Friday, June 13, 2008

لغتنا العربيه


لغتنا العربيه .. لغه القرآن
إقترحت العزيزه إل جي أن نكتب بوست لنشارك به

ونساند فيه دعوته لإحياء لغتنا العربيه




الحقيقه لم أكن أعلم ماذا أكتب فالدكتور كتب في موضوعه كل ما يمكن أن يقال
ولكن سأقول شئ كان يغيظني فعلا
وهو
في اللقاءات التليفزيزنيه والبرامج
عندما كان يتحدث الضيف بلغته العربيه
ثم يقحم بعض الألفاظ الأجنبيه في حديثه
وكأن هذا رمز للثقافه أو الرقي
ما كان يغيظنى هي أن تلك الألفاظ الأجنبيه من أبسط ما درسنا
Ok ... yes .. no .. sure..
وما شابه ... بمعنى أن تلك الكلمات ليست مقياس للعلم الخارق
طبعا الكلمات دي بنستخدمها في الشات أيضا
شئ آخر
البعض يكتب العربيه بحروف إنجليزيه
الحكايه دي أنا فاشله فيها جدا
بالرغم إن في ناس محترفه فيها
طبعا لازم نتعلم لغات أخرى
فمن أراد أن يأمن شر قوم تعلم لغتهم
المهم
طبعا أنتم تلاحظون أن اسمي في البروفيل salwa
إن شاء الله هغيره لـــ سلوى
ياريت تشاركونا هذا الموضوع
يعني إنت اسمك عربي فاكتبه بالعربي
عارفين ليه؟
تخيل إنك فتحت مدونه أحد الأجانب ( أمريكي .. فرنسي .. إنجليزى .. ) ووجدته يكتب البروفيل

خاصته باللغه العربيه
ماذا سيكون شعورك ؟؟؟
طبعا ستسعد وستشعر بالفخر بنفسك ولغتك
الآن بدل الوضع
لما نجعل الآخرين يشعرون بالزهو فقط لإلتصاقنا بهم وبلغتهم
هل لغتهم أحسن من لغتنا ؟؟ هل هي أفضل ؟؟
أن لغتنا هي لغه القرآن .. كلام الله

كما ستلاحظون إن شاء الله جمله في بدايه المدونه
تعلن أن هذه المدونه لفتاه مسلمه عربيه
فأنا أحب مدونتي وأفخر بها
وأفخر بكوني مسلمه وكفي بها نعمه
وأفخر بكوني عربيه رغم كل ما يكون
شاركونا لنشر لغتنا العربيه والإعتزاز بها
هل تعجبك الفكره ؟؟
إذا من سيشارك ؟؟؟؟

31 comments:

عصفور المدينة said...

معكم إن شاء الله ولكني كتبت عن هذا الموضوع من قبل

همس الاحباب said...

وفقنا الله لما يحبه ويرضاه
وبارك الله فيكى
تحياتى وتقديرى

رحــــيـل said...

سلوى


انا كمان هغير التوقيع بتاعى واخليه عربى

انتى معاكى حق فعلا فى كل الكلام اللى قولتيه


تحياتى وحبى وتقديرى

آفاق الحرية said...

السلام عليكم
ونحن معكم ان شاء الله
تحياتي

Fahd said...

والله هي فكرة كويسة

اقصد انها فكرة حسنة

ولكن اري ان التدريج والرفق يجب ان يكونا عنواناهذه المرحلة

عدم التكلف والتصنع والاستعجال

اتمني

حتي لا تكون شيء مضحك

ولما لا

فلنجعلها حملة

ودفعه الا الامام

ضد الاسفاف والهبل

Anonymous said...

كانت تغيظني ايضا تلك الهجة التي يتكلم بها البعض على التشات وان يقحم احد اطراف الحديت اللغة الانجليزية ليستعملها لغة تواصل في حين ان الاتنين عرب

لطالما اصابني بالغضب هدا التصرف

عين فى الجنة said...

انا معاكى مطرح ما تروحى

مدحت محمد said...

انا طبعا معاكم فى موضوع الاعتزاز بلغتنا العربية


ده شىء اكيد

الطائر الحزين said...

معكم ان شاء الله

تدوينة قديمة لى انتصروا للغه


دعواتك

الطائر الحزين said...

قل تدوينة ولا تقل بوست

Mo3Az said...

:)
جميل جدا
فكرة جميلة ويارب تنتشر باكبر شكل

على فكرة ، كان الاستاذ البنا -مؤسس جماعة الاخوان المسلمين - يقول دائماً:
اجتهد أن تتحدث العربية، فإن ذلك من شعائر الإسلام.

فلنرفع معا شعائر الاسلام
جزاكى الله خير

الهدهد الطائر said...

يقول الله تعالى:ـ
ـ"إنا جعلناه قرآنا عربيا لعلكم تعقلون"ـ(الزخرف-3)ـ

الموضوع هام جدا و له ابعاد كثيرة و مهمة سأحاول تناولها في القريب إن شاء الله

.......تحياتي........

