Saturday, April 5, 2008

أن تحب ..


أن تحب.... هو أن تحيا
أن تجد دنياك أحلى .. رغم المصاعب والخطوب
أن تشعر بابتسامه بين الدموع تجوب
أن ترى الدنيا نهار في ضوء شمعه تذوب
أن تحب ...هو أن تحيا
أن تجد دنياك أحلى .. رغم المصاعب والخطوب
أن يشرق قلبك باسما .. وعيناك ترى الغروب
أن تعرف أين الطريق .. ولو تعددت الدروب
أن تحب ... هو أن تحيا
أن تجد دنياك أحلى .. رغم المصاعب والخطوب
أن تشعر بالأمان .. ولو امتلأت الدنيا حروب
أن يملأ قلبك النور .. فحب الله نور القلوب
أن تحب ... هو أن تحيا
أن تجد دنياك أحلى .. رغم المصاعب والخطوب
***************
الخطوب : جمع خطب وهي المصائب
بوست الحج آخر أركان الإسلام في تأملات قلب تفضل هنـــــــا
ولو عندك كمبيوتر جرب المتصفح الرائع ده في عالم الكمبيوتر تفضل هنـــــا

43 comments:

Anonymous said...
This comment has been removed by a blog administrator.
الباحث عن الحقيقة said...

مين شاكدال ده
ما علينا ..برضه انا اول تعليق
بالاعافية والاكراه
.....
قصيدة راقية جدا
معاني جميلة
وصف رائع للحالة التي يشعر بها المحب
احسنتم
واجمل ما فيها
انك تخليتي عن جو الاكآبة والحزن عكس قصايدك التانية
تقبلى تحياتى

khobayb said...

فعلا ..

الحب كفيل بحل كل المشكلات

وحياة بلا حب

ليست حياة أصلا

---

اللهم املأ قلبنا بحبك وحب نبيك

فرنسا هانم said...

أن تشعر بالأمان .. ولو امتلأت الدنيا حروب

ربنا يسمع منك ونشعر بالامان واحنا فى وقت السلم

سلوى said...

Shakadal

شكرا لتشريفك المدونه

سلوى said...

الباحث عن الحقيقة
فعلا أول تعليق إيجابي

أشكرك على التعليق الجميل ده

وبعدين مين كان بيكتب كآبه وحزن ؟

محدش هنا بيعمل كده يا فندم
ههههههه
نورت أيها الباحث
ودمت بكل خير وسلام

سلوى said...

خبيب

الحب كفيل بحل كل المشكلات

وحياة بلا حب

ليست حياة أصلا

جميل تعليقك أخي

اللهم إني أسألك حبك وحب من يحبك وحب عمل يقربنا إلى حبك

دمت بكل خير
ملحوظه حضرتك منور المدونه بتاني تعليق على التوالي

سلوى said...

فرنسا هانم
برنسيس حبيبتي
والله لسه جايه من مدونتك وبوستك عن الدكاتره

بجد إنت بتسعديني

ويا عزيزتي
لو القلب مليان بحب الله مش هيخاف من أي شئ
وهيشعر بالأمان دايما

ربنا يسعدك دايما ويوفقك

الهدهد الطائر said...

"أن يملأ قلبك النور .. فحب الله نور القلوب"ـ

لعل أهم دليل على محبة الله هي حسن الظن به

أجدتي و أحسنتي

...تحياتي...ـ

سلوى said...

الهدهد الطائر
شرفت المدونه يا استاذ هدهد
وأرجو تكرار الزياره

وشكرا على تعليقك
مدونتك بجد جميله جدا

بس معرفتش أعلق عندك
يا ريت من فضلك تخلي التعليقات مش في صفحه مستقله

لأن يشرفنى إن أعلق عندك بجد

دمت بكل خير

مدحت محمد said...

الله على الكلام الجميل ياسلوى
على فكرة
انا اكتر اكتر الدعاة اللى بيعجبونى
هما اللى بيتكلمو عن الطاعة والعبادة
حبا لله ورسوله صلى الله عليه وسلم
وهناك حديث قدسى انا بحبه جدا
يقول الله عز وجل فى الحديث القدسى
انا عند ظن عبدى فليظن عبدى بى ماشاء
فيجب حسن الظن بالله سبحانه وتعالى
وهذا الحديث
حقيقة
بحس اد ايه فى حب
من الله عز وجل لعباده
وغيره وغيره من الاحاديث
تحياتى ليكى ياسلوى

رئيس جمهوريه نفسى said...

روعه بجد حاولت استعير بعض الابيات للاستدلال فلم اتمكن من هذا بس بجد بسم الله ما شاء الله روعه
ملحوظه اول كومنت عباره عن لينك متفيرس ياريت تحذفيه

الطائر الحزين said...

