Friday, May 30, 2008

العمــــــــــــر



عمر الإنسان
يمضي الإنسان في الحياه حاملا على أكتافه أيام وسنين هي كل عمره
قد يكون هذا الحمل ثقيلا جدا تنحني معه هامة هذا الإنسان
وقد يكون حملا لا يذكر
فيمشي في خيلاء
لا شك أن عمر الإنسان لغز ككثير من ألغاز الحياه التي قد نفك شفرتها .. وقد لا نستطيع
فكثيرا ما نجد شاب .. عندما تسأله عن عمره يقول مبالغا 60 وتشعر بالفعل أنه كهل
وكم من كهل عندما تراه أو تحدثه تشعر أنه شاب في مقتبل العمر
فكيف هذا ؟
منذ فترة قصيرة قرأت دراسه يابانيه تقول أن عمر الإنسان المكتوب بالسنين يختلف


عن عمر خلايا جسده
فقد يكون شخص في الأربعين وعمر خلاياه ستين والعكس
فعلا أمر محير
في رأيي أن هناك ثلاثه أعمار للإنسان
عمر يحسب منذ مولده .. تاريخ ميلاده على الورق .. مجرد تاريخ على الورق
وعمر للروح .. عمر داخلي .. وكلما تمتعت هذه الروح بسلام ورضا وجمال ... شعرت بأن
صاحبها شابا مشرقا
وعمر للجسد وخلاياه .. فكم من شاب يبدو أكبر من عمره
حتى قد تجد شاب صغير غزا شعره المشيب
وقد تجد كهلا يبدو كشاب في كامل لياقته
ترى ما الذي يشكل هذا الفرق في عمر وشكل وروح الإنسان ؟
أهي متاعب الحياه ومشاكلها وصدماتها وأحزانها وآلامها وأفراحها ومتعها ؟
أهو الإيمان القوى والسلام الداخلي ؟
أهي رغبه الإنسان نفسه في تمسكه بالحياه والتمتع بما فيها ؟
أم سأمه منها ورغبته في التخلص منها ؟
أهي الجينات .. والطفرات التي قد تحدث في الإنسان؟
أم هناك شئ خفي كأشياء كثيرة نجهلها ؟
لا أدري .. بالفعل لا أدري
فهل تدري أنت ؟؟؟ .
؟؟؟؟؟
جاء على بالي الآن مثال
طبعا تذكرون كلام الإعرابيه ونحكي من الأول

سئلت اعرابيه متقدمة في السن وقد احتفظت بنضارة شبابها وروعه جمالها _
أي مواد التجميل تستعملين؟؟

فأجابت: استخدم لشفتي الحق والصدق.. ولصوتي الصلاة.. ولعيني الرحمة وغض البصر
وليدي الإحسان ولقوامي الاستقامة
ولقلبي الحب
إنه جمال وشباب من نوع آخر
فجمال العقل .. بالفكر
وجمال اللسان .. بالصمت
وجمال الوجه .. بالعبادة
وجمال الفؤاد.. بترك الحسد
وجمال الكلام .. بالصدق
إتكلمت كتير أنا كالعاده عن الشباب والشيخوخه
ولكن ليس هناك أجمل من الطفوله وبراءتها
وعالمها النقي البسيط
ليتني أعود لهذا العالم

هل هناك من يحب أن يعود إليه؟؟؟

58 comments:

رئـــــيسـة حزب الأحلام said...

موضوع غاية فى الجمال
العمر لا يحسب بالسنين
وهناك اناس فى الثلاثين تشعرين انهم فى الستين وانا والعكس وهذا متعلق بشباب القلب وللاسف انا احمل الهم بسرعة
تحياتى لكى

سلوى said...

سلوى العزيزه
فعلا الأمر بيكون محير

وساعات تحتاري اللي بيكلمك ده عمره كام

المهم نورتيني يا لولو
ربنا يحفظك وتفضلي شباب على طوووووول

Anonymous said...

