Thursday, May 15, 2008

تاااااااااااااااج


عدنا مع التااااااااااااج
تاج من جنى
زي ما قالت هي كانت بتزور مدونه تأملات قلب بس مش كانت بتعلق
والمرة دي علقت و ماهنش عليها تيجي وإيدها فاضيه
فجابت لي التاج
يا حلولي .. يا حلولي
طبعا هديه مقبوله وسعيده بتشريفك ليا
بس بعد كده عايزة .. زيارات وتعليقات
أحسن أزورك أنا ..وبرده مش هتبقى إيدي فاضيه
بس هاجيب إيه ياترى؟؟؟
شاكوش ؟؟.. مفتاح إنجليزى ؟؟.. ولا فرفر؟؟
إوعي تزعلي أنا بضحك معاكي
إنت بجد نورتيني وسعيده إنك إفتكرتيني بالتاج ده
نجاوب بقى
توكلنا على الله
نركب آله الزمن ونعود للوراااااااااااء
الأول
أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟
1
أحلامي الماضيه كانت متمرده جدا
مثلا كان أحد أحلامي أن أدخل كليه الشرطه
لكن عدلت عن هذا الحلم لأنه ضد طبيعتي
يعني ببساطه ..أنا أي حد يقول لي حاجه بصدقه
تخيلوا بقى لو بحقق مع مجرم مثلا وفضل يحلف إنه برئ ومظلوم
طبعا هفرج عنه ... بدون مناقشه
كمان مش بحب العنف مهما كانت صورة سواء باللفظ أو بالفعل أو حتى نفسي
لا أحب أمارسه ولا أحب من يمارسه ولا أحب أن يستخدم معي
2

حلمت إني اكون بيزنس وومان
بس كان الحلم ده رغبه في التمرد مش أكتر
الحلم ده اتعدل بعد ما دخلت كليه التجاره ..
فحلمت تاني إني أكون بيزنتس وومان بس المرة دي النيه إتجددت يعني
أنا عايزة كده لأني بحب ده ومش ينفع أكون غير كده .. عايزة يكون لي دور
مميز لأن أكيد ربنا خلقني لشئ مميز.. فهمت نفسي أكتر .. لقتني مش بحب أشتغل
في مكان ويكون فيه رئيس للعمل
وكل شويه يدي أوامر لمن هم دون مستواه الإداري رغبه في التسلط وخلاص
المهم حلمت إني أكون بيزنس وومان وفي نفس الوقت
أشتغل شئ أحبه ويناسبني كفتاه مسلمه
الحلم ده إتحقق بفضل الله .. إلى حد ما
إزاي؟؟ بجد مش عارفه .. غير إن فعلا ربنا بيساعد اللي بيساعد نفسه
فأصبح لدي الآن مشروعي الخاص .. أينعم صغير .. لكنه عندما بدأته كان أصغر
رفضت أي مساعدة من الأهل لتطويره .. لأني حبيت أكبره بنفسي
.. على فكرة متعه كبيره إنك تلاقي عملك بيكبر بإيدك
واهو بيكبر شويه بشويه
وأنا مؤمنه إن كل شئ بقدر
والله المستعان

3
حلمت إن يكون لي أصدقاء كتير .. الحلم ده انتهي مع أول حركه نص كم من إنسانه كنت بعتبرها صديقه
من وقتها مش بقيت أفكر في الموضوع أصلا
ومعنديش استعداد أكرر نفس الألم
ودايما في دماغي جزء من حديث شريف بيقول
من أراد صديق لا عيب فيه فالله يكفيه
4
حلمت إني أكون من رواد الفضاء
دايما بحب السماء والنجوم ولا يراودني الملل
وأنا أنظر إليهم حتى لو أمضيت الليل كله في التجول بنظري
بين النجوم ( لأ مش بعدهم ههههههه ) بس تلاقي كده كل نجمه مميزة بشئ
في سنه من سنوات الدراسه كنا بندرس الكواكب والنجوم
كنت بذاكر الماده دي بنهم شديد .. والنتيجه جبت 40 من 40 فيها وطلعت
الأولي ع المدرسه
لأ ما تفهموش غلط .. طلعت الأولي في الماده دي بس ) ههه
قال يعني اللي هيطلع الأول هيعطوه منحه دراسيه ع القمر
المهم كنت بحلم إني أطلع القمر أو المريخ وأكتشف هناك حاجات بقى
وكنت أتخيل إن عليهم حياه وحاجات من دي
طبعا الحلم ده صعب حبتين.. تلاته.. أربعه كده
5
حلمت إني أكون من الشعراء المشهورين
بس لقيتني معنديش الجرأه إنى ألقى الشعر ده أو أنشره
لأن مسأله الخجل عندي شئ زايد جدا بشكل بيضايقني
المهم اكتفيت بالكتابه من وقت للتاني وطبعا بعرض هنا في المدونه بعض مما أكتب
اتكلمت كتير ولسه في أسئله تانيه
إستحملوا بقى
الثاني

