Sunday, January 20, 2008

الحكمه التي لا ندركها


أشتقت للقلم والتدوين
أريد أن أكتب .. لا أعلم عن أي شئ
أشياء كثير برأسي .. وسأحاول أن أكتب
وإنتم طالما جيتم هنا .. يبقى أمركم لله .. إقرأوه

جميعنا يبحث عن الكمال .. نبحث عنه فينا ونبحث عنه أكثر في من حولنا .. والكمال لله وحده
فنجد دوما أن هناك شئ ناقص ..فهل نقصه لحكمه أم لعيب
ندخل في الموضوع
كثيرا ما تستوقفني الأمور .. التي تحدث لي .. والتي تحدث حولي
أقف أمامها أبحث عن حكمة الله فيها .. فأنا يقيني أن لكل شئ حكمه
بعض هذه الأمور أكتشف الحكمه منها في حينها .. والبعض تتأخر ظهور الحكمه فيه
والبعض لا أعرف ما الحكمه فيه أبدا
إيه اللي بقوله ده .. حد فاهم حاجه
أريد ان أقول أن لكل شئ حكمه قد نعرفها وقد لا نعرفها
فقط يجب ان نتأمل الأمور جيدا ظاهرها وباطنها ونتقبلها كما هي طالما أنه ليس بيدنا شئ تجاهها..
وقتها فقط سنشعر بالرضا
فنحن كم نصادف محن .. وهي في حقيقتها منح
ولكننا نقف عند المحنه فقط .. وقليل من يبحث عن المنحه فيها

يقول تعالى : وَاللَّهُ يَعْلَمُ وَأَنتُمْ لَا تَعْلَمُونَ( " النور : 19 "
وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ ( " البقرة : 216

والحكمه ليست في البلاء والمحن فقط .. هي في كل شئ .. فكل شئ له حكمه
مثلا وأنا صغيرة كنت أسمع مقوله لازالت دارجه للآن المقوله عن النساء
يقول البعض .
ياعم سيبك منها .. دي من ضلع أعوج
ضلع أعوج .. تقال وكأنها عيب في المرأه وانتقاص منها
لما كبرت .. ماشاء الله كده
صرت متأكده إن الله لن يفرق هكذا بين عباده
أوم عملت إيه .. بحثت
وجدت أنهم يستنيدون لحديث النبي صلى الله عليه وسلم
استوصوا بالنساء ,فإن المرأة خلقت من ضلع أعوج ,وإن أعوج شئ في الضلع أعلاه
فإن ذهبت تقيمه كسرته, وإن تركته لم يزل أعوج , فاستوصوا بالنساء خيرا
)
صدق رسول الله صلى الله عليه وسلم
المهم البعض ترك الحديث كله ومسك في جمله
المرأه خلقت من ضلع أعوج ...
أخذوا تلك الجمله فقط .. وصارت وسيله للإنتقاص من المرأه
وعلى فكرة مواقع كتير وشيوخ كثير بتفسر الحديث بمعنى الإنتقاص المهين
وأنا هنا لست جهه تفسير
ولكني أتأمل فقط .. وأكتب ما أشعر به
يعني
الضلع فعلا أعوج .. طبعا هذا الأمر في ظاهرة يعد نقص .. ماهو مش مستقيم
طيب لو الضلع كان مستقيم .. هل سيكون وقتها كمال للمرأه ؟
طبعا لأ
لما ؟
قوة المرأه ودورها في الحياه وتميزها .. يكمن في هذا الإعوجاج
أصل الضلع معوج لحكمه .. علشان يحتوي ويحيط ويحمي شئ مهم جدا
وهو القلب
لو كان الضلع مستقيم
كانت أقل ضربه أو إصابه .. تصيب القلب بالنزيف
هو أعوج ليحمي القلب .. الذي إذا فقدته .. فقدت الحياه .. وفقدت العاطفه .. التى تتميز بها المرأه
إذا بالرغم من نقصان هذا الأمر إلا إنه ميزة وقوة
مثال كمان
البعض عندما يكون مقبل على أمر ما
نجده يدرس الأمر جيدا ويضع الخطط .. ويوفر كل السبل لنجاح الأمر
ويعتقد أن الأمر ناجح لا محاله
كده كويس ولست أعترض
لكن يبقى نجاح الأمر متعلق بالتوفيق من الله .. ومتعلق بإراده الله
يعني لو ذهبت لعزومه كده وعجبني صنف ما .. وسألت صانعته عن المقادير والطريقه
وقالت لي .. وذهبت لأصنع نفس الصنف .. وجهزت كل شئ كما قالت
هل سيخرج بنفس النتيجه ؟
الله أعلم
الله أعلم هذه هي ما أريد أن أصل إليها ..
فقد تقوم بالعمل على أكمل وجه .. ومع ذلك يفشل
لما ؟
لأنه مهما إكتمل الأمر فلابد أن ينقصه شئ .. وهذا النقصان لحكمه
ولخير .. قد نعلمه وقد نظل نجهله
طيب إيه الهدف من الكلام ده
الهدف .. إن هناك أشياء كمالها في انتقاصها .. فالنأخذها كما هي ولا تكن نظرتنا سطحيه
فننظر للنقص .. ونترك الحكمه منه والخير الذي فيه
وهناك أشياء فيها نعم كثيرة من الله وفيها فائده .. رغم أن ظاهرها قد يكون محنه أو إبتلاء
فالننظر للمنحه .. ونصبرعلى البلاء
وفي كل الأحوال
الكمال لله وحده ...وستظل هناك حكم لا ولن يدركها الإنسان ولكنها من المؤكد لخير الإنسان
فلنتقبل النقص فينا وفيمن حولنا .. لأنني أرى أن هذا النقص .. تميز
لأن وراءه حكمه من الله
مش عارفه قدرت أوصل اللي أنا عايزاه ولا لأ
هتعملوا إيه بقى .. هييييييييييه
أمركم لله

