Friday, September 23, 2011

ناس وناس



في ناس تحب تتسلي بقلوب الناس
وتقول كلام كتير
لكنه بلا معنى .. بلا احساس
كلام لو توزنه .. يطلع ما يساويش
غير حبه تراب بالرجل ينداس
...

وناس تزرع محبه في قلوب الناس
كلمتها قليله جايز
لكنها مـ القلب وكلها اخلاص
الكلمه الواحده تساوى كتير
والحرف منها يتوزن بالماس
...
وناس مالهاش في الكلام أصلا
لكن فعلها كتير وبيأثر
تلاقيها وقت الشده من غير ماتنادى
سند وقلب كبير كما الكوثر
سلوى 

15 comments:

الميكروباص said...

حلوه من موهوبه

سلوى said...

:) ربنا يخليك يارب
واله تواجدكم بيسعدني جدا
بس عندكوا تغيب من فترة انت وابن رشد

يارب تكونوا بخير وكل الاسره

دمت بكل خير وسعاده

الميكروباص said...

لا ولله لا غياب ولا حاجه- انا عن نفسي موجود باستمرار ومش ماشي من هنا

سلوى said...

طيب ده شئ يسعدني طبعا
لأني بحس ان زيارتكم مش مجامله
ولا رد على زيارة ومجامله تعليقات

ربنا يوفقكم يارب ويرضي عنكم ويرزقكم السعاده

Razi Soliman said...

فى ناس مش بتجمعهم غير صنية قلقاس
وناس نافخة كروشها بكباس
وناس قافله على نفسها بميت ترباس
وناس صفيح اغلى من الماس
وناس دهب بالقباقيب بتنداس
وفى حرمية شغالين حراس
وناس تتلف فى قرطاس
وناس فى ايدها وحمةعلى شكل الكاس
وعالم شغال كناس
وشاب فى الدنيا دى محتاس
والمحترم بقى رقاص
كل اللى فاتوا دول نوع قليل من ناس

~ISLAM~ said...

الله على الكلام

وهتلاقى مليون نوع تانى من الناس

لأن الانسان ناسى انه انسان

فبيتشكل بكل الاشكال

كلامك جميل جدا

تحياتى

رشيد أمديون said...

الورد رغم صمته فهو أبلغ في مقام من كثير من الكلام

تحيتي لك سلوى

رشيد

Razi Soliman said...

كل سنة وانتى وكل الاسرة بخير
الغيبة طولت ان شاء الله يكون المانع خير

سلوى said...

كلمات جميله رازى
ما شاء الله

وشكرا لسؤالك ربنا يكرمك يارب ويبارك فيك

انا بس عندى امتحانات اليومين دول
وكلها اسبوع واخلص ان شاء الله
دعوااااااتك اخى العزيز

سلوى said...

اسلام
حضرتك نورت المدونه
شكرا لكلماتك بارك الله فيك
مدونتك كمان جميله ما شاء الله
ربنا يوفقك يارب

سلوى said...

رشيد
جملتك جميله اوى
وده شئ مش جديد
بارك الله فيك ووفقك دوما ونفع بك
دمت بخير

deema said...

صح جدا كل حرف كتبتيه....بس مش دايما الكام الكتير ببقى كذب

سلوى said...

اكيد مش دايما دمدومتى
نورتي عالم التدوين :)

deema said...

ده نورك يا حبيبتي

Unknown said...

شركة رش مبيدات جنوب الرياض

شركة رش مبيدات غرب الرياض

شركة مكافحة حشرات شمال الرياض

شركة مكافحة حشرات جنوب الرياض

شركة رش مبيدات شمال الرياض

شركة مكافحة حشرات غرب الرياض

شركة مكافحة الثعابين بالرياض

شركة رش دفان بالرياض

شركة رش دفان بالخرج

شركة رش مبيدات بالخرج

شركة مكافحة حشرات بالخرج

شركة مكافحة النمل الابيض بالخرج