Tuesday, November 27, 2007

أحلــــــى كــــــلام

كيفكم شباب
بصراحه البوست السابق الذي كنت أنتوى تكملته
فتح باب للتعليقات جميل جدا
لدرجه إني لم أعرف ماذا أكتب في هذا البوست
أنتم بتعليقاتكم جعلتوني أغير فكرة البوست
وتعالوا بعيدا عن الكلمات المنمقه ... والفصحي
وتعالوا أعزمكم على استراحه الكاشفه .. نشرب شاي على حساب صاحب المخل
فرصه والباحث عن الحقيقه في الجيش ... نشرب على حسابه
بصراحه يا شباب تعليقاتكم فعلا هايله
يعني شباب واعي وعارف اللي حواليه ... وعندما جئت أكتب البوست ده
قلت أكتب عن ماذا ؟
فكلكم ومن تعليقاتكم بينتم أنكم مش نايمين
طيب هنقضيها كتابه وكلام وقراءه وتعليقات
إحنا ممكن نقعد مع بعض نشتم في الحكومه للصبح
بس دي الحكومه يا عيني مسكينه ... اللي بيقولوا لها عليه بتنفذه
قرأت أن مسئول صرح كده علنا وقال إن هناك ضغوط على مصر لتعترف بالبهائيه
ويكون لهم الحق في إخراج بطاقات شخصيه وممارسه حياتهم كأي دين
يا سلااااااااااااام
شفتم إن الحكومه مسكينه
بالمنطق ده ... وطبعا إنتم عارفين شعبيه واحد زي تامر حسني مثلا أو عمرو دياب
يعني لو طلع واحد من دول وقال إن له أتباع ومريدين
يبقى هما كمان من حقهم يعلنوا عقيدتهم ووجب علينا الإعتراف بها
إيه ده بالله عليكم ؟
والتعليم اللي عايزين يمحوه واحده واحده
أنا بسأل واحده في خامسه إبتدائي
ما أركان الإسلام ؟ معرفتش
الدين ماده غير أساسيه يعني ما تتذكرش
ده غير إن اللي في إعدادي نادر لو وجدته بيكتب ويقرأ سليم
والغلاء اللي مش مخلي الواحد يفكر غير في نفسه وإزاي يعيش
وحاجات كتير إنتم عارفينها
وبغض النظر عن المؤيد لوجود مؤامرة من عدمها
فأنا لا يعنيني التفكير كثيرا في هذا الأمر
وأقسم أنني عندما كتبت البوست السابق لم أفكر لحظه في تلك النظريه
لسبب بسيط
أني لا أريد أن أتوه في تفاصيل وإثباتات لاطائل منها
ولماذا أترك الواقع الذي نحن فيه وأبحث هل نحن في مؤامرة أم لا
فماذا يفيدني إن أثبت أنها مؤامرة
أدعي وهم ينكرون
أأترك الأساس .. وأتمسك في أشياء باهته
ورغم ذلك أقول لمن يريد أن نثبت نظريه المؤامرة ... كما تفضل دكتور ضياء بالسؤال
أولا أريد أن أقول شئ
لماذا نحن مطالبون دائما بتقديم إثباتات ... ومطالبون أن نتكلم بالمنطق
وأسأل من يريد منا أن نتكلم بالمنطق في مسأله المؤامرة سؤال واحد
ما هو المنطق فيما تفعله إسرائيل
التي لا يهمها أحد وتضرب بعرض الحائط كل القوانين والقرارات ولا يمسها أحد ؟
هل فيما تفعله أي منطق ؟
ما المنطق في تسليحها بالقنابل الذريه والترسانه الكيماويه والميكروبيه
في حين أن الدول العربيه غير مسموح لها بأي تسلح من هذا النوع
ما المنطق في الغزو الثقافي الهابط من القمار الصناعيه بكل أنواع الإنحلال والتفاهه
ما المنطق في إحكامهم للمؤامرات وشراء الزمم لتفجر القنابل ويقتل الأبرياءويشوه الإسلام
كل هذا ولازلنا نتعامل باستسلام وسلبيه نحاول أن نفهم ولا نفهم
ولكن الله من ورائهم محيط
يسلط عليهم الزلازل والبراكين والسيول والأعاصير
برضه إتكلمت كتير
بس لأنكم أحلى شباب وطاقه البلد
عايزين حلول
ياريت في تعليقاتكم من لديه فكرة أو إقتراح ولو بسيط يقوله
لا تجعلونا نقضيها كتابه وقراءه فقط
تعالوا نعمل شئ وإن شاء الله نجمع الإقتراحات دي ونعمل بها بوست
تحيااااااااااتي

32 comments:

عصفور المدينة said...

