Friday, March 13, 2009

أنا عاشق


أنا عاشق إن بت اعلنها
0
أنا عاشق إن بت أخفيها
0
القلب قلبي فكيف يعيش بين أضلعها؟
0
ونبضه ينبض فيِِ فكيف يشقيها؟
0
تقول أني بالحب أعذبها
0
فكيف أعذب من لا أعرف أراضيها؟
0
وتشكوني في الهوى لأني هاجرها
0
فكيف أهجر من لم ألاقيها
0
ألأني قابلتها مره أصبحت عاشقها؟
0
ولأنى صامت تعلن أنى هائم فيها؟
0
فيا من لا أعرفها
0
أنا لي قصة في الحب لست أعلنها
0
ولي حبيبه في القلب أداريها
0
تهيم بي .. والقلب مسكنها
0
وتعيش في .. والروح تحويها
0
جميله
جميله أنت .. حقيقه لست أنكرها
0
وجمالك أغنيه .. الكل يغنيها
0
ولكن حبيبتي أسطورة أوجزها
0
بأنها مِنى .. وقلبي منى يحميها
0
فلا تدعوني سيدتي للبعد عنها
0
فهي موطنى .. وأنا كل أمانيها
***********************

قد يتأثر قلمي بمن حوله ومواقفهم

رجال كانوا ونساء

ويتقمص هو بها

ألم أقل إنها تخارف قلمي :)


22 comments:

رحــــيـل said...

لولو

جميل ان يتأثر قلمك فتكتبى

حلوه فكرتك
جميل ان يدافع رجلا عن حبه مع انها مش بتحصل ومع اول موقف بيبعه ههههههههههه
رجاله امان يابنتى

كلماتك جميله وفيها حب بس للاسف ى فى عقولنا احنا بس

صفـــــاء said...

جميله يا سلوى
جميله
ان تسكن قلبه فلا يبغى سواها وان عرضت نفسها عليه أجمل جميلات الارض فهى بقلبه
وقلبه منه يحميها
جميله يا سلوى اوى
فلا يقال فيها الا
أبدعت
.

موناليزا said...

مش قلنالك قبل كده ماتقوليش عليها تخاريف:)
بس هو لسه فيه رجالة كده؟

dodoo said...

جميله ياسلوى جدااااااااااا

واكتر جزء عجبنى

ولكن حبيبتي أسطورة أوجزها
بأنها مِنى .. وقلبي منى يحميها
فلا تدعوني سيدتي للبعد عنها
فهي موطنى .. وأنا كل أمانيها

بس على فكره الاخلاص دلوقتى تقريبا

عمله نادره فى الرجال

بس بجد جمييييييييييله جدا

سلوى said...

أحلي حاجه التجمع البنانيتي ده :))

ساره وصفاء وموناليزا ودودوو

بصوا أنا هقفل الوقت لأنى مش قادره أفتح عيني من الصداع

بكره إن شاء الله هرد عليكن :))

تصبحوا على حب الرحمن يا غالياتي

حاسوباتيه said...

كلمات حلوه قوي ومعبره قوي تسلم ايدك

romansy said...

ما اخلص الرجال عندما تعشق
تعشق بكل ما اوتيت من قوه وتدافع عن تلك الحب
واحب ان اقول لها
صعبٌ .. أبادلك الهوى

وأنا لغيركِ بالمشاعر أنتمي

صعبٌ .. أعيش بعالمٍ

بعد السماء عن عالمي

أنا قد نذرت مشاعري وعواطفي لحبيبتي

لا تدخلي مدني

لا .. تسرقي زمني

صدري أنا أنفاسه ملك فقط لحبيبتي

norahaty said...

اقول لكِ
ليت لىّ قلم
يفعل مثل
تخاريف قلمك!
ولكنها الموهبة
منحها الله لمن يشاء
والحمد لله منحك منها الكثير
جميلة القصيدة أستاذة سلوى.

life said...

سولـــــى
لما الكلام ال بيقطر أخلاص وعسل
ده يبقى تخاريف
أمال ايه المنطقى
بس انا مش معاكم يابنات
كلكم بتقولو بقى نادر الراجل اللى يعمل كده
مع انى الرجالة كتير ال اسمهم نادر
أعتقد المسألة مش مسألة رجل ولا ست اللى بيخلص
المسألة بترجع للقلب نفسه أذا كان نضيف ولا غطاه الصدا
وأذا كان فى ستات أو فتيات بيخلصن ففى رجالة كتير
مخلصة

تسلم أيديكى يا حبيبة قلبى يا سلوى

رئـــــيسـة حزب الأحلام said...