الحب هو الجدار الواقى للمشكلات والمصد الاول لها

لكن هل سيستمر جدارا طول العمر

سلوى said...

مدحت محمد
إيه التعليق الجميل ده

يعني مش عارفه اقول إيه
سعيده إن الكلمات عجبتك
ذكرته مثال جميل جدا

أشكرك يا مدحت
ودمت بكل خير وسلام

سلوى said...

رئيس جمهوريه نفسى

مرورك هو الأروع ريس
بجد تواجدك في المدونه بيسعدني جدا

وشكرا على المعلومه عن أول تعليق
تم الحزف يا ريس
وبكده يبقى الباحث هو أول تعليق زي ماقال

دمت بكل خير أخى

سلوى said...

الطائر الحزين

الحب هو الجدار الواقى للمشكلات والمصد الاول لها

لكن هل سيستمر جدارا طول العمر

توقفت عند تعليق حضرتك كثيرا

وقلت لنفسي وما المانع أن يستمر هذا الجدار طول العمر

هل سيتوقف القلب عن النبض ؟

هل يمكن ان يتوقف القلب عن حب الله الذي هو اصل اي حب؟

أتمنى أن يستمر هذا الجدار طول العمر

خالص تحياتي أيها الطائر السعيد
ودمت بكل خير وسلام

ammola said...

كلام عميق فى رقة
بس بالنسبة للحب البشرى منه...هو فين اللى يبقى كده؟؟؟؟؟؟؟
مودتى لك واحترامى

mohand said...

الحب ينقي القلب


فلاتر يعني

shaimaa elgarhy said...

بدايه....اللهم ارزقنا حبك وحب من يحبك وحب كل عمل يقربنا اللى حبك ...امين يارب العالمين

جزاكى الله خيرا ...انتى قولتى من الأخر بجد

لأن اى حد هيدور على حياته ومش هيلاقى فيها حب الله ورسوله يبقى يقول على نفسه يلا السلامة...

من وجد الله ماذا فقد ومن فقد الله ماذا وجد

الفارس الملثم said...

أن يملأ قلبك النور .. فحب الله نور القلوب

الحب اجمل شئ في الوجود وحب الله هو اسمي معاني الحب

حقيقي كلمات جميلة اوي ومعني شديد الروعة

تسلم ايدك

عين فى الجنة said...

السلام عليكى يا اخت سلوى
عارفة انا كان نفسى طول عمرى اعرف اعزف موسيقى وفشلت بعد تجارب ومحاولات وايضا كنت اتمنى اكتب شعر وايضا فشلت بعد محاولات ساذجة بدون دراسة للقوافى او العروض
ودلوقتى انا باغبطك على القدرة الجميلة دى على تحويل الكلمات الى جمل شعرية فى قصيدة وكمان عن الحب
يابختك

سلوى said...

ammola

أمولتي الجميله

نورتيني وأسعدتيني

بالنسبه للحب البشري

هو أنا كنت أقصد أكتر حب الله

بس الحب البشري
ليه لأ
يمكن يكون موجود والله أعلى وأعلم

دمتى بكل خير عزيزتي

*******************
mohand

فعلا الحب ينقى القلب
أما تعبير فلاتر ده
بجد جميل يا مهند

أسعدني تواجدك ودمت بكل خير

سلوى said...

shaimaa elgarhy

شوشو
أنا زرت مدونتك
حلوة أوى على فكره
ما شاء الله عليك

وإنت كمان قلتى أحلى حاجه

اللهم إني أسألك حبك وحب من يحبك وحب عمل يقربني إلى حبك

دمتى بكل خير عزيزتي

************************
الفارس الملثم
تسلم أيها الفارس
على تواجدك الجميل
وأشكرك على كلماتك
دمت بكل خير

سلوى said...

راجى

حضرتك فين ؟

أسعدني تعليقك وغبطتك
وعلى فكرة أنا كمان لادرست عروض ولا حاجه
هي بتيجي كده

وبعدين ولا يهمك
حضرتك قولي على أي فكرة وأنا أحولها لخواطر

كنت بعمل كده مع أصحابي

دمت بكل خير

Unknown said...

احلى كلمات عندما نسمعها تعودة الينا بهجة الحياة وننسا الخطوب
تحياتى لك

Anonymous said...

الله ياسلوى ايه الكلام الجميل ده

ع العموم الكلام الجميل والرقه حاجه

مش جديده عليكى ماشاء الله ربنا يوفقك

يا حبيبتى

اختك

روابط said...

بدون فذلكة فالدنيا خلقت بالحب وللحب

عجبنى جدا البوست البسيط ده
تحياتى

سلوى said...