والله
(.. أما اتفلسف بقى )

لو استطعت ان تحتفظ بروح طفل .. ستعيش سعيدا طول حياتك .. بنفس البراءة والصدق والتلقائية

على فكرة .. اذا لاحظت الناس غربا وشرقا وهم يمرحون ويلعبون .. تجديهم يتصرفون كالاطفال .. لايتحرجون من سنهم أبدا

الا عندنا .. الوقار عندنا معناه أن تكون كئيبا كشرا.. موش فاهم ليه ..ونتحجج باولادنا حينما نقرأ مجلة ميكى مع اننا بنحبها وبنحب الكارتون

هل لاأرى الا نصف الكوب الملآن ؟
فإن لم تجد .. نصيحتى انسحب فورا وضع نفسك وسط اناس تحبهم ويحبوك ..

هكذا تعيش شابا طول العمر .. ايه رأيك؟

سلوى said...

Sherif

عادي عادي
حضرتك إتفلسف طالما هتوصلنا لرأي حضرتك الجميل ده

:)

فعلا أول مرة آخد بالي
إن الواحد لما يكبر
يضرب الوش البلاستيك
قال يعني وقار وكده

وفعلا بيحبوا الكارتون ومجلات الأطفال

والكلام ده معناه إن الناس دي من بره شئ ومن جوه طفل

كلام في سرك
إنهارده قبل ما أروح الشغل لقيت كارتون النحله زينه
وأنا بحب الكارتون ده جدا
فقعدت أتفرج ولا همني

:)

ونقول لكي تعيش شابا
تحرك في الدنيا بعقل كهل حكيم
وقلب طفل برئ
لا يعرف الكره ولا الحسد ولا النفاق ولا ....

إيه رأيكم في الوصفه دي؟؟

محمد فوزي said...

في عناصر كتير من اللي ذكرتيهم بيتدخل في تحديد العمر الظاهر على الإنسان
فلو تكلمنا من منطلق اللي في ايدينا
يبقى لازم نحاول نكون زي ما انتي قولتي في حالة سلام نفسي مع انفسنا ومع الحياه
وده ميجيش الا إذا حسينا اننا بنرضي مبادئنا وضمائرنا
ونسيب اللي مش بإيدينا زي فعل الجينات والبيئه الطبيعيه والحاجات دي

موضوع جميل وسرد أجمل

عصفور المدينة said...

ذكرتني بمثل انجليزي قرأته

عندما يصل الإنسان إلى الخمسين فإنه يحصل على الوجه الذي يستحقه

son's egypt said...

السلام عليكم
انا بعتقد ان عمر الانسانبيختلف من شخص لشخص
ممكن يكون صغير ونقول كبير
وممكن يكون كبير ونقول صغير
ولكن الاسنان يتعلق بقلبة لانه ما يحاسب به
ما بداخلة وليس بمظهر سنه

L.G. said...

العمر بتمسكك بالحياة وبالتجارب اللي خضتيها وبالمعارف التي حصلت عليها ممكن تكبرك قبل الاوان
وممكن عجوز عقله صغير متعلمش من الدنيا حاجة
.. بالفكر وجمال اللسان .. بالصمت وجمال الوجه .. بالعبادة وجمال الفؤاد.. بترك الحسدوجمال الكلام ..
اتعلمت منك كبرتيني سنة حرام عليكي

. said...

فعلا شئ محير
لكن الي انا متأكد منو
ان الجينات ليس لها دخل
انها الروح يا سيدتي
فليس الشيب معنا للشيخوخة
وليس الاسود معنا للشباب
بجد الموضوع شدني كثيرا
اشكرك حركتي الكثير بداخلي
والبداية شدتني جدا لانها تشبه اخر بوست لي
تحياتي لاتفاق افكارنا ومشاعرنا

Jana said...