الهدهد الطائر said...
This comment has been removed by the author.
زُمُرده said...

الحمدلله توقيعي عربي ومدونتي عربيه
ههههههه
وبحب اللغه دي اوي
مع اني جيده جدا في الانجليزيه

ربنا يكرمكم ويوفقكم

سلوى said...

عصفور المدينة
شئ طبيعي إن حضرتك تكون كتبت عن الموضوع :)

شكرا لتواجدك حضرتك الذي يسعدني دوما

دمت بكل الخير

************************

همس الاحباب
حضرتك شرفت المدونه
وفيك بارك الله
تحيااااااااااتي

سلوى said...

ra7eel

تسلمي يا أحلى ساره
أنا شفت توقيعك الجديد

دمتي بكل الخير والسعاده

*********************
آفاق الحرية
وعليكم السلام ورحمة الله وبركاته

جميل مشاركتك أخي

وفقكم الله دوما

سلوى said...

fahd
ليس هناك عجله أخي

أو مبالغه إن شاء الله

وطبعا معك حق فإن كل شئ مدروس ومخطط له يكون بإذن الله النجاح حليفه

شكرا لتواجدك ومشاركتك

تحيااااااااتي

************************

هيام

شرفتي المدونه عزيزتي

وطبعا نحن الآن متفقون :)

التصرفات دي تغضبني أيضا

دمت في حفظ الله

سلوى said...

راجى

:)
:)

على بركه الله

:)

تحذير : أنا مجنونه وإنت عارف آخر الناس دي فين
راجع نفسك يا راجي :)

والله دايما يسعدني تواجدك
**********************

مدحت محمد

إن شاء الله يا مدحت
شكرا لتواجدك
أنا عارفه طبع إنك أكيد بتؤيد هذا الأمر

تحياااااااااتي

سلوى said...

الطائر الحزين

كنت بدأت أشك في الأمر
وكنت هسأل حضرتك عن عدم تواجدك هما والذي تعودت عليه

ولكنك هاهنا الآن

فعلا أسعدني تواجدك
وعسى المانع خير

شكرا لتواجدك ومساندتك
وفقك الله دوما لكل ما يحب ويرضى أخي

***********************
Mo3Az
فعلا معك حق

جميل فعلا هذا القول

اجتهد أن تتحدث العربية، فإن ذلك من شعائر الإسلام.

فلنرفع معا شعائر الاسلام

جزيت كل الخير معاذ ووفقت لكل الخير أخي

سلوى said...

الهدهد الطائر
شكرا لتواجدك أخي
وفي انتظار تناولك للموضوع

دمت بكل الخير أخي

*******************************
زُمُرده
توقيعك عربي ومشكل كمان
:)

ربنا يوفقك يا زمرده
نورتيني والله
دمتى في حفظ الله

Rehab Mostafa said...

أنا بحب اللغه العربيه جداً وبحب الانجليزي جداً برضه ومحترفه الفرانكو (لغة الشات) --أو لغة الدردشه :)
في حاجات احنا أول ماعرفناها عرفناها انجليزي ومش عارفين نغيرها زي مانتي كاتبتي دلوقتي البروفيل خاصته يعني كلمه انجليزي وراها لغه عربيه فصحى
بصي أنا عن نفسي في حاجات كتير اتعلمتها انجليزي ولو سألتيني يعني ايه بالعربي مش هعرف أرد عليكي واجبلك الكلمه الصح بالظبط زي برضه البروفيل هقولك ايه مثلاً الوضع الخاص ؟
كلام كتيير زي الشات والانترنت والكمبيوتر والكيبورد وأغلب الحاجات المتعلقه بمجالي مش بقدر أقولها بالعربي

على فكره بجد بجد أنا مش بهاجم الفكره خالص ... أنا بحب اللغه العربيه جداً وبكتب بيها -- مش في البلوج-- بس بكتب بيها لحد الأن ورغم ان دراستي كانت انجليزي من غير ولا كلمه عربي لمدة 4 سنين ماحبتش أنسى اللغه العربيه وطبعاً لأنها لغة القرآن الكريم
وبجد الفكره كويسه جداً بس كنت بقول وجهة نظري بالنسبه لي
وعلى فكره أنا لما بتكون كلمه ليها معنى بالعربي ومعني مفهوم ومعتاد بقولها عربي وبكتبها عربي حتى لما بتكلم مش بحب ادخل انجليزي في كلامي .. الا في مصطلحات مجالي زي ماقلتلك علشان مش بعرف أقولها غير انجليزي

تحياتي ليكي ولفكرتك:) ومعلش طولت ورخمت عليكي :$

الطـــائر said...

أنا متفق معاكي جدا في كل كلمه

لغتنا لغه القرآن

كلام الله

وحان الوقت للإعتناء بها والحرص عليها

تحياااااتي لكل من ساهم في هذا الموضوع

سلوى said...

