Saturday, October 11, 2008

بين شقي الرحى


جمعني بهن صدفه المكان ..
هي سيده مر على زواجها 15 عام ... والأخرى فتاه مضى على خطوبتها عام تقريبا
ودار الحديث .. حيث نظرت لي السيده فجأة وسألتني
إنت مخطوبه ؟؟
أجبت بالنفي
فقالت بلهجه حاسمه : أوعي تتجوزى واحد تكوني بتحبيه هتتبهدلي يا بنتي .. صدقيني
فوجئت بجملتها ..( وأنا لما أوفوجأ يا جماعه مش بعرف أتكلم
حواسي تقريبا بتقف :) ممكن دقيقه أو أكتر يكونوا كالدهر
بعد كده بقى تعجبت من كلامها .. وكان الحديث قد بدأ بينها وبين الفتاه المخطوبه ..
التي سارعت وقالت : لأ اللي يحب بيستحمل
يا الله .. ألم أقل أني كنت بين شقى الرحى :)
تركت لهم الحديث الذي لم يكن لي فيه لا ناقه ولا جمل
وتذكرت كلام واحده صاحبتي وكانت وقتها مخطوبه
حيث سألتها إحداهن : فرحك إمتى ؟
فأجابت : لكل أجل كتاب
ضحكت السائله وعادت تقول : في كده .. يعني لو قالوا لك فرحك بكره تعملي إيه
فأجابت : وجاءت سكرة الموت بالحق ذلك ما كنت منه تحيد

من كل ما سبق .. أخذت أفكر في ثلاث جمل هي نتاج تجربه كل واحده منهن
1
أوعي تتجوزى واحد تكوني بتحبيه لأنك هتتعذبي

طبعا علشان بدل ما هو يكيل لك من صنوف العذاب أنت التي تكيلين له
:)
2
اللي يحب بيستحمل

بأي منطق .. يكون أحد الطرفين ظالم ويعامل الطرف الآخر ممتهنا كرامته
والطرف الآخر مبتسم ويقول أصل اللي يحب بيستحمل .. لا أدري ؟
3
تساوى الزواج والموت

كيف يصل الإنسان لأن تتساوى عنده بدايه حياه جديده بنهايه الحياه كلها
وتذكرت قوله تعالى :
"وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ
سبحان الله .. أرأيتم كلمه بينكم في الآيه .. نحتاج أن نضع تحتها مليون خط
بـــيـــنـــكـــــــــــــم
يعني الموده بين الطرفين .. مش واحد يملك كل الود لللآخر .. وهذا الآخر لا يعرف معناها
مش واحد تملأ قلبه الرحمه تجاه الآخر .. وهذا الآخر لا يعرف غير القسوة
إنها حياه .. سكن وأمن وإطمئنان .. ليست موت
وسألت نفسي .. أي منا على صواب ؟؟
ووجدت أننا جميعا على صواب .. ولكن بصورة أخرى
فالقلب يجب أن يمتلأ بحب الله فقط ... ثم حب الآخرين في الله .. وقتها لن يعذبك أحد بحبه
لأن معك الله .. ولأنك تحب في الله
وطبعا اللي يحب يستحمل .. بس مش الإهانه والعذاب
لكن ظروف الحياه الصعبه .. يستحمل مرض الآخر ويسانده
يستحمل معه في الضراء كما شاركه السراء
وفعلا الزواج موت .. لكن موت للوحده .. بإيجادك من تسكن إليه
هكذا أرى الأمر ..
يبقى اني أراه من وجهة نظر نظريه وربما خياليه
أما هم فكلامهم من وحي تجارب وخبرات
يا الله .. لو تخلق كل إنسان بخلق الإسلام
أكيد الدنيا هتتغير .. وتعامل الناس هيتغير

ملحوظه صغيوره : كنت هكتب البوست ده في مدونه
. ولكني ظننت أن نفس الحديث
ممكن أن يدار بين الرجال أيضا .. زي ادبح لها القطه وما شابه
وكأنها حرب :)
كما أن البعض لازال يدخل مدونه كلام البنات متوجسا خيفه ... ( حلوة متوجسا خيفه دي :))
ظنا منه أنها تخص البنات فقط
دمتم لي إخواني وأخواتي :)

59 comments:

الطائر الحزين said...

