الرزق .. حاجات كتيــــــــــر

الرزق مش بس مال ووظيفه زين

وعروسه ولا عريس يملوا العين

وعيال كتير عزوة أو ع الأقل اتنين

الرزق حاجات كتير

مثلا لو قومت الفجر صليت ركعتين

لما تنام وانت مطمن ومش خايف

لما تختم القرآن في الشهر مرة ولا اتنين

وتكون لكل جمال بروحك شايف

لما يكون الحاج والحاجه معاك عايشين

لما قلبك ينبض حب والناس بتدعيلك

وقادر تقول الحق والناس ساكتين

لما يكون معاك جنيه بس في جيبك

تجيب شيكولاتايه

تفرح بها قلب طفل حزين

لما تكون قادر تمشي

وتكون مرتاح مش بتتألم

وبتشوف وتسمع وبتتكلم

لما تسبح أو تستغفر

لما تذكر ربنا وتكبر

الرزق حاجات كتير

وكله بميعاد

فاحمد ربنا كتير

عشان تلاقي رزقك زاد

سبحان الملك

سبحانه ... إذا أعطى أدهش ........

كتابك

نعلم يقيناً أن لكل منا كتابه الخاص .. مدون فيه كل شئ من الميلاد حتى الممات
سنقرأه يوم الحساب ....
لكن صدقاً .. أن من أراد الله به خيراً ألهمه أن يتصفحه في دنياه
ليس فقط أن يتصفحه .. ولكن الأهم أن يكتشف بعين الحق كل الأخطاء فيه
ليمنحه الله تلك الفرصه الرائعه للتوبه .. والبدء من جديد

أنت بخير .. اطمئن

ما دمت تنوى الخير .. فأنت بخير
مادمت تزرع يداك الخير .. ستجنى خير
مادام قلبك ينبض حب .. ستحيا في حب
مادمت تحسن الظن بالله .. ستجد دوما ما تظن
اطمئن
هى فقط معادلات.. مدخلات ومخرجات ...

طلع النهار

قلبي .. بعد الليل الحزين
بعد انتظار .......
طلع النهار ....
وشمسه طلعت ..
نور وزين
تبدر حنين
تبدر فرح
مش بس فرح
ده فرح السنين .....
قلبي اللي كان صابر كتير
عرف معنى
( وبشر الصابرين )

ربنا يهون

كان حزين .......
لكنه ساكت ولا اتكلم
زادوا فوق الحزن حزن
لا صرخ ولا اتألم
ولو زادوا أحزان كمان
برضو صابر
وربنا يهون ......

ابتسم :)

اطوى صفحه أحزانك .. وافرح وهيص

واللي باعك شحته ..... وبالرخيص

ولو فرصه ضاعت منك ... ابتسم

وقول دى كانت شر لازم

وربنا هو المغيث

احمدوا الله على كل شئ فالله يعلم وأنتم لا تعلمون