من تخاريف قلمى

أبيض واسود

في الحقيقه انى ماحبش أنصاف الحلول
ولا أحب أهمش او أعلق في الأمور
أحب الوضوح
وباللي أحس به .. أبوح
ولو غضبانه أو زعلانه.. أقول
... ماعرفش أتكلم معاك
وفيا منك شئ مجروح
ولا اعرف أضحك وابتسم وياك
وانا قلبي بك مدبوح
ولا أعرف ازرع وردتين في سكتك
ولا حتى أقول كلمتين مجامله لحضرتك
ولا هعرف اسمع ضحتك
أو كلمتك
بصراحه مش هقدر اشوف غير قسوتك
أعمل إيه ؟؟
ماعرفش أكون بألف وش
أتكلم وأضحك وأغش
وماعرفش يبقى في قلبي كلام
وماتكلمش
لا ..أتكلم وأقول وماخافش
يا أبيض يا أسود
الألوان عندي أحيانا مابتلونش

********************
لو ينفع ؟؟

لو بس ينفع يعني .. أطير وأغني
زي طيور الصبحيه ♥
رزقي على اللي خلقني
ولا افكر في مين ظلمنى
وسعيده وميه ميه :)
وابنيلي أحلي عش
يادوب بحبة قش
وأكتب عليه من بره
بكره صنوف الغش
واللي في قلبه قسوة
يبعد اوى
لامؤاخذه عايزين نرش :) *_-

****************************************

خليك خفيف
ما تتقلش على حد ولا تحكيله سر يومك
وانسج مــ السعاده توب وخبي به همومك
إيه ذنبهم قولى ؟
ما كله في حياته غيوم
ولا فاكر انك وحدك في الدنيا دي المهموم ؟؟؟
يا صاحبي
... ... خليك خفيف خفيف
تكسب محبتهم
ولو نكتتين حلوين
تبقى أنت فاكهتهم
وعجبي
سلوى