Friday, February 20, 2009

النقيض



النقيض
الضد
ما من شئ في هذه الدنيا إلا ويحمل بداخله الصفه ونقيضها
فلا شئ مطلق على حاله
فلا خير مطلق ولا شر مطلق
قد يرجع ذلك لطبيعه الشئ نفسه أو لطبيعه من يستخدمه
بمعنى أن الشئ قد يكون بطبيعته خير .. لكن من يستخدمه يستخدمه في الشر
والأمثله كثيره .. اختر أنت بنفسك أي شئ وقس عليه .. ستجده يحمل في طياته الخير والشر
القرآن الكريم نفسه.. رغم طبيعته التي لا يختلف عليها اثنين إلا إنه قد يستخدمه

إنسان مؤمن في تهدأه نفسه وإطمئنان قلبه
وقد يستخدمه كافر في أعمال شيطانيه
القسوة

.. رغم أنها كلمه تحمل في ظاهرها عدم الرحمه إلا إنه قد لا تكون الرحمه إلا فيها
فقد نقسو أحيانا على من نحب .. لأجل خيرهم
وفي هذه الحاله نشعر بالألم أيضا مثلهم تمام وربما أكثر
وكأننا نقسو على أنفسنا لا عليهم
كأم ضربت ابنها فجرح .. فتظل هي طول الليل تتألم لألمه
مع إنها ما استخدمت القسوة إلا من أجل مصلحته
الحب
رغم أنه يحمل بداخله معاني جميله
إلا إنه قد يكون سبب في أذيه إنسان
وهل يمكن أن يضر الحب إنسان ؟
نعم
إذا أحببناه بأنانيه فلا نرى غير سعادتنا ولا يهم بعد ذلك
هل سعادته معنا أم لا
كشاب يريد أن يسافر بلد آخر طلبا للرزق أو العلم
ويشق على أهله هذا الأمر .. فلا يريدوا إلا أن يبقى بجوارهم
لحبهم له
لكن هذا الحب قد يضره دون أن يعلموا
وهكذا
فعفوا إن قسوت يوما ... فما قسوتي إلا حبا
وعفوا إن أحببت يوما .. فما كان حبي إلا قسوة

32 comments:

صفـــــــاء said...

.
فعفوا إن قسوت يوما ... فما قسوتي إلا حبا
وعفوا إن أحببت يوما .. فما كان حبي إلا قسوة

طب الاولى وفهمناها
لكن التانيه ؟؟
فما كان حبى الا قسوة ؟
أحتاج تفسير
.

سلوى said...

يا سلااااااام
هي دي بس اللي محتاجه تفسير برضه

إنت عارفه إن البوست كله تهييس :))

يالا بقى ضريبه الصحوبيه :))
إتحملي بقى

مذكرات مشاغب said...

ايه الكلام الكبير ده
وعلى فكره هو مش تهييس ولا حاجه
هو كلام بس مش مفهوم(وش بيغمز)
لا واللهي كلام جميل جدا وبليغ

تحياتي

سلوى said...

مذكرات مشاغب

لا لا
هو تهييس

والمعنى في قلب الشاعر :)

سعيده بتشريفك
دمت بكل الخير أخي

موناليزا said...

صح جدا
فلكل منا وجه اخر لايراه

رحــــيـل said...

انا شايفه ان القسوه بمعنها اللى انتى كتبتى عنه ان هى دى الانانيه لان لازم يكون اى قرار برضى الطرفين
لو حد حب حد وهو عارف انه بيحبه مش من حقه ان يسيبه لاى سبب حتى لو متخيل ان ده فى مصلحته لان كده الطرفين هيتالمه يبقى ازاى بقى القسوه تنفع هنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هيسى يالولو محدش واخد منها حاجه
احنا لينا غير التهيس

مجداوية said...

