Monday, March 7, 2011

الأذيه

قالوا يعنى إيه أذيه؟

وليه بخاف الناس تئذينى

قلت الاذيه مش خنجر تقتلنى به

ولا انك في الهلاك بقوة ترمينى

انا في حاجات بسيطه بعتبرها أذيه

حتى لو بفعلها قاصد تغلينى

الأذيه مثلا انك تكدب عليا

وتختلق قصه لجل ترضينى

او تقول صفات حلوة بس مش فيا

حتى لوبخاطر انك تعلينى

 او تلبس توب حزن شبيه بيا

وتظن ان الحزن بالحزن يواسينى

باختصار

انك تغمى عنيا

وعلى مينا من الاوهام  ترسينى

فخليك واضح وضوح الشمس ليا

لانى محتاجه نور وضي يهدينى

وكن صادق في الكلمه والنيه
لان الصدق هينجيك و ينجينى

اواقولك

ابعد بعيد.. بعد النجوم لإديا

لأنى ما اتحملش حد يئذينى


سلوى

10 comments:

موناليزا said...

جميلة يا سلوى
وأنا متفقة معاكِ جدا

الميكروباص said...

جميله جدا جدا جدا

سلوى said...

موناليزتى حبيبتى
والله انت الاجمل والارق
يسلم لي مرورك

سلوى said...

لورنس العرب
والله انا بيسعدنى مرورك جدا وتعليقاتك

:)بحس ان لسه في حد بيزور المدونه
ربنا يكرمك ويوفقك

ebn roshd 777 said...

تحياتي ودعواتي لحضرتك بدوام العافيه
وربنا يكفينا واياكي شر الاذيه والمؤذيين
طبعا ايذاء الروح اكثر ايلاما من الايذاء البدني
ولكن لابد من بعض التجمل الذي لا يكون من نتائجه الايذاء او الخداع
خالص تقديري وتحياتي

momken said...

جميل جدا مفهومك للاذيه
مش شراط خالص الشخص المؤذى يكون شرير
لكن ممكن بسؤ تصرفه يقتلنى وهو مش حاسس


تسلم ايدك

تحياتى

سلوى said...

بن رشد
ربنا يكرمك يارب ويرزقك سعاده الدارين
ويحفظك من كل اذي

فعلا ايذاء الروح بيكون أشد

سلوى said...

ممكن
ربنا يكرمك ويرضيك ويرضى عنك

لكن ممكن بسؤ تصرفه يقتلنى وهو مش حاسس

تمام كده

Omar El-Tahan said...

كلمات رقيقة و صادرة من القلب فيسهل وصولها للقلب ... خالص التحية و بانتظار الجديد.

سلوى said...

شكرا عمر

خالص تحياتي