Monday, November 19, 2007

عــالــم داخــل عــالــم

يوجد أكثر من عالم داخل العالم الكبير
لــــنبدأ
في السنوات السابقه
كان المثقفون يجتمعون .. وكان هناك قهوة المثقفين .. قهوة الفيشاوى
حيث يجتمع .. المثقفون وأهل الفكر والفن
أرى المدونات الآن اشبه بهذا العالم ... لكننا الآن في عصر الإنترنت
وإجتماع المثقفون وأهل الفن والمهمومون ببلدهم
صار على نطاق أوسع وأشمل
من كل البلدان نلتقي
الأمر أشبه بأننا كأسرة واحده
قرأت تدوينه للأخ أحمد الباحث عن الحقيقه
يقول أن التدوين ليس فقط فضفضه
هو كذلك فعلا .. بل هو كل شئ
سأذكر بعض الأمثله لو تسمحوا لي
مثلا قرأت أمس تدوينه للأستاذ
عصفور المدينه
يحكي عن موقف حدث له ولفتاة كانت تعبر الطريق
هو يحكي موقف حصل له ... وكيف أنه عندما حاول الدفاع عن الفتاه
أصيب بوابل من السباب ...
هو يفضفض لنا وكأننا أسرته أو أصدقاؤه المقربين وفي نفس الوقت
نتعلم شئ ما من الموقف .. وهو عدم السلبيه وإلغاء كلمه وأنا مالي
موقف آخر في مدونه أخرى
فرنسا هانم
تحكي لنا عن ذاك العريس السعودي وطريقة تعاملها معه
هي تحكي لنا بكل بساطه عن حياتها
وكأننا أسرتها أو أصدقاؤها
موقف آخر
في مدونه سوووو
هو أيضا يحكي لنا عن مواقف حدثت معه .. هو يحكي لنا عن تغييره لشكل مدونته
وعن شهر أغسطس ... بشكل تلقائي وخفيف ومميز أيضا
موقف آخر
دكتور ضياء يحكي لنا أيضا عن مرضه سلمه الله
وعن دروس تعلمها من أشخاص مميزين في حياته
موقف آخر
الباحث عن الحقيقه .. يسافر للجيش ويودعنا وكأننا أسرته
وكذلك الأخ حائر في دنيا الله
أعادهم الله سالمين
موقف آخر
آلام وآمال
يحكي لنا عن يوسف ابن أخيه والسيارة الفورد
وهناك كثيرين .. فقط لا أريد أن أطيل عليكم
أريد أن أقول أننا نتعامل وكأننا أسرة واحده
بنحكي ونفضفض ونتعلم من بعض .. من تجارب بعض..
فعندما نكتب عن حزننا وتأتي التعليقات
تساند وتدعم وتقوى
فنشعر بأن هناك من يسمعنا ويشاركنا وينصحنا ويدعمنا
وعندما نكتب عن فرحنا تأتي الردود مشاركه ومهنئه..
شئ جميل
أليس كذلك
*******************
عالم الأحلام
مرة أخرى عاد يراودني ذلك الحلم .. وكان قد توقف عن زيارتي منذ حوالي شهرين
عاد الآن
ونعود للبدايه
كنت أحلم بالشيطان بذات نفسيته
أولا كنت لا أراه.. ولكني أعلم أنه موجود
فأقف أحدثه بكل قوة
أنا عارفه إنك هنا ومش خايفه منك
أنا هحرقك
وأبدأ في قراءة القرآن والأذكار
حتى يهرب وأسيقظ
تكرر هذا الحلم كثيرا وبأشكال مختلفه
إلى أن جاء يوم ظهر لي الشيطان في الحلم

ولا أعلم من أين تأتيني هذه القوة
صراع طويل حتى أمسكت به وأخذت أقرأ القرآن أيضا
حتى احترق في يدي
ولم يبقى سوى رأسه
كانت صغيرة ..
واستيقظت .. مفزووعه ومرعوبه
وأنا اللي كنت من شويه هرقليز وسوبرمان وفان دام وفريد شوقي
وكل الفتوات اللي في الدنيا .. أستيقظ وكأني خارجه من ماتش مصارعه
لا أقوى على الحراك بالكاد ألتف برأسي يسارا لأنفث ثلاث
وأستعيذ بالله من الشيطان
ودام الحال حوالي شهرين
حتى إني قلت لأختي وأمي
هو أنا حرقته بجد
المهم
هذا الحلم عاد من جديد
ولا أعلم لماذا ؟
تفتكروا دي أخطاء أو ما شابه؟؟
لا أدري
طيب لو سببه أخطاء مش عايزه تسييح يا جماعه
قولوا لي وأنا أبعت لكم الإيميل
بس بلاش تسييح
هههه
تحياااااااتي

22 comments:

رحــــيـل said...