أذكر خمس أحلام على الاقل ..تخص مستقبلك .
1)
بحلم إني أزور بيت الله الحرام
2)
بحلم يرجع للمسلمين هيبتهم وكرامتهم في كل مكان ويكون لي دور في ده
3)
بحلم أشوف قدرة الله على أعداء الإسلام والمسلمين
4)
بحلم إني أموت وربنا راضي عني
5)
بحلم بحاجات كتير كلها بين أيادي الله
الثالث
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن
طيب نخلي السؤال ده للسنه اللي جايه
يمكن يكون بقى في حد .. هههههههه
الرابع
أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا ..
جدي لأمي .. رغم إني لم اراه .. لكن كان نفسي أعرفه عن قرب وأتحدث معه
خال والدي .. أيضا لم أراه .. لكن أيضا كان نفسي أعرفه
الشخصين دول .. الكلام عنهم رحمهم الله بيقول إنهم كانوا حكماء
رحم الله موتانا وموتى المسلمين

أمرر التاج بقى .. نياااااهاها ( ضحكه شريره ) هههههه
.. ساره .. مدحت .. سيد شبل .. عمر الطحان .. ابن مصر .. شريف
.. خبيب ...الهدهد الطائر ...شمعي أسعد ..
صالح سعيد .. واحده مفروسه .. سمراء ..انسان بلا عنوان .. الزواج روضه الحب .. دكتور ضياء ..
علاء سالم .. محمد .. معاذ
القادم أجمل ... رحاب مصطفي .. راجي .. أحمد مصطفي ..سيد مكسرات .. تمر حنه ..
.زمرده .. مهند .. ولاء ..حائر في دنيا الله .. تامر نبيل
كلمات .. موناليزا .. رئيسه حزب الأحلام .... حاول تفتكرني .. جنى ..سندباد ..عفراء
..د: هيما .. عاليا حليم ..الهواري .. سكر
كان في ناس تانيه بس التاج اتمرر لهم للأسف

65 comments:

ammola said...

كان حلمى اكون اول تعليق
احمدك يارب
حلمك الخاص انك تكونى رائدة فضاء بيقول كده انك رومانسية وخصوصا لما قلتى بتقعدى تكلمى النجوم..يا سلام سلم التاج ده طلع المستخبى عند ناس كتير
ربنا يعينك على تحقيق كل احلامك
بس ماجبتيش سيرة فارس الاحلام؟
:)

سلوى said...

أمولتي
الحمد لله إن حلمك اتحقق وبقيتي أول تعليق
أنا كمان سعيده إنك اول تعليق
وبكده نبقى خالصين
صح ؟؟

وبعدين هو فارس الأحلام ينفع يبقى حلم
ده قضاء وقدر
زي ما تكوني ماشيه كده وحجر يقع على راسك فجأه
ومش تفهمي جه منين

عموما يا ستي
هذا الفارس له بوست لوحده في مدونه تأملات قلب
اسمه
نصفك الآخر

http://taamolaaat.blogspot.com/2007/09/blog-post.html

وبعدين يا ست أموله إن شاء الله نزور بيت الله الحرام سوى ولا تزعلي

عارفه إن التاج اتمرر لك
وإلا كنت مررته لك
فرصه بقى
هههههههههههه

دمتى عزيزتي بكل الخير

Jana said...

شاكرة وممتنة لاجابتك على التاج
اتفضلى اقعدى ...نتيجة الفحص

طب الفرفر ...فهمنا انك كنتى عايزة تطلعى ظابط شرطة ..فكان منطقى

طب الشاكوش !!؟؟ ..اعتقد ده كان انسب ل ال جى ..هى اللى كانت عايزة تطلع نجار هههههههه

من احلامك انك تبقى شاعرة ..وانتى كده فعلا ..وحبك للفضاء والنجوم يدل على رومانسية حالمة ...بس ارمى من ايدك المفتاح الانجليزى ...مكوك الفضاء بيشتغل اوتوماتيك ..

