Saturday, May 23, 2009

غدا يوم جديد


غدا تتفتح زهور الربيع

0

وتملأ أنفاسي بأريجها

0

وستشرق شمس يوم جديد

0

نعم ستشرق كعهدي بها

0

غدا ستشدوا الطيور مسبحه

0

ستغرد لي في غدوها ورواحها

0

والأرض ستدور في فلكها

0

لن تتوقف الأرض من أجلك أو أجلها

0

وسألهو بين النسيم الرقيق

0

كطفله صغيره تبدأ عمرها

0

فامسح دموعك وابتسم ..

0

فمن أنزل دموعك لا يستحقها

0

ابتسم فغدا يوم في الحياه جديد

0

والقلب الطيب إشراقه فجرها

35 comments:

رحــــيـل said...

يارب ياختى يارب
هههههههههه
ياعينى على الروقان ياعينى

ناقصك بقى اغنيه الدنيا ربيع والجو بديع

ونكمل اللوحه بخضره وزرع وصحبه حلوه

ربنا يجعل كل ايامك هنا وربيع يالولو
فامسح دموعك وابتسم
فمن أنزل دموعك لا يستحقها0
ابتسم فغدا يوم في الحياه جديد0
والقلب الطيب إشراقه فجرها

صفــــــاء said...

عزيزتى تشرق الشمس
وتشدو الطيور وتدور الأرض
لأن هذا مقدراً لها
لن تتوقف لدمعه عين
قد تتساقط تلك الدموع اليوم
لكن غدا
حين نستيقظ ربما تكون قد جفت تاركه فوق الخد بقاياها وبالقلب أنينها
ألا أن غدا مقبل بشمسه وطيرة وزهرة
يمكننا أن نراة فنبتسم ونتركه يجذبنا بعيدا عن همومنا
ويمكننا ان نغرق بها كى تعمينا عن روعه خلق الله
فأيهما نختار !

ebn roshd 777 said...

لا داعى ان نبكى
الحياة محتاجة نبتسملهالان الحياة مش كلها حزن

سلوى said...

رحــــيـل

ساره حبه تفاؤل :)

والدنيا ربيع :))
وحتى لو مش ربيع وأعاصير

هنعمل إيه يعني هو في دنيا غيرها :))

سلوى said...

صفــــــاء

يا حبيبتي هقول إيه

دا أنت ملهمتى في هذا البوست :))

سلوى said...

ebn roshd 777

لا شئ يدون
لا حزن ولا فرح

فغدا دوما يوم جديد :)

دمت بكل الخير أخي

سلوى said...

في حاجه اسمها يدون

معلش حطأ مطبعي :))

لا شئ يدوم لا حز ولا فرح

الله المستعان دوما

RAZY EL HAWARY said...

انا حر اصنع قدرى واسبح واطير
ولن استسلم للدنيا واصبح لها اسير
ربى يخلق الغد وانا عليا العمل والتفكير


لك ودى واعتزازى

رازى

جنّي said...

السلام عليكم

ازيك يا سلوى عاملة ايه فينك ما حدش شافك من زمان ..

المهم البوست رائع جدا ويروق لي فانا احب روح التفائل التي تملأ كل كلمات البوست امل واشراق وابتسام وحب ..

تحيتي

لورنس العرب said...

فمن أنزل دموعك لا يستحقها0


أعلم انه لا يستحقها ولكنها بتنزل من كتر من الشعور بالمراره فقط وهو انك اعطيت الكثير لمن لا يستحق


ابتسم فغدا يوم في الحياه جديد0

دي صعبه عليا

راجى said...

كويس التفاؤل ده ع الصبح
نهارك ابيض يا سلوى

سلوى said...

RAZY EL HAWARY

إزيك رازي
والله دايما بيسعدني تواجدك :)
ربنا يوفقك

تعليقك اسمحلي أقتبسه
بجد حلو أوى

انا حر اصنع قدرى واسبح واطير
ولن استسلم للدنيا واصبح لها اسير
ربى يخلق الغد وانا عليا العمل والتفكير

سلوى said...

جنّي

وعليكم السلام ورحمة الله وبركاته

إزيك سعيد يارب تكون بخير

أنا الحمد لله .. ماشي الحال :)

شكرا لسؤالك ربنا يخليك ويحفظك
وسعيده طبعا إن روح البوست عجبتك
إنها دعوة للتفاؤل :))

فتفاءل بالخير تجده

دمت بكل الخير

سلوى said...