السلام عليكم

طيب لو كان ده تهييس أومال الكلام الموزون يبقى شكله ازاى !!!!
ولا قصدك لو طبقنا الكلام ده على التدوينة أنه يكون هو عين الصواب
ان كان كلامي تهييسا فهو عين الصواب وان كان عين الصواب فهو تهييسا

:)
:)

بس اللى بيعمل كده عامدا متعمدا يبقى خطير يا سلوى يا خطيرة

:)

ورائعة أيضا قصيدة إمرأة استثنائية
ده تهييس استثنائي برضه صح

سلوى said...

موناليزا

صدقتي

كل واحد جواه الخير والشر

حتى لو ماكتشفش ده

تسلمي موناليزا نورتيني حبيبتي

سلوى said...

رحــــيـل
والله مثال كويس

بس لو في حب بجد هيبعدوا ليه ؟

وحتى لو حد فيهم شاف إن البعد أرحم للتاني

يبقى خلاص أكيد هو شايف صح
وبلاش أسئله صعبه
أنا اللي أسأل بس

:))

تسلمي ساره منوراااني حبيبي

سلوى said...

مجداوية

لا لا لا
أنا ماقصدتش كده :)

لا خطيرة ولا شئ :))

تعليقك جامد والله

وأنا أهيس إذا أنا موجود :))


وبعدين ماينفعش بوستين في تعليق واحد
دايما نوريني بالزياره

ربنا يكرمك ويوفقك
أسعدتيني بتواجدك والله :)

Anonymous said...

كل ماتحدثتي عنه ليس له إلاتعريف واحد
وهو الذات البشرية
بما تحمله من كل التناقضات الموجوده والمعروفه
ولكل شخص تفسير معين في تطبيقه لسلوك ما يتبعه بحياته
أيا كان هذا السلوك وأيا كان حكم الأخرين عليه علي يظل المعني داخل نفس
الشخص فقط

وكمايبقى السؤال قائم تتوارثه الأجيال جيل بعد جيل

هل بكاء الإنسان ضعف , أم إعلانا للإنسانية ؟

تبقي ذاتنا البشرية بكل ماتحمله من معان ومشاعر ومتناقضات
أعظم مجال للدراسات ويبقي مسار الجدل عنها دائما بيننا
...............

تحياتي لموضوعاتك التي تبعث العقل علي التأمل والتفكير من دون إكتئاب أو تشكيك
........
دمت دائما بكل الخير

.........
عطر الكلمات

dodoo said...

اللـــــــه عليكى ياسلوى

ايه الجمال ده ؟؟؟

وبتقولى ده تهيييس ؟؟

ياسيتى لو ده تهيس فيامرحبا بالتهيس

وخليكى مهيسه كده ع طول عشان تمتعينا بكتاباتك

:::::::::::::::::::::

البوست عجبنى جدا
اى انسان هتلاقى جواه الخير والشر
الضعف والقوه
العدل والظلم

هتلاقى دايما نصنا ملائكى والنص التانى شيطانى

عمرك ما تلاقى انسان ملاك كامل

ولا شيطان كامل

فكلنا جوانا الجزءالملائكى

والجزءالشيطانى
::::::::::::::::::::::::::

وعلى فكره عجبتنى اوووووى الجمله الاخيره

فعفوا ان قسوت يوما فما قسوتى الا حبا

وعفوا ان احببت يوما

فما كان حبى الا قسوه

تحياتى ليكى وللبوست الفلسفى الجميل ده

مدونة الكومي said...

كلمات جميله وليست تهييس
ولكنها متأثرة بموقف ما أو حكاية
:)

المعنى في دماغ الشاعر

عاليا حليم said...

يا سلام
كلامك يخلى إللى بيقرا يتأمل فى أحواله و حياته و يخرج من البوست صعبانى عليه نفسه

لكن أختلف معكى فى جزئية القسوة مبحبش نقسى على إللى بنحبهم عشان مصلحتهم ممكن نوصلهالهم بطريقة تانية و إلا مش هيقدروا مشاعرنا و لا يحسوا بيها
تحياتى

راجى said...

