الحقيقه إنى أخيرا سعيده والحمد لله
شويه حاجات كده مفرحانى
هما مش كتير
بس فرحتى بيهم كبيره وده بفضل الله
وأحب تشاركونى فرحتى دى زي ما شاركتونى حزن
اول شئ
خطوبه أختى حبيبتى .. وده شئ فرحنى جدا جدا جداااااااااااااا والحمد لله
حقيقي كانت فرحه ناقصه لأنى أمى مكنتش موجوده
بس كنت واثقه ان روحها معانا والحمد لله على كل شئ
دعواتكم لها بقى :)
تانى حاجه
لما بدخل المدونه وألاقي ان اكتر البوستات قراءه هو بوست علمتنى أمى
بجد شئ فرحنى أوى
تالت حاجه بقى
إن نتيجه الفرقه التانيه بمعهد إعداد الدعاه ظهرت انهارده ونجحت الحمد لله
ونجاحى الفضل فيه لله وحده ثم بعد ذلك أمى
عشان كده بهدى النجاح ده لأمى
وبحمد الله وبشكره على نعمه
شويه حاجات كده مفرحانى
هما مش كتير
بس فرحتى بيهم كبيره وده بفضل الله
وأحب تشاركونى فرحتى دى زي ما شاركتونى حزن
اول شئ
خطوبه أختى حبيبتى .. وده شئ فرحنى جدا جدا جداااااااااااااا والحمد لله
حقيقي كانت فرحه ناقصه لأنى أمى مكنتش موجوده
بس كنت واثقه ان روحها معانا والحمد لله على كل شئ
دعواتكم لها بقى :)
تانى حاجه
لما بدخل المدونه وألاقي ان اكتر البوستات قراءه هو بوست علمتنى أمى
بجد شئ فرحنى أوى
تالت حاجه بقى
إن نتيجه الفرقه التانيه بمعهد إعداد الدعاه ظهرت انهارده ونجحت الحمد لله
ونجاحى الفضل فيه لله وحده ثم بعد ذلك أمى
عشان كده بهدى النجاح ده لأمى
وبحمد الله وبشكره على نعمه
كتبت بالعاميه
أصل البوست أشبه بفضفضه وعارفه إن زوار المدونه قليلين جداااااااااا
بس عارفه كمان انهم فاهمين أنا ليه كتبت البوست ده
ببساطه عايزاكوا تشاركونى فرحتى :))
40 comments:
الحمد لله
عقبى لك
ورحم الله الوالدة واموات المسلمين
أستاذي راجى
ربنا يبارك فيك يارب
وربنا يفرحك بالأولاد ويفرح قلبك بما يسرك
وربنا يرحم أمواتنا وأموات المسلمين يارب
الحمد لله الحمد لله
الف مبروك
إن مع العسر يسرا
الحمد لله لورنس
وربنا يبارك فيك يارب
ويسعدك ويفرح قلبك بما تتمنى
ربنا كريم :)
الف الف مبروك
ربنا يفرحك دايما ويرزقك بالخير دايما
على فكره- مفيش احسن من ان الزوار يبقوا قليلين
انا زمان كان عندي زوار كتير- بس لما اختلفنا في وجهات النظر هاجروا ولم يبقى إلا تقريبا 5 هم الحريصين على الدخول عندي باستمرار
المهم التأثير مش العدد
مبرووك هنا وهناك في الفيس وفي كل مكان وامسكي بأه على الحالة النفسية ديه وتبتي قوي :))))))))
مبروك
اول شئ
الف مبروك لاختك
ربنا يجعل لها نصيباً في الجنه ان شاء الله
تانى حاجه
هوا البوست حلو ويستاهل
تالت حاجه بقى
الف الف مبروك والحمد لله
الف مليون مبروك
اجمل حاجة فى الدنيا انك تفرحى والدتك حتى لو مش معاكى
الله يرحمها يارب ويرحم جميع امواتنا
هى اكيدة بفرحتك انتى واختك ومبسوطة بنجاحك
واحنا كمان اكيد مبسوطين عشانك
يارب دايما فى خير وسعادة
rack-yourminds
الله يبارك فيك يارب
وربنا يفرح قلبك بكل ما تتمناه يارب
مونايزتي
ربنا يبارك فيكي يارب ويفرحك ويسعد قلبك
ويارب انا كمان أبارك لك قريب
زمان برضو كان عندي زوار كتير لورانس
بس لما هجرت المدونه فترة وقلت زياراتي للمدونات
بقى عدد قليل اللي بينور مدونتي
وبعتز بيهم جدااااااااا وبحترمهم جدااا
كريستالتي
أديني ما سكه اهو
تعالي امسكي معايا بقى :))
محمد
الله يبارك فيك يارب ويفرحك انت كمان ويسعد قلبك بكل ما تتمنى عاجلا غير آجل
والحمد لله دائما أبداا
اسلام
الله يبارك فيك يارب ويرزقك كل ما تتمني
وربنا يرحم أمي وأمواتنا وأموات المسلمين يارب
على فكرة أنتوا أسعدتوني زياده والله
ربنا يحفظكم يارب وأزوركم قريب كده في مدوناتكم
وأباركلكم واحد واحده على فرحه بتستنوها
ربنا يحققك أمانيكم يارب
ربنا يزيد فرحتك
تحياتي
الــحمد لله فى
السراء والضراء
الف مبروك لخطوبة