اعتقد ان كلية التجارة دى مؤثرة اوى ..معظمنا لحد دلوقتى ومن اللى جاوب على التاج ..كان خريج تجارة ..يعنى هى اللى اطلقت فينا الاحلام فاصبحنا مدين لها ...ودائن عليها ..وحساب المخزون اتقفل من زمان وفى فائض احلام وعجز فى ميزانية التحقيق واقفلى بقى سيرة القيد المحاسبى ده
باذن الرحمن انا جايالك السنة الجاية ..اسئلك السؤال التالت اللى
انتى اتهربتى منه

ربنا يحققلك احلامك المستقبلية ان شاء الله ..ويرحم جدك وخال والدك واموات المسلمين
ويوفقك فى مشروعك الخاص ...ويجزل لك العطاء

سعيدة جدا باجاباتك
وابقى تعالى دايما ...لو مصممة هاتى معاكى كيس برتقال ..وبلاش فرافر ...اعقلى يا سلوى
صحيح كلية الشرطة خسرتك
والشعب كله كسبك
هههههههههه

تحياتى ومودتى

عصفور المدينة said...

ههههههههههه
كلية الشرطة
إجابات راقية جدا حفظك الله

سلوى said...

Jana
إيه العسل ده
هههههههههههه
الشاكوش هبقى أستلفه من إل جي يا ستي مافيهاش حاجه يعني الناس لبعضها

وماشي أدينا رمينا المفتاح الإنجليزي
على الله المركبه الفضائيه تدور
الله
إفرضي وقفت في السكه
طيب نعمل إيه
لأ أنا هاخد المفتاح الإنجليزي إحتياطي برده

وفعلا كليه التجاره كانت مؤثرة جدا زي ما قلتي

وإن شاء الله هستناكي السنه الجايه علشان إجابه السؤال
هههههههههه

وإنتظريني إن شاء الله هزورك كتير
بس إعقلي إنتي وبلاش حكايه البرتقال دي
إنت عارفه الأسعار نار
ممكن نمشيها تفاح ؟

سعيده بزيارتك جدا جدا
ودمتى عزيزتي بكل الخير

سلوى said...

عصفور المدينة
أخيرا
الأستاذ عصفور

ربنا يعدي حكايه النت دي على خير
وتعود لتحلق عاليا في عالم التدوين

حفظك الله من كل سوء
وبجد أسعدتني زيارتك

AHMED SAMIR said...

احلامك الماضية صعبة جدا
واحلامك المستقبلية ممكنة جدا بأذن الله
انتي نشرتي التاج لكل الناس وماسيبتيش حد نهدي له التاج على الاطلاق
بالتوفيق

(احمد سكر ) said...

ضابط شرطه

ورائد فضااء

ربنا يعزك

دول مهنتين رخمييناوى

احمدى ربنا انك مطلعتيش حاجه منهم

اجابتك على التاج جميله

احلامك منها الممكن

ومنها اللى بقى مستحيل

تحياااتى

احمد سكر

رحــــيـل said...

msسلوى

انا كمان نفسى اكون بزنس وومن ودخلت كليه تجاره عشان كده
ههههههههههه
تعرفى احلامنا بصفه عامه فيها من بعض كتير

مش عارفه انا شكلى هعمل كوبى للتاج والاجوبه
هههههههههههههههه

تعرفى ان التاج ده اصعب من بتاع العشر حاجات
مش عارفه حساه مش سهل

ربنا يستر
تحياتى وحبى

Rehab Mostafa said...

تاج غريب وصعب :)) والأغرب اجاباتك اللذيذه دي :)
وشكراً على التاج هجاوبه ان شاء الله

و القادم....أجمل said...

ربنا يحقق أحلامك
و يوفقك في حياتك يارب

إجاباتك بجد جميلة ما شاء الله
حاولت الصراحة أختبر نفسي
معرفتش أرد
اه و الله

ربنا يسعدك يا سكرة
و ميرسي على التاج
عارفه أنا عندي حوالي 5 تيجان او تاجات او اي جمع يعني
:D
لسه مردتش عليهم
هههههههههه
ربنا ييسر الأمور

إحترامي و حبي
:)

Fahd said...