المهم الاجتهاد فى حسن الاختيار

سلوى said...

الطائر الحزين

لقيت العداد بيشير إن في حد ع المدونه

انتظرت
فإذا به أنت

أهلا أيها الطائر

خير الكلام ما قل ودل

الإجتهاد في حسن الإختيار
والنيه الطيبه
فالطيبون للطيبات :)

دمت بكل الخير أخي
فكم يسعدني تواجدك وتعليقك

مجلة سيكولوجية مصرية said...

سلوى .. يارب تكونى بخير

أسف لغيابى الطويل جدا جدا

لكنى الحمد لله رجعت بمبادرة جديدة

تحياتى

أحمد مصطفى

http://psychologyegypt.blogspot.com

romansy said...

موضوع جميل فعلا ويحير
بس انتى ذكرتى الايه القرانيه دليل على الصح ولمروض يكون
والحب لازم يكون من الطرفين لانهم فعلا بيكونوا سعداء مع بعض وبيستحملوا بعض
الاهانه تكاد تكون معدومه بينهم نفسهم بيكون واحد وبيكون قلبهم واحد
يعنى تحقيق لايه القرانيه
شكرا على البوست الجميل

سلوى said...

أحمد مصطفى
أديني على باب المدونه :)
أستقبلكم

أهلا بك أخي
فعلا أنت تغيبت طويلا
أتمنى تكون بخير
وعائد أكثر قوة

دمت بكل الخير :)

سلوى said...

romansy

لازلت هنا في استقبالكم :)

أهلا أخي رومانسي
سعيده والله بتواجدك

وفعلا أنا بحب الآيه دي جدا
ومؤمنه بها جدا
كلام ربنا وهو أعلم بعباده
وفقك الله دوما
ورزقك الزوجه الصالحه إن شاء الله

دمت بكل الخير

رحــــيـل said...

هو طبيعى جدا اهم حاجه الحب المتبادل بين الطرفين ضرورى جدا

يعنى انا مش برجح اللى تقول ان المهم اخد واحد بيحبنى ومش مهم انا اكون بحبه
او العكس وانها هتقد رتغيره لو كانت بتحبه

لازم تكون عمليه متبادله ومتوازنه بينهم

لوا لحب موجود الزواج عمره مهيكون نهايه حياه بالعكس

اهم حاجه حب واحترام وتفاهم وود ورحمة

كل الحاجات الحلوه دى لما تكون موجوده هتبقى احلى حياه

بس لو اتوجدت لان للاسف الجواز معادله صعبه

بندور فى على حب بجد

ومواصفات معينه احنا عايزنها فىا لشخص اللى هنرتبط بيه

وبنفضل نلف فى دايره انك تلاقى الطرف الاول ومش لاقيه الطرف التانى
او لاقيتى لاشخص ومش لاقيه الحب

المهم انه كل شئ قسمه ونصيب وان احنا مش نستعجل فى موضوع الجواز ده

على اقل اقل اقل من مهلنا

Anonymous said...

هههههههههههههههههههههههههههههههههه

على رأى فريق المصريين
متحسبوش يابنات ان الجواز راحة ..
ومتزعلوش يابنات انى قلنا بصراحة ان الجواز عمرة عمرة ماكان راحة
ههههههههههههههههههههههههه
وعلى رأى اخونا اللمبى ..حب اية اللى انت جاى تقول علية
ياسلوى يابنتى الحب استشهد من الحرب العالمية باين لان اكيد استشهد قبل الرجالة اللى راحوا فى حرب 67
:(
الله يرحم الجميع حضرتك
بس بجد فعلا لو تلاحظوا فى جوزات كتير كانت عن حب فشلت لية .؟ بيدلعوا على بعض .. يمكن مستحملوش المسئولية بجد ..يجوز مكانش حب بجد احتمال .. المهم النتيجة واحدة
اللى مش عن حب بيجوا على نفسهم لان كل طرف مش عشمان فى التانى يعمل اللى يعملة .. اهى موتة ولا اكتر
اه ياسلوى الجواز زى الموت بالظبط وانا شايفة كدة انا كمان زى صابحتك دى عارفة لية لان مفيش راجل هيشوف الجواز زى ماانا شايفاه او بمعنى ادق مفيش رجالة الله يرحمهم هههههههههههههه لامؤاخذة ياجوم
يابنتى الجواز اللى بتكلمى عنة والاية القرانية وباقى الايات اللى بتكلم عن الجواز وكلام ربنا وكلام حبية(علية الصلاة والسلام ) معتش حد بيعمل بكدة ولو لقيتى حد بيقول بعمل بية فبيبقى بيواكب الموضة بس مش اكتر
ومع السلامو عليكو

