين كبيرين

هذا امر عادي وليس اول مرة وليس بمستحيل

شاهد الفيديو اخي وانت ترى صورهم
الحلقه الثالثه تقريبا لا اذكر بالضبط

طيب بلاش كل الكلام السابق
القريه بالفعل اهلكت ومات كل من فيها على صورته
هل تحب ان نعتبر ذلك قضاء وقدر

حسنا
هو قضاء وقدر ولحكمه يعلمها الله
اهلا بك دوما
وكل عام وحضرتك بخير

Anonymous said...

السلام عليكم ورحمة الله وبركاته

ازيك ياسلوي كل عام وانت والأسرة جميعا بخير

رمضان كريم
عايزه اقولك ان مجهودك دايما باين في كل شيء كفايه انك لما بتلاقي باب للخير والعظه والعبره مش بتبخلي بيه علينا

جزاك الله كل خير

عارفه اني اتأخرت في بعض البوستات ولم أعلق عليها
بس ساعات بتكتبي حاجات بيبقي صعب الواحد يلاقي لها تعليق مناسب
بخاف افسد جمالها ورونقها
عموما انا كالعادة دايما متبعاكي وفكراكي وبدعي لك بالخير
............

دمت بكل خير ورمضان كريم
........
أم ياسمين

سلوى said...

Anonymous

اخيرا
والله انت على بالي على طول وبقول هي فين

الحمد لله انك بخير
كل سنه وانت طيبه وبخير وصحه وسلام
انت وكل اسرتك

وابقى سيبي اي كلمه مش لازم تعليق
المهم بس اطمن عليكي :)

دمتي بكل خير وسعاده

مدحت محمد said...

اولا كل سنة وانتى طيبة
وربنا يجازيكى خير على النقل

hasona said...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

Razi Soliman said...

كل سنة وانتى طيبة
رمضان كريم
سورى على التاخير
ان شاء صيام مقبول

لك ودى واعتزازى
رازى

Anonymous said...

عزيزتى سلوى
-----------
قرأت اكثر من ذلك اضعافا مضاعفة
وهؤلاء ليسوا بأكثر من مجتهدين يؤخذ من كلامهم ويرد

احيانا احس بانهم يذهبون الى ابعد من هذا شأوا .. فمن أين جاء القرطبى بان الصالحة بالموت والطالحة بالعذاب

هل حدد المولى ذلك فى كتابه؟
وأين هى تلك الاية التى تحدد .. أمة الاسلام ترى ذلا ومهانة لم تراها فى تاريخها
فاين الهلاك الذى تتحدثين عنه؟

مسألة العقاب ليست جماعية بقوله ودذكرك الآية ولا تزر وازرة وزر أخرى

لكن هناك آية أقوى تقول
وماكان ربك مهلك القرى بظلم واهلها مصلحون

عشان كده الغرب والشرق عايش وبيتقدم واحنا بنتدمر ونتعذب .. فقط بندعى عليهم لأن هذا كل ما نملك

عزيزتى .. الاختلاف فى الرأى لايفسد للود قضية

سلوى said...

مدحت محمد

كل سنه وانت طيب
أعان الله على ذكرة وشكرة وحسن عبادته

سلوى said...

hasona
كل سنه وحضرتك طيب
جميل الدعاء
ربنا يتقبل منا جميعا
وجزاك الله كل الخير اخي

سلوى said...

RAZY EL HAWARY

كل سنه وانت طيب انت وكل الأسرة اخي
وحمد لله ع السلامه :)

سلوى said...

Sherif

فعلا كل انسان يؤخذ من كلامه ويرد

بالنسبه للموضوع
الأمر فعلا بسيط
أريد فقط ان أتكلم في نقطتين تحديدا
الأولي
أنى اعتقد ان حضرتك تقصد نوعيه الشيوخ التي تتكلم بالتهديد والوعيد
وتنفر وترهب الناس في الدين
انا اعلم أن ديننا يسر وبسيط وان الله رؤوف رحيم
ولن يدخل أحد الجنه بعمله ولكن برحمه الله
وليس معنى ذلك ان نسعى في الأرض فسادا
ولكننا مسلمون مؤمنون بالله ونحاول ان نكون كذلك .. أن نتقي الله ونرضيه قدر استطاعتنا
نخطئ ونتوب ونخطئ ونصيب وهكذا ..

