Thursday, June 5, 2008

مــن الحيـــاة

تحديث : هذه تدوينه لأخي الفاضل د:أبو يحيى وآدم
التدوينه عن الثقه بالنفس كيف ننميها في أنفسنا وأبنائنا
والحقيقه أنها من أجمل ما قرأت
وهي قد تكون ذات صله بموضوعنا
*************
تدخل الآباء في حياة الأبناء يصل إلى أي مدى ؟
هناك قول مأثور .. فيهم من قال إنه لعمر بن الخطاب
ومنهم من قال أنه لعلى بن أبى طالب
والحقيقه أني كنت أظن أنه حديث نبوى
وعندما كتبته هنا وأردت أن أتأكد من صحته
لم أجد له أي أثر أو إسناد
والله أعلم
المقوله بتقول
لاعبوهم سبع وأدبوهم سبع وصاحبوهم

( سبع ثم اتركوا لهم الحبل علي الغارب).. (فهل هذا ما يحدث ؟
ما جعلني أتطرق لهذا الموضوع .. مواقف حدثت أمامي .. فأردت أن أنقلها لكم
لنتعرف سويا ع المشكله وحلولها
وإليكم هذه الأحداث الحقيقيه
الحـــــاله الأولى
الحدث : فرح زيه زي أي فرح .. وبعد أن إنتهى الحفل كان في انتظار العروسان السيارات
لتبدأ زفه كبيره بعدها يتم توصيل العروسان لبيتهما
وقبل أن يركب العروسان عربيه الزفه ...والده العروس ووالده العريس شدوا مع بعض
قال إيه مين اللي هيركب الحلزونه .. قصدى مين فيهم اللي هيركب مع العريس والعروسه
في عربيه الزفه
كلمه من هنا وكلمه من هناك .. والحقيقه في المواقف دي يوجد المئات الذين يتبرعون بالكبريت
والبنزين .. لحد الدنيا ما ولعت من الخناق وما كان من عريس الغفله إلا أن ألقى اليمين على العروس
لينتهى الفرح بتلك المأساه
الحـــــاله الثانيه
شاب تخطى الثلاثين ميسور الحال .. يستشير والدته في كل صغيره وكبيره
لا يتخذ أي قرار دون الرجوع لها .. تقدم لخطبه فتاه ومعه الوصايا العشر
لا تتهاون ... لا تجيب طلباتهم مباشرة ... لا تظهر كرمك حتى لا يطمعوا فيك..إلخ
والنتيجه .. ظهر بمظهر ابن أمه ... فكلما تحدث مع والد العروس في الترتيبات ..

يحدث أحد أمرين
إما أن يتخذ قرار فوري ثم بعد الذهاب للبيت يرجع في قراره

طبعا بعد نقاش مع والدته
أو لا يعطي قرار إلا بعد مشورة والدته
والنتيجه ... إنتهت الخطبه مبكرا .. فالعروس وأهلها يريدون رجلا .. يتخذ قراراته
يستطيع أن يحمي زوجته ... ولكن مثل هذا الإنسان ماذا سيفعل لو توفيت والدته ؟
الحـــــاله الثالثه
إتفق العروسان على كل شئ حتى تم تحديد موعد الزفاف
وهنا ظهر طلب جديد من أهل العروس ...وما كان من العريس وأهله إلا الرفض
فتوصلت العروس لحل يرضي الجميع حتى تسير المركب.. وعرضته ع العريس الذي وافق
مباشرة ..بعد ذلك ذهب العريس لبيته
وذهبت العروس لبيتها ... ساعات وفوجئت بالعريس يزورهم ومعه عاصفه من الغضب والعصبيه
وإصرار على عدم تلبيه طلب أهل العروس
ماذا حدث إذاً ؟ ألم يكن منذ قليل مقتنع وموافق؟
إنهم أهله الذين لم يعجبهم الأمر .. وكيف إن ابنهم رضخ لطلب أهل عروسته
واشتد الخلاف بين الطرفين ... حتى إذا ما هدأ الأمر .. ظهر أشخاص
من الطرفين ( لهم صله قرابه من بعيد ) ليختلقوا المشاكل من جديد
والأمثله كثيره جدا

ما هذا ؟؟؟؟
إلى أي مدى تستمر سيطرة الأهل على الأبناء؟؟
لنعود للمقوله المأثورة
لاعبوهم سبع ... في فترة الطفوله حتى يتمتع الأبناء بالحنان والصحه النفسيه
أدبوهم سبع ... وضع أساس لبناء هذا الإنسان ليتعلم الطريق السليم
صاحبوهم سبع ... نسمعهم ونمنحهم خبراتنا ليواجهوا الحياه بعد ذلك
وبعد ذلك نتركهم يخوضوا في الحياه ... وربما نراقبهم من بعيد لنطمئن عليهم
فهل هذا ما يحدث ؟
أم أننا نتدخل في حياتهم حتى نفسدها ؟
مجرد تساؤل



53 comments:

ammola said...

