كل عام وأنتم بخير

العام الهجري الجديد سيبدأ قريبا إن شاء الله
كل عام وحضراتكم بخير
وبصحه وسلام وراحه بال
أنتم وأسركم وكل من حولكم
يارب كل واحد يحقق كل ما يتمنى .. ويوفقه الله لكل ما يحب ويرضى
بس نحاول ونتعب ونسعى
وإن شاء الله ربنا يساعدنا
إخواني سأتغيب عن التدوين الفترة القادمه لظروف العمل
ولكن قبل ذلك
بقى على تاج .. جاءني من الرقيقه سارة أو رحيل
وأيضا نفس التاج جاءني من إخواني ملك الكبده وعلاء سالم
وأنا قلت إني هرد عليه
وها أنا أبدأ التاج التاني


لو مكنتش مصرى بس عربى كانت هتبقى ايه نظرتك للمصرين

واللى بيحصل فى مصر دلوقتى؟

العرب كلهم في كفه واحده وهي كفه الخزي وقلة الحيله
إذا نظرات العرب لبعض تتساوى

لو كنت اوربى او غير مسلم هتبقى ايه نظرتك للعرب والمسلمين؟
أحاول أن أتعرف على تاريخهم ودينهم جيدا
قبل أن أتحدث عنهم وإلا فلا داع للكلام فيما لا أعرف

لو قالوا لك انك بقيت رئيس جمهورية هتعمل ايه؟

أولا سأعلن الجمهوريه مملكه حتى أستطيع أن أورث الحكم كيفما أشاء
دون إعتراضات أو مناقشات
لأ بجد
لا أعلم بالضبط ماذا سأفعل
المهم أنني سأضع نصب عيني أنني سأحاسب عن كل من هم في مسئوليتي
والله المستعان

سمح لك برؤية الرسول صلى وانك هتقول كلمه واحده؟

يا خبر .. أرى الرسول صلى الله عليه وسلم .. وكمان أتكلم
لأ .. أنا عارفه نفسي .. ولا هنطق أصلا

لو كنا فى عصر اذدهار الاندلس كنت تتخيل نفسك ازاى؟
إنسان عادي

لو خطبت واحده او اتخطبتى لواحد واثناء الخطبة اكتشفت او اكتشفتى ان الطرف

الاخر غير قادر على الانجاب هيكون ايه تصرفك؟

لله الأمر من قبل ومن بعد
ثم مين يضمن نفسه ؟

لو طلعت على القمر هتكتب ايه؟
أشهد أن لا إله إلا الله وأشهد أن محمد رسول الله

لو مررت التاج لحد وماجاوبش هتعمل ايه؟

سألتمس لهم الأعذار

..

تمرر التاج لمين؟

لإخواني في مفضلتي
ولكل من يشرف المدونه بتعليقه
ولكل من يريده

في حفظ الله جميعا