السلام عليكم ورحمة الله

ما ينفشي تطلب حلول لكل هذاالكم من المشكلات العملية عايزة لجان متخصصة وجمعيات وتركيز على نقاط نقاط

اما وجود النظرية فهي موجودة في الفكر البشري كله
ابحثي كدة عن
conspiracy theory

mohand said...

السلام عليكم

طيب الحل في ايه بالظبط؟
في المؤامرات ؟

ولا في ايه بالظبط ؟
بصي يا سلوي

جنود المؤامرات نوعين

نوع يعرف تماما انه جزء من المؤامرة ويعمل بمقابل ويعرف متي يتخلي عن تلك المؤامرة

نوع اخر لا يعرف ولكن يسير وراتء التيار علي اعتقاد منه انها ليست مؤامره ويضحي بكل ما له بدون مقابل في سبيل تنفيذ المؤامرة

وهذا النوع اخطر
لانه من نفس المجموعه المقامة ضدها المؤامرة

فامام من يواجه المؤامرة حل من اثنين
اما يحارب اخوانه " اقصد بالرأي والكلام والمبادئ ولا اقصد السيوف والقنابل "
او يصمت ويصبر
ما هو الحل الامثل في وجهه نظرك؟

ra7eel said...

سلو انتى فعلا جبتى من الاخر عايزين حلول مش مجرد كلام
انا شايفه ان احنا المفروض نبدأ
بنفسنا
فينا حاجات كتير عايزه تتغير
احنا اساسا اتربينا غلط
او مكنش فى مبادئ اساسا اتربينا عليها
اهمها السلبيه وتكبيرة الدماغ
يانتغير ياعلى الاقل نربى ولادنا بعد كده صح
ويكون فى قدوة بس مش المدرسين الهم اللى بيدرسوا مع احترامى للقله منهم
ياخبر دى فى بلاوى عايزه تتصلح فينا
تحياااتى لو حاجه تانيه جت فى بالى هاجى تانى

Salwa said...

عصفور المدينة

أنا لا أرفض نظريه المؤامرة
ولكني لا أريد أن أقف عندها كثيرا

أنا أمامي أمر واقع وتدهور في كل شئ

طيب أريد أن نبحث عن حلول
لكل هذه المشكلات

حضرتك بتقول الموضوع عايز لجان وجمعيات
طيب هي فين وهتجتمع إمتى

طيب هننتظر لما تجتمع
أنا مش عارفه إيه الحلول
بس دي دعوة علشان نفكر مع بعض

يعني مثلا مسأله التعليم
والطلاب اللي مش عارفه دينها ولا تقرأ وتكتب ... مش ده دمار للطفوله اللي بكرة هتكون شباب مصر

طيب فيها إيه لو كل واحد عنده وقت فاضي ... وطبعا ما أكثرة بالنسبه للباحثين عن عمل

المهم أي شاب لديه الوقت يعمل درس ساعه مرة أو مرتين في أقرب جامع
ويعرف الأطفال دينهم ومين عدوهم ويحل المبادئ والدين
محل أغاني الدش وغيرها

دي مثلا محاوله .. لو كل واحد عمل كده هيحصل إيه ؟

أنا أشكر لك زيارتك جدا
وسعيده بها جدا

خالص تحياااااتي

Salwa said...