57 comments:

mohand said...

السلام عليكم

اولا واحنا كمان اشتقنا لتدوينك

وبالنسبة للوصول انتي وصلتي علي الاقل انا فهمتك وموافقك

انا بتكلم عني شخصيا بقي


تحياتي وبوست متميز وفعلا كلام يدخل العقل

عصفور المدينة said...

تذكرت قول المتنبي

ووضع الندى في موضع السيف بالعلا
مضر كوضع السيف في موضع الندى

فيه رواية للحديث في صحيح مسلم

إِنْ اسْتَمْتَعْت بِهَا اسْتَمْتَعْت بِهَا ، وَبِهَا عِوَجٌ ، وَإِنْ ذَهَبْت تُقِيمُهَا كَسَرْتهَا ، وَكَسْرُهَا طَلَاقُهَا

والحديث مذكور ليس في معرض الانتقاص ولكن في موضع الوصية بالنساء فليتأمل

الجنوبى said...

ياه ايه الحكمة دى كلها والنظرةالثاقبةدى كل اللى اقدر اقولهولك انى اقولك زى الراجل التخين بتاع الكويت ده _مااروعك _
عمرو

ammola said...

سبحان الله
اكيد ربنا مش بيخلق حاجة ناقصة
وكل مخلوق ميسر لما خلق له لو ساب نفسه على طبيعتها.يعنى احنا لوفينا عوج ده مش عيب بس احنا نعرف نتعامل معاه صح ونحسن استغلاله كويس واعتقد انه ممكن يكون عنصر تبرير لطيف لكثير من اخطائنا الانثوية اللى مش بتخلص
:))

http://kasperb4.blogspot.com/ said...

ما شاء الله الموضوع واضح جدا واحب واقولك ان الهدف منه وصل فعلا
تسلم ايدك بصراحة

منى said...

ازيك يا لولو
كلامك عاجبنى
وبصراحه فيه الحل لكل احزانا
لما نفهم انها ممكن تكون الباب لحاجه احسن
انا شخصيا مريت بحاجات كنت حاسه انها اكبر اذى ممكن اتعرض له
لكن الحمد لله منها ما اصبح اكبر نعمه غيرت مجرى حياتى
تحياتى يا جميل

مدحت محمد said...