لحظة واحدة
لايمكن وصف الاشياء بالخير او بالشر فهى محايدة لا تملك من امرها شيء
انما نصف افعال البشر بالخير او الشر على مقياس القيم
ولكى كل الود والاحترام

elsha3er said...

بجد موضوع جميل جدا يعنى مش زى ما انتى بتقولى مش تهيس ولا حاجة

على فكرة الموضوع دة يوضح انك انسانة فاهمة الحياة


تحياتى لقلمك


احمد الشاعر

arsenalwy said...

سلوى سبحان الله

نفس الموضوع فى بوستى الاخير

بس انتى متناولاه من جانب تانى

بس احييكى على تناولك الرائع للموضوع ده

حاول تفتكرنى said...

جميل ورائع

لم ألحظ قبلا أن للتأملات درب آخر يسمي طوق الحرية

تحياتي

Tamer Nabil said...

السلام عليكم

كلامك سليم

الانسان الضعيفاو الاصح الغير يسوى يستخدم مايصح فى ما لايصح

بجد بوست مميز

تسلمى علية

ربنا يكرمك

تحياتى

و القادم....أجمل said...

لا البوست رائع جدا
مش تهييس
بجد أحييكي عليه

ربنا يكرمك
و يوفقك
تقديري و حبي
:)

L.G. said...

ولكن البعض يراها ميزة أن تجدي التناقض في نفس الشخص والبعض يراها عيبا مع أي الفريقين أنت ؟؟
الله مقلب القلوب لذا ندعو دائما بالثبات
وأدعو لك اللهم ثبت قلب أختي على الايمان وأيدها بالاسلام واجعلها ثابتة على الحق لا تخاف من اتباعه ملام

تحياتي

dodo said...

السلام عليكم
ده اولا ثانيا باسم الله تهيسيك جميل جدا
ويارب اعرف اهيس زيك وشكرا ليكى لانك زورتينى وان شاء الله هاحاول ابقى عند حسن ظنك
شكرا ليكى بجد

سلوى said...

عطر الكلمات
وكان الإنسان أكثر شئ جدلا

تسعديني دوما بإضافاتك للموضوع
أنا سعيده بك والله
دمتى عزيزتي بكل الخير
وحفظك الله

******************************
dodoo
دودو الجميله ذات التعليقات الجميله :)

بس فلسفي مرة واحده
ده تهيس بس ماتقوليش لحد :)

سعيده بزيارتك جدااااااااااا
ربنا يحفظك يارب

سلوى said...

مدونة الكومي
المعنى في دماغ الشاعر :))

مع إنها تهييس يعني
وحكايه ممكن تحصل للجميع :))

*****************************
عاليا حليم

وحشتيني
فينك من زمااااااااان

عارفه
القسوة ساعات بنعملها غصب عنا
وبنفتكر إنها رحمه
بلاش الغيبه دي
ماشي يا لولو :))

سلوى said...

راجى
الأشياء محايده وأداه في يد من يستخدمها
هذا أمر لا نختلف عليه

لكن هناك أشياء في طبيعتها قد تكون للخير أو الشر
أقصد
أن هناك أشياء أول ما تسمع اسمها فترتبط عندك بالخير
ولكن هذا أيضا لا يمنع أن هناك من قد يستخدنها في الشر رغم طبيعتها :)

*************************************

elsha3er
ربنا يخليك
أشكرك لحسن ظنك
وسعيده بتواجدك
دمت بكل الخير
*

سلوى said...

arsenalwy
فعلا أنا قريت موضوعك
تناولنا الموضوع من وجهتي نظر مختلفه
بس بوستك بجد مميز
ربنا يوفقك
وسعيده بتواجدك

*********************************

حاول تفتكرنى
نعم للتأملات ضرب آخر
والحقيقه إني عملت الأول الطوق
ومنها كانت التأملات وعالم الكمبيوتر :)

وطبعا سعيده جدا إنك اكتشفت الطوق
حضرتك شرفتنا بجد :)

سلوى said...