mohand

أنا لا أبحث عن حل للمؤامرات كما أشرت في تعليقي على الأستاذ عصفور

ولا أريد أن نصارع بعض

أنا أريد أن نسد ثغرات بتتفتح علينا كل يوم قبل ما تبقى فجوات

يعني كل واحد يعمل اللي يقدر عليه

يعني لما نقف أمام ربنا يسألنا
نكون عملنا حاجه

أي حاجه ولو بسيطه

أنا سعيده بزيارتك مهند

وسعيده بالتعليقات دي
وحاسه إننا ممكن نوصل لشئ

فإن نجحنا فبفضل الله
وإن أخفقنا فعلى الأقل نكون حاولنا

خالص تحيااااااااااااتي

Salwa said...

ra7eel

يا خبر ... إنت تيجي في أي وقت

أحلى حاجه قلتيها .. طبعا كلامك كله جميل
بس عجبني
ياخبر دى فى بلاوى عايزه تتصلح فينا

حلو إننا نقف أمام المرآة بصدق لنرى البلاوي دي

ونحاول .... نحاول .. مجرد محاوله

والله المستعان

دمتي بكل ود عزيزتي

Salwa said...

عصفور المدينة

أنا لا أرفض نظريه المؤامرة
ولكني لا أريد أن أقف عندها كثيرا

أنا أمامي أمر واقع وتدهور في كل شئ

طيب أريد أن نبحث عن حلول
لكل هذه المشكلات

حضرتك بتقول الموضوع عايز لجان وجمعيات
طيب هي فين وهتجتمع إمتى

طيب هننتظر لما تجتمع
أنا مش عارفه إيه الحلول
بس دي دعوة علشان نفكر مع بعض

يعني مثلا مسأله التعليم
والطلاب اللي مش عارفه دينها ولا تقرأ وتكتب ... مش ده دمار للطفوله اللي بكرة هتكون شباب مصر

طيب فيها إيه لو كل واحد عنده وقت فاضي ... وطبعا ما أكثرة بالنسبه للباحثين عن عمل

المهم أي شاب لديه الوقت يعمل درس ساعه مرة أو مرتين في أقرب جامع
ويعرف الأطفال دينهم ومين عدوهم ويحل المبادئ والدين
محل أغاني الدش وغيرها

دي مثلا محاوله .. لو كل واحد عمل كده هيحصل إيه ؟

أنا أشكر لك زيارتك جدا
وسعيده بها جدا

خالص تحياااااتي

L.G. said...

رأيي ان كل واحد يجي على نفسه وميقلش وأنا مالي اللي يشوف نور الشارع منور بالنهار يدور على النمر ويتصل بالشكاوي ويقرفهم لحد ما يطفوه اللي يلاقي بلاعة من غير غطى يتصل ويقرفهم لحد ما يغطوها اللي يلاقي عيال في الشارع بيشتموا بعض ينهرهم ويخلص الخناقة ويقلهم اتأدبوا اللي يلاقي بنت ماشية مع ولد غلط على الأقل يزغرلهم اللي يلاقي مديره في العمل بيفتري عليه يقدم فيه شكوى حتى لو حبسوه هو اللي يلاقي غلط يقدم شكوى من الآخر نقرفهم زي ما بيقرفونا
على الصعيد الآخر نعمل احنا منستناش الحكومة لو قدرنا نلم تبرعات ونساعد محتاج نعمل لو قدرنا ننظف مدرستنا ننظف لو قدرنا نزرع شجرة نزرع ننظف احنا مش مشكلة والله مثلا ليه الشباب ميركبش عجل بدل العربيات عيب حرام نقلل التلوث ونمشي حالنا والله لولا انه عيب على البنات كنت جبت عجلة ومشيت بيها نتصرف نتحرك وحسبي الله ونعم الوكيل في كل ظالم ياريت نقولها علطول

آلام وآمال said...

أولا شكرا ليكي على سؤالك عني وجزاكي الله كل خير والله اسعدتيني جدا بسؤالك

انا الحمد لله بخير بس زي ما انتي عارفة بقى الامتحانات قربت ووجع القلب ووالخنقة وربنا يعديها على خير

ولي عودة ان شاء الله للتعليق على البوست إن أمكن ومعذرة بجد على قلة المتابعة بس ادعيلي بالله عليكي

الطائر الحزين said...