الحق معك ايتها السيدة الجميلة
:)
هى كلها قصص فاشلة كده
سديتى نفسى...مش لاعبة
والله حضرتك انا -والعياذ بالله من قولة انا-شايفة ان فعلا بيحصل كتير ان حتى بعد الجواز بتحصل مشاكل كتيييير ممكن توصل للانفصال بسبب تدخل الاهل-اهل الزوج طبعا انتى عارفة انا مش متحيزة-وده لانهم يا ولداه بيتعاملوا مع البنت على انها ماكانتش لاقية وكانت حيخللوها لولاش الكابتن جه انقذها من البرطمان على حين غرة..فمن هنا يا سيدتى الدوقة تبدأنظرة هوانتى كنتى لاقية؟؟والمفروض بأه البنت تفضل تدفع تمن وحدة الانقاذ السريع اللى بعتوهالها..مع ان سيادتك لو أمعنتى النظر جيدا ستجدين أن عريس الغفلة ما هو الا بديل لضل الحيطة وانه بالفعل اتربى واترعرع فى حجر ماما ومش بيعرف يروح ولا ييجى من غير شورتها
نيجى بأه للسؤال اللوذعى بتاع الحلقة..لما مامته حتموت حيعمل ايييييه؟؟
الاجابة مش فاكراها الحقيقة ولو انها بديهية خالص
:)
معلش اصل أنا لسه صاحية من النوم ومهيسة كده شويتين وقلت اجيلك تهيسى معايا
تاخدى حتة كانتلوب؟

ammola said...

ايه ده
اول تعليق كمان
يبقى لك عندك واحد نسكافيه بأه
:)

سلوى said...

ammola
يا مساء التهييس يا أموله هانم

ولسه صاحيه من النوم كمان

علشان كده عايزة نسكافيه
علشان تفوقي :)

ماشي
وعندك واحد نسكافيه
إنت برضه أكرمتينا في آيس كريم قبل كده
:)

كلامك مضبوووط
طبعا الحالات المعروضه في الموضوع قبل الزواج
وتركت لكم المجال لتناقشوا الموضوع كما تريدوا من وجهات نظر مختلفه

المهم أنا عايزة أوصل
لأن أقول للشباب حاولوا تعتمدوا على نفسكم شويه

وأقول للأهل
سيبوا ولادكم يعيشوا كما يريدوا
طالما في حدود الدين والشرع

على فكرة
في مآسي بتحصل بعد الزواج بسبب تدخل الأهل

حلو قوى اللي قلتيه
بيتعاملوا مع البنت على انها ماكانتش لاقية وكانت حيخللوها لولاش الكابتن جه انقذها من البرطمان على حين غرة.
هههههههههه

جامده يا أموله

دمتى عزيزتي بكل خير

Hayam said...

شوفي هما فعلا بيحسوا اننا من غيرهم مبنعرفش نعمل اي حاجة

الخوف بيخليهم يفقدوا السيطرة اوقات

المفروض حتى لو انهم كانوا مصاحبينا قوي
ياخدو بالهم من حاجة اسمها حرية شخصية مينفعش إلا اننا نبنيها بأنفسنا

موضوع محتاجين نتكلم فيه كتير

تحياتي ليكي

LoYaL HeArT said...

حييت أختي ،،


كلام عال العال ،،


اعجبني بكل سطر ،،

اعجبني بتكوينة حروفه ،،


نعم للأسف ،، سنتشر الشيء هذا بشكل مزعج ومخيف بين الشباب ،،،
وهذا الشيء نتيجة ضعف التربية ،،،
نعم ،، حين يتربى الإبن على ان تكون صلة بأمه واهله قوييييييييييييييه ولكن مع الغير لا يستطيع ان يتعامل مع ابسط مهارات الإتصال تكون هذه مشكلة كبيرة او " عويصة "


ولكن لحظة ،،

هناك ايضا شباب لايتحملون النسبة العظمى ،،
لماذا ؟
لأن اهلهم هم الذين يفرضون انفسهم بشكل غير مرضي ،،
نعم ،،
وكما هو معروف ،، وبدون ان يكون كلامي جارح لأحد ،،
حينما يكون الشاب قد إتنفق ع امر معين مع خطيبته ،، ثم يرجع إلى البيت متفاخرا بنفسه ومعززا لقراراته التي إتفق هو وخطيبته عليها ،،
ثم يتفاجا بكلمات من اخواته وامه تنقص من مقداره او تهينه ،،

لحظة ،، اتمنى ألا يستشاط غضبكم ،،
اتمنى ان تكملوا الكلام ،،

دائما للنساء ايا كانوا بالنسبة للشاب " امه اخته خالته عنته ،....الخ " لهم كلمات يعرفون ان فلان من الناس "يعصب " منها ،،
وهم طبعا لا هم لهم إلا ان يفرضوا آراءهم فقط ليس إلا ،،، حتى وإن تسربل الراي بجلباب الحب والأمومه ،،
نعم ،،
للشيطان مداخل حتى على الأمهات والأخوات ،،