Rehab Mostafa

إزيك يا رحاب
فينك؟

وإيه حكايه إنك طولتي دي

يا بنتي المدونه مدونتك

وأنا معاكي في اللي قلتيه

فيه حاجات بحكم الدرايه والشغل

بتفرض نفسها

يعنهي مش بنستخدمها كنوع من أنواع المنظره مثلا
لكن بحكم طبيعه الحياه

بس برضه نحافظ على لغتنا قدر المستطاع

نورتيني يا رو

وماتبقيش تغيبي

سلوى said...

الطـــائر

أهلا

حمد لله ع السلامه

نورت مدونتك التانيه

:)

إيييييييه

ما علينا

عـــفـــراء said...

السلام عليكم
حبيبتى سلوى
الحمد لله على عروبتنا
فيكفى انها لغة قرآننا الكريم
اعزها الله وجعلها دائما اولى اللغات
تحياتى

Anonymous said...

من تعلم لغة قوم أمن شرهم .. حديث

دون حساسيات .. استخدامنا للغة الانجليزية أو غيرها لايعنى اننا نفضلها عن لغتنا .. لكن يعنى اننا نحتاج اليها
وبالذات فى الشأن الفنى .. واسألى أى مهندس ماهى ترجمة

glue, resin, adhesive
بالعربية ستجدى ان كلهم صمغ ، اللهم الا اذا شرحتى الكلمة فى جملة طويلة

الشئ الاخر .. لماذا عندما استخدم الغرب كلمة جبر اسموها
Algebra
واستخدموا كلمة
Algorithm
بدلا من الخوارزم العربية نسبة الى الخوارزمى ناهيك عن كلمات أخرى مثل
Honululu , Hawaii
يدلا من الكلمات العربية " هنا لؤلؤ" و"هوائى
التى لم يلاحظ احد أن هاواى آخرها حرف إى مكرر حتى تقرأ كما هى بالعربية

اقول لماذا لم تصبهم حساسيات؟
هذا لأنهم يعلمون ان اللغة وظيفتها التواصل ونقل المعلومات حتى لو كانت بالاشارات كما فى حالة عدم معرفتك بلغة بلد

للأسف .. ماأوصلنا لهذه الدرجة هو انصرافنا عن ركب التطور لقرون فاصبحت لغتنا الجميلة قاصرة على ديننا وآدابنا من شعر وغيره

وفى رأيى أن إثرائها هو باستخدامها كثيرا وضبطتها بدلا من فكرة نفى الآخر

دعى كل شئ كما هو لأن النت والمجلدات العلمية والابحاث التطبيقية كلها هى بغير العربية ولاندعى أن لنا أيادى فى هذا الشأن وصدقينى لو جندنا كل قوانا فى الترجمة فلن نغطى ذلك .. والاولى أن نتعلم اللغة الانجليزية ونتقنها.. فكما استخدموا الفاظنا بلا تعديل .. دعينا نستخدم الفاظهم بلا حساسيات

آسف للإطالة

سلوى said...

عـــفـــراء

وعليكم السلام ورحمة الله وبركاته

إزيك يا روشا؟

فعلا يجب أن نعتز بلغتنا عزيزتي

ربنا يحفظك دايما

سلوى said...

Sherif

لا أختلف معك

وكما قلت في ردي على رحاب

في أعمال معينه تقتضي إستخدام لغات أخري

زي في الطب مثلا

كمان في البرمجه

يعني في أماكن ومواقف وعلوم لازم تستخدم فيها لغات أخري
وده بيكون شئ مفروض

لكن اللي بننادي به
إننا نحافظ على لغتنا
مش نقحم الألفاظ الأجنبيه بسبب وبدون

ويكون أستخدامها فقط تجميل للشكل
وعنوان الثقافه والتحضر

سعدت بتواجد حضرتك ورأيك المتزن

دمت بكل الخير

موناليزا said...

من المشاركين معكم بفضل الله وقد حولت اسمى ايضا من الانجليزى الى العربى

و القادم....أجمل said...

معاكم إن شاء الله

اللي بيضايقني جدا
فعلا العربي اللي بيتكتب بالانجليزي

الصراحة بتنرفز جدا
و ممكن مكملش قراية

ربنا يوفقنا جميعا

و جزاكم الله خيرا

عاشق الورد said...

فكره جميله جدا
بس تعرفى ليه اللغه الانجليزيه هى اللغه الساءده فى العالم؟
ياريت اللى يعرف السبب
يعمل على السبب ده
وبعدين اللغه العربيه محفوظه عارفين ليه
لانها هى لغه القران
انا نحن نزلنا الذكر وانا له لحافظون
صدق الله العظيم
بس الفكره اننا نخلى لغتنا هى اللغه السائده
ازاى؟
حد يعرف؟
وبعدين البرج بيبدا بحجر صغير
طبعا ما فى حد فاهم حاجه