لو بطلنا نحلم نموت


بقي كنت عايزة تدخلي شرطة

كويس

وتعذبي المواطنين في الاقسام

طب الحمد لله

ربنا يوفقك ويكرمك

ويقدر لكي الخير حيث كان

سلوى said...

A.SAMIR

أولا شرفت المدونه
وأرجو تكرار الزياره

على فكرة كل اللي مررت لهم التاج
بحس إنهم أهل المدونه
يعني حتى لو في ظروف ومش عرفت أزورهم
أجدهم هنا

هم فعلا أهلا المدونه
وكان في ناس تانيه
بس جنى سبقتني ومررت لهم التاج

دمت بكل الخير

سلوى said...

سكــر

أنا قلت إنهم رخميين برده

الحمد لله جت سليمه

وطبعا الأحلام فيها اللي ممكن يتحقق
ومنها المستحيل

مش هي أحلام

أسعدتني بالزياره
ودمت بكل الخير

سلوى said...

ra7eel

ساره العزيزه

هو أنا أول ما شفت التاج
قلت إنه صعب
ومكنتش عارفه هقول إيه
بس
ولما جيت أكتب
لقيت الكلام بيجي لواحده

يالا تشجعي

بقى عايزة تبقى بيزنس وومان
تيجي نعمل مشروع سوى

ويبقى دولي
على أساس إنك في دوله وأنا في دوله
ههههههههههه

دمتى عزيزتي بكل الخير
وربنا يوفقك دوما

سلوى said...

السـيد شبل

الشكر لله
وفعلا يسعدني إنك تجاوب التاج

دمت بكل الخير

سلوى said...

Rehab Mostafa

هلا يا رو

هو التاج شكله صعب
بس أول ما تجاوبيه
هتلاقيه شكه دبوس كده

في انتظار إجاباتك

دمتى عزيزتي بكل الخير

سلوى said...

و القادم....أجمل

شكرا يا لولو

وبعدين ماليش دعوة

خدى التاج مع إخواته

في انتظار إجاباتك

ربنا يوفقك

سلوى said...

fahd

كان حلم أيام الطفوله بقى
وكنت فاكره إني هصلح الدنيا

وأحقق العدل وكده

المهم

قدر الله وما شاء فعل

سعيده بزيارتك
وأرجو تكرارها

دمت بكل الخير

الباحث عن الحقيقة said...
This comment has been removed by the author.
الباحث عن الحقيقة said...

هييييييييه
اسمي مش مكتوب
قال يعنى التاج ده مش مبعوتلى انا كمان من جنى
احلامك جميله كلها
وبتوضح انك شخصية هادية وواثقه ومش بتحب تقابل مفاجآت في حياتها
بتحب تدرس وتخطط وتغير خططها وقت ما يعجبها
بس ده يعنى بعض الالم نتيجة التضحية في كل مره بحلم من احلامك
شخصية مثابره
اتمنالك التوفيق
وهييييييييه
اسمي مش مكتوب
هههههه

رئـــــيسـة حزب الأحلام said...

خمس احلام فى الماضى وخمس احلام فى المستقبل
كتير اوى على العموم انا هحلهملك هنا
خمس احلام ماضية
1- كنت بحلم انى اكبر
وادينى كبرت
2- كنت بحلم اصطاد عصفور واكلة
3-كنت بحلم بفارس احلام
4-منت بحلم اجيب كوتشى جديد
5- بحلم اروح اسكندرية
اما خمس احلام للمستقبل فخدى عندك
1-بحلم بفارس احلام محترم ومبقاش فى رجالة محترمين
2- بحلم اجيب شقة غرفة وصالة ونوافعهم
3-بحلم بكماننا
4-بحلم اروح السينما
5- بحلم اكون طوبة فى اى مسجد

مدحت محمد said...

ربنا يسامحك ياسلوى
التاج صعب

ههههههههههه

بس كويس
انك جاوبتى عليه بجرأة

كنتى عايزة تبقى ظابط
ههههههههه

وكمان بيزنس وومن
ورائدة فضاء

انا كان برضه من احلامى والله
انى اطلع السما
وكنت بحب مادة العلوم اوى
عشان كنت نفسى اعرف السما فيها ايه
وكنت دايما اطلع الاول والله فى العلوم
كنت باخد درس عند مدرس الفصل وكنت مسابقه
يقلى فى الدرس انت بتاخد درس برة
ههههههههه
اممممممم
وكنتى نفسك تبقى
شاعرة كبيرة ومشهورة
انتى دلوقتى اشهر من النار على العلم يابنتى

ربنا يحققلك امالك يارب ياسلوى

عايز اقلك حاجة
بالنسبة لموضوع صديقتك
هى دى اكيد كانت استثنا من قاعدة عامة

فمتبنيش عليها

تحياتى وتقديرى لشخصك الكريم

رئيس جمهوريه نفسى said...

