Friday, May 9, 2008

عاش الزعيم


وصلتني أمس عبر الإيميل .. وحبيت أعرضها لكم
**********

دا شعب فقرى
أحمد فؤادنجم



نظرا لأن النعمة فاقت حدها
ولأننا مش قدها
ولأن فعلا انجازاتك فوق طاقتنا نعدها
ولأننا غرقنا في جمايل مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك حبتين
عايزين نجرب خلقة تانية ولو يومين
اسمع بقى
إحنا زهقنا من النعيم

ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد 'غازه' لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض ماء وماء وماء
ونفض سيرة الانتماء
وبلاها نعرة وطنطنة
تبقى البلاد 'مستوطنة '
متسلطنة بالسرطنة
إيه اللي خدناه م الكرامة والإباء
حبة خطب وكلام...كلام
إحنا راهنا على النظام
ورضينا بخيار السلام
بخيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم


يحيا الزعيم

********

ملحوظه .. شكرا لكل من سأل عني .. هي بس ظروف العمل .. ولي عوده إن شاء الله

37 comments:

رئـــــيسـة حزب الأحلام said...

ياريتوا فعلا يرحمنا ونسيب نغير الوجوة اختيار موفق

Omar El-Tahan said...

من "عيد مبارك" الى يا "جمال العيد" يا شعب لا تحزن

أوهام التغيير تملأ الروؤس ... عندما يأذن الرحمن ويسترد وديعته سيكون هناك حزب واحد له 250 مقعد في المجالس النيابية والمحلية ... وهذا الحزب له مرشح واحد معروف ... وقد أتم نصف دينه قريباً حتى تكون الأمور مستقرة حينما يحين الوقت المناسب

الله يرحم أيام الملك الفاسد والأسرة العلوية اللي خربت مصر

حاول تفتكرنى said...

حرام أن 80 مليون نفس بشرية تسخر من أجل فرد واحد

فرنسا هانم said...

تحيه لكى على اختيارك لقصيده احمد فؤاد نجم النجوم

و القادم....أجمل said...

ياـــ
يااااـــــ
ياااااــــــ

ياااااااااعيش

:(






لا أصدي يا خبز يعني
;)

ra7eel said...

سلوى

هههههههههههههههه
قصيده تمام بجد
اكيد عجبتك قوى عشان تخرجك من مود الاجازه وترجعك لينا

يارب ترجعى بالسلامه
تحياتى وحبى

son's egypt said...

السلام عليكم
فعلا الشعب محتاج تغير من الهنا للفقر والشقا

سكــر said...

فكرك هو هيقرأها

ولا هيحس بيها او بينا

عمالين زى الى بينفخ فى قربه مقطوعه

تحياتى لشخصك الغالى

تقبلى مرورى

احمد سكر

ELHAWARY said...

وبلاها نعرة وطنطنة
تبقى البلاد 'مستوطنة '
متسلطنة بالسرطنة
جامده والله وخدى دى كمان من عندى
عملتلك قلبى استك مطاطى
وبقيت اقولك حاضر وبطاطى
بس لامتى
دا انت
ماينفعش معاك الطيب
ولوقت قريب
كنت ؟؟؟؟؟
كفايا كدا عشان انا سمعت انهم بيرقبوا المدونات اليومين دول
الى اقرب لقاء
رازى

klmat said...

عزيزتى سوسو
احييكى وحييى من ارسل الايميل
لأن النعمه فاقت حدها ولأننا مش قدها
ولأن فعلا انجازتك فوق طاقتنا
ماقدرش اقول الا زى
عبد السلام النابلسى
ماتبسطهاش اكتر من كده
كفايه انجاز واصلاح
تسلمى ياسوسو ويسلم عم نجم
ربنا يكرمك ويوفقك
اختيار موفق

مدحت محمد said...

ربنا يخليه لينا

احمد فؤاد نجم ياسلوى

متفهمنيش غلط

Sherif said...

فى كلمة واحدة

عسل

صوت من مصر said...

بجد احنا ناس اهم شىء عندهم انهم يعذبوا بعض او بالمعنى الاصح الغنى يدوس الفقير الكبير ياكل الصغير

انسان بلا عنوان said...

يمكن نجم شخصية ما بتعجبنيش وبحس انه اشتغالة

انما كلامه ساعات بيجى على الجرح

تحياتى
عمرو

عاليا حليم said...