سلوى
اتكلمتى الاول عن الكمال
ومفيش انسان كامل
وبعد كدة اتكلمتى عن الحكمة
فى بعض امور بتستوقفك
فى امور ابتالء بيقى فيها حكمة
وخير من وراها ميعرفهوش غير الله عز وجل
ضربتى مثل بالمرأة والضلع الاعوج
واستهجنتى التفسير الخاطىء لبعض المشايخ
واهمية الاعوجاج
كل ده تمام
فى الاخر
قلتى انى الله عز وجل ماخلق شيئا الا لحكمة يعلمها هو
حتى لو كان ناقص
اقلك انا حاجة
بتدلل على كلامك
لما سيدنا الخضر
امر سيدنا موسى
بقتل طفل صغير
وسيدنا موسى
مكانش يعرف الحكمة
ولما قتله عرف انه كان هيطلع ولد فاسد
وانى والده ووالدته
مؤمنين بالله
وبعدين عايز اقلك فعلا غلط الانسان ينتقص من انسان
لانى محدش يعرف مين الافضل

رحــــيـل said...

عزيزتى سلوى

حمد الله على السلامه رجوعك لمدونتك

انا فاهمه كلامك جدا وبحس دايما بحكمه ربنا فى كل امر بيحص ولو بعد حين

لانه لايوجد شئ يحدث عبثا بل دائما لحكمه مقدره

غبتى غبتى وجيتى بموضوع جامد
بس بلاش تغيبى تانى

تحياتى وحبى

Mo3Az said...

السلام عليكم

تدوينة جميلة يا فندم
انا كذلك مقتنع تماماً ان كل شىء مهما كان صغير فهو متخطط ومحسوب وله حكمه

يقول الحق تبارك وتعالى :
"انا كل شىء خلقناه بقدر "

اتفق معكى فى ذلك
تحياتى
(F)

اسامة يس said...

وصلت الفكرة ووصل المراد بأيسر الطرق ... وبحوار سلس

الله يعلم ونحن لا نعلم... مهما ظهرت امامنا وتكشفت بعض الحقائق فإن هناك حقائق خافيه ..
فعلينا ان نأخذ المتاح والا نعاند القدر ...

جزاك الله خيراً..
خالص تحياتي

الربان said...

تحياتي

أتفق معك تماما بأن لكل ما يحدث في هذه الحياة الدنيا حكمه ، قد ندركها بحواسنا، او ببصائرنا...و قد لا ندركها رحمة بنا...

مثال بسيط حضرتك تجديه في سورة الكهف..
حين خرق العبد الصالح السفينه...و حين قتل الولد...و حين أقام الجدار...
أعطي الله و بصَر العبد الصالح بالحكمة و الاسباب من وراء الافعال الثلاثة و لم يؤتها لنبي من انبيائه.

مثال أخر...في عالم الحيوان نري الوحوش
تلتهم فرائسها من حيوانات اليفة مثل الجاموس الوحشي و الحمار الوحشي و الغزلان..الخ... فتأخذنا الشفقة بتلك الفرائس... لكن الحقيقة التي تغيب عنا ان هذ يحدث من اجل التوازن البيئي .

تحياتي و تمنياتي و دمتي بألف خير.

MKSARAT - SAYED SAAD said...

عسى ان تكرهوا شيئا وهو خير لكم حمدالله على السلامة
تحياتي

سلوى said...

وعليكم السلام ورحمة الله وبركاته

الله يخليك يا مهند
وبجد شكرا على تعليقك

والحمد لله إنك فهمتني
مش عارفه يظهر علشان تغيبت فترة فافتكرت إني بكتب شئ مش مفهوم

نورت المدونه مهند
تحياااااااااتي

سلوى said...

عصفور المدينة
بجد والله
تواجدك في مدونتي يشرفها

روايه الحديث التي استشهدت بها حضرتك
أعلمها
ولكن ع النت تفسيرات لبعض المشايخ
بجد مستفزه
وفعلا بيقسروا الحديث على إنه انتقاص للمرأه

ربنا يهدي
وأشكرك فعلا على إضافتك وياريت الكل يفهم كده
لأن دينا جميل جدا

تحياااااااتي

سلوى said...