عجبتنى اكتر حاجه احلامك الخمسه للمستقبل ربنا يحققهم ليكى يارب

تــــ(حـنة)ــــر said...

بقى كده يا ست سلوى
(ههه (
بس بجد وحشتينى و سعيدة بسؤالك عليا بجد والله
و التاج دة اوعدك بجد اعمله
انما اللى فات بقى مات و قلبك ابيض
و تحياتى يا ستى

اه صحصح
تاج الأحلام دة حلو بس أحلامك اللى فيه احسن بكتيييييير

Unknown said...

اجاباتك حلوة

شكرا انك افتكرتينى ا نشاء الله حبقى اجاوبه

تحياتى

سمراء said...

جميل قوي انك فسرت احلامك
وفسرت عدولك عن تحقيقها
اشكرك على تمرير التاج
ساجيب عنه عندما اشعر باني اود ان اكون مباشرة في الافصاح عن نفسي
الا اني اجبت عن بعض اسئلته من خلال ما كتبت ولكن بتورية
اشكرك
يسعدني مرورك
سمراء

funckydoctor said...

ماشى الكلام يا فندم
برافوا عليكى صراحتك وفصاحتك

سلوى said...

الباحث عن الحقيقة

مش أنا قلت كان في ناس تانيه بس التاج إتمرر لهم للأسف
كنت منهم

مش بحب أقابل مفاجآت
بس علشان هي مفاجآت فمش بتسأل حد قبل ماتيجي

شكرا ع الزيارة والتعليق
وشكرا لحسن الظن

دمت بكل الخير

سلوى said...

رئـــــيسـة حزب الأحلام

إيه يا سلوى
ده تاج مش بيض يابنتي

تسلقيه على طول كده

ماشي يا ستي

ربنا يحقق كل أحلامك

واسعدتيني بالزياره جدا

Anonymous said...

على يدى يا سوسو

ربنا يوفقك ويحقق لك كل اللى تتمنيه
وفعلا كل احلامنا بين ايادى الله

دومتى فى حفظ الله

نجوى

سلوى said...

مدحت
ههههههههه
ربنا يا سمحنا كلنا أخي العزيز

إنت اللي بدأت
هههههههه

أنا شفت إجاباتك

جميله

شكرا لأنك قبلت التاج

وشكرا على تعليقك

دمت بكل الخير

سلوى said...

رئيس جمهوريه نفسى

شكرا ع الزيارة

وحمدا لله ع السلامه

وربنا يحقق لك كل أحلامك إن شاء الله

دمت بكل الخير

سلوى said...

تــــــــــ(حـنة)ـــــــر

تمورتي
وإنتي كمان وحشاني والله

وماشي يا ستي اللي فات مات

ولا يهمك

المهم زيارات بقى
وطمنيني عليكي

سلوى said...

عاليا حليم

طبعا أفتكرك يا بنتي

شكرا ع الزيارة والتعليق

ربنا يوفقك

ودمتي بكل الخير

سلوى said...

سمراء

أوك يا سمراء

جاوبيه وقت ما تحبي ولا يهمك

سعيدة بمرورك بجد

دمتى بكل الخير

سلوى said...

funckydoctor

ماشي الكلام حضرتك

شرفت المدونه وأرجو تكرار الزياره

دمت بكل الخير

سلوى said...

Anonymous

ماشي يا نوجا

على يدك أنا عارفه

هههههههههههه

نورتي

دمتى بكل الخير

سلوى said...

الباحث عن الحقيقة

مش أنا قلت كان في ناس تانيه بس التاج إتمرر لهم للأسف
كنت منهم

مش بحب أقابل مفاجآت
بس علشان هي مفاجآت فمش بتسأل حد قبل ماتيجي

شكرا ع الزيارة والتعليق
وشكرا لحسن الظن

دمت بكل الخير

Dr. Ibrahim said...

