Wednesday, October 17, 2007

أيـــا لـيـــــــــل

أيا ليل ...... كل ما فيك حزين
ضوء القمر
لون الشجر
حتى زهور الياسمين
ياليل .. مابك أيها الصديق الأمين
أطال بك السهر .. بين قضبانك سجين؟
أم طال بك العمر.. تائه في ضروب السنين؟
بالله خبرني .. أيها الصامت ..الباكي .. الحزين
ما تعودت منك .. غير الجمال المستكين
وما رأيت في وجهك .. غير السعادة والحنين
والآن ما بك
لماذا كل ما فيك حزين؟
ياليل
إلى متى ستبقى وحيدا في بحور الأنين؟
بالله خبرني أيها الصامت .. الباكي .. الحزين

34 comments:

عصفور المدينة said...

هو كما هو
ولكن العين المملوءة حزنا تراه حزينا
والعكس

عصفور المدينة said...

استاذة سلوى رجاء قراءة هذه التدوينة عند الأخت حراس الحقيقة
بالتعليقات التي عليها لحين أرد عليك بتدوينة مفصلة إن شاء الله
تحت القبة إيه

سلوى said...

أولا يسعدني أنك أول الردود
ومرتين كمان

أما تعليق حضرتك الأول
فلا أعرف كيف أرد عليه

أما التعليق الثاني
فقد زرت المدونه وقرأت وعلقت
وفعلا كنت أريد أن أكتب بوست
ليس شبيه
ولكن يناقش فكرة التدين والألتزام
حتى أنني تركت لحضرتك سؤال تعقيبا على الحوار الذي قامت به الكاشفه
المهم
ربما قريبا إن شاء الله
أعمل التدوينه التى أريد
وربما بعد أن تقوم حضرتك بعمل التدوينه المفصله
لك كل الشكر

http://kasperb4.blogspot.com/ said...

كنت هكتب حاجة شبه اللي قالها عصفور المدينة بصراحة
ان احنا اللي بادينا نشوف الليل حزين واحنا بردو اللي نقدر نشوفه فرحة وسرور

تحيتي لكي

الطائر الحزين said...

ان الحزن فى القلب قبل الليل
فهو ملهم الحزين و ستر الخائف
وحضن الغريب

بارك الله فيك وابدل حزنك سعادة

Anonymous said...

الليل مرايه السهارى

سلوى said...

عصفور المدينه

آلام وأمال

الطائر الحزين

المجهول

سعيدة بزيارتكم جدا .. جدا
بس ينفع كده
أمه لا إله إلا الله بتلمح إني أنا الحزينه

ده الليل يا جماعه

مشوها الليل المرة دي

أما أنا
ههههههههههههههههههههههههههههه
لأني سعيده بوجودكم وتواجدكم بجد

جين اير said...

انا جيت يا سلوى اخيرا

سلوى said...

نورتي جين

بس لسه فاضل شوية تظبيط

اسكندراني اوي said...

الليل
ما اجمله
وما احنه على اهله
وما اعظم الاسرار اللتي يسمعها ولا عمره فكر يكشفها

كراكيب عادل said...

النفوس اذا طابت غنت

ربنا يبدل ليلك الحزين باخر سعيد

سلوى said...

اسكندراني أوي

شرفت بزيارتك الأولى
وسعدت بتعليقك

كراكيب عادل

شرفت بزيارتك الأولى ايضا
واحنا اتفقنا بقى
أننا هنمشيها المرة دي
ان الليل هو الحزين

تحياتي لكم جميعا ووفقكم الله

son's egypt said...

السلام عليكم

احيانا كتيرة بيكون الليل ملئ بالحزن
ولكن يوجد منا من يستطيع ان يحول ه>ا الحزن لسعادة ومنا لا يستطيع

Dr. Diaa Elnaggar said...

