Friday, January 9, 2009

إنت مع مين ؟؟

انقسم الناس إلى قسمين
قسم يؤيد غلق معبر رفح ويؤيد السياسه المباركيه الحكيمه ..( التى تصدر الغاز) لإسرائيل
وإلى الآن لم يطبق قرار المحكمه في منع تصديره

ومنطقه في ذلك
أن مصر والعرب لا قبل لهم الآن في أن يشنوا حربا ضد إسرائيل ومدلليها
وكيف ذلك
وهم يملكون كل أسباب التكنولوجيا
ونحن لا نملك شئ
وهذا القسم يستعين دوما بالآيه الكريمه (وَأَعِدُّوا لَهُمْ مَا اسْتَطَعْتُمْ مِنْ قُوَّةٍ
وبالتالي يكون أمامنا فترة من الزمن لكي نستعد
(
لكن إمتى بالضبط فالله أعلم
أهم شئ إن كل ما ننزنق نقول لازم نستعد الأول .. قال يعني إتفاجأنا
إن لنا عدو .. وهكذا إلى ما شاء الله ) ودمتم بخير:(
نفس هذا الكلام يقال كلما تعرض أي بلد عربي للمهانة أو اغتصب ترابه
أو سفكت دماء الأطفال والنساء على أرضه
هناك أيضا من يقول أن التغيير يجب أن يأتي أولا منا
فما الحكام إلا عقاب لنا على ما نحن فيه
طيب التغيير ده إمتى هيبدأ .. برضه الله أعلم .. ( المهم النيه ) ودمتم

النصف الثاني
يدعوا لحرب .. يدعوا للثأر .. يدعوا لرد الظلم يدعوا لمد يد المساعده
لإخواننا في فلسطين والعراق و.....
يدعوا لعدم السكوت والإكتفاء بالشجب .. يدعوا للإستيقاظ
لأنه كأس سيمر بين الجميع .. فلنصحوا قبل أن يأتي علينا الدور

رأيت نساء السودان في مظاهرة يقولون .. ليجلس الرجال ويرتدوا أخمرتنا فقط يفتحوا
لنا الطريق وسنحارب نحن
والآلاف من الناس تخرج تهتف ليفعل الحكام شئ

هذان هما القسمان
وأكيد حضرتك يا من تقرأ هذا البوست تنتمي لأحد القسمين
وأكيد لك مبررك


عن نفسي
أريد أن أعود للآيه الكريمه
وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ
وَعَدُوَّكُمْ وَآخَرِينَ مِنْ دُونِهِمْ لَا تَعْلَمُونَهُمُ اللَّهُ يَعْلَمُهُمْ وَمَا تُنْفِقُوا مِنْ شَيْءٍ فِي سَبِيلِ
اللَّهِ يُوَفَّ إِلَيْكُمْ وَأَنْتُمْ لَا تُظْلَمُونَ

الآيه تقول ( ما استطعتم ) أي مهما أمكنكم .. أي كل ما تقدرون عليه
( ترهبون به عدو الله ) وعدو الله لو تعلمون جبان شفتوهم في حرب تموز ؟
رأيت جندي منهم أخد ضربه بسيطه ووجدت كل الإسعافات والكرسي المتحرك
ليجلس عليه .. مع إن الضربه لا تذكر .. إلا إنهم جند مدللون جبناء
عندما تشاهد المظاهرات
أو لقاءات نصر الله بأتباعه
تجد الآلاف يهتفون .. وبجد شكلهم يرهب ..
آه لو كل واحد في إيده سلاح .. وليس أفضل عندنا من نيل الشهاده

يا جماعه نعمل شئ .. يكون لنا قيمه .. يعمل لها العدو ألف حساب

إيه التهييس اللي أنا فيه ده ؟؟
يالا أهو الواحد فضفض شويه
والله المستعان

21 comments:

romansy said...

اول تعليق



ل



رومانسى

romansy said...

انتى عارفه ان مصر عانت من الحرب كتير
وقعدنا سنين وسنين
لحد ما بنانا نفسنا تانى
احنا اكتر دوله احتلت من ايام العثمانين
والفرنسين والانجليز اللى احتلونا 83 سنه
وبعدين حرب 56
وحرب 67
وحرب73
دا غير الحروب الداخليه بقى اللى مش قادرين نهزمها
قرار الحرب انا مش موافق عليه
انما فيه حاجات تانيه كتير
ممكن نسعين بيها
المقاطعه
وكمان نمنع نصدر البترول ليهم
دا سلاح مهم
جدا

Anonymous said...