رفقة عمر said...

شوفى هو الحب جميل جدا ومهم جدا لنتحمل بعض لولا حب الام لاولادها ما تحملت الا التربيه غير الام الحمل والولاده
لكن الحب دة زى الزهرة زى الطفل اللى محتاج عنايه وتربيه علشان ينمو فى جو صحى ويكون نموه صحيح بلا علل ولا امراض
ودة محتاج اجتهاد من الطرفين
مش ينفع شخص يدى والاخر ياخد بس
كدة الميزان هايختل ويموت الحب
موضوع جميل تسلم ايدك

canary said...

بصى يا سلوى فيه مفهوم غلط جدا وزى

الزفت ان الجواز هو محاوله لفرد

السيطرة والتحكم تجاة فرد من الاثنين

تجاة الاخر

أنسى خالص موضوع المودة والرحمه فى

الجواز دة دلوقتى دة تقريبا كان زمان

وبطلوة ولا حتى الحب كمان بقى يشفع

للبنى أدم عند شريكه

والمودة والرحمه بقى صراع وحرب

سلوى said...

رحــــيـل
أيون

أيون صحيح يعني
على أقل أقل أقل أقل من مهلنا
:)

طبعا عندك حق
في حاجات لازم تكون متبادله
ماينفعش طرف يدي والتاني ياخد وبس

يالا خليكي متفاءله بس وقولي يارب

سلوى said...

Anonymous
أهلا أهلا أهلا

طالما قلتي أستشهدوا في 67

يبقى عرفتك :)

يابنتي قلت لك قبل كده
مش كلهم إستشهدوا
لسه في كام واحد كده

طبعا أنا بحترم وجهه نظرك

بس أكيد لسه في ناس بتعمل بالآيه دي
وبسنه الرسول صلي الله عليه وسلم

تفاءلي يا بنتى
وبعدين إنت فين ؟
إبقى تعالي :)

سلوى said...

رفقة عمر
رفقتي الطيبه

كلامك جميل

فعلا
الحب دة زى الزهرة زى الطفل اللى محتاج عنايه وتربيه علشان ينمو فى جو صحى ويكون نموه صحيح بلا علل ولا امراض
ودة محتاج اجتهاد من الطرفين
مش ينفع شخص يدى والاخر ياخد بس
كدة الميزان هايختل ويموت الحب

جميل بجد

سلوى said...

canary
أرق كناري
فعلا دايما بقول كده

البعض فاكر إنه داخل حرب
وعايز يكون هو المنتصر
وعايز يسيطر ع الطرف التاني

مش عارفه ليه بجد
ربنا يهدي الجميع إن شاء الله

بس إيه ده .. وجه موفوجأ برضه هههه
والمودة والرحمه بقى صراع وحرب

ليه كده
خليكوا متفائلين يا بنات :)

حسستوني إننا في كلام البنات :)
المهم
جهزتي نفسك علشان آجي معاكي
؟؟؟؟؟

سلوى said...

Anonymous

شكرا لك
ما أكثر تلك المشاكل
وفعلا الوضع محزن

Anonymous said...

سلام عليكم
على فكره انا ليه تعليق بسيط
على رقم اتنين
اللى يحب لازم يستحمل
فعلا بس مش المقصود به
مش اهانه احد الطرفين للاخر
لان اكيد لو بيحبوا بعض مش حيحاولوا يزعلوا بعض

انا فى مخيلتى انه مش المقصود ظلم احد الطرفين للاخر
ممكن يكون المقصورد ظلم الدنيا او مرور بعض المواقف الصعبه فلازم يتحدوها سوا

Anonymous said...

