Saturday, March 22, 2008

هنــــــــــاك



حملت فؤادي الصغير .. وعمري وارتحلت
ذهبت إلي أبعد مدى .. ولكل الأقاويل تحديت
تركت لنفسي العنان .. وبعدت أكثر وتماديت
تجاهلت خوفي وألمي وكل الأحزان تناسيت
وذهبت هنااااااك
هناك حيث لا حدود لواقع أو خيال تخطيت
هناك حيث لا مكان ولا طريق للعوده سكنت
وأقمت صروح أوهامي .. وتخيلت وتخيلت
هناك
هناك .. حيث تشرق شمسي أينما حللت
حيث قمري يرافقني كصديق معه نميت
هناك .. حيث أبكي الآن كلما تذكرت
عشت كل أحلامي وبأيامي ارتضيت
وما سألني قلبي الصغير ولا أنا سألت
ولا استرحمنى عمري ولا أنا رحمت
وغفوت وظني أني وجدت بدايتي
وصحوت لأجد أنني .. قد انتهيت!

تحديث
ألف مبروك شاهندا وأحمد
على الخطوبه
ياريت نبارك لهم كلنا

39 comments:

الباحث عن الحقيقة said...

وغفوت وظني أني وجدت بدايتي
وصحوت لأجد أنني .. قد انتهيت!

.........

علشان تحرمى تبنى صروح في الخيال
الواقع صعب
تحياتى

mohand said...

كل سنه وانتي طيبه

فرنسا هانم said...

هناك حيث لا مكان ولا طريق للعوده سكنت



ياريت تكونى لقيتى مكان دافى حنون

منى said...

سلوى حبيبتى
جميله الكلمات
لكن لاء
الموضوع منتهاش
احنا لسه عايشين
ابنى صروح زى ما انتى عايزه
ان كان الواقع صعب
الامل هيخلينا نقدر نستحمل الصعب
معاكى شمسك وقمرك
هنعوز ايه من الدنيا اكتر من كده
ربنا يوعدك بالخير كله ويكفيكى الشر كله
تحياتى يا لولو

Omar El-Tahan said...

Finding NeverLand

فيلم لجوني ديب

ياريت تشوفيه .... أعتقد فيه حاجات كتير هاتوصلك منه ... وابقي ادعيلي :)

مدحت محمد said...

اصعب حاجة انى الانسان يعيش فى حلم جميل عشان يصحى على واقع مرير
طبعا اناباركت للجيزاوى وشاهندة فى اجتماع المدونين امبارح فى اجتماع الساقية وربنا يتمملهم بكل خير
تحياتى

عــلاء ســالـــم said...

السلام عليكم

كلمات جميله ومعيره
وإحساس صادق وقوي

خالص تحياتي

عبده الرايق said...

عشت كل أحلامي وبأيامي ارتضيت

كلامك جميل
وانا راضى كمان بالمقسوم

L.G. said...

مقولتيش ارتحلت رحت فين ؟؟ اسكندرية ومعدتيش :(
ماله الخيال أحسن من الواقع احجزيلي مكان هناك معاك
طب ازاي صحيتي لما انت انتهيتي !! ازاي

وبعدين ما أنا جنبك أهه لالالا أنا صاحي يا مصر أنا صاحي
مبروك على الخطوبة لأي حد يخطب أو يتخطب يا جماعة بارك الله لهما وفيهما وجمع بينهما على خير ان شاء الله
اكتبي في كلام البنات يا سلوى مش ودتيني هناك وجريتي

L.G. said...
This comment has been removed by the author.
السـيد شبـل said...

كلام جميل جدا

سلوى said...

الباحث عن الحقيقة
حضرتك شرفت المدونه
على فكره الكلمات دي كتبتها من حوالي 3 أسابيع وقتها كنت بقول زي حضرتك كده .. المفروض الواحد ما يحلمش
بس الوقت بقول لأ.. الإنسان لازم يحلم ويحاول يحقق حلمه
هيتعب جايز بس دي سنه الحياه .. فقد خلق الإنسان في كبد
يمشي شويه ويقع ويقوم ينفض التراب ويكمل
بعد شويه يتعثر ويحفظ توازنه ويكمل وهكذا
يمكن ينجرح بس الجرح اللي مش بيقتل بيقوى
لذا وبناء على كل ماسبق أحكم ببراءه الطائر
وإطلاق سراحه من خلف قضبان أوهامه
ويكفيه عذابه وحزنه وآلامه
وليحلق عاليا من جديد في دنيا أحلامه
إيه اللي بقوله ده
حد فاهم حاجه
ما علينا
حضرتك نورت المدونه وأسعدنا تشريفك
تحيااااااااتي
**************************
mohand
حمدا لله على السلامه
واللع سعدت بعودتك
وكل سنه وأنت طيب وبخير
تحيااااااتي

سلوى said...

