إمبارح .. خير اللهم اجعله خير .. جاتني فكرة غريبه
وصحيت بنفذها
مش عارفه النتيجه هتكون إيه الحقيقه
لكن زي ما ربنا يعمل
سبب الفكرة هي رحيل وخطوبتها .. في الأول قلت لنفسي المفروض نجتمع ونبارك لها
وبسرعه غريبه تطورت الفكرة
وقلت طيب ليه مش نشارك بعض في كل المناسبات
في بينا اللي يعرفوا بعض شخصيا واللي اتقابلوا سواء لعمل خير أو للاجتماعات
طيب نشارك بعض في مناسبات بعض
ونساند بعض معنويا وماديا كمان
فاكرين اللمبي لما حسن حسنى قاله شوف الكراسه الصفرا .. وفعلا الكراسه دي ساعدته إن يتم جوازه
نعمل كراسه صفرا أو اي لون مش مهم
نروح ونبارك وننقط كمان :).. 10 أو 20 جنيه أو أقل أو أكتر
مش هتفرق مع شخص واحد لكن لو اتجمعت هتكون مبلغ كويس ممكن يساعد ولو بعمل طوبه
في البيت الجديد
وده طبعا دين يرد في مناسبه أخري .. آه يعني .. عشان اللي يفكر يهرب بره
هيتحط في البلاك ليست
كمان لو حد لا قدر الله مريض .. نروح ونشوف محتاج إيه .. وكفايه زيارة المريض
دي لوحدها لا تساوى مال
ولو وفاه لا قدر الله نفس الحكايه
نساعد بعض ونكون جنب بعض
نرجع لرحيل وخطيبها مش عارفه لما يقروا الكلام ده هيعملوا فيا إيه :))
بس بجد الفكرة في الأول كانت إني اعمل تجمع في المنصورة عشان نبارك لها وبس
يالا حظك تبقى اول حد نجرب فيه .. نياهاهاها
عموما
العريس والعروسه ممكن يجيبوا تورتايه للمدونين اللي هيجوا
بس ياريت بليز يعني تكون بالشيولاته
وطبعا أنا اللي هوزع على الموجودين ... وابقوا قابلوني .. على رأي كرومبو نياهاهاهاها
المهم صحيت إنهارده وعملت جروب اسمه
أسرة التدوين
وبجد إن شاء الله هحاول أعمل لقاء عشان نبارك لرحيل ونكون معاهم
وطبعا الدعوة عامه وهتبقى لمه
مش عارفه رأيكم إيه
مجنونه .. خياليه .. ممكن
بس بجد ياريت نساند بعض
فالمسلم للمسلم كالبنيان المرصوص
وصحيت بنفذهامش عارفه النتيجه هتكون إيه الحقيقه
لكن زي ما ربنا يعمل
سبب الفكرة هي رحيل وخطوبتها .. في الأول قلت لنفسي المفروض نجتمع ونبارك لها
وبسرعه غريبه تطورت الفكرة
وقلت طيب ليه مش نشارك بعض في كل المناسبات
في بينا اللي يعرفوا بعض شخصيا واللي اتقابلوا سواء لعمل خير أو للاجتماعات
طيب نشارك بعض في مناسبات بعض
ونساند بعض معنويا وماديا كمان
فاكرين اللمبي لما حسن حسنى قاله شوف الكراسه الصفرا .. وفعلا الكراسه دي ساعدته إن يتم جوازه
نعمل كراسه صفرا أو اي لون مش مهم
نروح ونبارك وننقط كمان :).. 10 أو 20 جنيه أو أقل أو أكتر
مش هتفرق مع شخص واحد لكن لو اتجمعت هتكون مبلغ كويس ممكن يساعد ولو بعمل طوبه
في البيت الجديد
وده طبعا دين يرد في مناسبه أخري .. آه يعني .. عشان اللي يفكر يهرب بره
هيتحط في البلاك ليست
كمان لو حد لا قدر الله مريض .. نروح ونشوف محتاج إيه .. وكفايه زيارة المريض
دي لوحدها لا تساوى مال
ولو وفاه لا قدر الله نفس الحكايه
نساعد بعض ونكون جنب بعض
نرجع لرحيل وخطيبها مش عارفه لما يقروا الكلام ده هيعملوا فيا إيه :))
بس بجد الفكرة في الأول كانت إني اعمل تجمع في المنصورة عشان نبارك لها وبس
يالا حظك تبقى اول حد نجرب فيه .. نياهاهاها
عموما
العريس والعروسه ممكن يجيبوا تورتايه للمدونين اللي هيجوا
بس ياريت بليز يعني تكون بالشيولاته
وطبعا أنا اللي هوزع على الموجودين ... وابقوا قابلوني .. على رأي كرومبو نياهاهاهاها
المهم صحيت إنهارده وعملت جروب اسمه
أسرة التدوين
وبجد إن شاء الله هحاول أعمل لقاء عشان نبارك لرحيل ونكون معاهم
وطبعا الدعوة عامه وهتبقى لمه
مش عارفه رأيكم إيه
مجنونه .. خياليه .. ممكن
بس بجد ياريت نساند بعض
فالمسلم للمسلم كالبنيان المرصوص
25 comments:
احجز اول تعليق يا سلوى و بعدين اقرأ
مودتي
يسعد صباحك يا سلوى
الفكرة مش مجنونة بل على العكس فكرة رائعة بتقوي الروابط اللي كانت فكرية و ثقافية و تواصلية عالنت لتبقى علاقات انسانية متميزة
يا ريت كنت معاكم اكيد حشارك بس للاسف
مودتي
قبل ما انسى خلوا لي حقي في التورتاية
هههههههههههههههه