سلوى بجد انتى كتبتى عن عالم التدوين حلو قوى
ده احساسى فعلا بالعالم الرائع ده

اما بقى بالنسبه لحلمك مش عارفه بجد
ربنا معاكى
بس اعتقد بما انك بتقدر تحرقي الشيطان يبقى اكيد خير
ربنا يكرمك ياسلوى
خالص تحياتى

mohand said...

السلام عليكم

وليه متقوليش ان خايفة من مواجته في عالم الواقع

عشان كده بتحاربية في خيالك


وعموما
الشيطان اصلا مش هيظهرلك
وما دام ظهرلك في الحلم يبقي هو فعلا

------------
طيب بتتعشي تقيل؟

سلوى said...

ساره الرقيقه

دايما منوراني
وكويس إني قدرت أعبر عن شعورك

وبالنسبه للحلم
إدعيلي

تحياااااااااتي

سلوى said...

mohand

يا سلام يامهند

هو أنا بيهمني
أنا في الحلم بكون شويه وهبقى دراكولا

ولا بيهمنى شيطان ولا غيره
أنا حرقته يا بني

وتصدق إني رسمته بعد ما صحيت
اللي شافه قال عليه مرعب

وبعدين مش بتعشى تقيل ولا حاجه

وشكلنا كده هنحتاج مفسر للأحلام
حد يجيب لنا بن سيرين يا جماعه

نورت يا مهند
وأسعدتني زيارتك

خالص تحيااااتي

عصفور المدينة said...

المقدمة جميلة جدا جدا مش عشان اسمي مكتوب لا بجد وكمان الأحداث اللي بتحصل لما حد بيتعب أو يتغيب أو يحصل له ظروف أو موت لا قدر الله بتحسسك بالمعنى ده
من كام يومي أخونا مهندس مصري كتب تدوينة عن تعامله كمهندس مع المقاولين والتسليح والخرسانةوبعدين اعتذر انه بوست عن الشغل
فقلت له إن تبادل الخبرات بين الناس من أهم فوائد التدوين أنا متهيألي لما واحد بيمر موقف مشابه لحد حكى عنه في مدونة بيفتكره فلو كان الحد ده اتصرف بمثالية فأكيد
بيحاول يقلده


نرجع بقى لموضوع الحلم أولا المفروض انت مش تحكي الأحلام الوحشة لأن الرسول عليه الصلاة والسلام نهى عن كدة لأن ده من تلعب الشيطان بالإنسان

واللي حضرتك حكيتيه ده كابوس مش حلم عادي فيما أعتقد
وعليك بالأذكار آية الكرسي فمن قرأها عند نومه لم يقربه شيطان ، ومن قرأ الآيتين من آخر سورة البقرة كفتاه ، ومن قال في يوم مائة مرة لا إله إلا الله وحده لا شريك له , له الملك وله الحمد وهو على كل شيءٍ قدير كانت له حرزا من الشيطان يومه كله وقراءة المعوذتين قبل النوم

بارك الله فيك

والذي أعرفه أن الأحلام تزيد في حالات الضعف النفسي للإنسان

الطائر الحزين said...

فعلا عالم التدوين احاطنا باخوة كثير دون ان نراهم

واصبحت همومنا الشخصية التى لها صفة العموم جميل ان نحكيها ليستفيد بها غيرنا

و رب كلمة لا يلقى لها بالا قائلها تضع قدمك على المسار الصحيح للحياه

الحلم الله أعلم

تحياتى

على باب الله said...

إحساس رهيب بعالم التدوين

تدوينة ممتازة حقيقي

--

أما بالنسبة للحلم .. فسأتركه لمفسري الأحلام

--

أتمني لك التوفيق

L.G. said...

شوفي يا مؤمنة موضوع المنامات ده مهم ومش المفروض أي حد يفسره كده والسلام لكي لا يقع فإما تذهبي لذو علم شرعي أو تستعيذي وترمي حمولك على الله
بس في رأيي المتواضع بما انه بتكرر يبقى مهم ومهم قوي ايه الآيات التي تقرئيها في المنام اكتبيهالي على الميل وابعتلك كل سورة في الغالب ايه وحكاية انك حرقتيه أعتقد انك بتحرقيه هو وولاده عشان كده بيطلعلك عشان يخوفك وتبطلي عمايلك دي في الغالب انت تقرأي القرآن في المنزل كثيرا وخاصة العشر أيات الأولى من سورة الصافات
ونصيحة مدنية
بطلي تلعبي بالكبريت

Dr. Diaa Elnaggar said...