التاج ده الصراحة من احلى التاجات
ليه بقى
لانه مفتوح مش زى تاجات بتبقى كل إجابتهامقفولة وبتبقى إجابتها محدودة انما انا بحب التاجات اللى ذى دى
وقبل كده كنت لا بطيق أجاوب ولا بطيق اقرأ تاجات
بس لماشوفت التاج ده رأييى أتغير
لان فيه إثارة
هههههههههههههههه

هجاوب بس كمان يومين 3 كده ان شاء الله
واحتاج دعواتكم فى امتحانى

د/هيما

عـــفـــراء said...

السلام عليكم
حبيبتى سلوى مااجمل ان نحلم لكى نصحو على واقع
فاحلمى عسى ان تتحقق يوما لاولادك ههههههههه
ربنا يحقق ليكى كل ماتتمنية
بس لية الاذية دى لازم يعنى انا حتى لسة مافوقتش من تاج سارة الى انتى بردة بعتهولها بس علشان خاطرك هاخدة
يكفى انة منك
وهدية مقبولة
خالص ودى حبيبتى

كلام على بلاطة said...

فين الطوق دة
عايز دستة
ممكن
تحياتى

Dr. Diaa Elnaggar said...

سلوى

أرجو زيارة مدونتي لأمر هام

عميق تحيتي وخالص مودتي

منى said...

سلوى بيزنس وومن
كده يا سلوى فتشتى السر
وجبتى سيره الورشه
ههههههه
هتروحى فين من الضرائب يا بنتى
هيقولوا عندها مشروع ومدونه فى نفس ذات الوقت ويدفعوكى اد كده
ربنا يحقق لك كل احلامك المستقبليه
ويوعدك بالخير دايما
سلام يا لولو

HANY YASSIN said...

نحلم كثيراً ونهتم بأياء كثيرة
ثم نكتشف اننا كنا نجرى وراء سراب فنعدل عن الحلم
هكذا الحياة

كلماتك بسيطة و جميلة

دمتم بكل ود

نتشرف بتشريفكم مدونتى

hanyyassinblog.blogspot.com

جنّي said...

السلام عليكم
لا زلت أقع في نفس الخطأ
أمر بشكل دائم على تأملات قلب وأنت هنا .. لذلك من الآن إن شاء الله ستكون طوق الحرية في المدونات الصديقة ( المفضلة على سطح المدونة ) ..أما عن التاج فقد وجدته في كثير من المدونات التي زرتها وأقول رأي الشخصي وهو أني لا أجيد هذي الإجابات وأعتبرها قنص سريع لأفكاري ولكنها وسيلة جميلة للتعارف عن صاحب الإجابات ..
أدعو الله تعالى أن يحقق كل أمانيكي ..
بيد أننا نستطيع تحويل أحلامنا إلى أهداف نحاول تحقيقها ..
خالص شكري وتحياتي
said

momken said...

جميل اوى التاج ده
الاسئله جديده وجميله
مع انها طويله اوى ومش من المنهج ووقت الامتحان ميكفيش

بس انتى اجاباتك حلوة ودمها سكر
كمان مليانه تقوى وايمان
ماشاء الله

تحياتى

الهدهد الطائر said...

تصدقي.. لا يوجد أحلام!!ـ
أنا نفسي استغربت لما قرأت أسألة التاج
يبدو اني تعلمت أن التعامل مع الواقع و أخراج أفضل النتائج منه هو الأسلوب الصحيح للتعامل مع الحياة
تعلمت أيضا ان الأحلام للأسف تعني طول الأمل.. و طول الأمل يخيب الرجا
قالها المتنبي من قرون و كلامه صحيح جدا:ـ
و ما نيل المطالب بالتمني
و لكن تؤخذ الدنيا غلابا

دا ممكن يكون حلم شامل.. ان لا تأخذ الدنيا غلابا

الأشخاص الذين أود وجودهم حاليا هم اصدقاء فرقت بيننا ظروف الحياة.ـ

أما حاليا .. فعلى رأي مدحت صالح.. فأننا نعيش في كوكب تاني.ـ

.. أن شاء الله بكرة الدنيا تكون ربيع و الجو سيكون بديع..(حلم للمستقبل)ـ

...:)تحياتي و أوعي تعميليها تاني

رئـــــيسـة حزب الأحلام said...

على العموم ياستى شكلى كدة هجاوب على التاج دة من غير سلق بيض وادعيلى ربنا يسهل

الزواج.....روضة الحب said...