نوع من الشيزوفرنيا عندى عجيب فى حساب عمرى
احيانا اشعر انى صغيرة جدا ..حين اكتشف جهلى الشديد ببعض الاشياء
وفى نفس الوقت اشعر بالشيخوخة وقد انسابت الىّ دون وعى منى ..فأشعر بالعجز الشديد ..وان عظيما قد فاتنى فلا يمكننى اللحاق به
"ميكس " عجيب ..لكنى اشعر به هكذا حقا
احيانا اتمنى الرجوع طفلة
واحيانا ..اخشى هذه المرحلة ...فلا اضمن كيف سيكون حالى وقتها
رغما عنى ..قد كبرت

تدوينة جميلة اوى
تحياتى سلوى العزيزة ...

khobayb said...

أنا ..
أذوب شوقا للعودة إلى عمر الطفولة

وأحسبنا جميعا كذلك

نود العودة إلى حيث لا هموم ، ولا مشكلات
ولا تعقيدات

كل شئ بسيط

---

كلمات جميلة
بوركتِ

rtrcbh said...

السلام عليكم ورحمه الله وبركاته
جزاكم الله خيرا
بكلمات رائعه وجمل منسقه
ذكرتينى باشياء كثيرة
منها تذكرت تلك القرية التى كان يكتب على المقابر بها هذا عاش عشر سنين وهذا عشرين وهذا 15 وهذا 7 فجاء رجل غريب الى المدينه ومر بالمقابر فنظر فاستغرب وقال اكل اهل المدينه يموتون صغار ولما ؟؟؟
فجاء رجل حكيم وقال له بل ماتراه مكتوب من عمر هو مقدار انتاجه فى الحياه وليس كل عمره
وفقكم الله

عـــفـــراء said...

السلام عليكم
فعلا ياسلوى والله بجد عندك حق
العمر فعلا مش بتحديد السن وكتير اوى لاحظتها لما اتوجدت بينكم من خلال الفكر والعقل
احيانا بحس ان انا اكبر من كدة بكتير
وكتير اتمنيت انى اعود لطفولتى البريئة حيث الدفئ والحنان والطيبة
بس الحياة بتعجز الانسان بدرى
ربنا يطول فى عمرك يارب ويكون فى الخير ان شاء الله

رئيس جمهوريه نفسى said...

كنت بحب اغنيه لهانى شاكر بتقول( مين قال العمر شموع تنقاد او عيد محسوب بتاريخ وميعاد )العمر احساس وكل واحد بيعش عمره باحساسة وحسب نا هو عايز
بالنسبه لسوالك انا ياريتنى ارجع طفل تانى

رحــــيـل said...

سلوى

انا كتير باسل نفسى بجد هو انا عمرى قد ايه
وياترى انا صغيره ولا كبيره
وعلى اى اساس ده بيتحدد ومين يحدد ؟

السن ده خبره وحياه ومواقف وتجارب
ممكن واحد يقضى عمره كله حد عادى جدا ياكل ويشرب وينام

ده عمره قد حتى لو عاش 100 سنه
انا شايفه انه معش اصلا

بس دايما لما اسال نفسى على عمرى
الاقى اجابه غصب عنى بتيجى فى بالى

مش مهم سنك ايه
عشان محدش صغير على المووت
والموت مش بيعرف سن

مواضعيك دايما بتخلينى اتامل حاجات كتير
وبتفتح صفح جوايا

تحياتى وحبى لكى

سلوى said...

محمد فوزي

كلامك جميل

أما السلام النفسي
فصحيح الوصول له صعب

لكن بمجرد ما تصل إليه
كله بيبقى تمام

سلوى said...

عصفور المدينة

عندما يصل الإنسان إلى الخمسين فإنه يحصل على الوجه الذي يستحقه


يبقى لازم نعمل حسابنا من الوقت

دمتى بكل الخير

سلوى said...

son's egypt

هو القلب فعلا موضع كل شئ

موضع الإمتحان والحساب والنقاء

خالص تخيااااتي

سلوى said...

L.G.