انسان بلا عنوان

الله يخليك
حكمه مرة واحده
خلتني مش عارفه أرد وأقول إيه

بس بجد شرفت المدونه
وأرجو أن تكرر الزيارة

تحياااااااااتي

سلوى said...

ammola
أولا شرفتي المدونه
البيت بيتك بقى
يعني زيااااارات

ثانيا
فعلا
الكمال لله وحده
وأي نقص فينا إحنا لو تأملناه جيدا
سنجد أنه لحكمه يعلمها الله
وأنه الأفضل لنا

وبعدين إيه أخطاءنا الأنثويه دي بقى
هو إحنا بنغلط أبدا برده
ههههههههههه

بجد أسعدتيني بتواجدك
دمتى بكل ود

سلوى said...

آلام وآمال
فينك أخ محمود
عسى افمتحانات كانت كويسه

والحمد لله إن الفكرة وصلت

وشرفت المدونه بجد
تحياااااااتي

سلوى said...

منى
إزيك يا لولو
منوراني والله

وكلامك وتعليقك جميل

والبوست الأخير بتاعك جميل
ما شاء الله

دمتى بكل ود

klmat said...

نورتى مدونتك ياسوسو
كلامك جميل واسلوبك رائع والمعنى وصل
احنا ناخد بالاسباب ونجتهد
وايا كانت النتيجه نحمد ربنا
كل حاجه لها حكمه قد لا نعلمها
وربنا اسمه العدل
بحييكى من قلبى
وياريت متغبيش علينا
سلاااااااام

سلوى said...

مدحت

حللت البوست يا مدحت
ما شاء الله
وأضفت له كمان

سعيده بتواجدك بجد
ودايما منور المدونه

دمت بحفظ الله

سلوى said...

ra7eel
عزيزتي سارة

الله يسلمك
شكرا على كلامك الرقيق
أسعدتيني بجد

وإن شاء الله مش هغيب

دمتى بكل ود

سلوى said...

Mo3Az
وعليكم السلام ورحمة الله وبركاته

شرفت المدونه
والحمد لله إن الجميع متفقين

سعيده بتواجدك معاذ
وأرجو تكرار الزيارة

تحياااااتي

سلوى said...

osama

شرفت المدونه بجد
والله وأسعدني تواجدك

وشكرا على تعليقك

بس يا ريت كلنا نعمل به

تحياااااتي

سلوى said...

الربان

أولا شرفت المدونه
وأرجو تكرار الزيارة

جميل أوى تعليقك وإضافتك
من سورة الكهف
ومن الغابات

فعلا لكل شئ حكمه

تحيااااااااتي

سلوى said...

MKSARAT SAYED SAAD

الله يسلمك
أسعدتني بتواجدك
وفعلا
عسى ان تكرهوا شيئا وهو خير لكم

سبحان الله

تحيااااااااتي

سلوى said...

klmat
نورتيني يا لولو

وتعليقك جميل
وبوستك الأخير كله ابداع يا بنتي
ما شاء الله

أسعدتيني
وإنت كمان ماتبقيش تغيبى
منتظراكي دايما

دمتي بكل ود

http://kasperb4.blogspot.com/ said...

ربنا يكرمك يا سلوى
والله المدونة كمان وحشتني وكل المدونات
والحمد لله انا خلصت على خير ورجعت للمتابعة من جديد
:)

الطائر الحزين said...

الحكمة تكمن فى أخر الحديث

فاستوصوا بالنساء خيرا


بارك الله فيك وحمدا لله على سلامتك

مجلة سيكولوجية مصرية said...

سبحانك ربنا لك الكمال فى كل شئ

ونحن البشر مجرد نفس تتصارع من اجل البحث عنها ذواتها


تحياتى الموضوع جميل واسلوب الكتابة روعة

وعلى فكرة انا كتبت موضوعين عن المرأة ويهمنى رايك

أخوكى أحمد

مجلة سيكولوجية مصرية said...

بعد ما كتبت التعليق
قرائت الموضوع تانى

ولقيت انى نسيت اقولك

ربنا يجزيك كل خير
عن مجهود فى توضيح

معنى الحديث الشريف للبعض الذى

يقلل بالمرأة


ولكن دعينا لا ننسى من يقللن من ذواتهن


تقبلى تحياتى

أحمد

فرنسا هانم said...