سلام عليكم
على فكره انا ليه تعليق على رقم اتنين دى
لان المقصود باللى يحب لازم يستحمل دى مش ازائهم لبعض
لان اكيد لو بيحبوا بعض من الاول حيحافظوا على مشاعر بعض
بس فى مخيلتى ان المقصود به مش ظلمهم لبعض
ممكن يكون المقصود بعض الظروف فى الدنيااللى بيوصلنا الاحساس فيها ان الدنيا ظلمتنا فعلا

عاشق الورد said...

سلام عليكم
على فكره انا اللى عمال اكتب التعليقات اللى فاتت بس الميل مش ظاهر
:)

عصفور المدينة said...

كل عام وأنت بخير

بس فيه مشكلة يا أستاذة إنك سمعت من طرف واحد

:)

سلوى said...

عاشق الورد

شرفت المدونه :)

وفعلا
اللي يستحملوا بعض
مش في الإهانه

لكن في الضراء
زي ما حضرتك قلت

سعيده بتواجدك
دمت بكل الخير

سلوى said...

عصفور المدينة

كل سنه وحضرتك طيب وبخير

افتقدنا تعليقات حضرتك جدا

طبعا حضرتك قلت جمله واحده
قلبت كل الموازيين :)

بس أعتقد إن الحديث بينهم هيكون متشابه

يعني
إدبح لها القطه
ماتخليش كلامها يمشي عليك
ماتسمعش كلامها

يعني حاجات زي كده
ده طبعا إعتقاد

بس تفتكر حضرتك نعرف رأي الطرف التاني إزاي ؟؟

انا حره said...

اظن اساسا ان الجواز مش بالاختيار دا قدر مهما حاولنا نبين دورنا واننا بندور على شريك مناسب والكلام دا كله

فالاخر هتاخدى اللى مكتوبلك عند ربنا

عــلاء ســالـــم said...

السلام عليكم

موضوع بجد جميل جداً

وأظن أنه يحتوي على جمله تكفي وحدها لتكون قاعده للسعاده الزوجية

(فالقلب يجب أن يمتلأ بحب الله فقط ... ثم حب الآخرين في الله )

هذه الجمله من وجهة نظري هي خلاصة معنى الحب الذي يستمر إلى الأبد
وهو أن يكون حبنا لأي شيئ نابع من حبنا لله عز وجل فنحن نحب ما يأمرنا به من معامله حسنه وموده ورحمة ونكره ما يكره الله عز وجل من سوء المعامله وغير ذلك من منغصات الحياة

خالص تحياتي لقلمك الذي نتعلم منه الكثير

Anonymous said...

فى سورة يونس يقول اللله سبحانه وتعالى

الَّذِينَ آمَنُواْ وَكَانُواْ يَتَّقُونَ (63) لَهُمُ الْبُشْرَى فِي الْحَيَاةِالدُّنْيَا وَفِي الآخِرَةِ

وفى سورة النحل

مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ
(أَجْرَهُم بِأَحْسَنِ مَا كَانُواْ يَعْمَلُونَ (97

واذا لماذا اقارن ؟ انت نفسك .. وماتجدينه هو لك صرف .. فمارأيك فيما يقول المولى؟

سلوى said...

انا حره
أولا شرفت المدونه عزيزتي
زيارات بقى :)

ثانيا
فعلا كل واحد مكتوب له هيتجوز مين وإمتى

وكل واحد ونيته بقى :)
فنحن نستخير الله .. والخير كله فيما يختاره الله


لكن نحن نتحدث عن طريقه المعامله بعد ذلك

هل الطرفين يتعاملوا بود ورحمه ؟
أم بغير ذلك ؟

نورتي المدونه ودمتى بكل الخير

سلوى said...

علاء سالم
وعليكم السلام ورحمة الله وبركاته

إزيك يا علاء أتمنى تكون بخير

شكرا على كلماتك الطيبه

وفعلا
من يجعل حب الله في قلبه
فإن أحب أحب في الله .. لا يعنيه ما سواه

سعيده بزيارتك جدا
دمت بكل الخير اخي

سلوى said...