Tamer Nabil
وعليكم السلام ورحمة الله وبركاته

ربنا يخليك يا تامر
عجبني أوى جملتك دي
الانسان الضعيفاو الاصح الغير يسوى يستخدم مايصح فى ما لايصح
ربنا يوفقك ويحفظك أخي

****************************
و القادم....أجمل
يعني كلكم أجمعتوا إنه مش تهييس :))
ماشي علشان خاطركم
نمشيها
تهييس برضه :))
على فكرة بلاش الغيبه دي
ربنا يوفقك يارب ويكرمك

سلوى said...

L.G.
أنا مع مين؟؟
أنا مع الناس التانيين
بس اوعي تطلعي الناس التانيين :))

أنا المهم عندي الإنسان في المجمل :)

جميل دعاءك أوىىىىى
ولك بمثله ولكل المسلمين
اللهم آمين

************************
dodo
وعليكم السلام ورحمه الله وبركاته
نورتي المدونه :)
وتنوريها إن شاء الله دايما

بجد ربنا يوفقك وتكتبي كمان أفضل من التهييس ده :))

سمكه واحده said...

فعفوا ان قسوت يوما.... فما قسوتي الا حبا

الله جمله جميله اوي يمكن تتمثل في تلت تربع الاباء

(النقيض)
كلمه يطول شرحها ومحصوره في النفس الانسانيه
تسلم ايدك ياسكره

جنّي said...

السلام عليكم

كيف حالك اختنا سلوى .. لعلك بخير والحمد لله ..

كلام جميل .. ولكن ترى ما معنى كلمة تهييس فهي من المصطلحات التي اجهل معناها ..

ولكن تعرفي احيانا نحتاج للنقيض الآخر حتى يحدث التوازنفي حياتنا ..
وما نكره قد يحمل في طياته الخير .. قال تعالى : { فَعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراً كَثِيراً }النساء19

{كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ }البقرة216

ولكني اختلف معك في ان القرآن
قد يستخدمه كافر في أعمال شيطانيه
فقد يسئ البعض فهم القرآن او يفسره بهواه .. اما ان يستخد لاعمال شيطانية فلا اظن ذلك فالله تعالى يقول في قرآنه الكريم :
{يَا أَيُّهَا النَّاسُ قَدْ جَاءتْكُم مَّوْعِظَةٌ مِّن رَّبِّكُمْ وَشِفَاء لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ }يونس57

{وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ وَلاَ يَزِيدُ الظَّالِمِينَ إَلاَّ خَسَاراً }الإسراء82

{وَلَوْ جَعَلْنَاهُ قُرْآناً أَعْجَمِيّاً لَّقَالُوا لَوْلَا فُصِّلَتْ آيَاتُهُ أَأَعْجَمِيٌّ وَعَرَبِيٌّ قُلْ هُوَ لِلَّذِينَ آمَنُوا هُدًى وَشِفَاء وَالَّذِينَ لَا يُؤْمِنُونَ فِي آذَانِهِمْ وَقْرٌ وَهُوَ عَلَيْهِمْ عَمًى أُوْلَئِكَ يُنَادَوْنَ مِن مَّكَانٍ بَعِيدٍ }فصلت44

تحيتي

سلوى said...

سمكه واحده
تسلمي يا لولو
نورتيني وأسعدني تعليقك
زيارات بقى :)

سلوى said...

جنّي
وعليكم السلام ورحمة الله وبركاته

أنا بخير الحمد لله
شكرا لسؤالك

أما عن مهنى تهييس
فدي من فعل هيس
هيس .. تهييسا .. فهو مهيس :)

تهييس من المصطلحات الجديده
تعني
كلام مجنون أو مالوش معنى
والله أعلم :))

بالنسبه للقرآن الكريم
فممكن فعلا كافر يستخدمه في أعمال شيطانيه
وأعمال الجن والتحضير
والله أعلى وأعلم

أسعدني تواجدك ويسعدني دوما
ربنا يحفظك ودمت بكل الخير