السلام عليكم ورحمة الله وبركاته
............
قرأت موضوعك وعجبني جدا بس احترت فيه كتير واحترت احدد موقفي زي ماطلبتي من كل القارئين له.....
!!!!!!!!!!!

بس هقولك علي حاجه

من خلال القاموس الكبير والمعروف للكثيرين من زوار النت والذي يفسر مصطلحات كثيرة في مجتمعاتنا العربيه واعطي بعض الامثله من مصطلحات هذا القاموس وتفسيرها


..........

المواطنة:أن توطن نفسك علي انه مفيش فايده

السواد الأعظم:هو السواد اللي بيشوفه الشعب الذي يسكت أبنائه علي استبداد وفساد حكامه

التحديث:السياسات الحكومية التي تؤدي الي جعل المواطن يمشي يتحدث مع نفسه

الترشيح:الفلتر الذي لابد من استخدامه للتمكن من عصر خيرات البلاد حتي أخر قطرة


ده تفسير لبعض المصطلحات التي يتم تطبيقها في مختلف البلاد العربية اللي المفروض انها إسلامية!!!!!!!!!!

وفي مصطلحات غيرها كتير طبعا......

وإلي أن يتم تغيير هذا القاموس الكبير
نقدر ساعتها نحدد احنا فين ومع مين ونقدر نعمل ايه

وجعت دماغك ياسلوي ...بس بجد موضوعك حيرني جدا

وانتي اللي قولتيلي أزورك كتير بس يارب المره دي متقوليليش
إوعي تيجي تاني!!!!
........

تحياتي لك

.........

عطر الكلمات

سلوى said...

romansy
أول رد

ل

سلوى :)

أيوة مصر عانت كتير من الإحتلال
وعانت لحد ما اتبنت من جديد

بس إيه قيمه اللي ينيناه لو البلاد اللي حوالينا متهدمه؟؟

وإيه قيمته وهيصمد أد إيه لما يجي علينا الدور ؟؟

وإيه قيمته والعرب نفسهم صاروا بلا قيمه؟؟

دي حاجه
الحاجه التانيه
التطبيع شغال
وحتى لما القضاء اخد قراره بعدم تصدير الغاز لإسرائيل إلا إن القرار لم ينفذ بعد
يعني الحكومه بتمشى اللي عايزاه
بس خلاص على رأي شعبوله :)

نورت المدونه بجد رومانس
وسعيده بتواجدك
ربنا يديمه أخي

سلوى said...

عطر الكلمات

أهو إنتي اللي حيرتيني بالمصطلحات الجديده دي والله

إيه ده
دا أتاري الواحد مفيش عنده لغه :)

مش بقولك كلامك انت اللي حيرني

يعني المطلوب الوقت ومن خلال كلامك
إننا محتاجين نغير سياسه اللامبالاه اللي سايده بين الشعب

بالتحديد محتاجين نغير أنفسنا
ونفوق للي حوالينا

نفسي أعرف مين اللي حط القاموس ده يا عطر الكلمات ؟؟
:))

شرفتي المدونه :)

وبعدين زيارات دايما أوعي تغيبي
المدونه مدونتك
أوك
أوك
ربنا يوفقك عطر

رفقة عمر said...

انا مع من يقاتل لكى تكون كلمه الله هى العليا
ووقتها هاتلاقى كل الصعوبات مذلله

صفـــــــاء said...

.
سلوى يا حبيبه قلبى

انا لا مع دول ولا مع دول

أصل هو سعد باشا داهيه تحرقه ماطرح ما راح قالها

مفيش فايدة يا امى
.

مدونة الكومي said...

الناس في الشارع العربي فعلا بين هذين الرأيين، والغالبية التي أنا منها تؤيد القوة في كل شيء
وكما قال أنور السادات ما أخذ بالقوة لا يسترد الا بالقوة

المشكلة ليست في استخدام القوة، لكنها في كيف استسلمنا لكل هذه المؤثرات النفسية والاجتماعية التي أوصلتنا الى هذا المستوى؟؟؟ وعندما نكتب ونقول أن هناك مؤامرة اعلامية ونفسية على الأجيال الحالية لتدمير عقولها ووقف تفكيرها يتهمنا البعض بأننا ضحايا نظريات المؤامرة، لكن أليست اللامبالاه التي يعيشها شباب كثيرون هي احدى نتائج هذه المؤامرات؟
أوليست هناك مقاعد صحفية وسياسية وحتى علمية يشغلها مجموعة من الأغبياء يدمرون كل ما حولهم؟

الحرب هي الحل، ولكن لأن العدو يعرف أنها الحل القوي للمسلمين الذي سينسفه، لذا فقد أوصلنا الى مرحلة يصبح فيها التفكير في الحرب أمرا مستحيلا ونحن بغبائنا استسلمنا
وصدقنا
فهُزمنا قبل أن نبدأ

أعتذر على الاطالة

سلوى said...