Sherif


وهل لي راي في كلام المولى عز وجل :)

أنا قلت ياريت كل واحد يعامل الناس بمعامله الإسلام
وقتها الحياه هتكون مختلفه

دوما دوما تعليقك مميز ويضيف لي

بارك الله فيك

zahra said...

للأسف سلوى
الناس بقيت بتبص للجواز على انه معركة بين اتنين
و لازم واحد يخسر عشان التانى ينتصر
مش قادرين يفهموا انها علاقة مودة و رحمة اساسها الحب و التراحم

Jana said...

الحكمة يا بنتى اهم من التجربة والخبرة
التجربة السيئة بتسيب اثر سىء يصعب محوه .. فمتحاوليش تاخدى كلام المجرب الملسوع من الشوربة
اما الخبرة ..فالبعض يعتقد ان الزمن وطول الوقت يكسبهم تلك الخبرة
مين قال !؟
ممكن زمانه كله ومفهمش حاجة لسه من الدنيا
اما الحكيم ..يقول اللى انتى قلتيه فى الآخر كده
جرب بجد او عاش كتير ..مش مهم ..المهم بيفكر صح ويأمل خيييييييييرا..ويتوكل على الله بعد ان يعقلها

بس ايه ده كمان تايهة معايا فى المدونات ورحنا سوا هنا قبل هناك..!!؟
انتى صحيح مش جاية اسكندرية ؟
كده اتنين باعتينلك انفيتيشن اهو

سلوى said...

زهرة الياسمين

شرفت المدونه يا زهرة الياسمين

عارفه
أنا بحب الياسمين جدا جدا جدا :)

مدونتك جميله على فكرة ما شاء الله

وفعلا ياريت الناس تشيل حكايه الحرب والمعارك
وتفتكر بس
إنه سكن وود ورحمه

وقليل من يعتبره كذلك

سعيده بزيارتك
زيارات بقى أديكي عرفتي المكان
دمتى بكل الخير يا زهرة الياسمين

سلوى said...

Jana
هههههه
شفتيني وأنا تايهه هناك :)

أنا شفتك برضه :)

بس أعمل إيه أول ماعرفت إن في رسم ماقدرتش
جريت على هناك
وطبعا مافهمتش غير لما رجعت هناك الأول :)

********
فعلا تعليقك صح
أنا حسيت إن هذه السيده تشعر أنها ملكت خبرات الدنيا بتلك السنوات ال 15

والفتاه الأخرى أيضا

كل واحده بتتحدث من خلال تجربتها وحياتها
والمؤكد إن مفيش إنسان حياته نسخه من حياه حد تاني
علشان يطبق خبراته

أنا مؤمنه جدا بالآيه
ربنا قال كده
يبقى ببساطه في كده

ماتيقيش تتأخري كده بنفتقدك يا بنتي

بخصوص الدعوة
والله أنا بحب إسكندريه جدااااااااا
وأتمنى طبعا ألبي الدعوة
أقولك
قولي إن شاء الله :)

مجداوية said...

السلام عليكم

يا سلام لو كل الناس شافت الأمر كما تريه كانت الجنة على الأرض

أحيانا بل كثيرا ما يردد الانسان بعض المقولات المتداولة بدون وعى لها
زى شر لا بد منه وأنتم السابقون وكل ما يقال عن الزواج من وصفه بالكارثة
لكن الحقيقة نحن وبالتحديد فى مصر الزواج فعلا عندنا كارثة لأننا لم نفقه ما هو الزواج ولماذا نتزوج وكيف يستمر الزواج كما يرضى الله ,,الهدف من الزواج هو المشكلة عندنا
ولأن الزواج مسئولية كبرى فالحساب عليه ليس يسيرا ولهذا امتنعت امرأة عن الزواج عندما سألت رسول الله عن دور الزوجة فى الزواج ولما علمت أدركت أنها لا تملك هذه المقومات وخافت من حساب الله لها
وأيضا لخبطة أفكارنا بالاعلام العلمانى والتفكير الغربى فلم تعرف المرأة المسلمة ما دورها الحقيقى فى هذه المودة والرحمة !!!
المودة والرحمة دائما أفسرهم والله تعالى أعلم أنهم أكبر وأشمل وأعمق من الحب لأن من لا يرحم لا يحب
أنار الله بصيرتك أختى الحبيبة دائما وان شاء الله مع هذا الفكر والرؤية الصائبة سيجعل الله زواجك نموذجا وتفسيراعمليا لمعنى الآيات الكريمة التى ذكرتيها

سلوى said...