أخيرا ظهرتي

العمر بتمسكك بالحياة وبالتجارب اللي خضتيها وبالمعارف التي حصلت عليها ممكن تكبرك قبل الاوان
وممكن عجوز عقله صغير متعلمش من الدنيا حاجة

تصدقي أنا دايما لقول جملتك دي

أنا متفقه معاكي جدا فيها
وبعدين الكلام ده مش بيكبر ما تخافيش
بيكبر العقل بس

ما تبقيش تغيبي كده

سلوى said...

sad_doraa

سعيده غنك بقيتي من اهل المدونه دي

بجد اسعدني وجودك

وفعلا إنها الروح

وبكده يبقى أهم شئ في الإنسان
القلب والروح

دمتى بكل الخير عزيزتي

سلوى said...

Jana

إيه ده

كده أنا كمان عندي شيزوفرنيا

ساعات بحس غني طفله
وساعات بحس إن عجوز

كده هنعمل مدونه ونسميها
السرايا الصفرا

بس عارفه
مسأله الإحساس المتقلب بالطفوله والشيخوخه
شئ جميل

وبيدفعك للأمام
وبيخليك متجدده

نورتيني نورتيني

تحياتي

سلوى said...

خبيب

طيب الحمد لله
إن في حد عايز يرجع للطفوله وبراءتها

بارك الله فيك

ووفقك في امتحاناتك

سلوى said...

د/أبويحيى وادم

أولا شرفت المدونه
وأحييك علي مدونتك الرائعه
بارك الله فيكم

أما القصه اللي حضرتك ذكرتها فبجد جميله

فعلا أعمارنا هي مقدار تفاعلنا وإضافتنا للحياه

دمت بكل الخير

سلوى said...

عـــفـــراء

يا حبيبتي ربنا يبارك في عمرك

وتفيدي فيه كل الناس

بجد نورتيني يا روشا

ربنا يحفظك يا رب

سلوى said...

رئيس جمهوريه نفسى

العمر إحساس

جميله جملتك دي
وكل واحد وإحساسه

يالا إنضم لقافله العائدين إلي الطفوله

تحياااااتي

سلوى said...

ra7eel

كده يبقى هضمك لإل جي وأنا

كده متفقووووووووووووون


منوراني يا ساره
ربنا يحفظك دايما

Dr. Ibrahim said...

انا أريد أن أعود

ولكن لأصلح من نفسى ولا تؤثر فى عوامل الحياة كما أثرت فى الأن
فقطعاً سأحاول أن أصلح من أخطائى


بارك الله فيكى موضوع متميز

بعد إذنك أخده أنشره فى المجموعة البريدية بتاعتى
والحقوق محفوظة لمدونتك طبعاً

د/هيما

klmat said...

العمر احساس
زظى مافلتى فى ناس كبيره وشكلها وطريقتها
تديها اقل من سنها كل العوامل اللى قلتها مشتركه
اللى قلبه مفعم بالحب والرضا ومصالح نفسه ومابداخله لا يختلف نع ظاهره بيعيش
سعيد ويبدو اصغر من سنه وبيعيش شاب حتى فى كهولته
موضوع جميل تسلم ايدك
سلامى

سلوى said...

Dr-hema

أهلا بك في قافله من يريدون العوده للطفوله

أسعدني تواجدك يا دكتر

وطبعا إتفضل أنشر الموضوع في مجموعتك
ده شئ يسعدني

دمت بكل الخير

سلوى said...

klmat

فعلا والله
أنا بشوف ناس كده

مش تعرفي تحددي سنها كام

إنت بجد نورتيني

ربنا يحفظك

جنّي said...

السلام عليكم
لقد سألتي وأجبتي ونهاية البوست فيها سر الشباب الأمل والحب والتفائل وترك الهم والحزن ومسببات امراض العصر كالضغط ..
أما طلبك الأخير .. أحيانا الواحد بيحن انه يكون عيل أحيانا!!!

أغضاضة يا سلوى أن أسأل سؤال حاسوبي
أريد الأذن أولا ..
تحياتي
said

سلوى said...