ايا كانت تلك المرأة التي تعارض الشاب ،،

حتى وإن كانت تحمل أقوى درجات العاطفة لحبيبها إبنها ،، إلا انها ايضا احيانا تحمل نوع غريب من المخالفة للرأي ، التي تتسبب في النهاية إلى فض كثير من العلاقات الزوجية ،،


إحترامي لكل الأمهات ،،



وأتمنى أن يتسع صدر كل من يقرأ كلامي ،،،

والله ما نطقتها إلا من قهري على كل شاب ،،




شكرا للأخت الكاتبة ،، موضوع من اروع ما يمكن ،،

واصلي



اخوك

Anonymous said...

موضوع جميل
انا شايفه ان اى شاب لازم تكون علاقته كويسه باهله بس ده ميكونش على حساب نفسه وحساب البنت اللى هيرتبط بيها
ياترى هتكون ايه نظرته لنفسه وايه هتكون نظرنتها له لما تحس انه غير قادر على اخد قراراته بنفسه
وكمان الاهل لازم يفهمو كده
ويعرفو ان كل مرحله لها طريق تعامل خاصه يعنى يحاولو يتعاملو معاه على انه رجل قادر على تحمل المسئوليه

ربنا يهدى ويوفق الجميع

نجوى

Dr. Diaa Elnaggar said...
This comment has been removed by the author.
Dr. Diaa Elnaggar said...

عزيزتي سلوى

موضوع هام وتساؤل ليس الاجابة عنه بهذه البساطة:0

الاستقلال الاقتصادي يساوي الاستقلال السياسي

ديمقراطية الاسرة جزء من ديقراطية الدولة

تحياتي

عصفور المدينة said...

أستاذة سلوى

أعدك أن أعطي أبناءي الحرية كاملة والقرار كامل

:)

LoYaL HeArT said...

عذرا ،،


ولكن هذا الشيء يرتبط على موضوع تربية الأهل للإبن ،،



اتمنى لو اشاهد لك موضوعا حول هذا الشيء ،،

لتجتمع فيه آراء ذوو الخبرة ،،





* يحق لي شكرك ع المواضيع القيمة أختي
ألف شكر،،
و استمري



اخوك

rtrcbh said...

السلام عليكم ورحمه الله وبركاته

جزاكم الله خيرا اختنا الكريمه على مناقشة هذا الامر وهذا الفكر والفهم
اتفق معك فيه

ارجع الامور التى حدثت
الى ضعف البناء النفسى للاطفال نتيجة مثل هذه التربية
التى تعتمد على اساليب القهر واحيانا السخرية مرورا بامور كثيره اخرى وكلها تحدث بدون ادنى قصد

كما كان يقول من قبلهم انا وجدنا ابائنا كذلك يفعلون

لو زرعنا بابنائنا الثقه بالنفس والامل والعمل

لما حدث هذا

ولكن دعينى اسال
هل نحن لدينا ثقة فى انفسنا حتى نغرسها فى أبنائنا ؟؟؟

هل قادرون على اخذ قرارتنا بشكل صائب وصحيح حتى نستطيع أيصال تلك الرساله الى من بعدنا ؟؟؟


جزاكم الله خيرا ولا اطيل

والسلام عليكم ورحمه الله وبركاته

سلوى said...

youma

كلامك جميل
لكن
إحنا برضه علينا جزء من المسئوليه

يعني واحد أو واحده تزوجوا
ليه لما مشاكل تقابلهم أو أي شئ

يجروا يحكوا لماما وبابا

وطبعا بتتشكل جبهات
وكأننا في حرب
كل طرف عايز يكون أقوى وكلامه هو اللي يمشى

والله دي متاهه وحاجه تغيظ

نورتيني يا يوما العزيزه
وفعلا محتاجين نتكلم كتير

ربنا يحفظك عزيزتي

سلوى said...

LoYaL HeArT

أولا مدونتك أخي جميله جدا
ما شاء الله

نرجع للتعليق أخي الكريم

الحقيقه كلام صح
يعني مش لاقيه شئ أضيفه

من جانب إستسلام الأبناء
ومن جانب تسلط الأهل باسم الحب أو الخوف على المصلحه

تعليقك رائع أخي وأضاف للموضوع أيضا
دمت بكل الخير

سلوى said...

Anonymous

إيه الكلام الجامد ده يا نوجه
إنتي لخصتي كل شئ

الشاب يحافظ على علاقته بأهله

والأهل يتفهموا غنه بقى كبير وله شخصيه

ما شاء الله عليكي

ربنا يحفظك يا نوجا

سلوى said...