رفقة عمر
وأنا معاكي رفقتي

والله المستعان

سلوى said...

صفـــــــاء
يا بنتي الراجل مات
مالك به بس

وبعدين إنتي لازم تكون مع حد
أوعي تكوني مع الناس التانيين؟؟ :)

أوعى تخليهم يوصلوك لجمله مفيش فايده دي

هما عايزين كده

لكم وعد الله آتي
إمتى ؟؟

الله أعلم

سلوى said...

مدونة الكومي
الله ينور عليك بجد

فعلا ما أخذ بالقوة لا يسترد إلا بالقوة
فإسرائيل لا لها عهد ولا كلمه
فهم قتله الأنبياء
وغادرين

ويخطئ من يظن أن سيأتي بحل معهم عن طريق السلم

أوافقك مع كل كلمه قلتها

راجى said...

انا معاكى طبعا لانك واقفة فى المربع الصح

زينـه said...

انا مع اكتشاف خطير

لكنه سيزج بي بالسجن

:)

تحيتي لك سلوى

مصطفي ريان said...

السلام عليكم
اختي العزيزة سلوي
كلامك منطقي بس تفتكري كل واحد بيهتف هو فعلا قد الحرب او الستات اللي بتقول افتحولنا الباب وهاتو السلاح لومسكوه فعلا والباب اتفتح هيقدرو يحاربوا اظن ان في فرق بين الكلام والفعل وقرار الحرب لايئخذ بالعواطف
في حرب اكتوبر كان هناك استعداد من قبلها لمدة 6 سنوات وكان في حروب استنزاف قدرنا نقيم فيها قدرتنا وقدرة العدو ماصحيناش الصبح قلنا يلا يا جماعة نحارب
الحل مع اسرائيل لن يكون إلا بالقوة والحرب ولكن مش مصر لوحدها اللي تحارب
لازم يكون في حالة استنفار كاملة والناس تكون مستعدة نفسيا وعسكريا وماليا وقبلها دينيا للحرب
لكن تفتكري لو فتحنا الباب دلوقتي بالوضع الحالي دة وقولنا يلا يا جماعة اللي عايز يحارب يطلع ايه اللي هيحصل
صدقني هتكون مجزرة
انا بتكلم من الواقع اللي انا شخصيا رفضه ومش راضثي عنه واتمني انه يتغير
بس التغيير محتاج وقت واستعداد
ارجو انك تتقبلي رأيي وتتفهميه
ولك مني كل التحية والتقدير

ELHAWARY said...

ازيك اولا
ثانيا
انا مش بحب اتكلم فى اى سياسة لانى تعبت بجد وفى كل حتة بلاقى احزاب وطرق مسدودة ومش بلاقى حل بس دا مايمنعش ان ليا دور انى مسلم و مصرى وعربى


احنا لينا فكر وحكامنا ليهم فكر تانى
احنا بيبقى همنا المسلمين والعرب ونفسنا نكون معاهم ونشاركهم
بس حكامنا همهم المصالح الشخصيه
والكرسى بيغرى

اللهم انصر اخواننا فى كل فلسطين
وفك اسر القدس الحزين
واهدى حكام المسلمين

دمتى فى وطن حر
رازى

مدحت محمد said...

انا مع النادى الاهلى

صدقينى احنا لو حاربنا دلوقتى

هنخسر كتير اوى
وممكن ستة صفر

سلوى said...

راجى
ربنا يكرمك :)
لك كل تحياتي

سلوى said...

زينـه
إكتشاف إيه؟؟
قولي قولي
محسوبتك أمن دوله
:))
نورتي المدونه عزيزتي

سلوى said...

مصطفي ريان
طيب يا مصطفي
الناس تستعد إمتى
هنفضل نقول لازم نستعد لازم نستعد لحد إمتى؟؟

كل لما مشكله في بلد عربي تحصل نقول لأ ماينفعش نحارب
ولازم نستعد الأول
طيب نستعد إمتى ؟؟
لما يجي علينا الدور

نورت مصطفي
ومبروك الكتااااااااب :)

سلوى said...

ELHAWARY
أنا بخير الحمد لله
كيفك إنت ؟

انت قلت جمله حلوة
الكرسي بيغري

عندك حق
ربنا ينصر الإسلام واتلمسلمين في كل مكان

سلوى said...

مدحت محمد

نخسر و6 صفر كمان

أمال ينفه نحارب إمتى
لما الأهلي يا خد كاس العالم

:))

ربنا يحفظك مدحت ودمت بكل الخير