أختك ولنجاحك كمان
وتاكدى أن فى كل فرح
ومناسبة روح الوالدة
حتكون معاكم ومش بتسيبكم
حاول تفتكرني
اللهم آمين ويفرحك ويرزقك كل ما تتمني يارب
وشكرا للزيارة الجميله :)
نور
الله يبارك فيكي دكتور
ويفرح قلبك بكل ما تتمني يارب
والحمد لله على كل شئ
أنا واثقه ان روح أمي دايما معانا
الحمد لله علي نجاحك و تعرفين مدي سعادتي الشخصية بهذا النجاااااح
و تهانينا بخطبة احتك و ربنا يتمم لها علي خير و يرزقكي خير الدارين
رحم الله والدتك فقد انجبت الولد الصالح الذي يتذكرها و يدعو لها فكنتي صدقتها الجاريه في الدنيا
تحياتي
الحمد لله دكتور عصام
وانا عارفه انك سعيد للنجاح ده
ربنا يبارك فيك يارب ويفرح قلبك بما تتمنى
وأتنى انى اكون الولد الصالح
يارب اكون كده
ويرحم امى ويغفر لها ويجمعنى بها في جنته يارب
وربنا يرحم موتانا وموتى المسلمين جميعا
أن تصل متأخرا افضل من عدم الوصول
الف الف مبروك ليكي ولاختك
ويارب يباركلك في علمك ويبارك لاختك في خطيبها
ويرزقك كل ما فيه خير في الدنيا والاخره
الف مبروك لاختك وعقبالك يارب قريبا والف مبروك النجاح
الف مبروك لاختك وعقبالك يارب قريبا والف مبروك النجاح
بن رشد
فينك
يارب تكون بخير حال
والله يبارك فيك يارب ويفرحك بكل ما تتمنى دايما
رفقه عمر
ياااااااااااااااه نورتى المدونه
ربنا يبارك فيكى يارب ويفرح قلبك بكل ما تتمنى اللهم آمين
عاجلا غير آجل
ربنا يكرمكم دائما..
مدونه جميله اوى يا سلوى وكلماتك اكتر من را ئعه...ال ف مبروك على النجاح فى المعهد ربنا يوفقك دايما والى مزيد من النجاح والازدهار والتوفيق يارب
zizo allazizo
السلام عليكم
ازيك يا استاذه :)
انا محمد خيري كنت قريت ليكي حاجه في الفيس بوك بتسالي عن حاجه مين اللي مالفها
حاولت ابعتلك بس الفيس بتاعك عشان اقولك انها بتاعتي بس الفيس بوك بتاعك كان مقفول ماعرفتش
https://www.facebook.com/photo.php?fbid=214473558584571&set=a.155929344438993.32620.155453974486530&type=3&theater
دا اللينك بتاعها في صفحتي
ودا لينك مدونتي
http://anam7md.blogspot.com/
وفي الختام بقى احب اقولك ان المدونه بتاعتك ماشاء الله جميله جدا
ربنا يوفقك ^^
الله الله الله
بجد انا كمان فرحت
ما شاء الله ولا قوة الا بالله
ربنا يرزقك الخير دايما ويمنحك السعادة ابدا ويدخل الفرح والسرور الى قلبك
والحقيقة مش عارف ابارك لكى على ايه وللا ايه ، لكن فى اعتقادى ان نجاحك فى تحصيل العلم الشرعى اكتر حاجة تستحق انى اباركلك عليها
ويارب دايما فى نجاح باستمرار
صباح الخير
يبدو ان حضرتك ستتفوقي عليه
في هجر المدونه
اتمني اشوف بوست جديد لحضرتك
علي الاقل نطمن عليكي
تقبلي خالص دعواتي لكي بكل الخير والسعاده
صباح الخير
يبدو ان حضرتك ستتفوقي عليه
في هجر المدونه
اتمني اشوف بوست جديد لحضرتك
علي الاقل نطمن عليكي
تقبلي خالص دعواتي لكي بكل الخير والسعاده
د: ابراهيم
ربنا يكرمك يارب ويرزقك كل ما تتمني
zizo
أشرف نورت المدونه والله
أشكرك ع الزياره وعلى كلماتك
ربنا يكرمك يارب وتفرح باولادك
اللهم آمين
أستاذ محمد خيري
شكرا لتوضيحك
ولزياره حضرتك
وانا علقت في البيج
المهاجر
سعيده بتشريف حضرتك وبكلماتك
الله يبارك فيك يارب ويرزقك كل الخير
فعلا ابن رشد
انا مقصره جداااااااااااا
شكرا لزيارتك وسؤالك
ربنا يحفظك يارب
ونشوف احنا كمان بوست جديد :)
شركة رش مبيدات جنوب الرياض
شركة رش مبيدات غرب الرياض
شركة مكافحة حشرات شمال الرياض
شركة مكافحة حشرات جنوب الرياض
شركة رش مبيدات شمال الرياض
شركة مكافحة حشرات غرب الرياض
شركة مكافحة الثعابين بالرياض
شركة رش دفان بالرياض
شركة رش دفان بالخرج
شركة رش مبيدات بالخرج
شركة مكافحة حشرات بالخرج
شركة مكافحة النمل الابيض بالخرج
Post a Comment