يا جماعة وينكم
يظهر اني حعمل اول احتلال لمدونة
يبقى على بركة الله هنا الانظلاقة
عذرا يا سلوى
الاحتلال رائع بشكل
لا بقا انت غلس يا اسافو
ايه حل علينا و اتركنا على خير
معلش اخر مرة عشان اسلم على حبايبي المدونين
الفكرة جيدة
نتمني أن تتحقق على ارض الواقع
لا شك أن الترابط يؤدي إلى سلوكيات ايجابية كثيرة
تحياتي
فكرة جامدة طبعا
أولا الف الف مبروك لرحيل وخطيبها
مبروك مبروك مبروك
ثانيا بقى التورته والشيكولاته والساقع يا سلااااااااام
أيه فلوس ؟
يهرب برة
كراسه ؟
مش سامعه
يظهر الشبكه وقعت
توووووووووووت
فكرتك حلوة اوى
بس مش خيالية ولا مجنونة
لانها اتعملت من 3 سنين قبل كده
ومودنين وصل عددهم ل 65 مدون اتقابلوا فى الاوبرا ^_^
وعالطول مع بعض فى الحلوة والمرة
ربنا معاكوا ^_^
لولو الله يبارك فيكى ياعمرى وعقبالك يارب
وبعدين هو كل ده عشان اتخطبت اومال لو كنت اتجوزت كنتى عملتي اييييييييييه
جممميل جدا ان احنا نحتفل سوا بس موضوع نقطه والفلوس ده بصراحه محستوش عملى ليه بقى يالولو؟
عشان اصلا اجمل حاجه فى علاقتنا هنا انها فرى وان الامور بينا مش الزامية ولا بينا امور ممكن تحتمل اكتر من معنى
فى ناس مش بتكونى فعلا منهم غير لحظه صدق حقيقيه قوى بينك وبينهم
مش زيف ولا مجاملات ونفاق
ناس كل اللى يجمع بينك وبينهم حب وود صافى قوى بعيد عن امور الواقع اللى ممكن يدخل فيها اغراض دنيويه
جميل ان احنا نفرح لبعض ونحزن لبعض ونساند بعض بشكل معنوى لان ده ممكن نكون مفتقدينه فى الواقع اللى غلب عليه المصالح والروتين فى العلاقات
ويااااااااااااااستى اهو اشوفك بالمره دى لوحدها كفايه عشان انتى نصاااابه وبتزوغى من اللقاءات ومش بعرف اقابلك خالص
انا بفكر نمشيها بنات بس ونبقى براحتنا
ومش هنسى التورته اللى بالشوكلاته اصل انا كمان بحبها كده
يارب افرح بيكى قريب يارب
assafo anaroze
ايه ده
ما شاء الله
اسعدتني بتعليقاتك :)
طبعا أن نتشارك فده شئ جميل جدااااااا
بخصوص التورتايه بقى
كرومبوا قال ايه
ابقوا قابلووني
:))
حاول تفتكرنى
انا كمان اتمنى تنفيذها
اهو مجرد حلم حبيت تشاركوني فيه
راجى
رأي حضرتك مهم جدا طبعا
والمهم ان الفكرة تتنفذ
صفــــــاء
تووت دي بتاعتي
انت بتاعتك
تيييييييت
ماشي يا صفاء :))
ولا هتاخدى ولا فرفوته من التورته
safa7_karmooz
من 3 سنين مكنت لسه اعرف شئ عن التدوين :)
بس جميل انها موجوده
اكيد تحول العالم الألكتروني لعالم واقعي شئ جميل
حضرتك نورت المدونه
دمت بكل الخير
رحــــيـل
كلام جمييييييييل
وده الل انا عايزاه
احنا نجتمع بس وربنا يسهل
والف مبروك يالولو
عايزة تعمليه للبنات بس ؟
ممممممممم
طيب ع الميل ونقرر
فكرة ممتازة جدا....
أنا اشتركت في الجروب طبعا :)
وبما أنني خارج بلدنا المحروسة الحلوة أم عيون جريئة فهذا يعني أنني أكتفي بالمشاركة الوجدانية والتمثيل المشرف
مدونة الكومي
:)
الأساس طبعا هو المشاركه الوجدانيه
ونشارك بعض ونساند بعض
وطبعا بلدنا المحروسه بتسلم عليكي
دمت بكل الخير كيمو
مبروك لرحيل وبارك الله لهما وبارك عليهما وتمم أمورها بالخير والسعادة
و
فكرة جميلة ورائعة
والأروع ان فيه حد من المنصورة زي حالاتي يعني ممكن الموضوع يمشي وياخد خطوات عملية فعلا ولو بلقاء مبدئي ومن ثم تبقى حاجات اجتماعية كلما أمكن
وهناك أماكن مناسبة لاجتماعات مثل هذه مثل مكتبة.....مش فاكر والله اسمها ايه بس اللي هيا امتداد الثانوية وأمام نادي جزيرة الورد
أعتقد مكان جيد ومناسب ولو مرة شهريا
السلام عليكم
دة مش مجرد لقاء زى ما قلتيلى
دة اكبر من كدة وكمان جروب
هى فكرة حلوة طبعا
بس انا افضل يكون لقااءات بنوتاتى بس
الف مبروك لرحيل وربنا يتملها على خير اللهم امين
كلنا معك
يافكارك الجامده
معاكم انا فى الحوار ده
بس شكلى كده هكون من الجماعه بتاعت البلاك لست
salam 3likom salwa
kifk
yarb tkony b5eer
الفكره كتير حلوه هى نفسها فى فيلم اسمه الفرح
بس الف مبروك لرحيل
وعقبال الباقى
وكل عام وانت بخير وعيد مبارك
Post a Comment