مجداوية الحبيبه

أسعدتيني بكلامك والله

فعلا الموده شئ بيكون أكبر من الحب
وكنت كتبت كده في موضوع سابق


وفعلا من لا يرحم لا يحب

أما آخر سطرين :)
ففعلا أتمنى أن يريني الله آيته متجسده أمامي في إنسان
وحياه أعيشها

دمتى لي حبيبتي
ودمتى بكل الخير

تائهة فى أرض الأحلام said...

هو من الواضح أن الظاهرة بقت عامة

ماحدش بقى راضى عن حاله
بس سيبك انتى واعرفى أن ساعة القدر بيعمى البصر


تحياتى لك

د/ رامي شهاب الدين said...

اللى بيحب عمره ماهيتهبدل زى ماقالت الست الكبيرة

ولكن الحب وحده لايكفى ايضا .. فلابد من حسن الإختيار ، ولابد أنه يكون هناك تفاهم واضح بين الزوجين لكى تسير القافلة

دمتى بكل خير .. تحياتى

Anonymous said...

الزواج نعمه من أعظم النعم التي أنعم الله بها على عباده
أنا شخصيا وبعد الزواج أدركت أن الانسان بدون زوجة هو مجرد كومة من المشاعر ملقاه على جانب الطريق

العلاقة الزوجية هي علاقة مودة ورحمة, ولابد أن يسعى كلا الزوجين من أجل تقويتها وملء كل فراغ فيها, ولو أن كل زوج أو زوجة عملا بمبدأ الكرامة فوق كل اعتبار لما استمر زوجان على أرض البسيطة

من يقول عكس هذا الكلام من المتزوجين, فعليه أن يراجع ما بينه وبين الله وأن يراجع نفسه مع زوجته فحتما هو يسير عكس ما الفطرة التي فطر الله الناس عليها

شكرا لكي على هذا الموضوع

منى said...

هو ده بقى الموضوع
لاء عندك حق يا سلوى
تعرفى ان بعتبر الموضوع ده هو محور حياه البشريه
تقولى لى ازاى اقولك ازاى
يعنى لو الزوجين طبقوا امر الله فى الايه اللى كتبتيها وكل الايات اللى بتتكلم عن العلاقات الزوجيه والانسانيه بصفه عامه
اكيد هيعيشوا كويس اطفالهم هيتربوا فى بيت محترم رحيم متق
ولما يكبروا كل واحد هيبقى قدوه يعنى مش هتلاقى منهم زوج قاسى ولا زوجه وحشه وحتى فى شغلهم مش هتلاقى المسئول اللى متعته عذاب الناس ولا القائد المتجبر
وساعتها هنبقى فى الجنه مش فى الدنيا
عشان كده محدش بينفذ كلام ربنا ولا بيقتدوا فعال الحبيب المصطفى الااللى من
رحم ربى
لاننا فى الدنيا مش فى الجنه

ربنا يرحمنا جميعا
سلام

سلوى said...

تائهة فى أرض الأحلام

شرفت المدونه عزيزتي

طبعا لا مفر من القدر

ولكن طرق المعامله مع الآخرين
نحن من يحددها

والمفروض أن تكون مابعه من أسلامنا
وليس من مخاوفنا

دمتى بكل الخير عزيزتي
زيارات بقى :)

سلوى said...

د/ رامي شهاب الدين

فعلا لو اخترت صح
إنسان يقدر حبك وما تقدمه له
فمش هتتبهدل

لكن في ناس بتستغل حبك ده
فيذدادوا قسوة

سعيده بتواجدك أخي
لسه كنت في مدونتك
مميزه جدا
وفقك الله

سلوى said...