Dr. Diaa Elnaggar

مفتقدين تعليقات حضرتك

تعليق حضرتك محتاج بوست :)

بس الشاب اللي خلاص بيبدأ حياه جديده
بيكون خلاص مستقل ماديا

لكنه يكون غير مستقل نفسيا
فيعود للأهل في كل صغيرة وكبيره ويتأثر برأيهم
فيتخذ قراراته من منطلق تفكيرهم

برضه تعليق حضرتك محتاج بجد كلام كتير

دمت بكل الخير

سلوى said...

عصفور المدينة

عارف يا أستاذنا

أنا كتبت الموضوع ده

علشان
1... الآباء يقولوا جمله حضرتك دي

2... الشباب يقولوا لأ إحنا محتاجين نعتمد شويه على نفسنا ونأخذ قراراتنا ونتحمل نتيجتها
فقط تكون نابعه من أنفسنا

وحضرتك وصلت للشق الأولبكل سهوله بارك الله فيك

ودمت بكل الخير

سلوى said...

LoYaL HeArT

يااااااه

موضوع عن تربيه الآباء للأبناء

مثل هذا الموضوع يحتاج بحث كثير

ووضع نقاط أساسيه

مثل هذا الموضوع يحتاج لمشاركة الجميع

أشكرك أخي على تلك الثقه

جزيت كل الخير

سلوى said...

د/أبويحيى وادم

لم تطيل أخي

بل نحن نستفيد من فكر حضرتك وتبصرك للأمور

ومدونه حضرتك ما شاء الله مثال لذلك

واسمح لي أن أقتبس من تعليق حضرتك

هل نحن لدينا ثقة فى انفسنا حتى نغرسها فى أبنائنا ؟؟؟

هل قادرون على اخذ قرارتنا بشكل صائب وصحيح حتى نستطيع أيصال تلك الرساله الى من بعدنا ؟؟؟

عارف كلام حضرتك وصلني لإيه
إننا في دائرة مغلقه
فالأهل كانوا يخضعون لآراء أهلهم
وطبعا مفيش حد مخلد
بعدها بدأ الأهل يمارسون مالم يمارسوه في شبابهم
عللى أبنائهم

وغدا سيمارس الأبناء حياتهم وتسلطهم على أبنائهم

وهكذا دائرة مغلقه

والله المستعان

شكرا لتواجد حضرتك الذي يثرى الموضوع
دمت بكل الخير

آفاق الحرية said...

السلام عليكم
والله انا مع حضرتك انه لازم منتدخلش في قراراتهم واننا نراقبهم من بعيد
لكن ساعات بحس ان الاباء بيعملوا كده خوفا علي اولادهم
وفي نفس الوقت الابن مبيكنش عاجبه
لانه نفسه الاب يكبره شوية ويخليه يعتمد علي نفسه
وهو برده مش قادر يقوله لا

Dr. Diaa Elnaggar said...

عزيزتي سلوى

دا في الظاهر بس، لكنه في واقع الأمر معتمد اعتماد شبه كلي على عائلته التي تتحول في هذه اللحظة الاقتصادية إلى اسرة !!!!!!

لا اعرف هل انتبهت من قبل ان اللغة العربية بها كلمتنان لكلمة فاميلي الانجليزية، "عائلة" وهي من يعول، اي ان الجانب الاقتصادي متضمن في معنى الكلمة، و"الاسرة" وهي من أسر اي قيد اليه وربطه به وهي القيود السياسية !!!!!!0 اما العرب القدامي فلم يعرفوا هاتين الكلمتين بهذا الشكل، بل كانوا يستعملون عادة كلمة "أهل" وهي كلمة بدأت تندثر من حياتنا اليومية، لانها معبرة عن معنى اصبح نادرا: الاستعداد، ربما للتضحية من اجل الابناء، وليس التحكم فيهم !!!0

حل المعادلة ان يحاول الشاب التخلص من العائلة ليؤسس "اسرة" لا تعرف القيود والتحكمات !!!!!0

تحياتي يا سلوى هانم،

بالمناسبة انا حزين على اختفاء الكلمة دي من قاموسنا اليومي، وهي كلمة عربية فصحى بالمناسبة وتعنى المرأة الفاضلة المتعقلة، وحقيقة يا سلوى هانم لا اعرف إن كنت لن استعملها معك فمع من استعملها !!!!0

تحياتي وعلى فكرة انا سمعت كلمتين في التدوينة الاخيرة بتاعي بسببك، بس الصراحة عن حق، يبقى عدي واقرأيها، حتلاقيها في التعليقات اللي في الآخر !!!!!0

عميق تحيتي وخالص مودتي

rtrcbh said...

