Sunday, July 18, 2010






كنت أسمع من يقول

(القرآن يقرأ حرف .. حرف)

(أنا اكتشفت إني مكنتش بعرف أقرأ القرآن)

كنت اسمع هذا وأتعجب

فأنا أري أني استطيع القراءه وبالتشكيل وكله تمام

بس لما بدأت أدرس تجويد اكتشفت اني فعلا مكنتش بعرف أقرأ

ليه ؟؟
هقولك

الأول انت بتعرف تقرأ قرآن كويس

طيب نعمل اختبار سريع

لو نجحت فيه يبقى تمام
ولو لأ
يبقى كمل معانا :)

انطق ما بين الأقواس
(شيطان )
ها نطقت الشين إزاي ؟

طيب عشان تعرف نطقتها صح أو لأ انطق (شاديه )

ها ... وجدت اختلاف ؟

نطق الشين في شاديه هو الصح

الوقت انطق ما بين الأقواس

(المستقيم )

كيف نطقت حرف الــ ت

طيب برضو عشان تعرف نطقك صح أو لأ

انطق (المستشفي )

طبعا نطق الــ ت في المستشفي هو الصح

ها نجرب تاني ؟

طيب انطق (حاصبا )

والآن انطق (حاتم )

وقارن بين نطق حرف الــ ح في الكلمتين

طبعا نطق الحرف في ( حاتم ) هو الصح

شفتوا اننا بننطق كلمات القرآن خطأ مع اننا بننطق نفس الحروف في لغتنا العاديه العاميه صح
ها مين هيكمل معانا ؟؟؟

فــــــــــــى
دورة في التجويد

3 comments:

Razi Soliman said...

ازيك يا سلوى
ربنا يعينك وركزى اكتر حاجة فى حروف التفخيم والترقيق
وفقك الله

رحــــيـل said...

واحشاااانى جدا :)

انا عرفت ده من فترة لما كنت بدات تجويد بس للاسف مش كملت معاكي ان شاء الله

مش بتفكرى تحضرى اللقاء الجاى عشان اشوفك ونتقابل

جنّي said...

السلام عليكم

كيفك اخت سلوى لعلك بخير ..

ما شاء الله ولا الشيخ احمد عامر .. على فكرة دي طريقته في تعليم التجويد ..

طيب سؤال كيف ننطق كلمة قرطاس .. الراء نفخمها ام نرققها ..