حكايه الضلع الاعوج دى بقت زى اللبانه فى بق الرجاله
فعلا كل ما واحد يتكلم عن الست بزعل يقول
ماهى النسوان مخلوقه من ضلع اعوج
يعنى قصده ان الست بطبيعتها عوجه
ربنا يسامحهم

harmless said...

هل صحيح هناك نقص فى النساء؟
ام هو دفاع نفسى تعيس ادمنه الرجال مقابل الحقائق الواضحه والتى تؤكدها الحياة يوميا

الحقيقة ان المرأه هى كل شئ
هى الجمال والرقه والحنان والعواطف
هى النسمه فى لهيب الصيف والدفاء فى صقيع الشتاء
هى الطعم لكل شئ والنكهه لكل موجود
هى الالوان فى عالم ابيض واسود وهى الضوء فى عالم مظلم

هل استغنى جلف من الاجلاف المتحدثين عن نقص النساء عنهم حتى يقولوا ما يقولون

واذا كان كل هذا التأثير من مخلوق ناقص اذا فالنقص هو الكمال بعينه

Dr. Diaa Elnaggar said...

العزيزة سلوى

موضوع جميل بحق

وإن كان عندي سؤال لا يزال حائرا: كان من المفروض ان نكمل نقاشنا وبحثنا عن حقيقة الحجاب، ولكني انتظرت ثم انتظرت ثم انتظرت، ولا أدري أهي المشاغل، أم أنك وصلت إلى قناعة أنه لا جدوى من النقاش معي والوصول معي إلى "الحقيقة"، ففعلت كما فعل غيرك من قبل وانتهجت المبدأ الذي يقول: عدم الرد أفضل رد؟ فقط كنت اتمنى إن كان هذا هو الدافع وراء انقطاعك عن الرد علي أن تخبريني برغبتك الصريحة في ايقاف النقاش عند هذا الحد حتى لا أظل على انتظاري.

آسف لهذا الكلام ولكن عمق اللوم يكون في علاقة طردية مع التقدير والمودة للشخص الموجه إليه اللوم، والله يعلم كم اقدر شخصك واكن له عميق المودة والاحترام.

عميق تحياتي

ضياء

سلوى said...

آلام وآمال
الحمد لله إنك خلصت على خير
بالتوفيق يا رب دوما

ونورت المدونه محمود
وإن شاء الله دوما تحلق بين المدونات

تحيااااااتي

سلوى said...

الطائر السعيد إن شاء الله
الله يسلمك
ودايما منور المدونه

وفعلا الحديث فيه توصيه بالنساء
لكن البعض بيأخذ كلمات ويفسرها كيف يشاء

أسعدتني أخي بتواجدك بجد

تحياااااااتي

سلوى said...

أحمد مصطفى
والله تواجدك يسعدني دوما

وشكرا على تعليقك
وأنا قرأت موضوعك
فعلا جميل جدا
وكاتبه بسلاسه
ربنا يوفقك دوما
وجزيت كل الخير

تحيااااااتي

سلوى said...

فرنسا هانم
والله عندك حق يا فرنسا
ومش حكايه الضلع بس
في حاجات تانيه كمان
إن شاء الله هتكلم عنها

بس إنت منوراني ومنورة المدونه
متغيبيش علينا
زياراااات بقى

دمتى بكل ود

سلوى said...

harmless
اذا كان كل هذا التأثير من مخلوق ناقص اذا فالنقص هو الكمال بعينه

أولا شرفت المدونه

ثانيا
مش عارفه أقول إيه بعد تعليقك هذا
فعلا عندك حق أخي

أسعدتني بتواجدك
تحياااااتي

سلوى said...

Dr. Diaa Elnaggar

شرفت المدونه

وبعدين هو حضرتك نسيت إني قلت إن نفسي طويل

والله بس أعذرني اليومين دول أنا كنت قلت قبل كده إني هيقل تواجدي
أنا بس نزلت البوست ده لأن فكرته جاتني فجأه فكتبته

لكني سأتابع قريبا جدا مع حضرتك إن شاء الله
وبعدين أنا لو كنت مش هرد كنت أعلنت ده
إحتراما لحضرتك

شكرا على اهتمام حضرتك لتكمله ما نبحث عنه
وسأعود قريبا بإذن الله

تحيااااااتي

Dr. Diaa Elnaggar said...