الكومي

سعيده بزيارة حضرتك جدا

ولسه جايه من مدونتك
عارفه إنك في أجازه

إجازه سعيده إن شاء الله

وسعيده جدا برضه بتعليق حضرتك
لأنه عن تجربه
مثل رأي الحبيبه مجداويه

ده معناه إن كلامي مش كلام نظري
لكن في ناس عايشاه ما شاء الله

ربنا يسعدكم يارب ويحفظكم ويديم بينكم الموده والرحمه
ويرزقك الزريه الصالحه إن شاء الله

سلوى said...

منى

طيب وليه مايطبقوهاااش يا منى
ليييييييه

مش ده كلام ربنا

أقولك يا منى

هو أكيد موجود
خليني مؤمنه إنه موجود في مكان ما

نورتيني يا لولو

ربنا يحفظك يا منى

جنّي said...

السلام عليكم

لو فهم كل منا دوره في تكوين الاسرة لحققنا الآية الكريمة ..

ولا أظن ان من شبهت الزواج بالموت وقبل ان تتزوج ان يدوم زواجها فقد فقدت المودة والرحمة ..
ومن ظن ان الزواج شهر عسل مستمر مخطئ فمع ضغوطات الحياة تظهر بعض المنغصات والزوجة الكيس من تحافظ على بيتها

شكرا وتحيتي

موناليزا said...

موضوع مميز جدا اختى الغالية
وفعلا لكى حق تستغربى من اقوال اصحاب التجارب
فاحدهما فقط يضحى والاخر يتمتع بتضحية الطرف الاخر له
ولذلك اسمحيلى ان اوجه دعوة من خلال موضوعك لكل المقدمين على الزواج او حتى المتزوجين ان يقوموا بدراسة "فقه الزواج"حتى يعلم كلاهما حقوقه وواجباته

kmt said...

السلام عليكم ورحمة الله وبركاته

انا معاكي في كل حرف قولتيه
بس علشان قول الله يتحقق بين الزوجين ( الموده والرحمة والسكن ) يبقي لازم نختار صح علشان ما نندمش وتبقي بداية الحياه لا تفرق عن الموت

تحياتي
الي اللقاء

ghoneem said...

السلام عليكم

اهلا بيكي والحمد لله انك بخير

انها الحرب
هية دي الفكرة فعلا
تحسي كدة ان الزواج بقي زي الحرب

معظم من تزوجو عن حب مصيرهم الانفصال "معظم وليس كل "

ومعظم من تزوجو زواجا تقليديا بعيشو في ظلال الصبر والمعاناة "بردو معظم وليس كل "

الفكرة ان اللي بيتزوجو عن حب بيستحملو بعض كتير لكن لما الموضوع يقفل بيقفل

اما المتزوجين عن غير حب فبيصبرو علي بعض لأن مفيش قدامهم غير كدة ومفيش حاجة تخليهم يزعلو من بعض اصلا علي اساس ان كان فيه بينهم حب أو كدة يعني لأنهم مفيش بينهم أي حاجة من قبل كدة

وجهة نظري وأعتقد انها مش مقياس
المهم ان الزواج يكون مناسب وفيه تقارب ف حاجات كتير
وقائم علي اساس الدين والاحترام المتبادل
وهوة ده اللي هيمشي المركب ويخليها تستحمل

طولت عليكي ويارب وجهة نظري تكون واضحة

أشكرك جداعلي سؤالك وتعليقاتك المتميزة ودوام زيارتك

دعواتي ليكي بأن يرزقك الله بالزوج الصالح وأن يبارك لكي ان شاء الله

دمتي بخير

تحياتي

بالتوفيق...............

MKSARAT - SAYED SAAD said...

سلوى الصديقة العزيزة
ايه اخبارك اتمنى تكوني بخير
موضوع جميل اسمحي ليا براي فيه
ابدأ بالجمله :
فقالت بلهجه حاسمه : أوعي تتجوزى واحد تكوني بتحبيه هتتبهدلي يا بنتي .. صدقيني
مبدأ أناني لأن لو اطبق على الجنس الاخر يبقى محدش هيتجوز حد ولا حد هيحب حد اساس الجواز الموده والرحمة وان نسكن لبعضنا البعض
لكنها السلبيات والمشاكل من تجعل الكثير يفكر في نفسة حتى يتجنب المشاكل
لكن لو كل طرف فكر في الآخر كان كل شئ بقى سهل لكنها امور الدنيا وتعقيداتها تلوث اشياء كثيرة
وعلى فكرة فكرة الزواج او مجرد العرض لا يوازي اطلاقا سكرات الموت اسمحي لي بهذا التحفظ لن سكرات الموت ما اصعبها فقد كانت الرسول صلي الله علية وسلم يستعيز بالله منها وهو يتصبب عرقا
تحياتي
سيد سعد

كلام على بلاطة said...