على الاقل نبدأ بأنفسنا وبمن نعول

Salwa said...

L.G.

أصبحتي تمرين عزيزتي كنسائم الصيف

اللي إنت كتبتيه ده شئ جميل جدا
نبدأ بنفسنا
كل واحد يعمل اللي عليه

إسمحي لي أضع حلولك في البوست القادم

خالص تحياااااااتي

Salwa said...

آلام وآمال
طالما امتحانات فبسيطه إن شاء الله

والحمد لله إنك بخير أخي

وبعدين ولا يهمك المدونات مش هتطير
ركز إنت في دراستك وربنا يوفقك

خالص تحياااتي

Salwa said...

الطائر الحزين

جميل جدا
خير الكلام ما قل ودل

اسمح لي أضيف رأيك في البوست القادم إن شاء الله

خالص تحياااااااتي

mohand said...

السلام عليكم

بصي
احنا محتاجين تغيير في ثقافة العمل

والله العظيم
يمين احاسب عليه
احنا لما اهملنا قيمة العمل تحولنا للتخلف والانحدار اللي احنا فيه


احنا مش محتاجين ثقافة وادب وفنون

احنا محتاجين كل واحد يعمل عمله كما ينبغي

ومع الوقت هتلاقي اننا بقينا ذات قيمة

دور كده علي التسلسل الطبيعي

هتلاقينا فعلا مع العمل الصح
كل واحد هينتج
تحياتي

MKSARAT SAYED SAAD said...

اية دة تعليقي راح فين
ينهار ابيض
طيب ان علق تاني
بس على اخر النهار علشان طالع عيني في الشغل دلوقتى
سلام مؤقت

kikotalaat said...

سلامووووووووووووووو عليكووووووووو
بصب أنا حقيقة قعدت مرة أفكر في حلول البلد ديه وفعلا حسيت إن الحل مش موجود ... فعلا مش موجود ومش هنقدر لأن اللي هيعمل الحلول ديه اتنين لازم يتعاونوا مع بعض
الشعب والحكومة
والاتنين والحمد لله في التوهان
بس في حلين مالهومش تالت ومحدش يتعب نفسه ويدور علي حلول تاني
الاول إننا نهاجر ونسيب أم البلد ديه
التاني قنبلة ذرية تنزل تشيل الناس بالحكومة باكوام الزبالة اللي مالية البلد
ويجي شعب وحكومة أنضف من اللي موجودين دلوقتي
ودمتم بخيييييييييييييييير

كان معكم ..,
العبقري كيكوووووووو

Salwa said...

mohand

انضميت برأيكد ده للأصوات التي تنادي بالبدء بالذات

والعمل الجاد

اسمحي لي أضيف تعليقك أيضا في البوست القادم أخي الكريم

ودايما منور المدونه بتعليقاتك وآراءك

خالص تحياااااتي

Salwa said...

MKSARAT SAYED SAAD

يا خبر ما تتخضش كده
عارفه إن تعليقك إنت تعبت فيه
وكان شامل وفيه نعلومات حلوة

بس إنت لم تأخد بالك وعلقت
بس في البوست السابق
وأنا قرأته
بجد تعليقك مميز
يعني غفرح بقى مش هتضطر تكتبه تاني


خالص تحياااااتي

Salwa said...

kikotalaat

شرفت بزيارتك
أنا فضلت أضحك بشكل
إيه الحلول دي ؟

نهاجر أو قنبله زريه يا نهار أبيض

طيب الله المستعان
وتابع معانا يمكن نوصل في النهايه لحل تالت ويكون كويس
بس إيه هو لسه مش عارفه

المهم في انتظار زيارات أخرى للمدونه
دمت بحفظ الله

Salwa said...
This comment has been removed by the author.
MKSARAT SAYED SAAD said...

طيب الحمد
بقلك بجد شوفي موضوع يكون مناسب ونجهزله كويس ونعرضة للناس ولو في حد عايز يشترك معانا يبقى ياريت

ابن حـجـر الـعـسـقـلانـى said...