عزيزتي سلوى

هذا عهدي بك، وبتحضرك في الحوار، وبانسانيتك الغامرة. وجميلة جدا جملتك:

وبعدين أنا لو كنت مش هرد كنت أعلنت ده إحتراما لحضرتك

يا ريت كل الناس يكون عندها تحضرك النقاشي هذا واحترام الآخرين في حالة عدم الرغبة في الرد عليهم .

شكرا لردك الكريم وخذي ما شئت من الوقت، فكما قلت لك من قبل، كل شيء بقدر.

عميق تحياتي

ضياء

السـيد شبـل said...

عزيزتى سلوى:

رائع ما تكتبين

دائما موضوعاتك ذات مغزى حقيقى

تمنياتى من الله ان يوفقك دائما

Mo3Az said...

السلام عليكم

لكم تاج عندنا يا فندم
تفضلوا بقبوله
:)

Mohamed Hesham Safa said...

بوست جامد ... هو ده البوست اللي انا كنت مستنيه

أنا الصراحة عشان ما افتيش انا مقدرش أفسر بس اللي أنا فهمته لما قريت الحديث الشريف هو "استوصوا بالنساء خيرا


والسـ ختام ـلام

عين فى الجنة said...

النقص سمة الحياة الدنيا فى كل نواحيها فكمال الاشياء والاحياء مستحيل لانها لو اكتملت لما تحركت ولما نمت
فالنقص هو محرك الحياة
اما عن الانحناء فما من شيء فى الكون الا وبه انحناء حتى شعاع الضوء يخرج من الشمس لا يسير فى خط مستقيم ابدا وذلك بسبب الجاذبية
فالخط المستقيم اذن هو اختراع انسانى لتسهيل حل المسائل الرياضيئية والفيزيائية

Unknown said...

هو فعلا الكمال لله لوحده بس بمناسبة حكاية الضلع الأعوج دى الرجالة فاكرين انهم كاملين على فكرة يا ريت بعد البوست بتعاك ده يصدقوا أن الكمال لله وحده بس و انهم ناقصين عقل و دين زينا

بوست قيم جدا
تحياتى

Dr. Diaa Elnaggar said...

عزيزتي سلوى

اسمحي لي بتعليق صغير للأستاذه عاليا حليم

يا عزيزتي الفاضلة، هذا المنطق في النقاش "فاسد"، كما يقول لنا علم المنطق، فخطأن لا يصنعان صحيحا، فإذا كانت المرأة ناقصة عقل ودين حسب زعم من يزعم هذا، وإذا كان الرجل ناقص عقل ودين كما قلت، فهذا لن يصلح من الأمور في شيء ولن يجعل من نقصان كليهما كمالا!!!!! ثم أن في عبارتك "على فكرة يا ريت بعد البوست بتعاك ده يصدقوا أن الكمال لله وحده بس و انهم ناقصين عقل و دين زينا" اعتراف ضمني بنقصان العقل والدين لديك،وهو الأمر الذي لا اوافقك عليه، لان صريح الآية القرآنية يقول: إنا خلقنا الإنسان في أحسن تقويم، كل إنسان وأي إنسان، الرجل والمرأة على حد سواء،وصريح القرآن يجب صريح أي شيء آخر، مع العلم أنني لست من القرآنيين.

تحياتي

ضياء

mohamed emera said...

السلام عليكم
تاملتى فكان لكى وجهه نظر
راضيه بقدر الله وعامله على ارضاؤه
كل شىء فعلا ربنا خلقه لحكمه
ودا هو الجمال فى الكون
حتى مثلا المعوقين كان الله له حكمه
ان نراهم فنحمدة ان نستشعر نبعمته علينا واذا صبروا كان لهم منزله عظيمه
فسبحان الله
كان له فى كل شئ حكمه وكل حكمه جمال
اذا تامله العقل استشعر عظمه الخالق
سبحان الله
تحياتى لك
اشوفك بين حروفك سلااااام

محمد عادل said...

السلام عليكم ، كنت قد طللبت مني إعراب آية من القرآن وقد تأخرت في الرد بشكل مبالغ فيه ، أعتذر عن التأخير إعتذارا شديد بشدة جرمي في نظرك ، وإن شاء الله تجدين الإجابة على مدونتي

walaa said...