جنّي

أما طلبك الأخير .. أحيانا الواحد بيحن انه يكون عيل أحيانا!!!

إنت متأكده إنها احيانا بس يا سيد
:)
**********
وبعدين إيه
أغضاضه دي بقى

هما الإخوات بينهم أغضاضه دي؟؟

إسأل على طول

ولو تحب تسأل اللي إنت عايزة في مدونه عالم الكمبيوتر
إسأل
أهو برضه زوارها يستفيدوا

ولو تحب تسأل هنا
إسأل

بص يا سيد
إعتبر نفسك في بيتك

إسأل في أي وقت وفي أي مدونه

بس قولي الصور ظهرت ولا لسه ؟؟

دمت بكل الخير

Tamer Nabil Moussa said...

الاعمار واهتمام ونظر الانسان اليها حكاية

بوست مميز

على فكرة انا ضفت اسمك فى موضوع التاج مش اقدر على زعل حد من اخواتى ومعلشى الانسان معرض للنسيان


ابقى تعالى فى موضوع مرستان هيعجبك

تحياتى

جنّي said...

السلام عليكم
شكرا على اهتمامك ودا عشمنا
وشكرا على : إنت متأكد إنها احيانا بس .. بصراحة هي أحيانا وأحيانا

بلاش أغضاضة .. نخليها أملامة يا سلوى أن أصحح بعض المفاهيم اللغوية ؟
خاصة بالكهل فمن عمره الستين فهو شيخ وليس كهل فالكهل مرحلة أقل عمرا من الشيخ
ونقلت لكي من لسان العرب معنى الكهل :
الكَهْلُ من الرجال الذي جاوَز الثلاثين ووَخَطَه الشيبُ.
قال ابن الأَثير: الكَهْلُ من الرجال من زاد على ثلاثين سنة إِلى الأَربعين، وقيل: هو من ثلاث وثلاثين إِلى تمام الخمسين؛ وقد اكْتَهَلَ الرجلُ وكاهَلَ إِذا بلغ الكُهولة فصار كَهْلاً، وقيل: أَراد بالكَهْلِ ههنا الحليمَ العاقلَ َ، وفي المحكم: وقيل هو من أَربع وثلاثين إِلى إِحدى وخمسين.
أما الصور فقد ظهرت والسبب لا أستطيع البوح به الآن وسأذكره في ما بعد ..
أما سؤالي فهو ما الطريقة التي أحفظ بها مدونتي كما هي بكل موضوعاتها على dvd
لأن هناك بعض موسوعات البرامج التي تباع وبها مواقع أو صفحات من النت وباللنك أيضا فكيف أحفظ مدونت حتى إذا تعرضت لخطب ما وجدت نسخة احتياطية
شكرا ونحياتي

said

.:.-=- ELGaZaLy-=-.:. said...

شوف ازاى وانا بقعد اعلق هناك ولا اعرف ان فى عالم سمسم هنا


اية كم الفلسفة والجمال دة ...بجد

عارفة فى مقولة دايما بتلح على ذهنى ولما قريتلك جت على بالى...الحياة تبداء غالبا بعد الخمسين

بجد رائعة

تــــ(حـنة)ــــر said...

ازيك يا قمر
وحشانى بجد
وعلى طول انتى فيكى الخير عنى و الله
سباقه يا سلوى
على فكرة انا قريت اللى فاتى فى المدونة دى و علقت عليه و الباقى بقى تبقى تفرج
ههههههههههه
**************
عن البوست دة بقى
تعرفى انتى فيكى حتة حلوة قوى
بتقدرى فى بوست واحد تطلعى كل تعبيرات وشى على الشاشة من ضحك و ابتسامة و غضب و استغراب
الله عليكى بجد
****************
الجملة دى بقى عجبانى قوى
استخدم لشفتي الحق والصدق.. ولصوتي الصلاة.. ولعيني الرحمة وغض البصر
وليدي الإحسان ولقوامي الاستقامة
ولقلبي الحب

صدقى و انا اللى كنت فاكرة انوا بيجى بالخيار و الطماطم و كريم الترطيب و الحوارات الفاشلة دي

جزاك الله خيرا

تحياتى
اصلى طولت قوى بس وحشانى

سلوى said...