جزاكم الله خيرا أختنا الكريمه على ردك ووفقكم الله
وأن شاء الله نمارس مع أبنائنا كل شىء جميل لم نراه
نعلمهم كل شىء مفيد لم نفعله
نساعدهم فيما كنا نتمنى أن يساعدنا أحد على اتمامه

بخصوص طلبك اختنا لك ما اردتى بكل ترحاب وجزاكم الله خيرا على الاستذان

والسلام عليكم

مجداوية said...

السلام عليكم

أراك على خير أختى الكريمة
وشكرى وامتنانى لتواصلك معى وخالص دعائى لك بكل الخير

والسلام عليكم ورحمة الله

جنّي said...

السلام عليكم

بحثت في 44 كتاب من كتب المتون ولم اجد أي أثر لهذا الأثر ..

والحديث الموجود هو :
قال رسول الله صلى الله عليه وسلم مروا صبيانكم بالصلاة في سبع سنين واضربوهم عليها في عشر و فرقوا بينهم في المضاجع .. سنن البيهقي

هذا الأمر من أهم الأمور في حياة الأبناء لأنها هي التي تحدد شخصية الأبناء وقدرتهم على القيادة بصفة عامة ليس على مستوى الأسرة فقط ولكن في كل مجالات الحياة من الغفير حتى الرئيس ..

شكرا وتحيتي

said

Dr. Ibrahim said...

إعطنى شبكة ولا تعطنى سمكة

د/هيما

مدحت محمد said...

عارفة ياسلوى

انا بعتبر اهم مافى التربية اعطاء النصائح والتوجيه والارشاد والخبرة

ومعاملة الابن او الابنة على اساس انه انسان كبير مش طفل وتتكلم معاه فى مواضيع كبيرة

تحسسه انه مهم

ده بيخلى الابن او الابنة عندها ثقة بالنفس

خاصة لو شاف والده او والدته انسانة ناجحة

وبيشجعوه على انه يكون ناجح

لكن للاسف احنا بنضرب الابن على غلطاته ومنعرفوش حتى هى غلط ليه

اسلوب تربية فاشل

Omar El-Tahan said...

قبل أن أعلق على الموضوع أحب أحط نقطة نظام هنا ... وهي أن أخطاء الأهل مشتركة .. ليست من جانب العريس فقط .. و إن كان من الطبيعي أن ينظر كل من زاويته و يشتكي مما يشعر "من وجهة نظره" أنه سبب المشكلة.

نيجي للموضوع الأساسي

لقد ضربت على وتر حساس جداً في العلاقات العائلية وهي جزئية التدخل في زواج الإبن/الإبنة ولكن في رأيي المتواضع أن شمولية الموضوع كانت ستتحقق مع التفرقة بين تدخل الأهل في حياة الأبناء الخاصة وبين وجود الأهل في صورة المشورة والنصيحة في حياة أبنائهم الخاصة .... لأن بعض غلاة التحرر يرون في أي شيء يقيد انطلاق على حريته الإنسان هو خطأ ويجب ازالته.

أما عن تدخل الأهل فللأسف كل الأهل يتبارون بالتباهي بأبنائهم و كيف أنهم أصبحوا أشداء وقادرين على مواجهة الحياة وربما أفضل منهم .... طالما ذلك كان في نطاق العنطزة الإجتماعية .. أما وقت الجد واتخاذ القرارات فالأهل هم أول من ينسون استقلال الأبناء فكرياً وفارق العمر و أنهم أصحاب هذه الحياة المقبلة ولابد أن يكون رأيهم فيها يتعدى ال 70%
وقبل أن يهاجمني بعض المتحمسين أقول أن خبرة الأهل وتواجدهم وآراؤهم مهمة في العديد من الأمور ونسبة 30% من التخطيط للزواج مناسبة لأن تسرع الشباب وعجلتهم يخفي أعينهم عن العديد من الأمور التي خبرها الأهل بواقع التجربة والسن

مـ~ـاجدولين said...

تعرفي سلوى هذا اكثر موضوع أعتبره شائك ومشنقه علقها الاباء في اعناق الابناء
بدعوى البر ، لاهي من ديننا ولا انسانيه أصلا
وأيضا صعب يتخلصوا منها
لازلنا نتزوج بمن لا نرغب لاجل الاب والام
ونتطلق لاجلهم
ونخاصم لاجلهم
ونصادق لاجلهم

ربما يعتقدون ان لهم الفضل في اعطائنا الحياه ولكن الحياه نعمه الهيه

بصراحه لا امل اننا نرقى بتفكيرنا
وبصراحه اكثر أعتبر ان الزواج اسوء
ظاهره اجتماعيه
لهذا السبب

تحيتي لك سلوى

رحــــيـل said...

