Tuesday, October 23, 2007

العـــــــودة

أريد أن أكتب موضوع وللآن لا أعرف ماذا سأكتب
أفكار كثيرة في رأسي .. لم أتمكن من ترتيبها
سبحان الله
لو استشعرنا عظمته ورحمته لأحببناه حقا
ماهذا الذي أقول؟
أهناك أحد لا يحب الله ؟
دايما واقفين لي ع الوحده كده
أعلم أننا جميعا نحب الله .. ولكن
كيف نحبه ؟
بالعباده .. مثلا أم بالمعامله الطيبه
أم الأثنين معا
لنتفق
ليس كل من يؤدي العباده يعطيها حقها
فهناك من يتخذ من العبادة عادة
واسمح لي أن أسألك
متى آخر مرة صليت لله
وعندما وصلت للسجود شعرت بهدوء
وطمأنينه ودمعت عينك وقلت الحمد لله
متى آخر مرة بكيت في صلاتك
بكاء من خشية وحب لله وليس بكاء لمصائب أو آلام ألمت بك
متى آخر مرة قلت الحمد لله وأنت تعنيها حقا
وليست مجرد مقوله تقنع بها نفسك ومن حولك أنك راضى
واسمح لي أن أسألك مرة أخرى
شكل البوست هسميه أسئله
المهم
لماذا أنت غاضب ؟
أردت شئ ولم تحصل عليه ؟
دعوت الله ولم يستجب لك ؟
تفتكر كم مرة دعوت الله وأستجاب لك ؟
كثير صح ... ؟
إذا هناك حكمة ما ... لا نعلمها
ولكن الذي نعلمه ومتأكدين منه .. أن في عطاء الله خير
وفي منعه أيضا خير
اسمح لي أن أسألك مرة أخرى
إيه الأسئلة الكتير دي هو إحنا في فصل وحصة مراجعه
والله عندك حق
بس أهو نصيبك اليوم كده
هل جربت أن تستغني عن كل شئ بالله
أشياء ... ناس ....
فقط أي شئ تطلبه
تطلبه من الله
أتعلم ماذا سيحدث
سبحان الله ستقبل الدنيا عليك
وكأن الله يسخرها لك
سبحان الله
بس مش تقول خلاص أنا مش عايز حاجه علشان الدنيا تجيلك
لأ يا فندم
إنت بتنفذ بقلبك مش بلسانك
عارف إننا في الدنيا عابري سبيل بجد
أمس كان هناك برنامج تلفزيوني
وأحد المشاهدين أتكلم وقال
إننا في هذه الدنيا ذكرى
فكن ذكرى جميله ... ولا تكن ذكرى سيئه
حاول أن تحب .... عندما يكره الناس
حاول أن تمد يدك وتقترب ... عندما يبتعد الناس
جميله كلماته أليس كذلك
فعلا إننا مفارقين هذه الدنيا لا محاله
فلنكن ضيوف خفاف
ولو فكرت قليلا
ستجد أنه ليس هناك شئ في الدنيا يستحق
ماذا لو قلت لك أنك ستموت غدا؟
ماذا ستفعل
أكيد هتبتدي تستثمر وقتك من هذه اللحظه
أكيد في ناس عايز تعتذر لهم
وفي ناس عايز تفضل قاعد معاهم
وطبعا هتصلى الفجر حاضر
وطبعا حاجات كتير قوى عايز تعملها
خلاص مش هسألك تاني
بس هتركك تسأل أنت نفسك
حاسه إني اتكلمت في حاجات كثير جدا
أمركم لله إستحملوني

10 comments:

عصفور المدينة said...

تاج برضه؟
:)

الأسئلة دي يوميا يجب على الإنسان أن يسألها لنفسه

يعني مثلا عندما يسجد يسأل نفسه انت مش خاشع ليه
وهكذا عندما ترى نعمه تتذكر الرضا وعندما وعندما ولكن الرائع أن تتحول الإجابات إلى فعل ونرجع نقول بالعزيمة

سلوى said...