Tamer Nabil
أنا كنت بضحك يا تامر

هما الأخوات برضه بيزعلوا من بعض

سعيده لتواجدك وحالا إن شاء الله هشوف البوست

سلام مؤقت

دمت بكل الخير

سلوى said...

جنّي

كل دي غلطات

أنا كنت فاكرة الكهل اللي هو عجوز وكده

بس برضه ممكن الكلام ينطبق على الكهل والشيخ

مشيها يا جنى
أصل كلام في سرك أنا فاشله في العربي
:)

أما السؤال

إنت الوقت عايز تحافظ على مدونتك من الإغلاق مثلا
أو الهاكر
أو ما شابه

فأمامك شويه حلول
إنت ممكن تنقل مدونتك أو تعمل منها نسخه على موقع تاني
زي الووردبريس مثلا
وده طبعا لو بتحميه من أن المستضيف يقفلها

وطبعا من المفضل إنك تحتفظ بنسخه من المدونه على جهازك

علشان تبقى في السليم

أما إنك تحتفظ بها على dvd
طبعا هتحتاج تعمل تحديث مستمر

وبصراحه أنا أعرف إنه ممكن تحول ملفات الباوربوينت لــ dvd

لكن المدونه ككل
الحقيقه هتأكد وأقولك إن شاء الله

بس لو عايز تعمل نسخه من مدونتك على موقع تاني زي الووردبريس

أو تاخد نسخه منها على جهازك
فدي بسيطه إن شاء الله
تفضل إيه بقى؟؟؟

تحيااااااااتي

سلوى said...

.:.-=- ELGaZaLy-=-.:.

شفت بقى
كويس إنك لحقت :)

عموما إنت شرفت هنا وهناك

وبجد بيسعدني تعليق
وسؤالك في تأملات قلب

ربنا يحفظك

وفي مقوله تانيه بتقول

إن الحياه تبدأ بعد الستين :)

يالا
المهم إنها تبدأ وخلاص

تحياااااااااتي

جنّي said...

السلام عليكم
ماشي كيف نحفظها على الجهاز ؟
وأيضا ما فيش مانع أعرف كيفة حفظها على dvd - cd
لكي كل الشكر
تحياتي
said

سلوى said...

تــــــــــ(حـنة)ـــــــر

لا لا لا

كل دي غيبه
ينفع كده

عموما ماشي يا تمرايه

وبعدين إيه حكايه الطماطم والخيار دي
هتعملي سلطه

مش عارفه إن في كمان زبادي وبطاطس
هههههههههه

بس خلينا في الوصفه التانيه
دي واصفه ساهله صح

نورتيني يا تمرايه
وإنت ما طولتيش ولا حاجه
البيت بيتك يا بنتى

ربنا يحفظك

منى said...

ممكن بقى تضيفى لهم العمر الالكترونى؟
بجد ان حاسه انى بعيش عمر تانى فى المدونات واسالى نجوى
بس على كده الاعرابيه دى كانت ملكه جمال
ده رضا الله فعلا
انا شفت ناس كتير شكلها مش يدى سنها خالص احيانا اكبرواحيانا اصغر
سلام يا لولو

Anonymous said...

موضوع جميل, وهو ينظر الى العمر بفلسفة اسلامية عاقلة

اجادة تستحق الثناء

كاميليا بهاء الدين said...

سلوى الصديقة الجميلة

الله عليكى

الله عليكى بجد


تحياتى ومودتى

ammola said...