صديقتى العزيزه

موضوع بجد بجد فى الصميم ومهم جدا
عاده مواضيعك التى تدعونى للتأمل

بس انا عايزه اقولك حاجه دول اساسا مش رجاله ياسلوى
والست اللى تعمل مع ابنها كده معرفتش تربى انانيه جدا فى تصورتها لابنها

انا لا اتخيل رجلا لازال ياخذ اوامر حياته من والدته

كيف يكون قادر على مسئولية بيت وفتحه واعالة اسره
كيف يشعر زوجته بالامان

وعلى الصعيد الاخر برده هناك سيدات يتبعان نفس الاسلوب فلا تعلم كيف تحافظ على اسرار بيتها

المشكله مشكله التربيه من البدايه
لازم كل واحد يكون ليه حياته الخاصه
اذا كنت انا لسه مش متجوزه وموتى بقى لو حد حاول يدخل فى حياتى او احس ان تصرفاتى مراقبه
حتى لو اقرب اقرب الناس ليه

رغم التفكك الاسرى فى الغرب والترابط الظاهرى لدينا الا اننى اعتبرها ميزه ان الابناء يستقلون بحياتهم بعد سن معين
فلا تدخل من الاهل فى اى قرار او حياه لهم

تحياتى وحبى ليكى

عـــفـــراء said...

السلام عليكم
حبيبتى سلوى ازيك الاول
الموضوع بصراحة حلو ومحل نقاش
بصى ياستى اولا اللى انتى بتتكلمى عنهم دول اقلية اوى
لان تقريبا دلوفتى مافيش تحكمات الاهل
بقت تحكمات الابناء على الرغم ان انا عن نفسى مريت بمشكلة شبية لما كتبتى
بس بقول اقلية فئة معينة
الثقة بالنفس والاحساس بالتواجد هما الاساس مش معنى كدة انى افرض رايى او شخصيتى لا بس اخد موقف يكون نابع من جوايا مش من تحكمات الغير
ودة عمرة مايمنع انى اخد رايهم واشاورهم ولا اية
وعموما انا مااستغربتش اللى كتبتية لان كل حاجة جايز ومحتملة
ربنا يهدى الجميع بقى
تحياتى لكى

son's egypt said...

السلام عليكم
هو للاسف قصص مؤثرة جدا في حياة الابناء
يصبح الابن عديم الشخصية والفكر ولا يستطيع اتخاذ قرار
وكما قلتي في المواقف هذا ما يحدث
فمن الممكن ان هذه الافعال ان تهدم بسببها بيون كانت عليس وشك البدء
دعونا نربي ابنائنا علي تحمل المسشئولية وليكونوا علي قدر احتمال تبعاتها

منى said...

الاسره المتجبره تخلق غالبا ابن تافهه
لو بصيتى فى الحالات
الطلاق بسبب مين يركب العربيه
ليه يوافق على طلباتها رغم انها ممكن تكون طلبات عاديه
اسباب تافهه جدا لكن خطر
لانها كده بتفقدهم السيطره

وكتير من عائلات البنات بتعمل كده
بصراحه وجود الاهل ورايهم ضروره بس المهم النيه والثقه
وده بقى موضوع كبير
تحياتى يا لولو

Anonymous said...

سلوى

عذرا .. تخطيت مرحلة رعايةاولادى .. واظن ان الله وفقنى فيها الى حد بعيد ..وهن بنات لديهم استقلال منذ زمن فالأولى لم يعجبها مساعدتى لها فى ايجاد وظيفة .. وبحثت عن أخرى ووفقت .. والثانية سافرت وتعاقدت ..

وصدقينى ادفع الآن ثمن انى ربيتهم على
الاستقلال الكامل والثقة بالنفس فلا استطيع شيئا

الان .. يسعدنى جدا .. ويملأونى فخرا انهم يأخذون رايى دائما فى تربية الاحفاد .. ثم ينفذون عكسه

سلوى said...

آفاق الحرية
وعليكم السلام ورحمة الله وبركاته
طبعا أتفق مع حضرتك
ولكن ما يغيظ فعلا
أن بعض الأبناء نتيجه خطأ التربيه يظل ملتصق بأهله
في كل شئ
حضرتك شرفت المدونه
خالص تحيااااااااتي

*********************************

Dr. Diaa Elnaggar
حل المعادلة ان يحاول الشاب التخلص من العائلة ليؤسس "اسرة" لا تعرف القيود والتحكمات !!!!!0


المساله ليست أن يتخلص من الأسرة من وجهة نظري
لأنها شجرة فروعها من المفترض أن تكون مترابطه
هذا الترابط يقتضى أن يفهم كلا من الأبناء والآباء
الحقوق والواجبات التي لكلا منهم على الآخر
فالأباء يربون جيدا ثم يتركوا أبنائهم يواجهون الحياه
ولا تنعدم الصله ولكن تبقى في شكل طرح النصح النابع من خبرتهم
دون أن يكون بتسلط أو فرض وصايا

وعلى الأبناء الرفق بالآباء بالضبط كما أمرنا الله

لا أعرف كيف تتم تلك المعادله ؟

حضرتك شرفت المدونه كما تشرفها دوما
وعلى فكرة انا قرأت التعليقات
فعلا جميله
شكرا لحضرتك مرة أخرى
بالنسبه لسلوى هانم
فطبعا المعنى جميل كما وصفته حضرتك
وياريت فعلا اكون كده

دمت في حفظ الرحمن

*******************************************
د/أبويحيى وادم
وأن شاء الله نمارس مع أبنائنا كل شىء جميل لم نراه
نعلمهم كل شىء مفيد لم نفعله
نساعدهم فيما كنا نتمنى أن يساعدنا أحد على اتمامه
حضرتك لخصت ما يمكن أن يكتب في صفحات في كلمات قليله
شكرا لحضرتك مرة أخرى
وطبعا كان لازم أستأذن حضرتك
جزيت كل الخير

*-

سلوى said...