ده نصيب
والندم فى الحالتين
بس لازم نستحمل من اجل الاولاد

mamato2010 said...

السلام عليكم
لقد عدت ثانية الى التدوين بعد طول غياب.
ومن بكرة حقعد افصص كل المدونات الصديقة و خاصة مدونتك.
و اتمنى انك تزورى مدونتى و تقرى البوست الجديد وو كمان مستنى تعليقك.سلام

الســـاحر said...

اولا انا سعت بزياره المدونه
واوعى تسمعى كلام الست دى
مفيش حاجه اسمها لو حبتيه هتتبهدلى
وهو كمان لو حبك هيتبهدل
وبعدين طيب
مش كل التجارب ناجحه ومش كلها فشله
ولاكن كلها بنستفيد منها
عموما يارب تكونى بخير وان شاء الله يجيلك ابن الحلال اللى يحبك وتحبيه
وفى النهايه سلامى وربنا يوفقك

أختكم فى الله said...

يا رب تكونى بخير وربنا يوفقك دايما فى كل اختياراتك

ammola said...

السلام عليكم
وحشتينى
كل واحد بيحكم من بيئته وتربيته وتجربته
بس يبقى الفيصل شرع ربنا اللى لو اتبعناه الميزان يتعدل
وحشتينى تانى
:)

klmat said...

العزيزه سلوى
وحشتينى اوى . لنجاح الزواج لازم يكون الحب والود متبادل بين الطرفين
لو الزوج بيحب الزوجه وهى مش بنفس القوه قد تبادله نفس المشاعر وربما اقوى لان الست بطبيعتها عاطفيه وقلبها بيميل
بسرعه وبتتأثر بالكلمه الحلوه اكتر لو العكس النتائج مش اكيده وكل اتنين ولهم ظروفهم مش قاعده ثابته
ربنا يسعدك ويحفظك

الزواج.....روضة الحب said...

فعلا زى ماقلتي
يعني لو كلنا حاولنا نتمسك بالإسلام أكيد والله هانرتاح جدا
دمت بكل خير
النهاردة والله أول يوم أسهر بالشكل دة من فترة
يارب ماتكوني زعلانة
وحشتيني جدا

نور الدين (محمد الجيزاوى) said...

اهلا سلوى
ارجو أن تكونى بكل
دائما انت كعادتك تكتبين بمداد من وحى واقعنا وما نحياه جميعا

وانا شخصياا ارى ان لكل تجربة خصوصيتها وما ينطبق على البعض لا ينطبق على الكل
لا سيما اذا جعلنا من الشريعة حدا فاصلا ساعتها اذا ذهب الحب فستبقى عدالة المعاملة والمودة والحسنى

اكرمك الله بالخير ايتها الكريمة الفاضلة
تحباتى
....
نور الدين محمود

أحمد سعيد بسيوني said...

بسم الله

والله كل واحد او واحدة بيتكلم على اساس التجربة اللي عاشها

وبما اني لسه ماعشش
هيبقى حكمي فاسد

بس صدقت في ان الواحد لازم ياخد باله من كلمة بينكم ويحط تحتاها ميييت خط

دمتم بخيييير

كلام على بلاطة said...

jpdhjnت
تحياتى

رفقة عمر said...

سلوى ازيك
حبيت بس
ااقولك انا عرفت ادخل مدونتك ومش تسالينى دخلت ازاى

http://kasperb4.blogspot.com/ said...

انا هقولها يا رفقة
بس هي ترجع ف كلامها الأول وانا اقولها ع السر
هههههههههههههههه

Anonymous said...
This comment has been removed by a blog administrator.