معاكى حق
انذار بالطرد
تأخير فظييع ومرييع
بس أنتى طيبة أنا عارفة وبتسامحى
تقسيمك لعمر الانسان جميييى أوى
قعدت أفكر كده أنا فى أى مرحلة منهم
لقيتنى لسه ما اتولدتش
:)
عارفة..ساعات باتخيلنى كده لما آجى أموت حابقى زعلانة أوى أنى ماستغليتش عمرى صح
بس هو يمكن طول الامل ذلك الوغد اللعين
:)
ربنا يخليكى وتتمتعى دايما بعمرك فى طاعة الله

سلوى said...

جنّي

عفوا ع التأخير بس النت عندي مهييس ع الآخر

وبرضه كانت فرصه إني أسأل وأتأكد

وتوصلنا للآتي
في حلول كتير
وراك حاجه إنهارده؟
طيب كويس
نبتدي

1) إنت ممكن تحفظ إعدادات المدونه والقالب والموضوعات في ملفات تيكست عاديه
وده أبسط الحلول

2) لو كنت عامل نسخه من مدونتك على الووردبريس
فبتدخل على خيار اسمه إدارة المحتويات
ثم تختار الأمر ( تصدير ) بعد كده

سينشأ ووردبريس ملف XML لتحفظه في كمبيوترك.

هذا الملف الذي نسميه ملف ووردبريس RSS المطور (WXR) سيحتوي على التدوينات، التعليقات، الحقول المخصصة و التصنيفات.

3) وهو أهم الحلول وده عرفه لنا أستاذنا عصفور المدينه
وهو كالآتي حيث
يوجد برامح كثيرة لذلك
منها
offline explorer
http://www.metaproducts.com/mp/offline_explorer.htm

كما يوجد طريقة أخرى ياستخدام
firefox
مع
add on
اسمها
flashgot
تفتح المدونة وتعمل
flash got all
فهو بيعمل دونلود للصفحة وكل تفريعاتها

وطريقة ثالثة
باستخدام

google reader
مع عرض كافة
view all items
ففي هذه الحالة يسرد جميع التدوينات في صفحة واحدة يمكن حفظها

أرجو أن تكون وجدت بعض من الفائده

ربنا يوفقك
ولا تتردد في أي سؤال يا سيد
أوك

دمت بكل الخير

سلوى said...

منى

نضيف العمر الإلكتروني يا ستي ولا تزعلي

وبعدين أنا عارفه إنك بتعيشي عمر تاني ع النت
من غير ما أسأل

كله على يدي
ههههههههه

ربنا يحفظك يا منى ويبارك في عمرك

سلوى said...

محمد الكومي

أهلا بحضرتك والله

وسعيده إن الموضوع عجب حضرتك

دمت بكل الخير

سلوى said...

كاميليا

سعيده جدا جدا بتواجدك هنا وفي التأملات

مشرفه المدونه بجد
أيها القلم المميز

ربنا يحفظك عزيزتي

سلوى said...

ammola

يعني أطلع الكارت الأحمر

إنتي اللي قلتي أهو

:)

ينفع كده

بس خلاص المرة دي سماح بس إعملي حسابك المرة الجايه
؟
؟
؟
سماح برضه هو أنا أقدر يا أمولتي

ربنا يبارك في عمرك
وتقضيه في طاعه ورضا من ربنا

ربنا يحفظك دايما

ghoneem said...

اهلاً بيكي

فترة الطفولة أكيد جميلة بس جمالها إني أشاهدها لا أن أحياها
لأني لا أشعر بها

رأيي أن عمري يقاس بعملي
أشعر أني أصغر من عمري الحقيقي حين أعمل وأحقق نجاح وأتقدم

وأشعر أني عجزت وأصابني الإعياء حين
أفقد الأمل والرغبة والطموح

أشكرك وأحييكي علي كلماتك
استخدم لشفتي الحق والصدق.. ولصوتي الصلاة.. ولعيني الرحمة وغض البصر
وليدي الإحسان ولقوامي الاستقامة
ولقلبي الحب

كلمات رااااااائعة

تحياتي

بالتوفيق.................