النقطه الثانيه
وهي موضوعنا اولا الفيديو عن قريه اهلكت بفعل بركان
والقريه اشتهرت بالفواحش
ما وجه الإعتراض من حضرتك ؟
هل لأن الشيخ قال أنها اهلكت بعملها ؟
ثانيا
لن أتحدث أنا عن القرطبي وانتقده
ولكن هناك أراء اخري لعلماء اجلاء وانا نقلت تفسيرهم للآيه
وكما نعلم ففي الإختلاف رحمه

حضرتك استشهدت بآيه كريمه وهي
وماكان ربك مهلك القرى بظلم واهلها مصلحون
طيب ماهو ده اللى قلناه
حضرتك اللي في اول تعليق قلت ان كل القري الصالح والطالح سيهلكها الله
وحضرتك بتقول ان الغرب عايش واحنا بندعي عليهم وبس

لا علاقه لهذا الأمر بموضوعي وبرنامج كيف تتلذذ بصلاتك

وإن كنت لا أعلم .. إن كان الغرب هم الصالحون .. فما هو مقياس الصلاح؟

Anonymous said...

عزيزتى سلوى
-----------
لا لريد ان اطيل فقد اخذت حقى من التعليق

وهذا موضوع يطول شرحه .. مجرد انه لفت نظرى فيديو وخلافه ومحاولة استثماره على طريقة شفتوا اللى حصل لهم؟

زاردت ان اقول ان الله لايهلك القرى بظلم واهلها مصلحون .. وهكذا نرى الغرب يتقدم ويزدهر ونحن لا

ولاتقولى انهم لاشربون الخمر ويقامرون ويمارسون كل شئ

الشئ الثانى ان نهاية كل امة - وهذا مايقوله التاريخ - هو الهلاك .. مافيش فرق

اما موضوع التلذذ فى الصلاة فهو ليس مسألة تمارين .. وانما هى شئ خاص جدا بين العبد وربه .. ليست هناك روشتة محددة لهذا

ديننا لاتفريط .. ولاافراط

فهلا ترين ان افرطنا قليلا؟

http://kasperb4.blogspot.com/ said...

ايه ده كله
يظهر ان فيه موضوع كبير ف التعليقات
:D:D

انا وصلت للجزء السابع عشر
يا مسهل
:))

سلوى said...

Sherif

عفوا تأخرت في الرد
ظروف صحيه

سألت أحد الشيوخ
قال انه
ثابت ان القري ستهلك قبل يوم القيامه
وثابت أن القري تهلك بظلمها

وفعلا الصلاة شئ بين العبد وربه
لكن فيها امور قد يغفلها البعض
البعض للآن قد يكون في صلاتها خطأ
وعلينا ان نتعلم ديننا وعبادتنا صح
على الأقل نحاول


أما عن الإفراط والتفريط
قسأتحدث عن البوست
واري انه ليس فيه افراط
هي اشياء بسيطه نتعلمها قد يغفلها البعض في صلاته
مثلا في احدى الحلقات طريقه الوضوء كما كان يتوضأ النبي صلي الله عليه وسلم

وفي العموم
هناك من كان مبدأه التفريط وهناك من مبدأه الإفراط
وهناك الوسط
ففي النهايه لن يشاد الدين احدا إلا غلبه

سلوى said...

آلام وآمال
ربنا يسهل يا محمود
وتكمل باقي الحلقات
وأنا كمان ربنا يسهل وارفعهم

http://kasperb4.blogspot.com/ said...

وصلت للحلقة 25
وكنت جاي اسألك على اللي بعدهم لأنهم كانو محطوطين من غير لينكات
بس لقيتك جايباهم

ربنا يبارك لك
الحلقات رائعة فعلا
جزاك الله خيرا