فعلا زى ما انت قلتى من النهايه الكمال وحده لله عزوجل
ولو النساء نافصات او من ضلع اعوج
من باب الاستهزاء مكنش الله سوا بينهم فى العقاب والثواب وربنا بيحاسب العبد مش كونه ذكر ولا انثى كونه عمل اعمال وحشه ولا حسنه
واخيرا الكمال وحده لله
دمت بكل الود
ولاء

mohamed emera said...

السلام عليكم
ايه ياسلوى ليه مش بتكتبى من مدة ومش ظاهره خير
ياريت تطمنينى
يارب يكون خير

سلوى said...

إخواني
قرأت تعليقاتكم
وسأرد بإذن الله عليها
لكن الآن
النت بطئ جدا جدا
أشكركم جميعا
أشكرك محمد على سؤالك
لا تعلم ماذا يعني سؤالكم عني عندما أتغيب
أنا بخير والحمد لله
بس إنقطاع النت كمان عيني تعباني شويه
بس الحمد لله
عدنا
أشكرك مرة أخرى
تحياتي مؤقتا لكم جميعا

سلوى said...

Dr. Diaa Elnaggar
أشكرك جدا على هذا الثناء
فعندما يأتي من أستاذ فاضل مثلك
يمون شهادة أعتز بها

وإن شاء الله لو النت مافصلش عندي
لأنه والله لسه جاي إنهارده

فغدا أو بعد غد ع الأكثر سيكون ردي على موضوعنا ألا وهو الحجاب

تحياااااااااتي

*************************
السـيد شبـل

أشكرك جدا على تواجدك الذي يسعدني
وسعيده أن هذا رأيك فيما أكتب

وفقك الله فأنت أيضا قلم وفكر مميز

تحيااااااااااتي

سلوى said...

Dr. Diaa Elnaggar
أشكرك جدا على هذا الثناء
فعندما يأتي من أستاذ فاضل مثلك
يمون شهادة أعتز بها

وإن شاء الله لو النت مافصلش عندي
لأنه والله لسه جاي إنهارده

فغدا أو بعد غد ع الأكثر سيكون ردي على موضوعنا ألا وهو الحجاب

تحياااااااااتي

*************************
السـيد شبـل

أشكرك جدا على تواجدك الذي يسعدني
وسعيده أن هذا رأيك فيما أكتب

وفقك الله فأنت أيضا قلم وفكر مميز

تحيااااااااااتي

سلوى said...

Mo3Az

نورت المدونه
وشكرا طبعا لأنك افتكرتني بالتاج

بس أنا مجاوباه قبل كده
والحمد لله

أسعدني مرورك معاذ
تحياااااااتي

********************
mohamed hesham
شرفت المدونه أولا
وأتمنى تكرار الزياره
وإحنا مجرد أننا نتأمل لا أكثر
مش بنفتي
يعني قول رأيك ولا يهمك

تحياااااتي

سلوى said...

راجى
جميل التعليق أوى
أحييك
وأسعدتني بتواجدك

تحياااااااتي
******************
عاليا حليم
نورتي عزيزتي
وفعلا الكمال لله وحده
وعلى فكره مش كل الرجال نظرتهم كده للمرأه
في رجال فهمين دينهم صح
وفهمين إن الكمال لله وحده
وعارفين دور كل واحد

تحياااااااااتي وكرري الزيارة البيت بيتك
تحيااااااااتي

سلوى said...

Dr. Diaa Elnaggar
أترك لعليا الرد
وإن كنت أظن أنها كانت تقصد
أن الكمال لله وحده
وليس هناك مخلوق كامل
وتلك حقيقه
***********************
mohamed
أيه التعليق الجميل ده يا محمد

جميل أوي قولك
أن بين حروفي سلام
شفتها إزاي دي
ياريت يبقى فعلا بينها سلام

تحياتي وأسعدتني

سلوى said...

محمد عادل
أشكرك جدا جدا
والنت كان فاصل عندي ولم أتابع أي شئ
أشكرك مرة أخرى
*******************
walaa
عزيزتي ولاء نورتيني
وجميل تعليقك
كرري الزيارة
البيت بيتك
تحياااااااااتي