مدحت محمد said...

انااااااااا
هههههههه
قول للزمان ارجع يازمان

تعرفى والله ياسلوى انا ساعات من كتر الهموم والمسئوليات بحس انى فعلا عجوز

وساعات تانية بحس انى لسة طفل صغير

مش عارف الاحاسيس الغريبة دى ايه سببها

دايمامن صغرى اللى اقله سنى
يصغرنى تلت سنين

بس بعد ماشتغلت والحمد لله
اعتقد اللى هقله 25 سنة مش هيصدق ههههههه
هيقول 75 مش 25
بس بجد عارفة اللى يحافظ فعلا على نضارة الوش

رضا الله

تحياتى ليكى ياسلوى

Hosam Yahia حسام يحيى said...

مدونه جميله ماشاء الله


ربنا يكرم حضرتك ياااااااارب

حاول تفتكرنى said...

تنوع فريد فى تناول الموضوع
أحييكِ

ولكن إيهما أفضل بلانسبة لأعمارنا
هل نصنفه
أم نمارسه
وبأي وجه نمارسه
ولاي هدف
ولاي مرحلة
وكيف نضمن طفولتنا فى الكهولة ، وهل مرت علينا الكهولة فى الطفولة
أم ترانا لن ندرك كيف مرت أعمارنا

سلوي
موضوع فعلا شيق
تحياتي

حائر في دنيا الله said...

ومن لا يحب
أنا شخصيا أحب أن أتخلص من هذا الشخص الذي يحتلني بكل ثقله وهمه ومشاكله وتعب أعصابه مقابل أن أستعيد ذلك الطفل الذي لا يحمل هما ولا ذنبا ولا وزرا
استعادة كليلة
أو حتى
مقابل عدة أيام
أتنفس فيها من جديد
ثم نعود
ربنا يقوينا يارب

لك تحياتي
السلام عليكم

سلوى said...

ghoneem

اسمح لي أن أقتبس من كلماتك

أني أصغر من عمري الحقيقي حين أعمل وأحقق نجاح وأتقدم

وأشعر أني عجزت وأصابني الإعياء حين
أفقد الأمل والرغبة والطموح


إحساسنا بالحياه ونظرتنا لها هو ما يحدد أعمارنا وليست شهاده الميلاد
أو تجاعيد الوجه

أشكرك واشكر لك تواجدك

ربنا يحفظك

****************
مدحت محمد

مصدقاك يا مدحت والله

غالبا كلنا كده

إحساسنا هو اللي بيحدد عمرنا

إمبارح كان في حديث تليفزيوني مع سناء منصور

تخطت الستين وتقول أنا لا أشعر أني عجزت
وفعلا عندما تنظر إليها لا تعطيها ابدا هذا السن

إنه الإحساس يا مدحت

دايما منورني بجد

دمت بكل الخير

سلوى said...

Hosam Yahia حسام يحى

الله يخليك

حضرتك شرفت المدونه بزيارتك

جزيت كل الخير

****************

حاول تفتكرنى

ما كتبته من تساؤلات تحتاج إلى بوست جديد

لكن أعجبني جدا مقولتك

وكيف نضمن طفولتنا فى الكهولة ، وهل مرت علينا الكهولة فى الطفولة
أم ترانا لن ندرك كيف مرت أعمارنا

فكرتني بحكمه تقول
نقضي نصف أعمارنا نخطط للنصف الآخر
ونقضى النصف الآخر في التحسر على ما فات

بجد دائما يسعدنا تواجدك وتعليقك الذي ينظر للأمر بطريقه مختلفه

أحييك

سلوى said...

حائر في دنيا الله

وما المانع في أن تتخلص منه
والآن وتعود لما تريد
لتتنفس كما تريد

هو الإحساس أخي

هو ما يجعلك تعيش كما تريد وفي السن الذي تريد

دوما يسعدني تواجدك أيها الحائر في دنيا الله

دمت بكل الخير