مجداوية
وعليكم السلام ورحمة الله وبركاته
وكل دعواتي وأمنياتي لك أختى الكريمه
وأعانك الله على خطتي له
الحقيقه أسعدني تواجدك جدا والله أعلم

دمتى في حفظ الرحمن

******************************

جنّي
وعليكم السلام ورحمة الله وبركاته
وأنا كذلك والله يا سيد
بحثت ولم أجد أي أثر
إنت الوحيد اللي أخدت بالك من النقطه دي
وإطمأننت أن نتيجه بحثك مشابهه لما قمت به

قال رسول الله صلى الله عليه وسلم مروا صبيانكم بالصلاة في سبع سنين واضربوهم عليها في عشر و فرقوا بينهم في المضاجع .. سنن البيهقي


جزيت كل الخير أخي
على فكرة وصلت لحد فين في موضوع حفظ المدونه ؟؟

*********************

سلوى said...

Dr-hema
إعطنى شبكة ولا تعطنى سمكة

فعلا علم وأتركهم يستخدموا ما تعلموه
نورت المدونه يا دكتور
عساك موفق في امتحاناتك
تحيااااااااااتي
*******************************

مدحت محمد
بعتبر اهم مافى التربية اعطاء النصائح والتوجيه والارشاد والخبرة

ومعاملة الابن او الابنة على اساس انه انسان كبير مش طفل وتتكلم معاه فى مواضيع كبيرة

تحسسه انه مهم

ده بيخلى الابن او الابنة عندها ثقة بالنفس
جميل قوى كلامك ده يا مدحت
نزرع الثقه
ونتركهم مع مراقبه من بعيد
نورت يا مدحت
ودايما بيسعدني تواجدك
دمت بكل الخير

**************************

Omar El-Tahan
طبعا الأخطاء مشتركه يا بشمهندس

وجود الأهل لنقل الخبرات والنصح والمشوره
أجد أنه لا شئ في هذا بل أنه ضروري
ولكن التدخل بالإفساد
هذا هو ما يحتاج وقفه من الأهل والأبناء

عجبني هذا الجزء من تعليقك
أما وقت الجد واتخاذ القرارات فالأهل هم أول من ينسون استقلال الأبناء فكرياً وفارق العمر و أنهم أصحاب هذه الحياة المقبلة ولابد أن يكون رأيهم فيها يتعدى ال 70%

فعلا يا عمر الأهل بيلغوا الإبن تماما

سعدت بتعليقك
كما يسعدني دوما

دمت في حفظ الرحمن

سلوى said...

مـ~ـاجدولين
شرفتي المدونه في أول زياره

طبعا أتفق معك
فتسلط الأهل وفرض آرائهم في بعض الأحيان يخنق الأبناء
بل قد يفسد حياتهم
وذلك بدعوى الحب والخوف عليهم

ولكن لا أتفق معك
لأنك جعلتي هذا الأمر سبب في أن تحكمي على
الزواج بأنه أسوء ظاهرة إجتماعيه
بالعكس
الزواج سكن وود ورحمه
وأبناء صالحين بارين بآبائهم
فقط نتقي الله ونتبع ما أمرنا به

نورتيني يا ماجدولين

زيارات بقى
دمتى بكل الخير عزيزتي

***********************************

ra7eel
انا لا اتخيل رجلا لازال ياخذ اوامر حياته من والدته

كيف يكون قادر على مسئولية بيت وفتحه واعالة اسره
كيف يشعر زوجته بالامان
جبتى من الآخر يا ساره
فعلا التربيه ثم التربيه

بس إيه حكايه يستقلوا بأنفسم دي زي الغرب
طيب ما هو بيحصل لهم بلاوي
وبعدين الوسط كويس برضه
كمان إحنا عرب وفي عادات وتقاليد
لأ مش ينفع خالص
:)

نورتيني يا ساره بجد

سلوى said...