هاهاهااهىىىىىىىى

نجم ده حكاية كويديا سوداء طحن

و الف حمد لله ع السلامة ما تبقيش تغيبى علينا تانى

mostafarayan said...
This comment has been removed by the author.
mostafarayan said...

تسلملنا دماغ الفاجومي وكيبوردك

حائر في دنيا الله said...

هوا ينفع بوش ييجي يترشح عندنا الانتخبات الرئاسية اللي جاية
لو يجوز
انا هديله
صوتي
:)
بس بجد الفاجومي ملوش حل، ربنا يديله الصحة

السلام عليكم

Tamer Nabil said...

اختيار جميل

ربنا يكرمك

تحياتى

Sherif said...

تحياتى لاختياراتك المعبرة

كوارث said...

عاش الزعيم عاش الزعيم
قريتها من زمان طبعًا
بس كان فيه جوار على انها فعلاً بتاعت نجم او لا
عامةً الحاجات ده لو لزق فيها اسم كاتب كبير ما بيسيبهاش
جميلة القصيدة
ومعبرة !

راجى said...

حمد الله على السلامة
العود احمد

ياسر خاطر said...

هو اللي مهشكنا ومبشتكنا
عاوزين ايه تاني في الحياة اكتر من كدة

عـــفـــراء said...

السلام عليكم
عزيزتى سلوى
ههههههههههههه حلوة اوى دة مبدع والله
كل دة حب فية
ربنا يرحمنا بقى برحمتة ويعوضنا عنة خير
عاش الزعيم دوما وللابد

تمنياتى لكى

Salwa said...

رئـــــيسـة حزب الأحلام
يرحمنا إزاي
ده لا يمكن
ده متبت يا بنتي

تحيااااااااتي
*****************
عمر
زي ما قلت لك
دايما تعليقاتك جامده بجد
ويسعدني دايما تشريفك

Salwa said...

حاول تفتكرنى
وكأنهم من أجل هذا خلقوا
تحياتي

***************
برنسيس فرنسا

تحياتي لك عزيزتي
منوراني

Salwa said...

و القادم....أجمل

إستني آجي أنادي معاك
ع العيش يعني


نورتيني
تحياااااااااتي
**********************
ساره
فعلا أول ما قرأتها عجبتني
وقلت لازم أنزلها بوست
وآخد أجازة من الأجازة

دمتى بكل تاخير

Salwa said...

son's egypt
فعلا عندك حق
الواحد زهق من النعيم

دمت بكل الخير

************************

سكــر
أصلا ولا حياه لمن تنادي

نورتيني
دمت بكل الخير

Salwa said...

ELHAWARY
بيرقبوا المدونات

طيب ألحق أقفل بقى

نورتني يا رازي

دمت بكل الخير

Salwa said...

klmat
تسلمي يا أميرتي

فعلا القصيده جميله
أسعدني وجودك والله

دمتى بكل الخير
*********************

Salwa said...

مدحت محمد
ربنا يخليه طبعا

طبعا محدش يفهمنا غلط

هههههههههههه
**********************

Sherif
في كلمه واحده
أسعدتني

Salwa said...

صوت من مصر
قانون الغاب

بس في ناس كويسه برده
دمت بكل الخير

********************

انسان بلا عنوان
بس القصيده حلوة يا عمرو

نورتني

Salwa said...

عاليا حليم
تسلم ضحكتك
فعلا هو حكايه
وخصوصا القصيده دي عجبتني اوى

دمتى بكل الخير

*********************

mostafarayan
وتسلم على هذا التواجد المتميز

دمت بكل الخير

Salwa said...

حائر في دنيا الله
والله سؤالك محتاج فتوة
وما أكثر المفتين

لالا نديله كلنا صوتنا
ما هو واخده واخده

دمت بكل الخير
*****************
Tamer Nabil
ويسلم مرورك وتواجدك
دمت بكل الخير

Salwa said...

كوارث
الإيميل جاني على إنها بتاعه نجم
بس بصراحه مش عارفه

المهم إنها بتعبر عن خاجات كتير

شرفت بزيارتك
ودمت بكل الخير

******************
راجى
الله يسلمك يا راجي
أسعدتني بجد
دمت بكل الخير

Salwa said...

ياسر خاطر
فعلا
الحياه بقى لونها بمبي

عايزين إيه بقى
طمع وخلاص

شرفت المدونه
خالص تحياااااااتي

Salwa said...

عـــفـــراء
روشا
والله منوراني
وسعيده بك جدا

دمتى عزيزتي بكل الخير