عصفور المدينة

في كل مكان تاج
سنة الحياه
سعيدة بتواجدك

طبعا كل واحد لازم يسأل نفسه

بس كام واحد بيسأل نفسه بجد ؟
وكام واحد بينفذ ؟

أعلم أن جميعنا بشر
تتأرجح بنا الحياة
ولكن الجميل أن نعود دوما

بجد أسعدني تواجدك أخي الكريم
دمت بحفظ الله

الطائر الحزين said...

فعلا معك حق

بنسأل وبنحاول وبنقع وبنقوم وتأخذنا الدنيا ونستفيق

اللهم لا تكلنا لأنفسنا

الباحث عن الحقيقة said...

عارفة حضرتك ومن خلال متابعتى لموضوعاتك
حضرتك فيكى ميزه جميلة
انك بتخترقى بموضوعاتك القلب وبتخلينا نلمس حاجات كتير جوانا ..احيانا بنتعمد الهروب منها
الدنيا رحلة
انا فعلا احساسى الحقيقى انى مجرد ضيف
فعلا كلنا ضيوف
وكأننا فى حلم كبير وطويل
الحقيقة الوحيدة هى ذكر الله
الموضوع ده ادخل على نفسى حالة شجن وحزن ..وشوق
ياااه اشتقت الى دموعى بين يدى الله
اللهم ارزقنا خشيتك

رحــــيـل said...

عارفه
انتى بجد هايله
انا مفتقده حاجات كتير من مده
حاسه انى تايه
انى مقصرة
انى نفسى ارجع لفتره معينه فى حياتى
ولاحساس معين حاسيته لما قربت لربنا قوى
ربنا يخليكى

حائر في دنيا الله said...

في ظل ظروف تلك الحياة المتسارعة لدرجة أن ننسى مهمتنا الأصلية أساسا، نحتاج لوقفة نعيد ترتيب أولوياتنا ونشكل من جديد حياتنا التي أكلتها السرعة والوجبات الجاهزة والعبادات المبسترة

لك تحياتي
السلام عليكم

http://kasperb4.blogspot.com/ said...

إننا في هذه الدنيا ذكرى
فكن ذكرى جميله ... ولا تكن ذكرى سيئه
حاول أن تحب .... عندما يكره الناس
حاول أن تمد يدك وتقترب ... عندما يبتعد الناس

كلمتين في الصميم
وعايز اقولك ان الاسئلة دي بتدور في خدلنا كتير بس للأسف صعب اوي انك تلاقي حد يقدر يجاوب عليها كلها بالإيجاب
صعب وان وجدو بس ندرة
ربنا يجعلنا منهم

سلوى said...

الطائر الحزين

فعلا طول ما احنا عايشين
بنمر بمراحل كثير ومحطات وخبطات
بس المهم نرجع
دمت في حفظ الله

الباحث
لم أقصد أن أدخل علي نفسك حزن أو شجن
فعفوا
بارك الله فيك وأرضاك أخي
تحياتي

رحيل
حضورك دايما يسعدني عزيزتي
كلمه الله يخليكي اللي أنت ختمتي بها
خلتني مش عارف أنام
ربنا يهدينا جميعا
تحياتي


الحائر
سعدت بتواجدك وتعليقك
وفعلا عندك حق
المهم نذكر بعض

خالص تحياتي


آمال وآلام
فعلا ربنا يجعلنا منهم
سعدت بتواجد أخي
ودمت بحفظ الله

son's egypt said...

السلام عليكم
كتير منا اصبح العبادة عنده كالروتين اصبحت عادة بيعملها بلسانه مش بقلبه الا من رحم ربي
فعلا الواحد محتاج يستشعر عظمة ربنا في كل حاجة في حياته
حتي ف يالدعاء محتاجين اخلاص اكتر علشان ربنا يستجيب لبينا

سلوى said...

ابن مصر

فعلا عندك حق في كلامك

ربنا يهدينا جميعا

منور دايما مدونتي
اللي هي مدونتك أيضا

دمت بحفظ الله أخي الكريم