السلام عليكم ،وحشتيني أوى يا سلوي ،دايما كدة تفرحيني متشكرة خالص إنك أفتكرتيني واهديتيني التاج الحلو دة

الربان said...

تحياتي

ان شاء الله كل احلامك الجميلة تتحقق..

علي فكرة ...كنت في المطار ذات مرة لان حقيبة من حقائبي تخلفت عن الحضور علي نفس رحلتي...فكان لابد من أخذ تصريح دخول للمطار..فمندوب شركة الطيران اصطحبني لمكتب المسؤول...و عند الاقتراب منه سمعت ضحكة نسائية تجلجل في المكان
و حين دخلت المكتب و جدت المسؤول هو سعادة العقيد فلانه الفلانيه...يعني سيدة...
اقصد ان ظابطات الشرطة لا يتعاملن مع المجرمين...لكنني ايضا اري انها لا تناسب طبيعة المرأة..

الحج ربنا يرزقك اياه ان شاء الله رب العالمين.

مشروعك الخاص ربنا يبارك لك فيه و ينمو و يزدهر...اعجبني قوة ارادتك
و فعلا اجمل شيء ان تري ما غرسته ينبت و ينمو امام عينك...ربنا يزيدك..و لئن شكرنم لازيدنكم...

تحياتي و تقديري و سعدنا بصحبتك في هذه الرحلة الجميلة...

سلوى said...

Dr-hema
أي خدمه يا دكتور

تاج تفصيل أهو
مالكش حجه بقى

في انتظار الإجابات
وربنا يحقق لك كل أحلامك

دمت بكل الخير

سلوى said...

عـــفـــراء

وربنا يحقق لك كل أحلامك

يس هي أذيه بقى هتعملي إيه

في انتظار إجاباتك

وسعيده بزيارتك جدا

دمت بكل الخير

سلوى said...

كلام على بلاطة

دسته من الطوق

بسيطه

دي أول زيارة لحضرتك شرفت المدونه
وإن جت على دسته تبقى بسيطه

دمت بكل الخير

سلوى said...

Dr. Diaa Elnaggar

شكرا على تلك اللمحه الجميله

دمت بكل الخير

سلوى said...

منى

قلت السر بقى أخيرا

بس غيه ورشه دي
هيفتكروني ميكانيكي يا بنتي

ربنا يحقق لك أحلامك يا لولو

ونورتيني

دمتى بكل الخير

سلوى said...

HANY YASSIN

شرفت المدونه
وأرجو تكرار الزياره

وربنا يحقق لك كل احلامك

على فكرة مدونتك جميله
ربنا يوفقك

سلوى said...

جني

أنا هنا وهناك

أنا والله سعيده بسؤالك وتواجدك

هي بس التأملات ببقى مقله فيها

أصل الكتابه فيها بتيجي فجأه

المهم

إنت منورنيييييييي

دمت بكل الخير

سلوى said...

momken

نورتيني والله

وسعيده بتعليق حضرتك

ربنا يحقق لك كل أحلامك

سلوى said...

الهدهد الطائر

حلوة الإجابه التيك آوى دي

لأ كده ما ينفعش

كده هتضطر

شوف

هتضطر أعملها تاني

إنت حر بقى

يارب تحقق كل أحلامك

سلوى said...

رئـــــيسـة حزب الأحلام

أيون كده

في الإنتظاااااار

ويارب تحققي كل احلامك

سلوى said...

الزواج.....روضة الحب

وإنتي كمان وحشاني

وطبعا لازم أفتكرك

ربنا يوفقك وتحققي كل أحلامك

دمتى بكل الخير

سلوى said...

الربان

أنا كمان سعدت بتواجد حضرتك

بجد شئ بيسعدني

يارب تحقق كل أحلامك

دمت بكل الخير

klmat said...

سلوى
ازيك يابزنس وومن سعيده جدا بك
وباجابتك
واشكرك من قلبى على التاج الجميل
ويارب اعرف اجاوب لانه مش سهل
عارفه انا عندى 3 تاجات لسه ماجاوبتيش عليهم ومكسوفه من اللى اهدهوم لى اوى بس باذن الله حاعمل تاج مجمع
اشكرك جدا من اعماقى
ويارب كل احلامك تبقى حقيقه
سلاااااااااااام

سلوى said...

klmat

إيه النور ده بس

إزيك يا لولو

ربنا يحقق لك كل أحلامك

وفي انتظار التاجات المجمعه

تجياااااااااااتي