فرنسا هانم
يا ريت برنسيس

بس هناك كان سراااااااااااب

نورتيني بجد
دمتى بكل خير وسلام عزيزتي
********************
منى
إيه الكلام الحلو ده يا ست منى
رغم إنه جميل وعندك حق فيه
بس اللي قلتيه لنجو كان حلو ليه ما كتبتيش كل حاجه

تسلمي يا لولو
وفعلا طالما معنا الشمس والقمر يبقى نعمل عالمنا مكان ما نحب
دمتى بكل خير يا منمن

سلوى said...

Omar El-Tahan

أسعدني تشريفك جدا
وطبعا إن شاء الله هدور ع الفيلم زي ماقلت لي

شكرا يا بشمهندس
********************
مدحت محمد
هي الحياه كده يا مدحت
شويه فرح وشويه حزن

التغيير سمه الحياه
وطبعا ألف مبروك لشاهندا وأحمد
ربنا يوفقهم

سلوى said...

علاء سالم

طبعا الكلام ده لما يجي من إنسان بيكتب
طبعا بيبقى شهاده أعتز بها
وأنا قلت الكلام ده قبل كده

أسعدني تعليقك فعلا يا علاء

******************
عبده الرايق
شرفت المدونه
على فكره مدونتك آخر روقان

ويارب دايما تكون راضي وسعيد
تحياتي

سلوى said...

L.G.
أول لما ألاقي خيال جميل يناسب حبيبتي إل جي

هحجز لك مكان على طول
أنا أتمنى لك أحلى مكان يا لولو

وإن شاء الله هشوف كلام البنات
أول لما أقدر
إوعي الزباين يطفشوا
إقفلي باب المدونه عليهم لحد لما آجي
هههههههههه

نورتيني بجد
دمتى بكل خير وسلام وصحه وسعاده وكل حاجه حلوة
********************
السـيد شبـل
الله يخليك أشكرك على تعليقك
ويا سيد
أنا مش عارفه أعلق عندك
كل لما افتح صفحه التعليق تقف
يمكن لأن النت عندي بطئ
رجاء
تخلي صفحه التعليق مش تكون صفحه مستقله
ولا إنت مش عايز حد يعلق عندك
المهم
أسعدتني بتشريفك بجد

سلوى said...

الباحث عن الحقيقة
حضرتك شرفت المدونه
على فكره الكلمات دي كتبتها من حوالي 3 أسابيع وقتها كنت بقول زي حضرتك كده .. المفروض الواحد ما يحلمش
بس الوقت بقول لأ.. الإنسان لازم يحلم ويحاول يحقق حلمه
هيتعب جايز بس دي سنه الحياه .. فقد خلق الإنسان في كبد
يمشي شويه ويقع ويقوم ينفض التراب ويكمل
بعد شويه يتعثر ويحفظ توازنه ويكمل وهكذا
يمكن ينجرح بس الجرح اللي مش بيقتل بيقوى
لذا وبناء على كل ماسبق أحكم ببراءه الطائر
وإطلاق سراحه من خلف قضبان أوهامه
ويكفيه عذابه وحزنه وآلامه
وليحلق عاليا من جديد في دنيا أحلامه
إيه اللي بقوله ده
حد فاهم حاجه
ما علينا
حضرتك نورت المدونه وأسعدنا تشريفك
تحيااااااااتي
**************************
mohand
حمدا لله على السلامه
واللع سعدت بعودتك
وكل سنه وأنت طيب وبخير
تحيااااااتي

الربان said...

تحياتي

اولا ...الف مبروك لشهندة و احمد...ربنا يتمم لهما بكل خير.

ثانيا...كلماتك جميلة...و الانسان دائما ما يتلمس طريق السعادة و يعيش
يحلم بها...و السعادة تنبع من داخلنا
و تنعكس علي كل الاشياء من حولنا...

مرة أخري كلماتك رقيقة و معبرة...و ما أجمل ان نرحل مع السعادة و نعيش لها و بها ...حتي لو انتهت بعد حين.


تحياتي و تقديري

simple girl.. ..simple dream said...

سلوى بجد مش عارفة اشكرك ازاى
الله يبارك فيكى يا قمر


البوست حلو جدا جدا ولمس قلبى رغم ما فيه من حزن وتشاؤم
لكننا كلنا نمر بهذه الفترات حتى يقضى الله فينا امرا كان مفعولا

موناليزا said...

بارك الله لهما وبارك عليهما وجمع بينهما فى خير

Anonymous said...

السلام عليكم
احيكى على هذة الكلمات الجميلة وحسن طرحك
تقبلى تحياتى

الفارس الملثم said...

تجاهلت خوفي وألمي وكل الأحزان تناسيت

ياريت الواحد يتمكن من تحقيق هذا..

كلمات جميلة واحساس يتميز بالصدق

walaa said...

يااا حقا انت جباره فى تعبيرك
ولا انتهاء لحياتنا مادمنا عايشين
الامل كبيير قوى فى ربنا تحياتى يا قمر ولاء

إنجى said...