يا خبر يا جماعة ... يعنى الجهاز عندى يعطل كام يوم.. أرجع ألاقى الاستراحة مليانة ناس .. و مواضيع داخلة و أفكار خارجة

على العموم .. إن غاب القط .. إلعب يا فار ... و معلمى الكبير "الباحث عن الحقيقة" مش موجود .. و يالا .. كل المشاريب على حساب الاستراحة

--------------

بالنسبة لموضوع التدوينة

أعتقد إن كل واحد يسأل نفسه الأول .. ماهى دائرة نفوذه ؟؟ يعنى يحدد الأول المساحة اللى يقدر يحدث فيها تغيير مؤثر ... و بعد كدة نشوف إيه هى أهم حاجة محتاجة تغيير .. و نحاول معاها

أحمد مصطفى said...

رح اقول فكرة بس يارب تعجبكم

والفكرة انشاء الله رح اطبقها
فى مدرسة اعدادى خاصة بشتغل فيها اخصائى نفسى

والفكرة بختصار

انى رح اجمع الطلاب مع ادارة المدرسة

واكون فى دور الحاكم

واكتب
حق الطلاب
وحق الادارة

وكل واحد من الطلاب يقول طلباته
وكل واحد من الادارة يقول طلباته

واللى هيتفقوا عليها

رح اكتبه فى لوحة كبيرة

ويكون دا هو قانون المدرسة
يطبق على الكبير قبل الصغير

وفى حالتنا احنا
كشعب وحكومة
فالحال اننا نكتب دستور جديد لمصر

باتفاق الشعب والسلطة (واللى طبعا مش من الحزب الوطنى لانهم مش هيوفقوا )

ولكن المشكلة انى مش هاعرف اكون حاكم
ومش عارف مين ممكن يقوم بالدور دا

يارب ماكونت طولت عليكم

تحياتى
أحمد مصطفى

Salwa said...

MKSARAT SAYED SAAD
إن شاء الله سنجمع لشئ

أسعدني إهتمامك وتواصلك معنا
ياريت تضيف لنا بآرائك دوما

خالص تحيااااااتي

Salwa said...

ابن حـجـر الـعـسـقـلانـى

أهلا ابن حجر
ومشكوووووووووووووور
وإن شاء الله يجعله عامر
وتفضل الإستراحه كده سبيل لعابري السبيل أمثالنا

وبخصوص رأيك
هو رأي جميل
اسمح لنا نضيفه مع باقي الآراء

أنت نورت المدونه
خالص تحياااااتي

Salwa said...

أحمد مصطفى

بجد بقى أحييك على رأيك

ولو كل ولحد فكر يعمل إيه في مجال تخصصه وكيف يفيد به

هيكون شئ كويس جدا

بارك الله فيك
وأنت لم تطل أو أي شئ
بل سعدت جدا بتواجدك
خالص تحيااااااتي

mazlomen said...

المسألة سهلة
شيلوا ألدوا حطوا شاهين
بس

son's egypt said...

السلام عليكم
موضوع الحلوا فكرة كويسه جدا
بس اكيد محتاجة لوقت علشان نقدر نوصل لحلول مقنعة ويمكن تحقيقها
لان كل واحد منا اكيد عنده فكرة وحل
بس ايه الحل اللي ينفع وممكن يطبق
اتنا براي اننا نرجع لثقافتنا واسلامنا من جديد
لانه ففيه كل الحلول
لانه فيه الامان لكل واحد

Salwa said...

mazlomen
شرفت بزيارتك الأولى
وأرجو أن تتكرر

وبعدين إنت ليه بتصعبها كده
مش هينفع نشيل ألدو
طيب نعمل إيه؟
وحتى لو شيلنا ألدو
مش يمكن شاهين تبعوه
مش بقولك صعبتها

تحيااااااتي

Salwa said...

son's egypt

نورت ابن مصر
وسعيدة بزيارتك

وهنضيف رأيك طبعا
اسمح لنا

خالص تحياااااتي

Salwa said...

son's egypt

نورت ابن مصر
وسعيدة بزيارتك

وهنضيف رأيك طبعا
اسمح لنا

خالص تحياااااتي

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