ودن من طين وودن من عجين
خليكوا يا حكام ساكتين
مطنشين .. منفضين .. مكبرين
طالما أسيادكم عنكم راضيين
يبقى خلاص
بلا عراق بلا لبنان بلا فلسطين
خليكوا نايمين
وموتوا وانتوا حوالينا عايشين
عارفين
العيال في الشارع لكم مكسوفين
نفسي في يوم ألاقيكم غايرين
وألاقي غيركم حكام تانين
اسمهم يا ساده بنى آدمين
للكرامه والعزة والعروبه عايشين
حكام عارفين
يعني إيه بشر .. يعني إيه مسلمين
يعني إيه غيرة .. ويعني إيه دين
16 comments:
.
يبقى هتموتى يا حبيبتى من غير ما تشوفى اى حاجه
لأن كل اللى بتتكلمى عليه دة أوهام ومش هتحصل
أطلبى من ربنا حاجه أسهل شويه من ان دول ربنا يسخطهم بشر
.
وانا والله نفسى يا سلوى
خلينا ندعى ونتغير
جاي العالم حوالينا يتغير
ربنا كبييييييييير
ومفيش حاجه كتيره عليه
سلوى
لابد من فجر مهما طال الليل .. صحيح اننا نعيش الزمن الردئ .. لكن من قال أن ضياءا ظهر بغير ظلام .. صبرا جميلا
بوست .. قصيدة صادقة
طيب معلش
هما المفروض يعملوا ايه
يعني إيه اقتراحاتك
مثلا نحارب
و لا نديهم جزء من أرضنا
بجد و الله أنا
بسأل مش هزار أو سخرية
لا و الله
بس ايه اقتراحاتكوا للحكام
يعني سؤال مباشر
لو إنتي دلوقتي أصبحتي
رئيسة للدولة و حاكمتها
هتعملي ايه ؟؟؟؟؟؟؟؟؟
حلوة يا سلوى
بس مين اللي يسمع
وزي منتي عارفة ان المشكلة دي مش مشكلة حكام بس
احنا كمان مشتركين ف كل اللي بيحصل
دي امنيتنا كلنا
بس علشان تتحقق لازم احنا كشعب الأول نتغير
الحكام جزء من الشعب
صدقيني لواتغيرنا وبقينا احسن ربنا هيكرمنا بحكام احسن
لك كل التحية والتقدير
صفـــــــاء
مين عارف مش يمكن هما اللي يموتوا
قدمي المشيئه كده :)
تسلم ع المرور صفوء
منى
فعلا ربنا كبير
والله المستعان
فينك من زمان يا هانم؟ :)
Sherif
أكيد طبعا لكل شئ نهايه
وهما لهم نهايه
هذا وعد الله
لكن الأمر مخزي ومحزن
شكرا لزيارتك الرقيقه
نورت المدونه :)
و القادم....أجمل
شوفي يا لولو
لا هقول
نديهم أرضنا
ولا نحارب
أبسط شئ كنا فتحنا معبر رفح علشان الإمدادت تصل للنا اللي بتموت دي
تخيلي
شعب مسلم محاصر ومش معاه حتى سلاح يدافع عن نفسه
دي قبرص وكرواتيا بعتت لهم سفن ومش عارفه توصلها لهم
وإحنا عرب مسلمين وأولى بيهم
دا الواحد بقى مكسوف إنه مصري
زي ما قلت لك أبسط شئ المعبر يتفتح
يجتمعوا ويبقى لهم رأي فعال كده
مش يبقوا لا كلمه ولا قيمه
حسبنا الله ونعم الوكيل
آلام وآمال
إذا كان رب البيت بالدف ضاربا ...
يا محمود كلكم راع وكلكم مسؤل عن رعيته
حسبنا الله ونعم الوكيل
mostafa rayan
هو الشعب فاضى يتغير
ده مطحون يا مصطفي
مين عارف
يمكن يحصل شئ كبير
يغير كل شئ
الله المستعان
روعه سلوى
تسلم ايديكى
يارب يسمعوا
واللى زى ما قلتى ودنهم من طيييييييييييييييين
لا لاسف هيفضلوا نايمين
فى هيفا ونانسى سامعين
وللضرب متطنشين
وللكوره متابعين
دا حالنا
وكمان مش عاجبيبن
تحياتي يا سلوي
و الله كلماتك جعلتني ابتسم...و يبدو
اننا لن نعيش حتي نري هذا الحلم...
لكن الحقيقة ان السيد رئيس مصر انا اقدره جدا لسياسته الخارجية التي لم تجعلنا ننزلق الي مخاطر حروب او صراعات
جديدة...كفانا ما قاسيناه سابقا.
تحياتي و تقديري
Post a Comment