عشت كل أحلامي وبأيامي ارتضيت
وما سألني قلبي الصغير ولا أنا سألت
ولا استرحمنى عمري ولا أنا رحمت
وغفوت وظني أني وجدت بدايتي
وصحوت لأجد أنني .. قد انتهيت

روووووعة

احساس جميل

تحيتى

تــــ(حـنة)ــــر said...

على فكرة
انت جميلة قوى
اسلوب كتابتك فية حاجة كده
انا مش عارفة هو ايه
بس انا بحييكى قوى
اه
على فكرة
انا ضفتك عندى وليا الشرف طبعا
تحياتى

رئيس جمهوريه نفسى said...

قد يهون العمر الا لحظة ... وقد تهون الارض الا موضعا.
تلخيص البوست

http://kasperb4.blogspot.com/ said...

وغفوت وظني أني وجدت بدايتي
وصحوت لأجد أنني
.
.
لا وجدت .. ولاحتى انتهيت
-------

على فكرة ده مش تصحيح ولا حاجة يا سلوى

كلماتك رائعة

سلوى said...

الربان
و ما أجمل ان نرحل مع السعادة و نعيش لها و بها ...حتي لو انتهت بعد حين.

جميل تعليقك
المهم فعلا إننا عشنا السعاده

خالص تحياااااتي

******************

simple girl.. ..simple dream
العروسه عندنا
إيه الهنا ده
ألف مبروك مره تانيه
وربنا يسعدكم دايما
وشكرا ع التعليق طبعا
إنت نورتي

سلوى said...

monaliza
شرفت المدونه وأرجو تكرار الزياره
دمتى بكل خير

*******************

عمر المصرى
أشكرك ع التعليق الجميل
نورت المدونه

سلوى said...

الفارس الملثم

فعلا ياريت

أشكرك على تواجدك أيها الفارس

دمت بكل خير

*********************

walaa
والله أنا ضحكت بشكل على كلمه جباره دي

تسلمي يا لولو
وفعلا الأمل فقط في الله
إنت نورتيني
دمتى بكل خير

سلوى said...

إنجى
شرفتي المدونه .. زيارات بقى

مبروك مدونتك الجديده
ربنا يوفقك

**********************
تــــــــــ(حـنة)ـــــــر

أنا اللي مش عارفه أرد على تعليقك الجميل ده
وطبعا يشرفني إنك تضيفيني عندك

دمتى بكل خير عزيزتي

سلوى said...

رئيس جمهوريه نفسى

قد يهون العمر الا لحظة ... وقد تهون الارض الا موضعا.

تلخيص لحاجات كتير يا ريس
دمت بكل خير

**********************

آلام وآمال

مش تصحيح ولا حاجه

إيه يا محمود طيب

المهم أسعدني تواجدك جدا
دمت بكل خير

Mo3Az said...

لو بطلنا نحلم نموت
:)

جميل الكلام
بس الننهاية مش سعيده
يارب تكونى دايما سعيده
(F)

Mo3Az said...

لو بطلنا نحلم نموت
:)

جميل الكلام
بس الننهاية مش سعيده
يارب تكونى دايما سعيده
(F)

almasry said...

تصدقى ان أحسن حاجه انتى عملتيها انك رحلتى بعيدا عن الهموم والآلام ياريت تشوفيلى مكان عندك


تحيـاتى
المصــــــــرى

الجنوبى said...

هناك

كل منا فى حياته هناك يريد بكل شوق ان يذهب اليه والهناك فى حياتى هوا هاتيك الجلسة الهادئة الصباحية تحت هذه النخلة الام ذات الطفلتين

حيث اجلس ممسسكا كتابى راحلا فى عوالم اخرى غير هذة الفجاجة التى نعيش فيها

ياه ما اروع هذه الايام

ربنا يسامح يا سلوى فكرتينى بالذى مضى لكن رغم كل حاجة لازم نحلم ونحب وننتهى ونبتدى من الاخر لازم نعيش

عمرو

The Führer said...

الفكرة جميلة لكن كنت أتمني أن يكون الإخراج أحسن من كدة ، للأمام دائما ، تحياتي

سلوى said...

Mo3Az

فعلا يا معاذ
لو بطلنا نحلم نموت

ربنا يحفظك ويسعدك
تحياتي
********************
almasry

ماشي هشوف لك مكان في الجزيره اللي قبل الجزيرة اللي أنا كنت فيها
بس تروح وتصحى تتفاجئ بشئ أنا ماليش دعوه
إنت حر بقى

إنت نورت المدونه وأسعدتني بتشريفك

سلوى said...

انسان بلا عنوان
حلوة الجلسه دي يا عمرو فعلا
طيب ليه بقت ماضي
إتمسك بالأشياء الحلوة ولا تتركها

أسعدني تواجدك بجد

***********************


أسد جريح
أولا أسعدني تشريفك للمدونه
وإن كنت لا أفهم ما هو المقصود بالإخراج

إلا إني سأحاول أن أحسن من الشكل العام
أشكرك لتواجدك
دمت بكل خير