أبو مروان

أولا شرفت المدونه بزيارتك
وأرجو تكرارها

وأشكرك على التعليق الطيب

دمت بكل خير

***********************
حازم سويلم

وبدون مجاملات
حضرتك أسعدتني جدا بتشريفك المدونه
وبتعليقك البسيط الجميل

دمت بكل خير

Anonymous

أختى بقى يعني هتقولي إيه
هههههههههههه

نورتيني يا نوجه زيارات بقى البيت بيتك طبعا


***************

عبده الرايق said...

الله الله ياسلوى كلماتك جميله جدا
احييكى عليها
بس ياريت الشمعه ماتزوبشى

منى said...

الله يا سلوى
فعلا لما حب الخالق يملى قلبك
مش هيقدر اى مخلوق يعكر صفوك
تسلمى يا لولو

Anonymous said...

أيون
أن تحب هو أن تحيا

من تحت التراب ننادي فين الحب يابلادي طوحتيه ورا الوادي كفاية علىّ أأكل ولادي :))
إل جي

عين فى الجنة said...

ياريت تكتبى قصيدة تدفع الشباب للعمل والجديةوالصبر
اعتقد ان شاءالله ستكون جميلة ايضا

http://kasperb4.blogspot.com/ said...

ايوة يا سلوى معاكي حق والله
الكلمات دي جايالي ف وقتها

أن تجد دنياك أحلى
رغم المصاعب والخطوب

تسلم ايدك
:)

son's egypt said...

السلام عليكم
فعلا من يحب يحيا
الحب هو اسمي شئ في العلاقات الانسانيه

سلوى said...

عبده الرايق
أهلا بك يا رايق

وبعدين إيه اللي هيخلي الشمعه تذوب بس
دي شمعه ضد الذوبان
لا تقلق

دمت بكل خير

**********************

منى
والله على تعليقك يا منى
جميل
دمتى بكل خير هزيزتي

سلوى said...

إل جي
فينك ؟

وبعدين الحب موجود لازم يكون موجود
وكفى بحب الله حبا

دمت بكل خير عزيزتي

********************
راجى
بإذن الله
سأحاول التنفيذ قريبا

دمت بكل خير
*********************

سلوى said...

آلام وآمال

يا سلااااااام
أي خدمه يا محمود

دمت سالما من كل الخطوب
***************

son's egypt
تعليقك جميل يابن مصر
وجميل قولك
الحب هو اسمي شئ في العلاقات الانسانيه

دمت بكل خير

Omar El-Tahan said...

عندما قرأت هذه القصيدة وجدت ايليا أبو ماضي وقصيدته الطلاسم أمام عيني

كأن قصيدتك إجابة على تساؤلاته ... كأن احساسك مساو لإحساسه ولكن في الجانب الصحيح والسليم من التفكير ... تهنئتي على قصيدة جميلة جعلتني احلق بجناخي الخيال ولول لفترة قصيرة

(احمد سكر ) said...

كالعاده
كلمات منتهى الروعه

كلمات صادقه
دمتى بود اختاه
ولكى فائق احترامى

احمد سكر

عــلاء ســالـــم said...

السلام عليكم

كلمات جميله وصادقه بجد
أجمل مافيها أناه تحمل الكثير من الحكم
وخصوصاً
أن تعرف أين الطريق .. ولو تعددت الدروب
هذه الصفة وحدها إن وجدت في إنسان فهي تكفيه ليحسن حياته وخاتمته .

خالص تحياتي

Unknown said...

أن تحب ...هو أن تحيا

مش على طول صدقينى ساعات بتقى الجملة ان تحب ان تموت

و امانة يا دنيا امانة تخلى الحب بعيد عنا و لا نستناه و لا يستنانا امانة

سلوى said...

Omar El-Tahan

تعليق مش هعرف أرد عليه طبعا
فكلماتي أبسط من ذلك

بس عمرى ماهنساه
أشكرك جدا
*************

سكــر
حمدا لله على السلامه
وأشكرك ع التعليق الجميل ده

ودمت بكل خير أخي

سلوى said...

علاء سالم

أشكرك يا علاء جدا على التعليق ده

وبعتز به جدا

خالص تحياتي ودمت بكل خير

********************

عاليا حليم
وأحيانا
أن تحب هو أن تقتل
وحاجات كتير تانيه
بس خلينا في الحب السوى
وحب الله أولا وأخيرا يا عزيزتي
فمن فقد الله ماذا وجد ومن وجد الله ماذا فقد

دمتى بكل خير عزيزتي
بس ده برده ما يمنعش
امانة يا دنيا امانة تخلى الحب بعيد عنا و لا نستناه و لا يستنانا امانة