كلماتك حلوة جدا
وفيها موسيقى
احييكى على الكلمات
تحياتى لكى

مدحت محمد said...

ممكن اسقفلك

بجد الله عليكى

راجى said...

بلى، أنـا مشتـاق وعنـدي لوعـة
ولكـن مثلـي لا يـذاع لـه سـر

ذكرتينى بابو فراس الحمدانى فى البيت من قصيدة اراك عصى الدمع

سلوى said...

رحــــيـل

رجاله فعلا أمان :))

بس أكيد في ناس كده
لازم يكون في ناس كده

حتى لو كانت في عقولنا بس

تسلمي لي ساره الجميله :)

**********************
صفـــــاء

إنت اللي شجعتيني أنشرها
رغم إني كاتباها يجي من سنتين وأكتر :)

سعيده إنها عجبتك لأني أثق في ذوقك

سلوى said...

موناليزا

طالما كلكم أجمعتم إنه مفيش رجاله كده
يبقى اللي كتبته إيه ؟؟؟
تخــــــاريف
ههههههههههههههههه

بس يمكن موجودين
كل شئ جايز برضه
تسلمي لي موناليزتي الرقيقه :)

***********************
dodoo
دودوو الجميله
أنا بجد سعيده بتواجدك ربنا يوفقك يارب

برضه إنت مع الحزب البنانيتي
اللي أجمع إنه مفيش رجاله كده

:))

إحنا كده زي ما نكون بندور على حفريات
هههههههه
تسلمي لي دودوووووو

سلوى said...

حاسوباتيه
تسلمي يا لولو
وأنا مستنيه الجزء التاني في حكايتك :)
أسعدتيني بتواجدك
ربنا يوفقك دايما
*********************

romansy
وشهد شاهد من أهلها :)

دا إنت استشهد بقصيده جميله جداااااا
وفعلا أكيد ولازم يكون في ناس وفيه وصادقه في مشاعرها
اللي مفيش مخلوق يقدر يبدلها
ومش معنى إننا ما شفناش الناس دي
تبقى إنقرضت

تسلم رومانسي على تعليقك المميز
دمت بكل خير

سلوى said...

norahaty
إيه أستاذه دي
سلوى على طول من غير ألقاب :)

أولا شرفتي المدونه
وأكيد ربنا منحك شئ بتتميزي به عن أي حد
كل إنسان كده في شئ بيميزة

سعدت بتعليقك
زيارات بقى :))
ربنا يحفظك ودمتي بكل الخير عزيزتي

*********************

life
والله عندك حق
راجل أو ست فهم اسمهم إنسان
وكل إنسان وطبيعته بقى
في نساء أشد قسوة من الرجاله
وفي رجال ولا بلاش :)

إنت نورتيني يا لولو
أيوة كده ربنا يطرح البركه في جهازك علشان تزورينا :)

سلوى said...

رئـــــيسـة حزب الأحلام
تسلمي لي
إنت كمان آخر بوستات لك مميزه :)

ربنا يوفقك دايما

************************

مدحت محمد
مممممممممممممم

ممكن طبعا :)
ولي الشرف إن مدحت الشاعر يصقف لي :)

إنت فينك ؟
أتمنى تكون بخير دايما أخي

سلوى said...

راجى

عارف حضرتك
أنا بحب أوى تعليقاتك

في جمله بتلخص كل شئ :)
وبتوصل للي بين السطور

وبتقول اللي أقصده

زي في بوست تاني لي
حضرتك علقت
بكلمات من أغنيه لأم كلثوم
كانت برضه بتلخص كل شئ

تحياتي لحضرتك
ودمت بكل الخير أنت وكل أسرتك

Anonymous said...

الله يا سلوى
جميله اوى اوى
الامان
هذا ما نبحث عنها عزيزتى وافتقاده هو ما يخفينا
كل التحيه

منى
احاسيس

سلوى said...

منى العزيزه

فعلا الكل يبحث عن الأمان
شكرا لتواجدك مع إنك هندك تغيب كتييييييييير

ومبروك جين إير :))

L.G. said...

انا فهمت ان بيرد على لوم من الآخرين وانه لسه ملقاش الحب
المهم ان الكلمات جميلة متراصة كحبات العقد

Anonymous said...

تصدقي بالله اني قريتها تاني وكاني بقراها لأول مرة

وشايفاها بشكل تاني خالص ان وحدة جميلة معدية وهو بيقولها انه بيحب واحدة تانية

الزهايمر شغال
تحياتي
ال جي