سلوى،

البوست جميل ولكن انتبهي للخطأ النحوي الصغير :

أطال بك السهر ؟.. أم طالت بك السنين

وصوابها:
أم طالت بك السنون

ويمكن للمحافظة على القافية جعل "السنون" مضافا إليه كأن تقولي مثلا: أم طالت بك رحلة السنين

والقرار الأخير لك بالطبع، ولكني تعودت أن أنقد نقدا بناء وهو ما يعني تقديم مقترح بديل، ولكن القرار الأخير لك طبعا.
شكرا لزيارتك الكريمة لمدونتي وأنا رديت على تعليقك.

تحياتي القلبية

ضياء

alqassam said...

كلام جميل ومعبر
جزاك الله خيرا

رحــــيـل said...

الحزن
ولد بداخلنا مع ميلادنا ليس الليل
والايام
لا الزمن ياعزيتى
انه بداخلنا
لا فرار
اما عن باقى المدونه فهى حقا رائعه
احسستها بشدة
اما عن انك من الدقهلية
فبصره
سعيده ان احنا بلديات
بس انت منين بقى ياجميل؟
خالص تحياتى

سلوى said...

son's egypt

سعيده بتواجدك دائما
وجملتك دي جميله جدا
أشكرك
تحياتي


د. ضياء النجار

سعيده بتعليقك ونقدك طبعا وأرحب به
وبصراحه أنا نحويا فاشله جدا
وبعتبر اللي بكتبه مجرد خواطر
وطبعا نصيحتك مأخوذه في الإعتبار

alqassam
أسعدتني زيارتك الأولي
وتعليقك الطيب أشكر
ودمت بحفظ الله


ra7eel
نورتي عزيزتي المدونه
وهلا ببلدياتي
سعيده بتعليقك جدا
وسعيده أن المدونه أعجبتك

أما عن سؤالك أنا منين ؟؟
فبلاش أحسن إنت عارفه المخبرين ملين المنطقه
بس إنت منين صحيح ؟؟

Dr. Diaa Elnaggar said...

العزيزة سلوى

والله النحو جميل، بس لو نفهمه بالعقل، زي ما أي حاجة جميلة، لو نفهمها بالعقل. هي الضمة سموها ضمة ليه، والفتحة فتحة ليه، والكسرة كسرة ليه، والسكون سكون ليه؟؟؟

فكري كده في الإجابات وحتلاقيها من سهولتها صعبة للغاية.

وتحياتي

ضياء

سلوى said...

د. ضياء النجار

سعيده بزيارتك مرة أخرى
وعدلت بعض الكلمات
إن شاء الله تكون سليمه

وبعدين النحو صعب
ياريت المسأله
مسألة فتحه وضمه وكسره
ده في المفعول أنواع
والمضاف والمضاف إليه
واعرب الجمله
وحاجات كثير جدا

تحياتي

الباحث عن الحقيقة said...

زى ما قال الاستاذ عصفور
كل واحد نظرته لليل بتختلف حسب ماهو بيبص ازاى
لاننا بنضفى احساسنا الداخلى على الشئ اللى بنشوفه حسب ما ارتبط فى ذهننا من الاول
فاهمه حاجة
يعنى واحد اول معنى لليل عنده هو الحزن شئ طبيعى كل ما يشوفه او يتأمله يحدث عنده حالة شجن
زى ما انا كل ما اشوف الليمون جسمى يقشعر
كما ان الليل مرتبط فى التأملات والخواطر الشعرية بالحزن برضه
عموما دى بعتبرها فضفضات
خدى راحتك ..ولا كأننا موجودين

سلوى said...

أخي الباحث
شرفت المدونه كالعاده
بتعليقك وحضورك المميز

عجبني أوى آخر سطرين
تحياتي وسعدت بحضورك

أحمد العربي said...

كلمات رقيقة عزبة
حوار داخلي ساكن لمس بيدية خطوط الضوء الابيض الشفاف
ليس أكثر من رائع

Lapa said...

قمة عالمية البرتغا الكاتب cristovao دي اغيار.