العزيزة سلوى

موضوع تأملي راق جدا يا سلوى، والمقابلة بين عالم التدوين وعالم الأحلام في نفس التدوينة مقابلة رائعة جدا. والعنوان حلو اوي، هو كمان. أما حكاية الشيطان دي، فأظنها تطهير ذاتي منك لنفسك، كما يفعل الأتقياء.

عميق تحياتي

ضياء

سلوى said...

أستاذ عصفور المدينه

الحمد لله ان موضوع التدوين عجب حضرتك
وطبعا مش علشان اسمك مكتوب أنا عارفه

وهو فعلا اللي كتبته ده هو ما أشعر به
أشعر اننا أخوة
نتعلم ونتبادل الخبرات
وبنكون جنب بعض في المواقف المختلفه


بخصوص الحلم
هو طبعا أنا مش بحكي الأحلام اللي مش كويسه
بس ده بعتبره حلم كويس
هو في أحسن من انك تحرق الشيطان
وتقف أمامه كده ولا همك منه
وكأنك فتوة الفتوات
واخد بال حضرتك من فتوة الفتوات دي

وبخصوص قراءة القرآن والأذكار
قبل النوم
طبعا أشكرك ع النصيحه
مش عارفه أقول ايه
بس الله أعلم
بس الحلم بيجي رغم أي شئ

أشكرك جدا جدا
فتواجدك يسعدني بجد

خالص تحياتي

سلوى said...

الطائر الحزين
أخي الكريم وددت لو أذكر تجربتك أنت أيضا
ولكن لم أشأ أن أجدد أحزانك

فعلا أننا أخوة في الله

سعيده بتواجدك
وفقك الله
خالص تحياتي

سلوى said...

على باب الله

نورت المدونه أخي

وسعدت بتعليقك
وجميل أن يكون شعورنا واحد

خالص تحياتي

سلوى said...

L.G
فينك يا عزيزتي
والله افتقدتك
المهم
حمدا لله ع السلامه

وموضوع الحلم ده
هو بس كان مجرد فضفضه معاكم

وبعدين أنا مش بلعب بالكبريت
أنا مش بتاعة الكلام ده يا ماما
أنا بلعب بالديناميت

هو في كبريت يأثر في الشيطان
موضوع قراءه القرآن في البيت والأذكار وكده
فالله أعلم به

بس المهم بجد
تواجدك
أسعدتيني جدا جدا جدا يا لولو

دمتى بكل ود

سلوى said...

د. ضياء

سعيده ان البوست عجبك
والمقابله بين عالم التدوين والاحلام جت كده
يعني قلت أحكي معكم مش أكثر

تواجدك بجد يسعدنس دوما وأعتز به

خالص تحياااتي

son's egypt said...

السلام عليكم
التدوين دلوقتي انا بشبة بمذكرات يوميه لكل صاحب تدوينه
او مجرد صفحة بيكتب فيها اللي يجي علي باله ممكن تكون خواطر او قصص اوا اخبار
او حتي اللي بيحصل في يومياته اللي بيعشها
اما بالنسبة لحلمك

طالما انك قدري تحرقيه مرة ممكن تحرقيه تاني
ويعني انتي ممكن تصلي ركعتين قبل ما تنامي

klmat said...

سوسو
عالم داخل عالم
ايه العناوين الجامده دى
التدوين رائع وبنفضض فيه
وبنفيد ونستفيد
بالنسبه للحلم اناماليش اوى فى تفسير الأحلام بس لما الواحد ببيكون مشغول بحاجه وبيفكر فيها كتير
او حد بيخاف منه ويكرهه
ممكن يحلم به
الجعان بيحلم بسوق العيش
انتى بتحلمى بانتصارك على الشيطان
اناكده حابقى زى الشيخ سيد المفسر
بصراحه مسخره
يمكن قريتى حاجه مرتبطه
بكده عموما انتى ايمانك قوى وانتصرتى عليه فى الحلم
وان شاء الله تنتصرى عليه فى الواقع
ربنا يجعل كل احلامك وحياتك سعيده
سلامى

منى said...

سلوى
عندك حق فى موضوع التدوين
وبالنسبه للحلم انا مش هفتى بس بيتهيقلى مهما كان التفسير لابد من المحافظه على الاذكار واعاده ترتيب افكارك

فرنسا هانم said...