لورنس العرب

طيب نتناقش في نقطتين
الأولي

أعلم انه لا يستحقها ولكنها بتنزل من كتر من الشعور بالمراره فقط وهو انك اعطيت الكثير لمن لا يستحق

ودي أنا معاك فيها
لأنك بيصعب عليك نفسك
وبتحس إن ضاع وقت وجهد وأعصاب
وفي الآخر لا تجد أي تقدير
وده شعور غصب عنك بتحسه
ومراره بتسكنك وألم

بس خلاص
قدر الله وما شاء فعل
وأكيد ربنا له حكمه لا ندركها
وفي الآخر إنت أمامك ما تعيش وتبدأ من جديد
أو إنك تموت من جواك
مش بقول إنك تعيش وكأنه شئ لم يكن
لكن على الأقل تحاول

النقطه التانيه


ابتسم فغدا يوم في الحياه جديد0

دي صعبه عليا
لأ مش صعبه ولا حاجه
إبتسم ولو بتمثل لى نفسك
بعد كده تبقى عاده :) وطبيعيه
ابتسم لأن الإبتسامه صدقه
ابتسم لأن الحياه بتستمر
ابتسم لأن كان ممكن يحصل لك أمور أسوأ
لكن ربنا لطف

ها ابتسمت ؟؟ :)
ربنا يحفظك ويفرج كربك

سلوى said...

راجى

صباح الياسمين ( أصلي بحب الياسمين :)

ويارب كل أيام حضرتك تكون تفاؤل :)

حاول تفتكرنى said...

ربيع دائم

كلماتك

تججمع العبير والظل والثمر

تحياتي

حاول تفتكرنى said...

ربيع دائم

كلماتك

تججمع العبير والظل والثمر

تحياتي

رفقة عمر said...

سلوى
حسيت احساس جميل قوى وانا بقراها
ربنا يفرحك
يارب ويسعد ايامك
اللهم امين

norahaty said...

الله الله
كل كلامك
حلو كده ياسلوى؟

كاتب مصري said...

الله الله ع التفاؤل بحب التفاؤل جدا فكرتيني بكلمة عباس الأبيض غدا يوم آخر
ربنا يريح قلبك زي ما اديتينا أمل في بكرة
تشرفت قوي بزيارتي للمكان الأكثر قدسية بحروفه العطرة
خالص تحياتي

assafo anaroze said...

سلوى
عودة ميمونة
جرعة من الامل احسستنها بين طيات ما كتبته اتمنى ان يكون هذا مودك دائما
فامسح دموعك وابتسم ..
فمن أنزل دموعك لا يستحقها
بالفعل هناك يوم جديد في انتظارك فلا تنظر ابدا الى الخلف فقد مضى الى حال سبيله
مودتي

مذكرات مشاغب said...

الله ينور عليكي والله
ايوه حلو شوية التفائل دول جماااااااااااااااال جدا
فعلا مهما واجهتنا صعوبات لازم نتفائل ببكره

بوست هايل بجد
تحياتي

Sherif said...

جميلة تلك النظرة الآملة فى غد جديد

وحقيقى أن من أسال دمعك .. لايستحقها

الا ان تكون دموع الفرح

klmat said...

وحشتينى اوى اوى ياسوسو
وسعيده جدا ان اول ما افتح الاقى كلام جميل وكله تفاؤل فعلا من يتسبب فى جرحنا لا يستحق الدموع
والشمس بتنور كل يوم
ربنا يسعدك وتكونى دايما شعاع امل لينا
سلاااااااااااااااااااام

سلوى said...

حاول تفتكرنى

وكلماتك دايما مشجعه :)

يسعدني تواجدك دوما
دمت بكل الخير
وحمدا لله ع السلامه مرة تانيه

سلوى said...

رفقة عمر

رفقتي الطيبه
انت منوراني ومفرحاني
ربنا يحفظك ويسعدك دايمااااااااااااااااا

سلوى said...

norahaty

وانت تعليقات دايما حلوة كده
أخجلتيني :))

سلوى said...

كاتب مصري

الله عليك
أحلى دعوة قلتها
ربنا يريح قلبك

جميله جدااااااااااا
ربنا يريح قلبك ويسعدك
وشرفت بزيارتك :)

سلوى said...

assafo anaroze

ربنا يخليك :)

فعلا غدا يوم جديد فلا تنظر للخلف إلا لتأخذ عبره

ربنا يوفقك ودمت سعيد

سلوى said...

مذكرات مشاغب

أي خدمه

هغرقكوا تفاؤل :))

نورتني

سلوى said...

Sherif
إلا أن تكون دموع الفرح

والله افتقدت تلك الجمل الصغيره التي تحوى الكثير

دمت بكل خير وسعاده
وبلاش الغيبه دي

سلوى said...

klmat

هلاااااااااااااا
وحشتينيييييييييي
حمد لله ع السلامه
كل دي غيبه

يارب تكوني بخير وتكون أجازة سعيده
شفتي
مستقبلاكي بالتفاؤل أهو
:))

ربنا يحفظك ويسعدك أنت وكل الأسره

موناليزا said...

آه يابكرة تعالى أوام

سلوى said...

موناليزا

الكل في انتظاره عزيزتي

حلم بيعافر said...

هههههههههههههه
ايه الحلاوة ددى
صور جميلة بجد