وهو ، أيضا ، وترجمت الى اللغة البرتغاليه ثروه الامم من آدم سميث.

وقد منح العديد من الجوائز.

لا تنسوا اسم هذا الكاتب العظيم ، يمكنك الاستماع اليه قريبا.

اشكركم على انفاق الوقت في الثقافة العالمية.

شكرا للزيارة

Anonymous said...

منذ يومين كنت أتساءل هل نحن أم الدنيا سبب كل هذا الحزن..
بصراحة لم أصل لرد
ولن ربما بين كلماتك الرائعة أن الليل حزين وحزنه منا نحن
كلماتك رقيقة بارك الله فيكي

لك تحياتي
السلام عليكم

Dr. Diaa Elnaggar said...

العزيزة سلوى،

الضمة ضمة لأنك تضمين الشفتين عن نطقها، والفتحة لأن الشفة تتجه لأعلى، والكسرة لأن الشفة تُكسر لأسفل والسكون لسكون الشفتين.

لكن ما حدش من اساتذة اللغة العربية كلف خطره بأن يربطها لنا بهذا الربط، ولو حد كان فهمها لنا بالعقل لربما أحببنا النحو أكثر.

مع ذلك لا بد ان تحاولي محاولة جادة، وبعدين قولي النحو صعب، لكن ليس قبل أن تكوني بذلت كل ما وسعك لفهم النحو. وأنا شخصيا أنصح بكتاب قواعد اللغة العربية للاستاذ فؤاد نعمة ويباع في مكتبات الأهرام.

تحياتي

ضياء

سندباد said...

حالة بتصيبنا زي الاف الحالات اللي بتيجي علينا وبتخلينا نحس بحاجات كتير انما في الاخر كل حاجة بترجع زي الاول
تحياتي

Soooo said...

طب عيني في عينك كده ياسلوى
!!!!
بقى الليل الاسود ومافيهوش غير نقط بيضا .. يبقى حزين؟؟؟

امال النهار فرحان يعني؟؟؟؟؟؟



النقطه دي على فكره جابتلي اكتئاب .. مش البوست بتاعك يعني
لأ بس بجد ليه بقينا دلوقتي لما يجي الليل نصاب باكتئاب
وبالنهار برضه عشان تبقي عارفه يعني

ليه مافيناش حتة الضحك والعفرته والزقططه بتاعة ايام زمان دي


اييييييييييييييه
ما دايم الا وجهه


والسلاموووز ختامووووز

سلوى said...

أحمد العربي
شرفت بزيارتك أخي
فلا تجعلها الأخيره

وأشكرك على التعليق الرقيق

دمت بحفظ الله

سلوى said...

Lapa
welcome
i hope you can read my blog

سلوى said...

حائر في دنيا الله

شرفت بزيارتك أخي الكريم

وسعيدة بتعليقك وما يحويه من تساؤل
فعندما تكون حزين
ترى كل الكون حزين

بارك الله فيك
وأسعدك
تحياتي
تحياتي

سلوى said...

دكتور ضياء
فعلا عندك حق
ربما تلقينا المادة خطأ

وسأحاول إن شاء الله
تفهمها

سعيده بتواجدك
تحياتي

سلوى said...

سندباد

فعلا كل حاجة بترجع زي الأول

شرفت المدونه أخي

تحياتي

سلوى said...

soooooo

إيييييه دنيا
دوام الحال من المحال

بجد بقى
ولا إكتئاب ولا حاجه
مين أصلا قال إن الليل حزين؟
ده الليل سعيد جدا

وبعدين ما في شئ ثابت على حاله
شويه حزن وبعدين فرح
وكده يعني

المهم سعيده بوجودك

وسلاااااموز
على فكرة
طلعت كلمه سلاااموز ضد سياسة الدوله
وهيقفشوا كل اللي بيقولها
خد بالك بقى

Dr. Diaa Elnaggar said...

العزيزة سلوى،

على هذا النحو لن يصعب النحو!!!0

تحياتي

ضياء