عـــفـــراء
وعليكم السلام ورحمة الله وبركاته
إزيك يا روشا

يا ريت يا روشا يبقوا أقليه زي ما قلتي

وفعلا ربنا يهدي الجميع

دمتى في حفظ الله يا روشا

*****************************************

son's egypt
وعليكم السلام ورحمه الله وبركاته
بجد يسعدني تعليقك يابن مصر
وبجد إنت من أهل المدونه

جميل ما ختمت به
دعونا نربي ابنائنا علي تحمل المسشئولية وليكونوا علي قدر احتمال تبعاتها

دمت بكل الخير

*****************************
منى
طبعا وجود الأهل ضروري جدا
بس مش لدرجه إفساد حياه الأبناء
هما طبعا مش بيكونوا قاصدين
بس النتيجه واحده

نورتيني يا منمن

ربنا يحفظك يا لولو

***********************************

Sherif
الحمد لله أن وصلت سفينتك بأبناءك على خير

وأكيد هيخسروا كتير من عدم غلإستفاده بخبرات حضرتك

سعيده جدا بتشريفك

يارب دايما في حفظ الله

L.G. said...

سلوى
الموضوع ده تيجي اسكندرية عشان نتكلم فيه بس على السريع كده
فيه عيب خطير عندنا نحن العرب بنفتكر ان أولادنا ملكية خاصة بتاعتنا نعمل فيها اللي احنا عايزينه

Tamer Nabil Moussa said...

بوست مميز عزيزتى سلوى


لكل شىء اساس حتى الانسان لو كان الاساس منذ الصغر متين وقوى ومبنى على قواعد سليمة هتكون النتيجة ايجابية والعكس صحيح


ربنا يوفقك

تحياتى

موناليزا said...

اذيك ياسلوى ايه اخبارك اعذرينى لتاخرى عنك
بجد بوست مميز وهذا فعلا مايحدث سيطرة من الاهل بلا حدود وخصوصا فى المواضيع التى ذكرتيها وكانها حرب وليس نسب ومودة ورحمة
وياريت بقى تجيبلى ايس كريم مع امولة حبيبتى لان الموضوع ده بالذات قلب عليا المواجع فعايزة حاجة تروق اعصابى وهاتيلك معانا عشان اللمة تبقى احلى
سلام ياقمر

rtrcbh said...

السلام عليكم ورحمه الله وبركاته
آختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

تــــ(حـنة)ــــر said...

يابنتى ايه الجمال والحلاوة دي
وبعدين من جمال إلى اجمل
طب حروح منك فين بقى
سلام
اه بقى شوفى بقى المدونة الجديدة وقولى رايك بقى عرفاكي دايما صريحة

walaa said...

ازيك يا سلوى عامله ايه ليك وحشه والله
انا برده اعرف واحده صحبتى اتفسخت خطوبتها يوم كتب الكتاب على المؤخر
انا زيك بتسأل
اى ام بتخلف ولد تقولك ايه الولد بتاعى والبنت لجوزها
عادات وتقاليد غربيه مش عارفه امتى هتتصلح
تحياتى ولاء

Tamer Nabil Moussa said...

ازيك اختى العزيزة سلوى

اخبارك اية

فى انتظار الجديد

تحياتى

سلوى said...

L.G.

هجيلك طيران

بس أبيت الكتاكيت
:)

وإنت جهزي الشمسيه

تحيااااااتي

سلوى said...

Tamer Nabil

فعلا والله يا تامر

كلامك مضبوط

على فكره
شكرا لسؤالك جدا جدا جدا

تسلم يا رب

سلوى said...

monaliza

مواجع غيه بس يا حبيبتي

سلامتك من المواجع

بس إيه حكايه الآيس كريم دي بقى

يعني إنت وأموله

كده هفلس يا بنتي

بس وماله علشان خاطركم الضيافه واجبه

حالا شوبين ميه ساقعه يكونوا عندكم
:)

تسلمي يا مونمن

سلوى said...

د/أبويحيى وادم

بارك الله فيك

نحن معكم

بإذن الله

تحيااااااااتي

سلوى said...

تــــــــــ(حـنة)ـــــــر

يا بكاااااااااااااااشه

فينك؟

وبعدين هو أنا منتظره دعوتك

يابنتي أنا رجعت من التعليق عندك لقيتك هنا

إيييييييييييييه

القلوب عند بعضها يا بنتي
سلام يا تمرايه

سلوى said...

walaa

إنت فين يا لولو

أخبارك إيه ؟

أول مرة أعرف حكايه
الولد لي والبنت لجوزها دي

إيه الكوسه دي بقى :)

نورتيني يا ولاء بجد

والله المستعان

Unknown said...

موضوع الثقة بالنفس ده أساسه طبعا الأسرة طريقة تدبيتهم معاملتهم بأبناءهم

مضوع مهم جدا المناقشة فيه تطول الحقيقة

سلوى said...

oعاليا حليم

منورااااااااااني

يالا كمليه واعملي حديث صحفي

تحياااااااتي

سلوى said...

عاليا حليم

منورااااااااااني

يالا كمليه واعملي حديث صحفي

تحياااااااتي