طبعا انا جايه متاخره
اعمل ايه ؟
جايه من السويس بالعجله بتاعتى
وكل يوم والتانى اغيرلها كاوتش وبرضه بتتخرم
شيلتها على كتفى وكملت المشوار من الكيلو 109 ماشيه على رجلى
هاتى العشا
وبعدين نتكلم
تعرفى انك بنوته عشره على عشره
احسن حاجه ان انتى حرقتى الشيطان
بقرأه القرأن
حاولى تقرى القرأن كتير قبل النوم مباشره
اقوم بقى اروح
لحسن عندى شغل الصبح
سلامى

http://kasperb4.blogspot.com/ said...

معاكي حق التدوين ده عالم تاني من نوع جديد
مش مجرد صفحات على النت بنتصفحها ونقرا اللي فيها لاء
ده مزيج من شوية حاجات كده بتخلي للنت عندنا روح وحياة ودنيا تانية الواحد لما يفتحها فعلا بينسى الوقت وينسى العالم الحقيقي اللي عايش فيه

والأهم من كده فعلا ان الواحد الحمد لله بيستفيد كتير اوي من معظم التدوينات للناس المحترمين المثقفين اللي تدويناتهم بالفعل تثرينا ثقافيا وفكريا

بالنسبة للحلم بصراحة مقدرش افتيكي فيه بس عموما يعني قتلك للشيطان ده مبشر خير

وجميل اوي ذكرك لموضوع الحلم ده وربطه مع موضوع عالم التدوينات
فهناك شيء ما يربط بينهما

تحيتي وتقديري لكي

سلوى said...

ابن مصر
دايما بيسعدني مرورك
وتعليقاتك

وبخصوص الحلم والركعتين
أشكرك ع النصيحه اخي الكريم
والله المستعان

خالص تحيااااتي


الجميله حضورا وتعليقا
كلمات
دايما منورة
والتدوين ده عالم
فعلا
وبخصوص الحلم اشكرك على كلماتك
وربنا يجعل أيامك كلها سعادة

تحياتي

منى
منوراني والله
أنا فعلا بشعر أن التدوين كده
وبخصوص الحلم أشكرك على نصائحك
والله المستعان
تحياتي



فرنسا هانم عندنا يا مرحبا يا مرحبا
والله منوراني بزيارتك الأولى دي
وأرجو أن لا تكون الأخيرة

وان كان على المشوار
بس بلغيني وأنا ابعت لك الليموزين
وبعدين عشا بس
أنا هدبح لك الشيطان نفسه
هههههه
وبخصوص الحلم
أشكرك ع النصيحه
والله المستعان
بس بجد والله أنا سعيده بتواجدك
خالص تحيااااتي


آلام وآمال
فعلا عالم التدوين كما قلت أخي العزيز

دائما تعليقاتك مميزه
وبخصوص الحلم
هو أنا بحثت ع النت ووجدت فعلا ان حرقه شئ كويس
والله المستعان

خالص تحيااااااتي

Soooo said...

انا اسمي مكتوب؟؟؟
طيب


بصي ياسلوى
اولا فكرة التدوين لما ظهرت رمان كان الغرض منها تدوين المواقف الشخصيه الحياتيه لصاحب المدونه في هيئة نقاط او مواضيع .. زي المزكرات تمام

الفكره دي لما انتشرت عندنا في مصر كانت على سبيل توجيه النقد للغير وخاصة الحكومه والكلام باعتقاد انه في حريه وان ماحدش يقدر يوصل لصاحب المدونه
لكن لما المدونين اكتشفو ان مافيش حاجه تصعب على الحكومه ولو عايزين يقفشو حد هيقفشوه .. اتجه التدوين للنقد للمجتمع او لأجهزة الحكومه

بعد كده تحولت فكرة التدوين لنوع من انواع التعارف او المجاملات او الفضفضه

وكل واحد داخل عالم التدوين داخل لغرض
في اللي داخل يهزر .. وفيه اللي داخل يتعرف على ناس .. وفي المؤلف المطحون اللي فقد الامل ان اعماله تتنشر فقرر انه ينشرها بنفسه ويشوف ردود الفعل

يعني على كل لون يا باطصطه

بالنسبه للحلم بتاعك .. يستحسن انك تسألي مفسر احلام على دراية بالحاجات دي بدل ما تلاقي مليون واحد جايين يهرتلو ويفسروه كل واحد بمزاجه

سلامووووز

سلوى said...

مرحبا سووووووو

أضفت للموضوع
بتعليقك وتحليلك
التدةين فعلا عالم تاني
وفيه كل شئ
وفيه ناس محترمه عايزه تترك علم نافع أو بتوعي الناس
حاجه كده تنفعا بعد الممات

وبخصوص الحلم
أنا كنتش عايزه حد يفسره
أو يفهم إن ده لعدم قراءه القرآن أو الأذكار
أنا بس كنت بفضفض معاكم
مش أكثر

تحياااتي